បាតុកររោងចក្រ អែស.អិល (SL) ប៉ះទង្គិចគ្នាជាមួយសមត្ថកិច្ចនៅក្បែរវត្តស្ទឹងមានជ័យ កាលពីថ្ងៃទី១២ ខែវិច្ឆិកា ឆ្នាំ២០១៣។
RFA/Uon Chhin
ស្របពេលគ្នានេះដែរ ស្នងការរាជធានីភ្នំពេញ នឹងបើកកិច្ចប្រជុំមួយដើម្បីស្វែងរកដំណោះស្រាយនៅម៉ោងប្រមាណ ២រសៀល។
កម្មករឈ្មោះ ប៊ុន ឈាន ឲ្យដឹងនៅព្រឹកថ្ងៃទី១៣ វិច្ឆិកា ការជុំគ្នាជាថ្មីឡើងវិញ ក្រោយពីប៉ះទង្គិចជាមួយសមត្ថកិច្ចកាលពីថ្ងៃទី១២ វិច្ឆិកា នៅប៉ែកខាងលិចគល់ស្ពានស្ទឹងមានជ័យ គឺដើម្បីទាមទារឲ្យជំនាញពាក់ព័ន្ធ អនុវត្តការសន្យារបស់ខ្លួនជូនកម្មករឲ្យបានឆាប់។ លោកបានឲ្យដឹងថា មកដល់ម៉ោង ១២ថ្ងៃត្រង់ថ្ងៃនេះ កម្មករបានរំសាយអស់ជាបណ្ដើរៗហើយ នៅសេសសល់ប្រមាណជិត ២០០នាក់ប៉ុណ្ណោះ។
ដោយឡែកមន្ត្រីសិទ្ធិមនុស្សរបស់សមាគមអាដហុក (Adhoc) លោក ណៃ វ៉ង់ដា ដែលតាមដាននៅស្នងការរាជធានីភ្នំពេញ វិញ បានឲ្យដឹងថា ស្នងការរាជធានីភ្នំពេញ បានពន្យារពេលនៃការចរចាដើម្បីរកដំណោះស្រាយអ្នកដែលត្រូវចាប់ខ្លួនប្រមាណ ៣០នាក់ ទៅម៉ោង ២រសៀលវិញ ដោយពុំមានមូលហេតុ។
សូមរង់ចាំអាន និងស្ដាប់ព័ត៌មានពិស្ដារ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ៕
No comments:
Post a Comment