ប្រែសម្រួលដោយ៖ នួន បូរិន | ថ្ងៃព្រហស្បតិ៍ ទី12 ខែធ្នូ ឆ្នាំ2013, Read article in English here.
លោក អាប់ភីស៊ីត អតីតនាយករដ្ឋមន្ត្រីថៃ
អតីតនាយករដ្ឋមន្ត្រីថៃ លោក អាប់ភីស៊ីត វេចាជីវ៉ា ត្រូវបានចោទពីបទឃាតកម្មនៅក្នុងការពាក់ព័ន្ធការបង្ក្រាបដោយកងទ័ព ទៅលើបាតុករក្រុមអាវក្រហម នៅឆ្នាំ២០១០ ដែលបណ្ដាលឲ្យមនុស្សស្លាប់ជាង៩០នាក់ និងរបួសជិត១០០០នាក់។
លោកព្រះរាជអាជ្ញាបានធ្វើការចោទដូចនេះ នៅចំពោះមុខ លោក អាប់ភីស៊ីត នៅព្រឹកថ្ងៃព្រហស្បតិ៍នេះ នៅពេលលោកត្រូវកោះមកសាកសួរ និងបំភ្លឺ ករណីពាក្យបណ្ដឹងរបស់ពលរដ្ឋថៃ ដែលចោទថា លោកជាអ្នកបញ្ជាឲ្យមានការបង្ក្រាបទៅលើបាតុករ កាលពីឆ្នាំ២០១០។
ប៉ុន្តែ យ៉ាងនេះក្ដី លោក អាប់ភីស៊ីត មិនត្រូវឃាតខ្លួនទេនៅពេលលោកឡើងបំភ្លឺ។ ក្រៅពីលោក អាប់ភីស៊ីត នៅមានមេដឹកនាំបក្សប្រឆាំងម្នាក់ទៀត ត្រូវបានចោទដូចករណីនេះដែរ គឺ លោក សូថេប ថុងសូបាន។ លោក សូថេប ថុងសូបាន កាលណោះ លោកគឺជារដ្ឋមន្ត្រីក្រសួងមហាផ្ទៃ។ បច្ចុប្បន្នលោក គឺជាមេដឹកនាំបាតុករ ដឹកនាំការធ្វើបាតុកម្មប្រឆាំងរដ្ឋាភិបាល លោកស្រី យីងឡាក់។
អ្នកនាំពាក្យរបស់ការិល័យអគ្គព្រះរាជអាជ្ញា លោក Nanthasak Poonsuk និយាយថា លោក អាប់ភីស៊ីត ត្រូវបានចោទជាផ្លូវការក្នុងករណីនេះហើយ។
ប៉ុន្តែ ក្រុមអ្នកវិភាគរំពឹងថា លោក អាប់ភីស៊ីត នឹងមិនត្រូវបាននាំខ្លួនចូលពន្ធនាគារឡើយ ហើយព្រមានថា ប្រសិនមានការកាត់ទោសនាំខ្លួនលោក អាប់ភីស៊ីត ទៅពន្ធនាគារមែននោះ គឺសង្គមនឹងធ្លាក់ចូលក្នុងវិបត្តិនយោបាយកាន់តែធ្ងន់ធ្ងរ ជាងពេលនេះទៅទៀត៕
សូមសរសេរមកកាន់ លោក នួន បូរិន តាមរយៈ narinnun@vodhotnews.com
No comments:
Post a Comment