A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Monday 11 November 2013

The ruling CPP has contacted the opposition CNRP to set a date for another round of negotiation, CPP​កំពុង​​ទាក់​ទង​​CNRP ដើម្បី​​កំណត់​​ថ្ងៃ​ចរចា​​ជាថ្មី​​

ដោយ៖​ តាំង វីដា​ | ថ្ងៃចន្ទ ទី11 ខែវិច្ឆិកា ឆ្នាំ2013, ម៉ោង 10:25 AM​

ប្រធាន​ក្រុម​ការងារ​បច្ចេកទេស​​ច​រ​ចា​​របស់​​គណបក្ស​ប្រជាជន​កម្ពុជា​(CPP) និង​​ជា​រដ្ឋលេខាធិការ​ក្រសួងមហាផ្ទៃ លោក ព្រុំ សុខា ប្រាប់​VOD​នៅ​ព្រឹក​ថ្ងៃ​​ចន្ទ​នេះ​ថា លោក​​កំពុង​ទាក់ទង​ក្រុម​ការងារ​បច្ចេក​ទេស​គណបក្ស​សង្គ្រោះ​ជាតិ​(CNRP) ដើម្បី​កំណត់​ថ្ងៃ​ពិភាក្សា​​ជាថ្មី បន្ត​កិច្ចចរចា​​ដោះ​ស្រាយ​វិបត្តិ​នយោបាយ​។​
​លោក​បន្តថា លោក​​នឹង​ប្រាប់​ឲ្យដឹង​ច្បាស់​​ពី​ការកំណត់ថ្ងៃ​ជួបចរ​ចា​ជាថ្មី នៅ​ថ្ងៃ​អង្គារ​ស្អែក​។ ចំណែក អ្នកនាំពាក្យ​គណបក្ស​សង្គ្រោះ​ជាតិ លោក យឹម សុវណ្ណ អះ​អាងថា គណបក្ស​ទាំង​ពីរ មិនទាន់​កំណត់​ថ្ងៃ​ចរចា​នៅ​ឡើយ​ទេ​។ លោក​បញ្ជាក់​ថា គណបក្ស​សង្គ្រោះ​ជាតិ​នៅ​តែ​ប្រកាន់​ជំហ​រដ​ដែល​​ចំពោះ​ការ​ទាម​ទារ​​របស់​​ខ្លួន ទាំង​បី​​ចំណុច និង​​ការកំណត់​ឱ​សា​វាទ​ចំពោះ​កិច្ចចរចា ត្រឹម​ចុងឆ្នាំ​២០១៣​នេះ​។​
​កាលពី​ថ្ងៃ​ទី ៥ ខែវិច្ឆិកា គណៈប្រតិភូ​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ដែល​​មាន​ម្ខាង​៥​រូប បាន​ជួប​ជជែក​ពិភាក្សា​គ្នា​អស់​ពេល​ជាង​​​៣​ម៉ោង តែ​មិន​មាន​​លទ្ធផល​។
​គណបក្ស​សង្គ្រោះ​ជាតិ​​ លើក​របៀប​វារៈ​៣​ចំណុច ទី​១​ គឺ​​ការទាមទារ​ឲ្យមាន​​ការបង្កើត​គណៈកម្មកា​រ​ឯករាជ្យ​ស៊ើប​អង្កេត​ពី​ភាពមិនប្រក្រតី​នៃ​ការ​បោះ​ឆ្នោត ទី​២ ការ​ស្នើឲ្យ​ថ្នាក់ដឹកនាំ​ទាំង​៩​រូប​នៃ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) លាលែង​​តំណែង​។ ចំណុច​ទី​៣ គឺ​ការទាមទារ​ឲ្យមាន​កំណែ​ទម្រង់​ប្រព័ន្ធ​បោះឆ្នោត ផ្អែក​តាម​អនុសាសន៍​របស់​អ្នករាយការណ៍​​ពិសេស​អង្គការសហប្រជាជាតិ​ស្តីពី សិទ្ធិមនុស្ស​នៅ​កម្ពុជា អង្គការ​ខុមហ្វ្រែល និង​​វិទ្យាស្ថាន​ជាតិ​ប្រជាធិបតេយ្យ​សម្រាប់​កិច្ចការ​អន្តរជាតិ ហៅ​កាត់ NDI​។​

​នៅ​ថ្ងៃ​ទី​៦ ខែវិច្ឆិកា ពោល​គឺ​មួយ​ថ្ងៃ​ក្រោយ ក្រុម​ការងារ​បច្ចេកទេស​គណបក្ស​ឈ្នះឆ្នោត​ទាំងពីរ ជួប​ពិភាក្សា​គ្នា អនុប្រធាន​គណបក្ស​សង្គ្រោះ​ជាតិ លោក កឹម សុខា បាន​ប្រកាស​ពី​ឱសានវាទ នៃ កិច្ច​ចរចា ត្រឹម​ចុងឆ្នាំ​នេះ ប្រសិនបើ​គណបក្ស​ប្រជាជន​កម្ពុជា នៅតែ​បដិសេធ​ស៊ើបអង្កេត​ពី​ភាព មិន​ប្រក្រតី​​នៃ​ការបោះឆ្នោត គណបក្ស​លោក​នឹង​ដឹកនាំ​ធ្វើបាតុកម្ម​កាន់តែ​ធំ និង​មាន​រយៈពេល​យូរ​ជាង​មហា​បាតុកម្ម​កន្លងមក​៕
សរសេរមកកាន់លោក តាំង វីដា តាមរយៈ vida@vodhotnews.com

No comments: