A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 26 April 2016

លោក​ហ៊ុន ម៉ាណែត​ហៅ​​ទស្សនកិច្ច​​នៅ​​​អាមេរិក​ថា​ជា​ជោគជ័យ ទោះ​ជា​មាន​បាតុកម្ម​ប្រឆាំង​លោក​ក៏ដោយ


25 មេសា 2016
ពិន ស៊ីសុវណ្ណ

លោក​ឧត្តម​សេនីយ៍​​ ហ៊ុន​ ម៉ាណែត ថ្លែង​ក្នុង​សន្និសីទ​ព័ត៌មាន​មួយ​​នៅ​អាកាសយានដ្ឋាន​អន្តរជាតិ​ភ្នំពេញ​​កាល​ពី​ថ្ងៃ​ច័ន្ទ គឺ​ភ្លាមៗ​​​ក្រោយ​ពី​លោក​បាន​ត្រឡប់​មក​ពី​ទស្សនកិច្ច​ចម្រូងចម្រាស់​មួយ​នៅ​សហរដ្ឋ​អាមេរិក​និង​កាណាដា។ (ហ៊ាន សុជាតា/VOA)
លោក​ឧត្តម​សេនីយ៍​​ ហ៊ុន​ ម៉ាណែត ថ្លែង​ក្នុង​សន្និសីទ​ព័ត៌មាន​មួយ​​នៅ​អាកាសយានដ្ឋាន​អន្តរជាតិ​ភ្នំពេញ​​កាល​ពី​ថ្ងៃ​ច័ន្ទ គឺ​ភ្លាមៗ​​​ក្រោយ​ពី​លោក​បាន​ត្រឡប់​មក​ពី​ទស្សនកិច្ច​ចម្រូងចម្រាស់​មួយ​នៅ​សហរដ្ឋ​អាមេរិក​និង​កាណាដា។ (ហ៊ាន សុជាតា/VOA)


លោក ហ៊ុន ​ម៉ាណែត ​និយាយ​ថា ​លោក​មិន​យល់​ពី​គោលបំណង​បាតុកម្ម​ប្រឆាំង​នឹង​ទស្សនកិច្ច​របស់​លោក​ ហើយ​អះអាង​ថា​ លោក​គ្មាន​ផែនការ​រៀបចំ​បាតុកម្ម​សង​សឹក​វិញ​ទេ​។​
ភ្នំពេញ —

លោក ហ៊ុន ម៉ាណែត​ បាន​ប្រាប់​អ្នក​យក​ព័ត៌មាន​ថា​ មាន​ការ​ផ្សព្វផ្សាយ​ព័ត៌មាន​បំភ្លៃ​ជា​ច្រើន​ថា​ ទស្សន​កិច្ច​របស់​លោក​នៅ​សហរដ្ឋ​អាមេរិក​និង​ប្រទេស​កាណាដាប្រឈម​មុខ​ជា​មួយ​បញ្ហា​ជា​ច្រើន ​ដូចជា​លោក​ត្រូវ​សមត្ថកិច្ច​អាមេរិកឃាត់​ខ្លួន។​ ផ្ទុយ​ទៅ​វិញ​លោក​និយាយ​ថា ទស្សនកិច្ច​របស់​លោក​ទទួល​បាន​ជោគជ័យ ថ្វី​បើ​មាន​បាតុកម្ម​ប្រឆាំង​លោក​ និង​មាន​ព័ត៌មាន​អំពី​ពាក្យ​បណ្តឹង​ប្រឆាំង​លោក​ក្តី។ ​



លោក ​ហ៊ុន ម៉ាណែត​ កូន​ប្រុស​ច្បង​របស់​លោក​នាយករដ្ឋមន្ត្រី ​ហ៊ុន​ សែន​ បាន​ប្រាប់​អ្នក​យក​ព័ត៌មាន​នៅ​អាកាសយានដ្ឋាន​អន្តរជាតិ​ភ្នំពេញ​ នៅ​ថ្ងៃ​ច័ន្ទ​នេះ​ថា​ ទស្សនកិច្ច​របស់​លោក​ទទួល​ជោគជ័យក្នុង​ការ​ទាក់ទាញ​ការ​វិនិយោគទុន​ និង​ទេសចរណ៍​ តាម​រយៈ​ការ​ផ្សព្វផ្សាយឱកាស​វិនិយោគ​ពិព័រណ៍​ផលិតផល​ខ្មែរ​ ​ពិព័រណ៍វប្បធម៌​ ជា​ពិសេស​ ព្យុហយាត្រា​វប្បធម៌​ខ្មែរ​នៅ​ទីក្រុង​ឡុងប៊ិច (Long Beach) ​រដ្ឋ កាលីហ្វ័រញ៉ា (California) ​នៅ​ពេល​បុណ្យ​ចូល​ឆ្នាំ​ ដែល​ក្នុង​នោះមាន​ក្បួន​រាជរថ​ព្រះ​បាទ​ជ័យវរ្ម័ន​ទី៧​ ដែល​លោក​និង​ក្រសួង​វប្បធម៌​បាន​នាំ​យក​ទៅ ​ថ្វី​បើ​លោក​ត្រូវ​បាន​រារាំង​មិន​ឲ្យ​ចូលរួម​ក្តី។​

