Tycoon Kith Meng, chairman of Royal Group and co-owner of Australian ANZ Bank, with his wife, actress Srey Toch Chamnan and their children, aboard a private jet.លោក គិត ម៉េង ប្រធានក្រុមហ៊ុន Royal Group និងជាអ្នកមានភាគហ៊ុននៅក្នុងធនាគារ ANZ របស់ប្រទេសអូស្រ្តាលី រួមជាមួយភរិយា ស្រី តូចំណាន និងកូនៗ ក្នុងយន្តហោះពិសេស។
This is the photo of reclusive tycoon Kith Meng with his wife and children which the public has never seen.
[Phnom Penh Post] ភ្នំពេញៈ ក្រោយរស់នៅលាក់បាំងក្នុងជីវិតស្នេហាមិនឃើញរៀបការរហូតបានកូន ៤នាក់អស់រយៈពេលជាច្រើនឆ្នាំ ទើបតែនៅពេលនេះ ដែលមានការលាតត្រដាងថា ស្វាមីរបស់អតីតតារាសម្តែងល្បីនាង ស្រីតូច ចំណាន គឺសេដ្ឋីវ័យក្មេងរបស់កម្ពុជា អ្នកឧកញ៉ា គិត ម៉េង។
អតីត តារាសម្តែងល្បីឈ្មោះ នាង ស្រីតូច ចំណាន ដែលមានឈ្មោះពិតថា ម៉ៅ សុចំណាន គេនៅតែសង្កេតឃើញថា ប្រជាប្រិយភាពរបស់នាងនៅតែមានសម្រាប់មហាជននៅឡើយ។ ជាក់ស្តែងនៅក្នុងថ្ងៃរៀបអាពាហ៍ពិពាហ៍របស់ពិធីការិនី គង់ សុជាតិ និង ជា វិបុល មានទស្សនិកជនមិនតិចទេបានចោមរោមសួរសុខទុក្ខតារារូបនេះ និងសុំថតរូបជាមួយនាង ខណៈនៅពេលនេះនាងបានក្លាយជាសេដ្ឋិនីម្នាក់ទៅហើយនោះ។
នៅក្នុង អំឡុងពេលនៃការប្រាស្រ័យជីវិតនៅលើថ្នាលសិល្បៈ អតីតតារាសម្តែងដែលរបូតរ៉ូបលើឆាកតន្ត្រីលេចដើមទ្រូងមូលក្បំផ្អើលអស់មួយស្រុកខ្មែរ ធ្វើឲ្យគេចាំមិនភ្លេចនាង ស្រីតូច ចំណាន ហាក់មានជីវភាពមិនធូរធារប៉ុន្មានទេ តែនៅពេលនេះ អ្នកនាង ស្រីតូច ចំណាន បានប្រែមុខមាត់ថ្មី ខណៈគេគ្រប់គ្នាបានដឹងថា តារារូបនេះបានក្លាយជាសេដ្ឋិនីម្នាក់ មានប្រាក់រាប់លានដុល្លារកាន់ក្នុងដៃបាត់ទៅហើយ។ កន្លងមក មានការចោទសួរថា តើបុរសរូបណា ជាខ្នងបង្អែកប្រែជីវិត ចំណាន ឲ្យក្លាយជាសេដ្ឋិនី? ប៉ុន្តែ គ្មានចម្លើយ។
