PHNOM PENH (The Cambodia Herald) – The opposition leader said that the Cambodia National Rescue Party (CNRP) still maintains its stance to demand a probe into election irregularities, and reelection.
Sam Rainsy made such comments in a video clip posted Wednesday in his Facebook page.
The 5-minute clip said that the CNRP respects the will of the Cambodian people, and it still demands review of election results and reelection.
“The negotiation was just to set up means through which we have to do in the future for the election reforms,” he said.
“The date for a fresh election depends on the negotiation later,” he said, adding that the sooner the election to be held, the better it is.
The CPP and CNRP agreed to set up joint committee for election reforms during yesterday’s talks.
However, the ruling CPP of Prime Minister Hun Sen, insisted that it would not possible to hold a fresh election as demanded by the opposition.
ដោយ៖ តាំង វីដា | ថ្ងៃពុធ ទី19 ខែកុម្ភៈ ឆ្នាំ2014, VOD
ស្តាប់សំឡេង៖ | ចម្លងទុក |
លោក សម រង្ស៊ី ប្រធានគណបក្សសង្គ្រោះជាតិ (រូបថត៖ តាំង វីដា)
ថ្នាក់ដឹកនាំគណបក្សសង្គ្រោះជាតិ នៅព្រឹកថ្ងៃពុធនេះ ប្រកាសជំហរជាថ្មី ទាមទារឲ្យមានការស៊ើបអង្កេតភាពមិនប្រក្រតីថ្ងៃបោះឆ្នោត ២៨កក្កដា និងការទាមទារបោះឆ្នោតឡើងវិញមុនអាណត្តិ ទៅក្នុងកិច្ចប្រជុំចរចារបស់គណបក្សទាំងពីរនៅថ្ងៃខាងមុខៗ។
ការអះអាងនេះ លោក សម រង្ស៊ី ប្រធានគណបក្សសង្គ្រោះជាតិ ថាជាការឆ្លើយតបទៅនឹងអ្នកគាំទ្ររបស់ខ្លួន កុំមានឲ្យការព្រួយបារម្ភ ព្រោះកិច្ចប្រជុំក្រុមការងារបច្ចេកទេស នៅថ្ងៃម្សិលមិញនេះ គ្រាន់តែជាជំហានទី១ ដើម្បីកំណត់ក្របខណ្ឌ និងយន្តការនៃការកែទម្រង់ការបោះឆ្នោតទៅថ្ងៃខាងមុខប៉ុណ្ណោះ។ លោក សម រង្ស៊ី បន្តថា គណបក្សសង្គ្រោះជាតិ នៅតែប្រកាន់គោលជំហរដដែល នោះគឺ ការទាមទារឲ្យមានការស៊ើបអង្កេតដោយឯករាជ្យ និងត្រឹមត្រូវ ចំពោះភាពមិនប្រក្រតីនៃការបោះឆ្នោត ថ្ងៃទី២៨ ខែកក្កដា ដែលជាការគាំទ្រ ពីសហគមន៍ជាតិ និងអន្តរជាតិ បើមិនដូច្នេះទេ គឺការបោះឆ្នោតឡើងវិញមុនអាណត្តិជាជម្រើសតែមួយគត់ «យើងត្រូវតែរក្សា ជំហរហ្នឹងហើយ ពីព្រោះទាំងប្រជារាស្ត្រខ្មែរ ទាំងអន្តរជាតិ ប្រទេសដែលកាន់លទ្ធិប្រជាធិបតេយ្យគេគាំទ្រជំហររបស់យើង។ ហើយជំហរមួយទៀត បើថាមិនស៊ើបអង្កេតឲ្យ បានត្រឹមត្រូវ ឲ្យបានឆាប់រហ័ស គឺការបោះឆ្នោតឡើងវិញ បោះឆ្នោតឡើងវិញមុខចប់អាណត្តិ ជំហរនេះ យើងនៅតែរក្សាដដែល ដូច្នេះសូមបងប្អូនជនរួមជាតិ កូនក្មួយ កុំបារម្ភ»។
