Wednesday, 15 January 2014
លោក សម រង្ស៊ី៖ ការកោះហៅឲ្យទៅបំភ្លឺរបស់សាលាដំបូង គឺជារឿងនយោបាយ
ដោយ អ៊ឹម រចនា អង្គារ 14 មករា 2014
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ នៅថ្ងៃអង្គារ ទី១៤មករានេះ គឺលោកសម រង្ស៊ី ប្រធានគណបក្សសង្គ្រោះជាតិ។ នៅក្នុងកិច្ចសម្ភាសជាមួយវិទ្យុបារាំងអន្ដរជាតិ RFI លោក សម រង្ស៊ី បានរៀបរាប់ឲ្យដឹងពីការសាកសួររបស់តុលាការ កាលពីព្រឹកមិញ។ លោកបញ្ជាក់ប្រាប់ថា ការកោះហៅឲ្យទៅបំភ្លឺរបស់សាលាដំបូងនេះ គឺជារឿងនយោបាយ មិនមែនជារឿងតុលាការទេ។លោកថា បើមានដំណោះស្រាយបញ្ចប់វិបត្តិនយោបាយ រឿងតុលាការនឹងត្រូវបញ្ចប់។ ប៉ុន្តែ បើនៅតែមានការប្រឈមមុខដាក់គ្នាក្នុងរឿងនយោបាយ គឺនៅតែមានការគាបសង្កត់ថ្នាក់ដឹកនាំគណបក្សសង្គ្រោះជាតិតាមផ្លូវតុលាការដដែល។
បើទោះបីជាត្រូវគាបសង្កត់តាមផ្លូវតុលាការក្ដី ក៏ប្រមុខបក្សប្រឆាំងរូបនេះ បានផ្ដល់តម្លៃទៅលើការចរចា ដោយអះអាងថា មានតែការចរចាទេ ទើបអាចដោះស្រាយបញ្ហាបាន។ បើតាមលោកសម រង្ស៊ី ស្ថានការណ៍នយោបាយនៅកម្ពុជាសព្វថ្ងៃនេះ វាអាស្រ័យតែទៅលើគណបក្សកាន់អំណាច ថាតើចេះបត់បែនតាមកាលៈទេសៈកម្រិតណា៕
Subscribe to:
Post Comments (Atom)
No comments:
Post a Comment