គេគ្រាន់តែដឹងថា ភាពមានបានរបស់អតីតតារាស្រីដែលគេល្បីថា មានដើមទ្រូងសិចស៊ីមូលក្បំពីធម្មជាតិរូបនោះ បានកើតឡើងនៅក្រោយពេលដែលនាងបានដកខ្លួនចេញពីសិល្បៈក្នុងអំឡុង ឆ្នាំ២០០២-២០០៣ ក្រោយមកទើបគេដឹងថា នាងបានសាងស្នេហ៍យ៉ាងផ្អែមត្រជាក់ជាមួយនឹងឧកញ៉ាក្មេងក្រោយមក ទើបគេដឹងថា នាងបានសាងស្នេហ៍យ៉ាងផ្អែមត្រជាក់ជាមួយនឹងឧកញ៉ាខ្មែរវ័យក្មេង ម្នាក់ដែលមានទឹកប្រាក់វាល់លានដុល្លារ។ តាមរយៈការស្រឡាញ់ និងទុកចិត្ត ស្របពេលដែល ស្រីតូច ចំណាន មានគំនិតទុកដាក់ និងរហ័សរហួនផងនោះ ទើបធ្វើឲ្យបុរសមានឋានៈជាអ្នកឧកញ៉ាក្មេងម្ចាស់ជំនួញធំៗនៅ ស្រុកខ្មែរកាន់តែទន់ចិត្តអាណិតស្រឡាញ់នាង ស្រីតូច ចំណានខ្លាំងឡើង និងបានចែករំលែករបររកស៊ីធំៗឲ្យនាងគ្រប់គ្រងទៀតផង។
ប៉ុន្តែ អាថ៌កំបាំងទាំងប៉ុន្មានត្រូវបានទម្លាយនៅពេលនេះថា ស្វាមីរបស់ ស្រីតូច ចំណាន គឺសេដ្ឋីវ័យក្មេងកម្ពុជា អ្នកឧកញ៉ា គិត ម៉េង ។ ការបែកធ្លាយនេះ ត្រូវបានគេដឹងតាមរយៈទំព័រហ្វេសប៊ុក ដែលគេបានឃើញយ៉ាងច្បាស់ថា គ្រួសាររបស់អ្នកឧកញ៉ា គិត ម៉េង និងស្រីតូច ចំណាន បានថតរូបរួមគ្នាជាមួយកូនប្រុសស្រីទាំង៤ នាក់ នៅលើយន្តហោះឯកជនផ្ទាល់ខ្លួនមួយ។
រំលងអស់រយៈពេលជាច្រើនឆ្នាំនោះ នៅពេលនេះ ស្រីតូច ចំណាន ត្រូវបានគេដឹងថា នាងបានក្លាយជាសេដ្ឋិនីម្នាក់ មានប្រាក់ និងមុខជំនួញធំៗតម្លៃរាប់លានដុល្លារនៅក្នុងដៃ។ បើយោងតាមសារព័ត៌មានក្នុងស្រុកកន្លងមក គេបានដឹងថា ក្នុងចំណោមទ្រព្យដែលគេដឹង ស្រីតូច ចំណាន ត្រូវបានអ្នកឧកញ៉ាប្រគល់សិទ្ធិឲ្យនាងក្លាយជាម្ចាស់សណ្ឋាគារ និងកាស៊ីណូដ៏ធំនៅក្រុងបាវិត ខេត្តស្វាយរៀង និងមានមុខជំនួញមួយចំនួនបន្ថែមទៀត។ ក្រៅពីនោះ គេបានដឹងថា ស្រីតូច ចំណាន បានទិញផ្ទះវីឡាតម្លៃមិនតិចទេនៅឯបរទេស ដែលគេដឹងថា នៅប្រទេសស៊ីវិល័យ សិង្ហបុរី ហើយលើសពីនេះនាងជាម្ចាស់អចលនទ្រព្យតម្លៃរាប់លានដុល្លារនៅរាជធានីភ្នំពេញផងដែរ។
ជាមួយនឹងជីវិតឧត្ដុង្គឧត្តមខ្ពង់ខ្ពស់ នេះ ស្រីតូច ចំណាន ក៏បានសង់ភូមិគ្រឹះមានតម្លៃ១លានដុល្លារនៅម្តុំផ្សារដើមផ្កូវ សម្រាប់ជាទីជម្រកប្រចាំថ្ងៃផងដែរ ដែលគេបានដឹងថា ភូមិគ្រឹះនោះត្រូវបានរៀបចំការសាងសង់ និងតុបតែងលម្អយ៉ាងផ្ចឹតផ្ចង់បំផុតជាមួយនឹងគ្រឿងសង្ហារិមប្រណីតៗ។ ភូមិគ្រឹះនោះត្រូវបានអ្នករស់នៅម្តុំផ្សារដើមថ្កូវ ប្រាប់ឲ្យដឹងថា បានសង់ឡើងរយៈពេល៣ឆ្នាំ ទម្រាំតែលេចចេញជារូបរាងដ៏ធំស្កឹមស្កៃដាច់គេនៅម្តុំនោះ ហើយក៏បានសម្ពោធជាផ្លូវការកាលពីចុងឆ្នាំ២០១២។
