ដោយ អ៊ុង សេរីវុទ្ធ
2015-12-11 rfa
 |
| ពលការិនី ៤នាក់ ត្រូវបានជួយសង្គ្រោះពីប្រទេសម៉ាឡេស៊ី មកដល់អាកាសយានដ្ឋានអន្តរជាតិភ្នំពេញ នៅព្រឹកថ្ងៃទី៩ សីហា ឆ្នាំ២០១៥។
RFA/Brach Chev
|
នារីខ្មែរ ៨នាក់ ត្រូវបានស្ថានទូតខ្មែរនៅបរទេសជួយនៅប្រទេសម៉ាឡេស៊ី និងប្រទេសចិន ដើម្បីនាំមកកម្ពុជាវិញ។
អ្នកនាំពាក្យក្រសួងការបរទេសកម្ពុជា លោក ជុំ សុន្ទរី ឲ្យដឹងថ្ងៃទី១១ ខែធ្នូ ថា នារីខ្មែរទាំង ៨រូបនោះ មាន ៥រូបត្រូវបានចាញ់បោកមេខ្យល់ និងតាមរយៈក្រុមហ៊ុនបម្រើតាមផ្ទះ និងជាអ្នកបោសសម្អាតនៅប្រទេសម៉ាឡេស៊ី។ ចំណែកនារី ៣នាក់ទៀត ត្រូវបានមេខ្យល់បោកទៅរៀបការជាមួយបុរសជនជាតិចិន។
ក្រុមនារីពីប្រទេសម៉ាឡេស៊ី នឹងត្រឡប់មកដល់កម្ពុជា នៅថ្ងៃទី១២ ខែធ្នូ ឯក្រុមនារីពីប្រទេសចិន នឹងត្រឡប់មកដល់កម្ពុជា នៅថ្ងៃទី១៦ ធ្នូ តាមអាកាសយានដ្ឋានអន្តរជាតិភ្នំពេញ។
របាយការណ៍ក្រសួងការបរទេស និងកិច្ចសហប្រតិបត្តិអន្តរជាតិ បង្ហាញថា មាននារីខ្មែរចំនួន ៨០នាក់ ត្រូវបានជួយសង្គ្រោះពីប្រទេសចិន និងចំនួន ៣៨នាក់ បានជួយសង្គ្រោះពីប្រទេសម៉ាឡេស៊ី គិតពីខែមករា ឆ្នាំ២០១៥ ដល់បច្ចុប្បន្ន៕
No comments:
Post a Comment