នៅថ្ងៃចន្ទ ទី១០ ខែកុម្ភៈម្សិលមិញ អង្គការ សមាគម និងសហគមន៍មួយចំនួន បានអំពាវនាវឱ្យប្រជាជនកម្ពុជាឈប់ទិញផលិតផលរបស់ប្រទេសវៀតណាម បន្ទាប់ពីស្ថានទូតនៃប្រទេសនេះមិនទទួលញាតិ្តរបស់ពួកគេ។ ចំពោះស្ថានទូតវៀតណាម ការស្នើបែបនេះមិនមានឥទ្ធិពលទេ ហើយចំពោះគណៈកម្មាធិការសហប្រតិបត្តិការដើម្បីកម្ពុជាវិញ វាមិនមែនជាទស្សនៈរួមរបស់សង្គមស៊ីវិល ដែលគាំទ្របុព្វហេតុរបស់សម្ព័ន្ធសហជីពកម្មករទាំងអស់ទេ។ ពួកគេបានទាមទារឱ្យតុលាការដោះលែងបាតុករ២១នាក់ចេញពីពន្ធនាគារត្រពាំងផ្លុង និងទទួចឱ្យរដ្ឋាភិបាលចរចាដំឡើងប្រាក់ឈ្នួលអប្បបរមាកម្មករឱ្យដល់១៦០ដុល្លារឡើងវិញ។ ជាមួយ គ្នា នេះដែរ សង្គមស៊ីវិលក៏ស្នើឱ្យអាជ្ញាធរកម្ពុជាដកបម្រាមប្រមូលផ្តុំសម្តែងមតិតាមទីសាធារណៈចេញ។
No comments:
Post a Comment