លោក ហ៊ុន ម៉ាណែត ថ្លែង​ទៅ​កាន់​អ្នក​កាសែត​ថា៖

«សូម្បី​តែ​អ្នក​បំផុស​ប្រឆាំង​ការ​ចូលរួម​របស់​ខ្ញុំ​ក្នុង​ព្យុហយាត្រា​នោះ​ក៏​គាត់​បាន​ថតរូប​ជាមួយ​សម្ភារៈ​នៃ​រាជរថ​ដែល​យើង​នាំ​ទៅ​នោះ។ ​នេះ​វា​បង្ហាញ​ថា ​គាត់​ក៏​មាន​មោទនភាព​អំពី​អ្វី​ដែល​យើង​នាំ​ទៅ​នោះ​ដែរ»។​

លោក ​ហ៊ុន ម៉ាណែត​ ដែល​ជា​នាយរង​សេនាធិការ​ចម្រុះ​នៃ​កង​យោធពល​ខេមរភូមិន្ទ​បាន​អះអាង​ថា អ្នក​ធ្វើបាតុកម្ម​ប្រឆាំង​ទស្សនកិច្ច​របស់​លោក​មាន​ចំនួន​តិច​ជាង​អ្នក​អបអរសាទរ​ទស្សនកិច្ច​នេះ។​ លោក​និយាយ​ថា ​មន្ត្រី​សន្តិសុខ​អាមេរិក​បាន​ធ្វើការ​ការពារ​សន្តិសុខ​ដល់​រូប​លោក​ ដែល​ជា​កិត្តិយស​សម្រាប់​លោក។

ក្រៅ​ពី​នេះ​ មាន​ព័ត៌មាន​បំភ្លៃ​បែប​អវិជ្ជមាន​ជាច្រើន ដូច​ជា​លោក​ត្រូវ​សមត្ថកិច្ច​អាមេរិក​ឃាត់ខ្លួន​ និង​មាន​ពាក្យ​បណ្តឹង​របស់​ភរិយា​របស់​លោក​ មាជ សុវណ្ណារ៉ា​ដែល​ចោទ​លោក​ពី​បទភេរវកម្ម។ ទោះ​ជា​យ៉ាង​ណាក្តី​លោក​ ហ៊ុន ម៉ាណែត ​បន្ត​ថា ​លោក​មិន​ឃើញ​ពាក្យ​បណ្តឹង​នេះ​ជា​ផ្លូវការ​នៅ​ឡើយ។

«ប៉ុន្តែ​ខ្ញុំ​គា្រន់​តែ​ឮ​តាម​ព័ត៌មាន​ថា​ មាន​ការ​ប្តឹង​ខ្ញុំ ​ប៉ុន្មាន​ចំណុច​នោះ​រួម​ទាំង​ភេរវកម្ម​អន្តរជាតិ។ បាទ​ ហើយ​ខ្ញុំ​កប់​យោបល់​អំពី​រឿង​ហ្នឹង​ ព្រោះ​ជ្រុល​ជា​ប្តឹង​ដាក់​រឿង​ស្អី​ឲ្យ​វា​សម​ហេតុផល​បន្តិច​ទៅ!»​

លោក​ក៏​បដិសេធ​ព័ត៌មាន​ដែល​ថា ​អង្គរក្ស​ម្នាក់​របស់លោក​បាន​វាយ​ជនជាតិ​អាមេរិក​ម្នាក់​ និង​ព័ត៌មាន​ដែលថា ​លោក​នាំអង្គរក្ស​៥០នាក់ទៅ​ជាមួយ។ ​លោក​និយាយ​ថា​ អ្នក​ដែល​រួម​ដំណើរ​ជា​មួយ​លោក​គឺ​ជា​ក្រុម​ការងារ​មកពី​ក្រសួង​នានា ដែលប្រើប្រាស់​ថវិកា​ផ្ទាល់​ខ្លួន​ក្នុង​ដំណើរ​ទស្សនកិច្ច​នេះ។

