MONDAY , 11 NOVEMBER 2013- លាង ផាន់ណារ៉ា, Phnom Penh Post
ផែនទីតំបន់ ៤,៦ គីឡូម៉ែត្រការ៉េដែលថៃទាមទារ។
ឡាអេ, ហូឡងដ៍ៈ តុលាការយុត្តិធម៌អន្តរជាតិ (ICJ) បានធ្វើការអាន និងប្រកាសសាលដីកា បកស្រាយលើសាលក្រមឆ្នាំ ១៩៦២ ស្តីពីជម្លោះពាក់ព័ន្ធនឹងប្រាសាទព្រះវិហារដោយសម្លេងឯកច្ឆ័នថា តំបន់ជុំវិញប្រាសាទព្រះវិហារទាំងមូលស្ថិតនៅក្នុងដែនអធិបតេយ្យភាពរបស់កម្ពុជា ដូចមានចែងក្នុងកថាខណ្ឌ៩៨ នៃសាលដីកានេះ។
តុលាការក៏បានប្រកាសដែលថា ទាំងកងទ័ព ទាហាន មន្ត្រីនគរបាល ឆ្មាំរបស់ប្រទេសថៃ ត្រូវតែដកចេញពីតំបន់ក្បែរប្រាសាទព្រះវិហារទាំងអស់។
សូមបញ្ជាក់ថា រឿងក្តីនៅពេលនេះ តុលាការក្រុងឡាអេមិនមែនសើរើ កាត់ក្តីលើប្រាសាទព្រះវិហារឡើងវិញ ទេគឺគ្រាន់តែបកស្រាយ ពន្យល់ បំភ្លឺ ទៅលើអត្ថន័យ និងវិសាលភាព នៃសេចក្តីសម្រេច ឆ្នាំ១៩៦២នេះប៉ុណ្ណោះ ហើយ អ្វីដែលជាចំណុចចម្រូងម្រាសដែលឈានដល់ឲ្យកម្ពុជា ប្តឹងសុំបកស្រាយ នៅពេលនេះគឺរឿងដីនៅជុំវិញប្រាសាទព្រះវិហារ ដែលខាងភាគីថៃ តែងតែឲ្យឈ្មោះថា ដី ៤,៦ គីឡូម៉ែត្រក្រឡា នៅជុំវិញប្រាសាទ។
ភាពតានតឹងរវាងថាតើប្រទេស ណាមួយ ជាម្ចាស់តំបន់ដី ៤,៦ គីឡូម៉ែត្រការ៉េ ជុំវិញប្រាសាទព្រះវិហារបានផ្ទុះឡើងក្នុងឆ្នាំ ២០០៨ បន្ទាប់ពីអង្គការយូណេស្កូ បានទទួលយកសំណើរបស់កម្ពុជា ដោយចុះបញ្ជីប្រាសាទព្រះវិហារ ជាតំបន់បេតិកភណ្ឌពិភពលោក។
អំពើហិង្សាដោយសារដែនដីជម្លោះនេះ បានបណ្តាលឲ្យមនុស្សយ៉ាងហោចណាស់ ១៨ នាក់ស្លាប់ និងរាប់ពាន់នាក់ ត្រូវបានជម្លៀសចេញពីតំបន់ព្រំដែន កាលពីឆ្នាំ ២០១១ ហើយនៅក្នុងឆ្នាំជាមួយគ្នានោះកម្ពុជាបានស្នើសុំតុលាការយុត្តិធម៌ អន្តរជាតិ ធ្វើការបកស្រាយឡើងវិញ ចំពោះសេចក្តីសម្រេចឆ្នាំ ១៩៦២ លើបញ្ហាប្រាសាទ ព្រះវិហារ។
ដូច្នេះ អំណាចសាលដីកាបកស្រាយលើសាលក្រម ឆ្នាំ១៩៦២ នៅថ្ងៃនេះ គឺមានវិសាលភាពទៅលើទំហីដី ៤,៦ គីឡូម៉ែត្រក្រឡា នៅជុំវិញប្រាសាទដែលភាគីថៃ តែងតែទាមទារចង់បាន គឺស្ថិតនៅក្នុងទឹកដីកម្ពុជា។
សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍
1 comment:
នេះជាការរៀបចំនយោបាយរបស់យួនទេ សូមកុំចាប់អារម្មណ៏ពេក
យើង នឹងស្នើរ អោយតុលាការ យកករណី ចោរ លួចសន្លឹកឆ្នោត ទៅឡាអេ និង សើររើរឿងឧក្រឹតកម្ម របស់ រដ្ឋាភិបាលអាយ៉ងយួនបរទេស
សូម ងាកមករកជំងឺពិតរបស់កម្ពុជា រឿងដីមួយដុំតូច(៤.៦ គីឡូម៉ែត្រការរ៉េ)នៅក្បែរប្រសាទ
វាមិនសំខាន់ទេ សំខាន់យួនមានបំណងលេបយក កម្ពុជានៅជំនាន់នេះ ដូចជា
កោះ ត្រល់ ជាដើម ។
Post a Comment