ជាការឆ្លើយតប មន្ត្រីជាន់ខ្ពស់គណបក្សប្រជាជនកម្ពុជា លោក ជាម យៀប អះអាងថា ការស្នើស៊ើបអង្កេតលទ្ធផលឆ្នោត ទាំងដែលស្ថាប័នជាតិកំពូលៗ បានរៀបចំ និងដំណើរតាមច្បាប់ហើយ គឺមិនអាចទៅរួចនោះឡើយ។ លោកថា ចំពោះការទាមទារបោះឆ្នោតមុនអាណត្តិគឺពុំមានចែក្នុងច្បាប់ទេ លុះណាតែធ្វើវិសោធនកម្មច្បាប់ ដែលទាមទារឲ្យបេក្ខភាពតំណាងរាស្ត្រគណបក្សសង្គ្រោះជាតិចូលសភា ជជែកគ្នា និងមានការឯកភាពជាមុនសិន «តំណាងរាស្ត្រដែលជាប់ឆ្នោតនោះ ត្រូវចូលទៅស្បថឲ្យហើយ គណបក្សសង្គ្រោះជាតិ ៥៥រូបមុន ហើយយើងទៅនិយាយគ្នាតទៅទៀតទៅ បង្កើតគណៈកម្មការចម្រុះ។ បើចង់ធ្វើស្អី ឲ្យតែចូលក្នុងសភាហើយ អាចធ្វើអ្វីក៏បានដែរឲ្យតែមានការឯកភាពគ្នារវាង គណបក្សជាប់ឆ្នោត ទាំងពីរ»។
អ្នកវិភាគនយោបាយ លោកបណ្ឌិត សុខ ទូច យល់ថា ការទាមទារនេះ មិនអាចទៅរួចទេ គ្រាន់តែជាកិច្ចបង្ហាញ និងលួងលោមអ្នកគាំទ្រខ្លួនតែប៉ុណ្ណោះ។ លោកវិភាគថា គណបក្សទាំងពីរ នឹងរកវិធីសាស្ត្រផ្សេង ដើម្បីដោះស្រាយបញ្ហានយោបាយ ដោយការធ្វើសម្បទានទៅវិញទៅមក ដូចជាអំណាចក្នុងសភាជាដើម «កែទម្រង់ គជប នោះស្មើនឹងបោះឆ្នោតមិនត្រឹមត្រូវហើយ ចឹងគេសម្បទានឲ្យយើងកែទម្រង់ គជប អញ្ចឹងអាច ការដែលបោះឆ្នោតមុនអាណត្តិ គេអាចបន្ទន់ឥរិយាបថមួយទៀត គឺគេចែករំលែកអំនាចក្នុងសភានោះស្មើគ្នា ឧទាហរណ៍ ការរៀបចំឲ្យមានតុល្យភាព អំនាច អាចចែកគណៈកម្មការ នៅក្នុងសភានោះឲ្យមានតុល្យភាព»។
ជំនួបចរចារវាងក្រុមការងារបច្ចេកទេសគណបក្សទាំងពីរ នៅថ្ងៃទី១៨ ខែកុម្ភៈ បានសម្រេចព្រមព្រៀងគ្នា ស្នើបង្កើតគណៈកម្មការចម្រុះ ដោយមានសមាសភាពស្មើគ្នា មកពីគណបក្សមានអាសនៈក្នុងសភា ដើម្បីរៀបចំក្របខណ្ឌកំណែទម្រង់ការបោះឆ្នោត នាពេលខាងមុខ។ គណៈកម្មការចម្រុះនេះ នឹងបំពេញការងាររបស់ខ្លួន តាមរយៈវេទិកាសាធារណៈ ប្រមូលមតិយោបល់ និងអានុសាសន៍ពីប្រជាពលរដ្ឋអង្គការសង្គមស៊ីវិលជាតិ និងអន្តរជាតិ ព្រមទាំងប្រទេសដៃគូរអភិវឌ្ឍន៍នានា ដើម្បីកែលម្អច្បាប់ និងកំណែទម្រង់ការបោះឆ្នោត នាពេលខាងមុខ៕
សរសេរមកកាន់លោក តាំង វីដា តាមរយៈ vida@vodhotnews.com
1 comment:
People! Can you contribute your free opinion ?
The topic:
"Is Mr Sam Rainsy will become Prince Norodom Ranaridth? and Why? and why not?"
Post a Comment