ដោយ៖ អ៊ឹង ប៊ុនថន | ថ្ងៃចន្ទ ទី4 ខែវិច្ឆិកា ឆ្នាំ2013 | 1 ម៉ោង មុន
គណៈរដ្ឋមន្ត្រី នៅព្រឹកថ្ងៃចន្ទនេះ បានបើកកិច្ចប្រជុំមួយ ដែលហៅថា ជាលក្ខណៈចង្អៀតដែលដឹកនាំដោយលោកនាយករដ្ឋមន្ត្រី ហ៊ុន សែន នៅវិមានសន្តិភាព។
នៅមិនទាន់មានមន្ត្រីរាជរដ្ឋាភិបាលណា បញ្ជាក់របៀបវារៈនៃការកោះប្រជុំជាបន្ទាន់នេះទេ ហើយអ្នកសារព័ត៌មានក៏មិនត្រូវគេអនុញ្ញាតឲ្យចូលថតរូប ពេលបើកកិច្ចប្រជុំនោះឡើយ។
អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន ប្រាប់VODថា លោកមិនដឹងពីការបើកកិច្ចប្រជុំគណៈរដ្ឋមន្ត្រីនៅថ្ងៃនេះឡើយ ប៉ុន្តែលោកក៏មិនបានបដិសេធថា មិនមានកិច្ចប្រជុំនោះដែរ។ លោក ផៃ ស៊ីផាន អះអាងថា ប្រសិនបើមានកិច្ចប្រជុំ ដែលចង់ឲ្យមានការផ្សព្វផ្សាយនោះ រដ្ឋាភិបាលនឹងធ្វើសេចក្តីប្រកាសព័ត៌មានជាផ្លូវការហើយ។
តាមធម្មតាកិច្ចប្រជុំពេញអង្គគណៈរដ្ឋមន្ត្រី ត្រូវបើកកិច្ចប្រជុំប្រចាំសប្តាហ៍ រៀងរាល់ថ្ងៃសុក្រ។ ប៉ុន្តែការកោះប្រជុំនៅថ្ងៃចន្ទនេះ គឺចំពេលដែលឧបការីរងរដ្ឋមន្ត្រីការបរទេសសហរដ្ឋអាមេរិក កំពុងបំពេញទស្សនៈកិច្ចនៅកម្ពុជា ខណៈជាប់គាំងនយោបាយក្រោយការបោះឆ្នោត៕
សូមសរសរមកកាន់ លោក អ៊ឹង ប៊ុនថន តាមរយៈ chanthorn@vodhotnews.com
No comments:
Post a Comment