ដោយ៖ តាំង វីដា | ថ្ងៃសៅរ៍ ទី23 ខែវិច្ឆិកា ឆ្នាំ2013, ម៉ោង 03:31 PM
លោក កឹម សុខា ក្នុងវេទិកាពង្រឹងថ្នាក់ដឹកនាំមូលដ្ឋានគណបក្សសង្គ្រោះជាតិ (រូបថតពី ហ្វេសប៊ុក)
មេដឹកនាំគណបក្សសង្គ្រោះជាតិ ប្រកាសនៅថ្ងៃសៅរ៍នេះថា នឹងធ្វើបាតុកម្មនៅរាជធានីភ្នំពេញ ជារៀងរាល់ថ្ងៃអាទិត្យ ចាប់ពីថ្ងៃទី១៥ ខែធ្នូ ឆ្នាំ២០១៣នេះ ដើម្បីបន្តការទាមទាររកយុត្តិធម៌ជូនម្ចាស់ឆ្នោត។
ការប្រកាសនេះ ធ្វើឡើងក្នុងនៅវេទិកាពង្រឹងថ្នាក់ដឹកនាំមូលដ្ឋានគណបក្សសង្គ្រោះជាតិខេត្តកំពង់ចាម។ វីដេអូឃ្លីបមួយក្នុងហ្វេសប៊ុក អនុប្រធានគណបក្សសង្គ្រោះជាតិ លោក កឹម សុខា អះអាងថា គណបក្សនេះ នៅតែរក្សាជំហរចំពោះការទាមទារដោះស្រាយភាពមិនប្រក្រតីនៃការបោះឆ្នោត។ លោកថា បើយុត្តិធម៌ពិតប្រាកដ មិនត្រូវបានផ្តល់ជូនម្ចាស់ឆ្នោត គណបក្សនេះ នឹងធ្វើបាតុកម្មជារៀងរាល់ថ្ងៃអាទិត្យ ចាប់ពីថ្ងៃទី១៥ ខែធ្នូ តទៅ។
លោក កឹម សុខា ឲ្យដឹងដែរថា គម្រោងបាតុកម្មរបស់គណបក្សសង្គ្រោះជាតិ ថ្ងៃទី១០ធ្នូ ទិវាសិទ្ធិមនុស្ស នឹងប្តូរទៅធ្វើនៅក្រុងសៀមរាបវិញ ដើម្បីឲ្យក្រុមអង្គការសង្គមស៊ីវិល និងសហជីពការងារ អាចប្រារព្ធទិវាសិទ្ធិមនុស្សអន្តរជាតិ នៅលើទីលានប្រជាធិបតេយ្យ និងដើម្បីជៀសវាងការចោទប្រកាន់ពីគណបក្សកាន់អំណាចថា គណបក្សនេះ មានបំណងកេងចំណេញផ្នែកនយោបាយ។
ជារៀងរាល់ឆ្នាំ ក្នុងទិវាសិទ្ធិមនុស្ស ១០ធ្នូ អង្គការសង្គមស៊ីវិល និងសហជីព ដែលធ្វើការលើវិស័យសិទ្ធិមនុស្ស និងច្បាប់ តែងជួបជុំគ្នា ប្រារព្ធទិវាអន្តរជាតិនេះ។
ប្រធានសម្ព័ន្ធសហជីពប្រជាធិបតេយ្យ កម្មករកាត់ដេរកម្ពុជា(C-CAWDU) លោក អាត់ ធន់ ធ្លាប់ប្រាប់VOD ថា នៅថ្ងៃទិវាសិទ្ធិមនុស្ស ១០ធ្នូ ឆ្នាំនេះ សហជីពនេះ នឹងដឹកនាំកម្មករប្រមាណ៥ពាន់នាក់ ដង្ហែក្បួនទាមទារលក្ខខណ្ឌការងារ៥ចំណុច រួមនឹងការទាមទារស្វែងរកជនដៃដល់ករណីបាញ់សម្លាប់ពលរដ្ឋម្នាក់លើស្ពានស្ទឹងមានជ័យផងដែរ។
កន្លងមក គណបក្សសង្គ្រោះជាតិ បានធ្វើមហាបាតុកម្មចំនួន៣លើកមកហើយ ដើម្បីជំរុញឲ្យស៊ើបអង្កេតភាពមិនប្រក្រតីនៃការបោះឆ្នោត ប៉ុន្តែគណបក្សប្រជាជនកម្ពុជា បដិសេធ ហើយបើកប្រជុំសភាលើកដំបូងដោយឯកបក្ស ដើម្បីបង្កើតរដ្ឋាភិបាលថ្មី៕
សូមសរសេរមកកាន់ លោក តាំង វីដា តាមរយៈ vida@vodhotnews.com
1 comment:
table and chair rentals peoria, az Arizona Event Rentals supplies a select variety of tables including round, banquet, and cocktail. Please scroll through to view all. We offer set up and breakdown services for our table rentals at an additional cost. Call us today for any questions you may have.
Post a Comment