Khmerization: CPP's chief negotiator Bin Chhin leaked the results of the negotiations លោក ប៊ិន ឈិន ទម្លាយពីខ្លឹមសារនៃកិច្ចចរចា

Tuesday 3 March 2015

CPP's chief negotiator Bin Chhin leaked the results of the negotiations លោក ប៊ិន ឈិន ទម្លាយពីខ្លឹមសារនៃកិច្ចចរចា

ចុះផ្សាយនៅថ្ងៃ 02/03/2015

ការជួបចរចាគ្នារវាងគណបក្សប្រជាជន និង គណបក្សសង្រ្គោះជាតិកាលពីថ្ងៃទី ១២ មិថុនា ឆ្នាំ ២០១៤។RFI/ Siv Channa

គ្មានអ្វីជាអាថ៌កំបាំងទៀតទេសម្រាប់ខ្លឹមសារនៃកិច្ចចរចារវាងគណបក្សប្រជាជនកម្ពុជានិងសង្គ្រោះជាតិកាលពីថ្ងៃសៅរ៍។ គណបក្សទាំងពីរបានយល់ព្រមបង្កើនអាសនៈសភាដល់ ១២៥ កាត់បន្ថយយុទ្ធនាការឃោសនាមកនៅ ២១ ថ្ងៃ និងអាចអនុញ្ញាតឲ្យកងកម្លាំងប្រដាប់អាវុធអាចឃោសនាបានដោយគ្មានឯកសណ្ឋាន។

ខ្លឹមសារនៃកិច្ចចរចានេះត្រូវបានលោក ប៊ិន ឈិន ប្រធានក្រុមចរចាគណបក្សប្រជាជនកម្ពុជាទម្លាយឲ្យដឹងនៅក្នុងពិធីសន្និបាតបូកសរុបការងារប្រចាំឆ្នាំរបស់ក្រសួងរៀបចំដែនដីនគរូបនីយកម្មនិងសំណង់នៅព្រឹកថ្ងៃចន្ទទី២មីនានេះ។ លោក ប៊ិន ឈិន បានប្រាប់អ្នកចូលរួមសន្និបាតថា ខ្លឹមសារនៃកិច្ចចរចាមានបីចំណុចសំខាន់៖

ទី១ ការបង្កើនអាសនៈរដ្ឋសភាពី ១២៣ ដល់ ១២៥ ពោលគឺបង្កើននៅខេត្តព្រះសីហនុពីមួយកៅអីនាពេលបច្ចុប្បន្នឲ្យដល់៣កៅអី។

ទី២ គឺយុទ្ធនាការឃោសនាបោះឆ្នោតត្រូវបានកំណត់ត្រឹម ២១ថ្ងៃប៉ុណ្ណោះ ខុសពីមុនដែលមានរយៈពេលមួយខែ ក្នុងនោះគណបក្សនីមួយៗអាចដង្ហែការឃោសនាបានតែបួនដងប៉ុណ្ណោះ។ បើហែលើសពីនេះនឹងត្រូវផាកពិន័យ។

និងទី៣ កងកម្លាំងប្រដាប់អាវុធវិញអាចចូលរួមសកម្មភាពឃោសនាបោះឆ្នោតបានតែមិនត្រូវពាក់ស័ក្តិនិងឯកសណ្ឋានទេ។ ក្រៅពីនោះ គណបក្សទាំងពីរក៏បានឯកភាពមិនអនុញ្ញាតឲ្យសង្គមស៊ីវិលជាតិ និងអន្តរជាតិចួលរួមសកម្មភាពឃោសនានយោបាយទេ។ ប្រសិនបើមានពួកគេត្រូវផាកពិន័យពី ១០ ទៅ ២០ លានរៀល។

សូមបញ្ជាក់ថា គណបក្សទាំងពីរនឹងត្រូវបន្តពិភាក្សាគ្នាទៀតនៅរសៀលថ្ងៃចន្ទនេះដើម្បីកែសម្រួលខ្លឹមសារ និងត្រួតពិនិត្យពាក្យពេចន៍មួយចំនួន។ នេះបើយោងតាមការបញ្ជាក់ពីលោក យ៉ែម ប៉ុញ្ញឫទ្ធិ អ្នកនាំពាក្យគណបក្សសង្គ្រោះជាតិដែលបានថ្លែងប្រាប់វិទ្យុបារាំងអន្តរជាតិ។

នៅពេលបិទបញ្ចប់ការចរចា កាលពីល្ងាចថ្ងៃសៅរ៍ លោកសម រង្ស៊ី បានហៅលទ្ធផលនេះថាជាស្មារតីរួបរួមជាតិដោយឈរលើវប្បធម៌សន្ទនា និងអាចជាកំណត់ត្រាប្រវត្តិសាស្ត្រមួយដែលបញ្ជាក់ថា អ្នកនយោបាយខ្មែរគ្រប់និន្នាការអាចធ្វើការជាមួយគ្នាបាន។ លោក ស ខេង តំណាងគណបក្សប្រជាជនកម្ពុជា ក៏បានយល់ស្របជាមួយលោក សម រង្ស៊ី និងបានអះអាងថា នឹងជំរុញកិច្ចការនេះឲ្យចេញជាធរមានក្នុងពេលឆាប់ៗនេះ។ ប៉ុន្តែ អង្គការសង្គមស៊ីវិលបានរិះគន់គណបក្សទាំងពីរថាបានគិតតែពីផលប្រយោជន៍នយោបាយរៀងៗខ្លួនច្រើនជាងប្រយោជន៍រួម៕

1 comment:

Anonymous said...: រឿងនេះហ៊ុន សែនបានប្រកាសជាយូរមកហើយ លុះដាក់អង្គប្រជំុ សម រង្សី ក៏លើកដៃពីរយល់ព្រមភ្លាម អ្វីក៏ដោយឲ្យតែហុន សែនចង់បាន សម រង្សី មិនដែលជំុទាស់ទេ បោះឆ្នោតលើកនេះប្រហែលគ្មានផ្លូវទេ បើមេដឺកនាំ យើងមិនសូវមានប្រាជ្ញា ។; 3 March 2015 at 14:18

A Change of Guard

Tuesday 3 March 2015

CPP's chief negotiator Bin Chhin leaked the results of the negotiations លោក​ ប៊ិន ឈិន​​ ទម្លាយ​​ពី​​ខ្លឹមសារ​​នៃ​​កិច្ច​​ចរចា​​

1 comment:

CPP's chief negotiator Bin Chhin leaked the results of the negotiations លោក ប៊ិន ឈិន ទម្លាយពីខ្លឹមសារនៃកិច្ចចរចា