លោក ហ៊ុន ម៉ាណែត បញ្ជាក់​ថា៖

«ខ្ញុំ​អត់​ដឹង​ថា​ មាន​ហេតុ​អី​ទេ ​គ្រាន់​តែ​ឮ​ថា ​មាន​មនុស្ស​ដួល​ បាទ។​ រឿង​អីៗ​យ៉ាង​ម៉េច ​អាហ្នឹង​រឿង​តុលាការ​ ខ្ញុំ​សុំ​មិន​និយាយ​ ព្រោះ​វា​អត់​ទាន់​មាន​អ្វី​ដែលកើត​ឡើង។​ ចាំ​ពេល​ករណី​ហ្នឹង​វា​កើត​ ​តុលាការ​ចេញ​មក​ ចាំ​យើង ​ខ្ញុំ​នឹង​ផ្តល់​ចម្លើយ​នៅ​ពេល​នោះ​ថា​ តើ​ធ្វើ​យ៉ាង​ម៉េច?»​

លោក ​ហ៊ុន ម៉ាណែត​ បាន​សន្និដ្ឋាន​ថា ​បាតុកម្ម​ប្រឆាំង​លោក​នៅ​គ្រប់​កន្លែង​ដែល​លោក​ទៅ​ទស្សន​កិច្ចនោះ​គឺ​រៀបចំ​ដោយ​សកម្មជន​គណបក្ស​សង្គ្រោះ​ជាតិ។​ តែ​លោក​មិន​ដឹង​ថា មាន​ការ​បញ្ជា​ពី​ថ្នាក់​ដឹកនាំ​គណបក្ស​ ឬ​យ៉ាង​ណា​ទេ។​

លោក​និយាយ​ថា ​លោក​មិន​យល់​ពី​គោលបំណង​បាតុកម្ម​ប្រឆាំង​នឹង​ទស្សនកិច្ច​របស់​លោក​ ដោយ​មានការ​លាប​ពណ៌​ ជេរ​ប្រមាថ​អ្នក​គាំទ្រ​វត្តមាន​របស់​លោក សូម្បី​តែ​នៅ​ក្នុង​វត្ត។​ ទោះជា​យ៉ាង​ណា​ក្តី ​លោក​និយាយ​ថា​ លោក​គ្មាន​ផែនការ​រៀបចំ​បាតុកម្ម​សង​សឹក​វិញ​ទេ​ ព្រោះ​មិន​ចំណេញ​ចំពោះ​ប្រទេស​ជាតិ។

ក៏ប៉ុន្តែ​លោក​ ទូច វិបុល​ ប្រធាន​មូលនិធិ​សង្គ្រោះ​ជាតិ​នៅ​ស.រ.អា.បាន​និយាយ​ថា ការ​លើក​ឡើង​របស់​លោក ហ៊ុន ម៉ាណែត ដែល​លោកបាន​ឃើញ​តាម​រយៈ​បណ្តាញ​សង្គម​ Facebook ​នោះ​មិន​បង្ហាញការណ៍​ពិត​ទេ។​ ​

លោក ហ៊ុន ម៉ាណែត​ និយាយ​ថា ​លោក​មាន​គោល​បំណង​ស្វែង​យល់​ពី​ទស្សនៈ​ខុសគ្នា​របស់​ពលរដ្ឋ​ខ្មែរ​នៅ​ក្រៅ​ប្រទេស​ និង​ស្វែង​រក​ចំណុច​រួម។ លោក​និយាយ​ថា តំណាង​ម្នាក់​របស់អ្នក​ប្រឆាំង​បាន​បិទ​ផ្លូវ​ចរចា​ដោយ​ដាក់​លក្ខខណ្ឌ​ថា ឲ្យ​លោក ហ៊ុន សែន​ ចុះ​ពី​តំណែង​ឲ្យ​ ហ៊ុន ម៉ាណែត​ ចុះ​ពី​តំណែង។ ​ការ​ចរចា​មាន​ភាព​តានតឹង ​នៅ​ពេលដែល​នៅ​ពេល​មាន​ការ​ខ្វែង​គំនិត​គ្នា ជា​ពិសេស​អំពី​វត្តមាន​របស់​លោក​នៅ​ក្នុង​ក្បួន​ព្យុហយាត្រា​បុណ្យ​ចូល​ឆ្នាំ​ខ្មែរ។​

​បាតុករ​ដែល​ប្រឆាំង​នឹង​ទស្សនកិច្ច​លោក ​ហ៊ុន ម៉ាណែត នៅ​ស.រ.អា.បាន​ប្រាប់ ​VOA​ នៅ​ពេល​នោះ​ថា៖​

