អ្នកវិភាគនយោបាយឯករាជ្យនិងមន្ត្រីសង្គមស៊ីវិល និយាយថា មន្ត្រីរដ្ឋាភិបាលកម្ពុជា មិនគួរមើលស្រាលលិខិតរបស់សមាជិកព្រឹទ្ធសភាអាមេរិក៧រូប ដែលបានផ្ញើមកលោកនាយករដ្ឋមន្ត្រី ហ៊ុន សែន នោះទេ។
 |
| លោកនាយករដ្ឋមន្ត្រី ហ៊ុន សែន និងគណៈប្រតិភូកម្ពុជាស្ថិតនៅក្រុងហុងកុងដើម្បីបន្តដំណើរទៅសហរដ្ឋអាមេរិកដើម្បីចូលរួមកិច្ចប្រជុំកំពូលអាស៊ាន-អាមេរិកនៅទីរមណីយដ្ឋាន Sunnylands រដ្ឋកាលីហ្វ័រញ៉ា។ (ថតពីទំព័រហ្វេសប៊ុក Samdech Hun Sen, Cambodian Prime Minister) |
ពិន ស៊ីសុវណ្ណ
15 កុម្ភៈ 2016
ភ្នំពេញ—voa
លោកនាយករដ្ឋមន្ត្រី ហ៊ុន សែន បានចាកចេញពីអាកាសយានដ្ឋានអន្តរជាតិភ្នំពេញ តាមយន្តហោះពិសេសរបស់រដ្ឋាភិបាល ដើម្បីទៅចូលរួមកិច្ចប្រជុំកំពូលអាស៊ាន~អាមេរិក រយៈពេល២ថ្ងៃ នៅរមណីយដ្ឋាន សាន់នីលែន (Sunnylands) រដ្ឋកាលីហ្វ័រញ៉ា (California) សហរដ្ឋអាមេរិក។
ក្រោយពីបានជួបនិងចាប់ដៃជាមួយមន្ត្រីរដ្ឋាភិបាលជាន់ខ្ពស់ទាំងខាងស៊ីវិល និងយោធាជាង១០រូប ដែលបានជូនដំណើរលោកនោះ លោកនាយករដ្ឋមន្ត្រី បានឡើងយន្តហោះ ដែលចេញដំណើរនៅម៉ោង៧ព្រឹកថ្ងៃអាទិត្យ ដោយមិនបានផ្ដល់អត្ថាធិប្បាយដល់អ្នកយកព័ត៌មាន នៅព្រឹកព្រលឹមថ្ងៃទី១៤ខែ កុម្ភៈ នេះទេ។
អ្នកវិភាគនយោបាយឯករាជ្យនិងមន្ត្រីសង្គមស៊ីវិល និយាយថា មន្ត្រីរដ្ឋាភិបាលកម្ពុជា មិនគួរមើលស្រាលលិខិតរបស់សមាជិកព្រឹទ្ធសភាអាមេរិក៧រូប ដែលបានផ្ញើមកលោកនាយករដ្ឋមន្ត្រី ហ៊ុន សែន នោះទេ។
មន្ត្រីរដ្ឋាភិបាលបានអះអាងថា ពួកគេបានបញ្ជូនលិខិតនោះតាមអ៊ីមែលត្រឡប់ទៅវិញ ដោយមិនអានខ្លឹមសារលិខិតនោះទេ។
លោក អ៊ូ វីរៈ នាយកវេទិកាអនាគត ឬ Future Forum ដែលសិក្សាអំពីគោលនយោបាយក្នុងប្រទេសកម្ពុជា ប្រាប់ VOA ថា ប្រតិកម្មរបស់រដ្ឋាភិបាលនេះ ផ្ទុយពីគោលនយោបាយការទូតរបស់ខ្លួន។
លោកនិយាយថា ទោះជាប្រទេសមានសង្គ្រាមនឹងគ្នា ក៏គេត្រូវមើល ហើយពិចារណាសាររបស់ភាគីម្ខាងទៀតដែរ។
អ្នកវិភាគនយោបាយរូបនេះ ក៏បាននិយាយដែរថា រដ្ឋាភិបាលកម្ពុជាគួរទទួលសារនោះ ហើយបំភ្លឺទៅតាមការយល់ឃើញរបស់រដ្ឋាភិបាល។
«ការធ្វើបែបហ្នឹង គឺខ្ញុំមើលទៅ ខ្ញុំសោកស្ដាយមែនទែន! រឿងអាណិត យើងអាណិតតែជាតិទេ។ យើងអាណិតប្រទេសជាតិយើង។ យើងចង់បានកិត្តិយស»។
2 comments:
It looks like Mer Thmub ( Hun Sen ) walking !!
Re: http://truth2power-media.blogspot.com/search?q=exit+strategy+for+hun+sen
Hun Sen will go nowhere until either one of his son [partly educated in the West] takes over the Premiership of Cambodia. By then, Hun Sen will be free of any wrongdoing [if any at all] during his thirty long years of terror and dictatorship reign under Vietnam's protectorate. For now and ever, any opposition party will not stand a chance since Cambodia has been almost completely Vietnamized and the Vietnamese has made up the majority of the Killing Fields population replenishment already. The current CPP majority regime in Phnom Penh is nothing but a mere Hanoi's satellite government from top to bottom, and at every twist and turn...Ho Chi Minh dream of the Federation of Indochina comes true just as the Khmer people has been fearful of and helpless to prevent it from happening...
Very sadly yours,
Kal/ខាល
Post a Comment