លើសពីនោះ ទៅទៀត គេបានសម្តែងការសង្ស័យថា តារារូបនេះបានទិញយន្តហោះជិះផ្ទាល់ខ្លួនទៀតផង ខណៈកន្លងមកនៅពេលអ្នកនាងទៅណាមកណា នាងតែងជិះយន្តហោះឯកជនដាច់ដោយឡែកសម្រាប់តែក្រុមគ្រួសារនោះ។ នៅពេលនេះ ទើបគេដឹងយ៉ាងច្បាស់ថា គ្រួសារនាងពិតជាមានយន្តហោះផ្ទាល់ខ្លួនពិតប្រាកដមែន។
ពាក់ព័ន្ធនឹងការលើកឡើងខាងលើ ភ្នំពេញ ប៉ុស្តិ៍ មិនអាចទាក់ទងសុំការបកស្រាយរបស់សេដ្ឋិនីមានប្រភពមកពីសិល្បៈ ម្នាក់នេះបានទេ។
ដោយឡែកពាក់ព័ន្ធនឹងជីវិតគ្រួសារវិញ គេបានដឹងថា អតីតតារាសម្តែងលេចធ្លោក្នុងអំឡុងឆ្នាំ២០០១-២០០២ រូបនេះ ទទួលបានភាពកក់ក្តៅបំផុតដូចស្ពាយសម្ពាយបុណ្យពីជាតិមុន ដោយសារតែអ្នកឧកញ៉ាសម្បូរទ្រព្យមានកេរ្តិ៍ឈ្មោះល្បីទាំងថ្នាក់ ជាតិ និងលើឆាកអន្តរជាតិ បានផ្តល់តម្លៃឲ្យនាងយ៉ាងខ្ពស់ និងស្រឡាញ់ថ្នាក់ថ្នមនាងយ៉ាងខ្លាំង។ ទន្ទឹមនឹងស្នេហាផ្អែមល្ហែម មកទល់នឹងពេលនេះ គេបានដឹងថា ស្រីតូច ចំណាន និងអ្នកឧកញ៉ាក្មេង បានសាងស្នេហ៍ដ៏ផ្អែមល្ហែមរហូតបានកូនចំនួន៤នាក់ ក្នុងនោះស្រីពីរនាក់ និងប្រុសពីរនាក់។
ទោះបីជាបានឃ្លាតឆ្ងាយពីពិភពសិល្បៈអស់រយៈពេលជាច្រើនឆ្នាំក្តី តែតារាស្រីដែលមានឆ្អឹងអណ្តែតពីអ្នកសិល្បៈរូបនេះ នៅចាំមិនភ្លេចពីប្រភពដើមរបស់ខ្លួនឡើយ។ ជារឿយៗនាងតែងចំណាយពេលទៅចូលរួមតាមការអញ្ជើញនៅក្នុងសកម្មភាព សិល្បៈរបស់សិល្បករមួយចំនួនមិនដែលអាក់ខានឡើយ ហើយនៅពេលវត្តមាននាងទៅដល់ម្តងៗ រមែងទទួលបានការស្វាគមន៍យ៉ាងកក់ក្តៅពីម្ចាស់កម្មវិធី និងមហាជននៅក្នុងពិធីនោះ។ ជាក់ស្តែងដូចជា ការបង្ហាញវត្តមានរបស់នាងនៅក្នុងពិធីមង្គលការរបស់នាងគង់ សុជាតិ និងលោកជា វិបុល អ៊ីចឹង អ្នកសិល្បៈ និងមហាជនជាច្រើនបានទទួលស្វាគមន៍នាងយ៉ាងខ្លាំង និងបានសុំនាងថតរូបយ៉ាងវក់វីទៀតផង។ ទាំងនេះស្តែងឲ្យឃើញថា កេរ្តិ៍ឈ្មោះរបស់នាងនៅតែស្ថិតក្នុងបេះដូងរបស់មហាជននៅឡើយ៕
No comments:
Post a Comment