«គោល​បំណង​របស់​ខ្ញុំ​គឺ​សូម​ជម្រាប​ទៅ​លោក​ ហ៊ុន​ ម៉ាណែត ​ថា ​មិន​បាច់​មក​បង្រួបបង្រួម​ខ្មែរ​នៅ​ស្រុក​អាមេរិក​ទេ។​ ខ្មែរ​ស្រុក​អាមេរិក​គឺ​ថា​ គេ​មាន​ប្រជាធិបតេយ្យ​គ្រប់គ្រាន់​អស់​ហើយ។​ ដូច្នេះ​បង្រួបបង្រួម​ស្រុក​ខ្មែរ​សិន​ទៅ!​ ស្រុក​ខ្មែរ​អត់​ដី​ហើយ​ វ៉ៃ​ខ្មែរ​ដាក់​គុក»។​

បាតុករ​ម្នាក់​ទៀត​បាន​បន្ថែម​ថា៖

«គាត់​មក​នេះ​គឺ​បម្រុង​បំបែក​បំបាក់​ខ្មែរ​ទី​មួយ​ គឺ​ផ្នែក​នយោបាយ។​ មុន​នឹង​ពេល​បោះឆ្នោត​គឺ​គាត់​ត្រូវតែ​មក​ឃោសនា​ខែ្មរ​នៅ​ក្រៅ​ប្រទេស​ ដើម្បី​យក​សំឡេង​ឆ្នោត​នៅ​ក្នុង​គណបក្ស​របស់​គាត់»។​

លោក​ ហ៊ុន ម៉ាណែត​ ក៏​បាន​ឲ្យ​ដឹង​ដែរ​ថា ​គណបក្ស​ប្រជាជន​កម្ពុជា​បាន​ពង្រីក​ការ​គាំទ្រ​នៅ​ក្រៅ​ប្រទេស ថ្វី​ប្រព័ន្ធ​បោះឆ្នោត​សមាមាត្រ​នៅ​ប្រទេស​កម្ពុជាមិន​អនុញ្ញាត​ពួកគេ​អាច​បោះឆ្នោត​ក៏ដោយ។​ លោក​និយាយ​ថា​ ការ​ពង្រីក​នេះ​គឺ​ដើម្បី​ផ្សព្វផ្សាយ​ឲ្យ​ជនជាតិ​ខ្មែរ​នៅ​ក្រៅ​ប្រទេស​ដឹង​ពី​សភាព​ការណ៍​ពិតនៅ​កម្ពុជា​និង​ការ​រីក​ចម្រើន​របស់​ប្រទេស​ជាតិ។

លោក​ ហ៊ុន ម៉ាណែត ​ដែល​មាន​អ្នក​ទទួល​ជាង​៣០០​នាក់​នៅ​អាកាសយានដ្ឋាន​ភ្នំពេញ ​មិន​ទាន់​សម្រេច​ចិត្ត​ថា ​នឹង​ឈរ​ឈ្មោះ​ជា​បេក្ខជន​នាយករដ្ឋមន្ត្រី​បន្ត​ពី​ឪពុក​របស់​លោក​ទេ ​នៅ​ពេល​ដែល​ឪពុក​របស់​លោក​កំពុង​ធ្វើ​កំណែ​ទម្រង់​បញ្ចូល​មនុស្ស​ជំនាន់​ថ្មី​ក្នុង​រដ្ឋាភិបាល។

លោក​ ហ៊ុន ម៉ាណែត ​បាន​បញ្ចប់​ការ​សិក្សា​ពី​សាលា​បណ្ឌិត​សភា​យោធា​ West Point ​របស់​សហរដ្ឋ​អាមេរិក​ក្នុង​ឆ្នាំ​១៩៩៩ ​ហើយ​លោក​បាន​ទទួល​សញ្ញាប័ត្រ​បណ្ឌិត​ខាង​សេដ្ឋកិច្ច​ពី​សាកលវិទ្យាល័យ​ Bristol របស់​ចក្រភព​អង់គ្លេស​ក្នុង​ឆ្នាំ​២០០៧៕

1 comment:

Anonymous said...

To Lieutenant General and PhD Holder Hun Manet,

If YOU did not know why the Khmer people near and far are against you and / or your father, then
do surrender your PhD degree and get educated.

By the way, as you may have known West Point offers special programs coordinated by the CIA for some selected foreign governments. The standards and the scopes of the curriculum are lower.
Likewise Bristol University is nothing either to brag about.

You MUST learn and resolve the root causes of Khmer problems, should you wish to change your legacy.