ដោយ ប្រាជ្ញ ចេវ
2016-02-11 rfa
 |
ប្រធានស្ដីទីគណបក្សសង្គ្រោះជាតិ លោក កឹម សុខា ថ្លែងក្នុងវេទិកាជួបជាមួយថ្នាក់ដឹកនាំមូលដ្ឋាន ស្ថិតនៅភូមិត្រកួន ឃុំអង្គួញដី ស្រុកកំពង់សៀម ខេត្តកំពង់ចាម នៅថ្ងៃទីអាទិត្យ ទី១៧ ខែមករា ឆ្នាំ២០១៦។ RFA/Brach Chev |
ប្រធានស្ដីទីគណបក្សសង្គ្រោះជាតិ លោក កឹម សុខា ថ្លែងប្រាប់ពលរដ្ឋក្នុងខេត្តបន្ទាយមានជ័យ នៅថ្ងៃទី១២ ខែកុម្ភៈ នេះថា លោករងការគំរាមកំហែងរាល់ថ្ងៃ ប៉ុន្តែលោកមិនប្រាប់ថា អ្នកណាដែលជាអ្នកគំរាមកំហែងលោកនោះទេ។
លោកថា ការគំរាមកំហែងនេះធ្វើឲ្យលោកឈឺចាប់ ប៉ុន្តែលោកមិនតបតដោយហិង្សា ឬធ្វើបាតុកម្មប្រឆាំងវិញនោះទេ។
លោក កឹម សុខា អះអាងថា លោកនៅតែបន្តអត់ធ្មត់ ដើម្បីដណ្ដើមជ័យជំនះក្នុងការបោះឆ្នោត ក្នុងឆ្នាំ២០១៨ ខាងមុខ។ លោក កឹម សុខា បញ្ជាក់ថា បើគណបក្សសង្រ្គោះជាតិឈ្នះឆ្នោតខាងមុខ នោះគណបក្សលោកនឹងរក្សាសន្តិភាព ផ្សះផ្សាជាតិ និងបង្រួបបង្រួមជាតិ ដោយមិនយកខ្មែរណាមួយជាសត្រូវឡើយ។
ការលើកឡើងរបស់លោក កឹម សុខា នៅពេលនេះ បន្ទាប់ពីលោក ហ៊ុន សែន ប្រកាសថា នឹងមានបាតុកម្មប្រឆាំងបាតុកម្ម ខណៈពលរដ្ឋខ្មែរនៅសហរដ្ឋអាមេរិក ថានឹងធ្វើបាតុកម្មប្រឆាំងលោក ហ៊ុន សែន នៅថ្ងៃទី១៥ ខែកុម្ភៈ ក្នុងកិច្ចប្រជុំកំពូលអាមេរិក-អាស៊ាន។
កាលពីចុងឆ្នាំ២០១៥ នៅពេលមានបាតុកម្មប្រឆាំងលោក ហ៊ុន សែន នៅប្រទេសបារាំង ស្រាប់តែនៅកម្ពុជា ក៏មានបាតុកម្មពីអ្នកគាំទ្រ គណបក្សប្រជាជន ទាមទារលោក កឹម សុខា ចុះចេញពីតំណែងអនុប្រធានទី១នៃរដ្ឋសភា ដែលឈានទៅដល់ប្រើហិង្សា បណ្ដាលឲ្យតំណាងរាស្ត្របក្សសង្រ្គោះជាតិ ពីររូបរងរបួសធ្ងន់ និងហ៊ុំព័ទ្ធផ្ទះលោកនៅទួលគោក ដោយគប់ដុំថ្មចូលផ្ទះរបស់លោកផង។
សូមរង់ចាំអាន និងស្ដាប់ព័ត៌មានពិស្ដារ...
No comments:
Post a Comment