ដោយ ប្រាជ្ញ ចេវ និង អ៊ុង សេរីវុទ្ធ
2016-01-07 rfa
 |
លោកនាយករដ្ឋមន្ត្រី ហ៊ុន សែន ថ្លែងក្នុងពិធីខួប៧មករា លើកទី៣៧ នៅថ្ងៃទី៧ ខែមករា ឆ្នាំ២០១៦។ RFA/Brach Chev |
លោកនាយករដ្ឋមន្ត្រី ហ៊ុន សែន ប្រកាសឈប់កំណត់ថា ប្រធានគណបក្សនយោបាយទាំងអស់ត្រូវតែមានសញ្ជាតិតែមួយទៀតហើយ បន្ទាប់ពីលោកចង់ធ្វើច្បាប់នេះ ដើម្បីកុំឲ្យអ្នកនយោបាយមួយចំនួនកាន់ទិដ្ឋាការរត់ចោលស្រុក ឬបរទេសអន្តរាគមន៍មកកម្ពុជា ពេលមានរឿងកើតឡើង។
លោក ហ៊ុន សែន ថ្លែងបែបនេះ ក្នុងពិធីខួប៧មករា លើកទី៣៧ នៅព្រឹកថ្ងៃទី៧ មករា ២០១៦។ លោកអះអាងថា បក្សរបស់លោកគឺជាបក្សធំ នឹងមិនខ្លាចបក្សតូចៗដទៃ ក្នុងការប្រកួតប្រជែងពេលបោះឆ្នោតឡើយ៖ «អ្នកនយោបាយទាំងអស់ ចង់មានសញ្ជាតិ១០ ក៏អាចធ្វើជាប្រធានបក្សនយោបាយបានដែរ»។
កាលពីថ្ងៃទី២៨ ធ្នូ ២០១៥ លោក ហ៊ុន សែន ប្រកាសថា គណបក្សប្រជាជនកម្ពុជា នឹងធ្វើច្បាប់កំណត់ប្រធានគណបក្សនយោបាយ និងស្ថាប័នមួយចំនួន ឱ្យមានសញ្ជាតិតែមួយ ព្រោះបច្ចុប្បន្ន មានច្បាប់មួយរួចទៅហើយ គឺប្រធាន និងសមាជិកគណៈកម្មាធិការជាតិរៀបចំការបោះឆ្នោត ត្រូវតែជាសញ្ជាតិខ្មែរតែមួយ៖ «អ៊ីចឹងត្រូវរៀបចំប្រធានក្រុមប្រឹក្សាធម្មនុញ្ញ ប្រធានរដ្ឋសភា ប្រធានព្រឹទ្ធសភា ប្រធានតុលាការកំពូល អគ្គព្រះរាជអាជ្ញាអមតុលាការកំពូល ត្រូវសញ្ជាតិខ្មែរទាំងអស់ រាប់អគ្គសវនករ ប្រធានក្រុមប្រឹក្សាប្រឆាំងអំពើពុករលួយត្រូវសញ្ជាតិខ្មែរទាំងអស់»។
យ៉ាងណាក៏ដោយ មន្ត្រីជាន់ខ្ពស់បក្សកាន់អំណាច និងតំណាងរាស្ត្ររដ្ឋសភាបក្សនេះ លោក ឈាង វុន ក៏បានប្រកាសគាំទ្រច្បាប់នេះដែរ បើច្បាប់តម្រូវឲ្យតំណាងរាស្ត្រមានសញ្ជាតិតែមួយ។ លោកថា លោកសុខចិត្តលះបង់សញ្ជាតិបារាំងរបស់លោក ដើម្បីស្របតាមការចង់បានរបស់ប្រមុខរដ្ឋាភិបាល។
ប៉ុន្តែមន្ត្រីបក្សប្រឆាំងវិញ ហៅការប៉ុនប៉ងធ្វើច្បាប់បែបនេះថា ជាការរើសអើង ហើយគណបក្សលោក មិនគាំទ្រការធ្វើវិសោធនកម្មច្បាប់បែបនេះទេ។
សូមរង់ចាំអាន និងស្ដាប់ព័ត៌មានពិស្ដារក្នុងកម្មវិធីផ្សាយរបស់យើង...
1 comment:
ពួកឆ្កែ៧មករា ខំព្រុះដើម្បីយួន ខ្មែរអើយ ពួក៧មករាគួរប្រើខួរក្បាល អ្វីធ្វើដើម្បីយួន អ្វីធ្វើដើម្បីខ្មែរ គ្រាន់តែបុ៉ន្នឺងមើលមិនឃើញ យួនទន្ទ្រានចូលជិតដល់ក្រោយផ្ទះនៅផាស្រុក ខ្មែរគ្មានម្នាក់ទេ ដូចអាមួយក្បត់ជាតិឈ្មោះ អេង រិទ្ធី អានោះមែ៉ឪវាប្រហែលជាពូជក្បត់គ្រប់ដំណរ ដូចជា ហុ៊នសែន,ហេង សំរិន,ជា សីុម,សាយ ឈុំ,ជាម យៀប,ឈាង វុន,ផៃ សូីផាន,សុខ ទូច,ពួក ដំណាងរាស្ស បក្សប្រជាជន នឹងអ្នកគាំទ្រCPPទាំងអស់សុទ្ធតែជាពួកពូជក្បត់ជាតិតាំអពីអតីតកាលទាំងអស់ ។
Post a Comment