ដោយ៖ តាំង វីដា | ថ្ងៃសុក្រ ទី13 ខែធ្នូ ឆ្នាំ2013 | VOD
ក្រសួងមហាផ្ទៃ អនុញ្ញាតឲ្យគណបក្សសង្គ្រោះជាតិ ធ្វើបាតុកម្មអហិង្សា ដោយមានអ្នកចូលរួមមិនលើសពី ១ម៉ឺននាក់ តែមិនឲ្យដង្ហែក្បួនឡើយ ដោយសារគណបក្សប្រឆាំងននេះ មិនមានលទ្ធភាពក្នុងការគ្រប់គ្រងកម្លាំង។
លិខិតផ្ញើជូនសាលារាជធានីភ្នំពេញ ចុះថ្ងៃទី១៣ ខែធ្នូនេះ រដ្ឋមន្ត្រីក្រសួងមហាផ្ទៃ លោក ស ខេង ឆ្លើយតបនឹងការជូនដំណឹងមហាបាតុកម្មរបស់គណបក្សសង្គ្រោះជាតិ គឺ ក្រសួងមហាផ្ទៃ អនុញ្ញាតឲ្យគណបក្សសង្គ្រោះជាតិ ធ្វើបាតុកម្មអហិង្សា ចំនួន១ថ្ងៃ គឺថ្ងៃអាទិត្យទី១៥ ខែធ្នូ ចាប់ពីម៉ោង ៦ព្រឹក ដល់៦ល្ងាច ដោយមានអ្នកចូលចូលរួមមិនលើសពី ១ម៉ឺននាក់ សមាមាត្រទៅនឹងទំហំផ្ទៃក្រលាទីលានប្រជាធិបតេយ្យ។
ក្នុងលិខិតដដែរនេះ ក្រសួងមហាផ្ទៃ បដិសេធក្បួនដង្ហែគណបក្សសង្គ្រោះជាតិ ដោយថា គណបក្សនេះមិនមានលទ្ធភាពគ្រប់គ្រាន់ក្នុងការគ្រប់គ្រងកម្លាំង ឆ្លងតាមបាតុកម្មដែលកើតឡើងកន្លងមកក្នុងក្បួនដង្ហែ។ ក្រសួងមហាផ្ទៃ ជំរុញឲ្យសាលារាជធានី និងមន្ត្រីគណបក្សសង្គ្រោះជាតិ បន្តពិភាក្សាលម្អិតពីដំណើរការប្រព្រឹត្តទៅនៃបាតុកម្ម ដោយសន្តិវិធី និងស្របតាមច្បាប់។
ក្នុងក្បួនបាតុកម្មអហិង្សារបស់គណបក្សសង្គ្រោះជាតិ កាលពីថ្ងៃទី១៥ ខែកញ្ញា ហិង្សាទីមួយកើតឡើង រវាងសមត្ថកិច្ច និងអ្នកដំណើរនៅត្រង់ចំណុចស្ពានអាកាសក្បាលថ្នល់ ដែលបណ្តាលឲ្យយុវជនឈ្មោះ ម៉ៅ សុចាន់ អាយុ២៩ឆ្នាំស្លាប់ និងជាង២០នាក់ រងរបួស៕
សូមសរសេរមកកាន់ លោក តាំង វីដា តាមរយៈ vida@vodhotnews.com
1 comment:
Come on khmer people. ...let do the demonstration. ..non stop ...don't bother listening to cpp officials for what is possible or impossible. ..don't show cpp any weak points...let's get the ruling party out before 2014..............
Post a Comment