ក្រុមអ្នកតំណាងរាស្ត្រគណបក្សសង្គ្រោះជាតិ កំពុងត្រៀមខ្លួនចូលប្រជុំសភាជាផ្លូវការក្នុងពេលដ៏ឆាប់ខាងមុខនេះហើយ បន្ទាប់ពីលោកនាយករដ្ឋមន្ត្រី ហ៊ុន សែន បានប្រកាសឯកភាពដាក់ស្ថាប័ន គ.ជ.ប ឲ្យមានចែងក្នុងរដ្ឋធម្មនុញ្ញ។ នេះបើតាមការបញ្ជាក់របស់លោក សុន ឆ័យ ប្រធានក្រុមអ្នកតំណាងរាស្ត្រគណបក្សសង្គ្រោះជាតិ។ សម្រាប់មន្ត្រីជាន់ខ្ពស់គណបក្សប្រឆាំងរូបនេះ គណបក្សជាប់ឆ្នោតទាំងពីរ បានព្រមព្រៀងជាគោលការណ៍ក្នុងការបញ្ចប់ទំនាស់នយោបាយហើយ។
ទំនាស់នយោបាយដែលបានអូសបន្លាយរយៈពេលជិត១ឆ្នាំមកនេះ ទំនងជាដល់ពេលបញ្ចប់នៅខែកក្កដាខាងមុខនេះហើយ។ លោក សុន ឆ័យ ប្រធានក្រុមចរចាគណបក្សសង្គ្រោះជាតិ បានបញ្ជាក់ប្រាប់គេហទំព័រថ្មីៗ នៅរសៀលថ្ងៃអង្គារនេះ ថាក្រុមអ្នកតំណាងរាស្ត្រទាំង៥៥រូប របស់គណបក្សសង្គ្រោះជាតិបានត្រៀមខ្លួនរួចរាល់ហើយ ដើម្បីស្បថចូលសភា។ ជាការចូលប្រជុំដើម្បីធ្វើវិសោធនកម្មរដ្ឋធម្មនុញ្ញ ដើម្បីឲ្យស្ថាប័នរៀបចំការបោះឆ្នោត គ.ជ.ប មានចែងក្នុងទំព័រនៃច្បាប់ដ៏កំពូលមួយនេះ។
ឆ្លើយតបនឹងការឯកភាពដែលលោកនាយករដ្ឋមន្ត្រី ហ៊ុន សែន ដែលយល់ព្រមដាក់ស្ថាប័ន គ.ជ.ប អោយមានចែងក្នុងរដ្ឋធម្មនុញ្ញនោះ លោក សុន ឆ័យ ដែលអះអាងថា លោកកំពុងស្ថិតនៅខេត្តនោះ បានបញ្ជាក់ច្បាស់ៗយ៉ាងដូច្នេះ៖ «ជារួមយើងបានព្រមព្រៀងជាគោលការណ៍ដែលឈានទៅបញ្ចប់ទំនាស់ហើយ។ នៅថ្ងៃស្អែកខ្ញុំនឹងត្រឡប់ទៅភ្នំពេញ ហើយយើងនឹងដឹកនាំក្រុមការងារជួបគ្នាម្ដងទៀតជាមួយ ក្រុមការងារគណបក្សប្រប្រជាជន ដើម្បីលម្អិតពីការដាក់ គ.ជ.ប ក្នុងរដ្ឋធម្មនុញ្ញ»។
បើតាមលោក សុន ឆ័យ ទំនាស់នយោបាយទំនងជានឹងបញ្ចប់មិនឲ្យលើសពីខែកក្កដាខាងមុខនោះទេ ហើយថា បន្ទាប់ពីក្រុមងារងារជួបពិភាក្សាគ្នារូចរាល់ហើយនោះ ថ្នាក់ដឹកនាំកំពូលនៃគណបក្សប្រជាជនកម្ពុជា និងគណបក្សសង្គ្រោះជាតិ នឹងជួបគ្នាចុះហត្ថលេខា ដើម្បីបញ្ជាក់ពីការធ្វើកំណែទម្រង់ គ.ជ.ប និងប្រព័ន្ធផ្សព្វផ្សាយ។ គឺបន្ទាប់ពីការចុះហត្ថលេខានោះហើយ ដែលលោក សុន ឆ័យ បញ្ជាក់ថា៖ «យើងនឹងចូលសភាធ្វើកំណែទម្រង់»។
គួរបញ្ជាក់ថា អនុប្រធានគណបក្សប្រជាជនកម្ពុជា លោកនាយករដ្ឋមន្ត្រី ហ៊ុន សែន នៅថ្ងៃអង្គារនេះ បានប្រកាសឯកភាពតាមការស្នើសុំរបស់គណបក្សសង្គ្រោះជាតិ ដែលទាមទារឲ្យគណៈកម្មាធិការជាតិរៀបចំការបោះឆ្នោតមានចែងក្នុងរដ្ឋធម្មនុញ្ញ។ សម្រាប់លោកនាយករដ្ឋមន្ត្រី ការឯកភាពនេះ ទាមទារឲ្យគណបក្សសង្គ្រោះជាតិចូលប្រជុំសភាដើម្បីវិសោធនកម្មរដ្ឋធម្មនុញ្ញ៕
4 comments:
Why? I thought the opposition leaders will stand by the people.
BECAUSE THE CNRP LEADER IS WEAK. LET THEM JOIN THE PARLIAMENT, WE THE PEOPLE WILL LEAD OUR DESTINY. IF IT TURNS OUT TO BE LIKE TUNISIA, SO BE IT. MOST POWER NATIONS WILL USE FORCE TO ACCOMPLISH THEIR MISSIONS.
WE MUST SAVE OUR NATION NOW.
អាមេភូត ប៉ែន ពុតអាចម៍ហៀរ
sometimes it is better to fight from the inside out ... they accomplish nothing by walking the streets... go in , make changes ... when the people begin to see the benefits and how CNRP has made their life better [ no more losing land to corporation , no more destroying our forests by the CPP , for example ] they will turn against the CPP automatically...
Post a Comment