Fri, 15 January 2016 ppp
វង្ស សុខេង
 |
| លោកនាយករដ្ឋមន្ត្រី ហ៊ុន សែន និងភរិយារបស់លោកចូលរួមជាអធិបតីក្នុងកម្មវិធីមួយនៅសប្តាហ៍នេះ។ រូបថតពីហ្វេសប៊ុករបស់លោកផ្ទាល់ |
ភ្នំពេញៈ លោកនាយករដ្ឋមន្រ្តី ហ៊ុន សែន កាលពីម្សិលមិញបានប្រើហ្វេសប៊ុករបស់លោកលាតត្រដាងពីជីវិតផ្ទាល់ខ្លួនដែលបានកាន់អំណាចរយៈពេល ៣១ ឆ្នាំមកហើយដែលបានចាប់ផ្តើមនៅអាយុ ៣២ ឆ្នាំនៅពេលដែលលំបាក។
លោកនាយករដ្ឋមន្រ្តីបានសរសេរថា៖ «ខ្ញុំក្លាយខ្លួនជានាយករដ្ឋមន្ត្រីក្នុងវ័យ ៣២ ឆ្នាំ និងស្ថិតក្នុងស្ថានភាពប្រទេសជាតិមានសន្តិភាពផង និងមានសង្គ្រាមផង។ កូនៗរបស់ខ្ញុំនៅតូចៗណាស់ហើយអាយុខុសគ្នាតែ ១ ឆ្នាំៗព្រោះភរិយាខ្ញុំកូនញឹកមួយឆ្នាំកូន ១។ មានតែ ម៉ាណែត មួយទេដែលអាយុច្រើនជាងប្អូនបន្ទាប់ ៤ ឆ្នាំតែក៏មិនទាន់ចេះមើលប្អូនដែរ»។
លោកនាយករដ្ឋមន្រ្តីបានបន្តរៀបរាប់ថាមានមនុស្ស ៧ នាក់រស់នៅក្នុងបន្ទប់មួយម្តាយ ឪពុក និងកូន ៥ នាក់ហើយលោកត្រូវរៀបចំទឹកដោះគោឲ្យកូននៅពេលដែលប្រពន្ធលោកមិននៅដោយសារតែគ្រួសារទាំងមូលគ្មានអ្នកបម្រើ។
លោកបានបន្តថា នៅពេលចាកចេញទៅក្រៅប្រទេសជាពិសេសក្នុងរយៈពេលនៅបារំាងគ្មានមន្រ្តីនៅអមប្រពន្ធលោកទេហើយពេលខ្លះប្រពន្ធលោកគ្មានអ្វីហូបទេដោយសារតែមិនចេះភាសាហើយនៅតែសណ្ឋាគារ។
លោក ហ៊ុន សែន បានថ្លែងថាលោក និងភរិយាបានយកចិត្តទុកដាក់លើកូន និងបោកហាលកន្ទេល ពូក និងខ្នើយដោយខ្លួនឯងបន្ទាប់ពីកូនៗនោមដាក់នៅពេលយប់។
លោកបានសរសេរទៀតថា៖ «គ្រួសារខ្ញុំមិនមានអ្នកបម្រើ ឬមេដោះទេ។ ប្តីប្រពន្ធរបស់យើងបានថែទាំកូនៗដោយខ្លួនឯង។ យប់ខ្លះកូននោមដាក់ និងរាល់ពេលព្រឹកតែងតែសម្អាតគ្រែ កន្ទេល បោកភួយ ហាលខ្នើយ។ល។ ព្រោះកូនខ្ញុំ ២ នាក់តែងតែនោមយប់»។
លោកនាយករដ្ឋមន្រ្តីបានរំពឹងពីការឆុងទឹកដោះគោខ្លួនឯងឲ្យកូនស្រីខណៈដែលកំពុងជាប់រវល់ដាំទឹកឆុងទឹកដោះគោ កូនប្រុសរបស់លោក ម៉ានិត បានមក និងញ៉ាំម្សៅទឹកដោះគោអស់។
លោកបានថ្លែងថាគ្រួសាររបស់លោករស់នៅក្រោមដំបូលលិចហើយពេលភ្លៀងម្តងៗលោកត្រូវយកប្លាស្ទិកមកគ្របកូន។
លោកបានបន្តថា៖ «រហូតដល់ឆ្នាំ ១៩៩៤ ទើបដំបូលផ្ទះខ្ញុំឈប់លិច។ នេះជាជីវភាពពិតប្រាកដរបស់នាយករដ្ឋមន្ត្រីដែលបានស្ថិតក្នុងតំណែងរយៈពេល ៣១ ឆ្នាំនាថ្ងៃនេះ។ ៣១ ឆ្នាំមុនគឺនៅថ្ងៃទី ១៤ ខែមករា ឆ្នាំ ១៩៨៥ នោះហើយដែលរដ្ឋសភាបានបោះឆ្នោតជ្រើសរើសខ្ញុំព្រះករុណាខ្ញុំជាប្រធានក្រុមប្រឹក្សារដ្ឋមន្ត្រី (នាយករដ្ឋមន្ត្រី) នៃរដ្ឋាភិបាលសាធារណរដ្ឋប្រជាមានិតកម្ពុជា»។ បន្ទាប់ពីការបំពេញភារកិច្ចជារដ្ឋមន្ត្រីការបរទេសជាឧបនាយករដ្ឋមន្ត្រី និងជារដ្ឋមន្ត្រីការបរទេសរយៈពេល ៦ ឆ្នាំហើយក៏បានបំពេញមុខនាទីជានាយករដ្ឋមន្ត្រីស្តីទីប្រមាណជាង ៣ ខែ»។
លោក ហ៊ុន សែន បានសម្តែងមោទនភាពចំពោះការបោះឆ្នោតដោយរដ្ឋសភានៅពេលនោះដែលគាំទ្រលោក ១០០ ភាគរយដោយគ្មានការតវ៉ាអនុប្បវាទ និងសន្លឹកឆ្នោតអសាបង់ខណៈដែលនាយករដ្ឋមន្រ្តី ២ នាក់មុនយ៉ាងហោចណាស់មានសន្លឹកឆ្នោត ៥ សំឡេងប្រឆាំងពួកគេ។
លោកឲ្យដឹងទៀតថា៖ «កម្លាំងគាំទ្រដ៏ខ្លាំងបែបនេះហើយទើបធ្វើឱ្យខ្ញុំសម្រេចបាននូវរបៀបវារៈនយោបាយដែលប្រជាជនកម្ពុជាបាននិងកំពុងទទួលផលរហូតដល់សព្វថ្ងៃនេះ។ ខ្ញុំបាននិយាយទៅកាន់រដ្ឋសភាថា (មិនត្រូវទុកឱ្យប្រជាជនណាម្នាក់ស្លាប់ដោយអត់បាយដោយយើងមិនបានដឹង និងមិនបានដោះស្រាយនោះឡើយ) ។
លោកបន្តថា ការបញ្ចេញនេះដោយសារតែបងប្អូនខ្លះអាចយល់ខុសពីរបៀបរស់នៅរបស់ខ្ញុំតែនេះក៏ជាមេរៀនមួយដែលខ្ញុំរក្សាបាននូវឥទ្ធិពលដឹកនាំរយៈពេលវែងជោគជ័យក្នុងការបណ្តុះបណ្តាលកូនតាមរយៈភាពជិតស្និទ្ឋ។
លោកបានផ្តាំកូន ក្មួយ បងប្អូនពេលមានឋានៈខ្ពស់ត្រូវដាក់ខ្លួនបម្រើប្រជាជនកុំវាយឫកខុសរបៀប៕ TK
No comments:
Post a Comment