Post by Phe Sovannarith.
ដោយ៖ ស៊ុន ណារិន | ថ្ងៃសៅរ៍ ទី16 ខែវិច្ឆិកា ឆ្នាំ2013, More about Phe Sovannarith here.
រូបថតពីហ្វេសប៊ុក
យុវជនហ្វេសប៊ុកមួយរូប បានបង្ហោះវីដេអូឃ្លីបមួយនៅលើគេហទំព័រ ហ្វេសប៊ុករបស់ខ្លួន ដោយដុតរូបលោកនាយករដ្ឋមន្ត្រី ហ៊ុន សែន ជាការជំរុញឲ្យយុវជនខ្មែរមានភាពក្លាហាន។
យុវជនដែលបង្ហោះវីដេអូឃ្លីបនៅលើប្រព័ន្ធសង្គមហ្វេសប៊ុកនេះ មានឈ្មោះថា ផែ សុវណ្ណារិទ្ធ ដែលអ្នកលេងហ្វេសប៊ុកមួយភាគធំ បានស្គាល់រូបលោក តាមរយៈការរិះគន់នៅលើហ្វេសប៊ុក។
មុនពេលដុតរូបលោកនាយករដ្ឋមន្ត្រី ហ៊ុន សែន លោក ផែ សុវណ្ណារិទ្ធ និយាយថា ការដុតរូបនេះ គឺលោក មានបំណងឲ្យយុវជនខ្មែរត្រូវចេះសាមគ្គីគ្នា និងមិនត្រូវកំសាកទេ។ លោកបន្ថែមថា ការដុតរូបនាយករដ្ឋមន្ត្រីនេះ គឺមិនមែនបង្ហាញថា លោកគាំទ្រគណបក្សនយោបាយណាមួយទេ។ លោកបញ្ជាក់ក្នុងវីដេអូក្លីបថា៖«.....ខ្ញុំដុតរូបលោកហ៊ុន សែន ឲ្យគ្រប់គ្នាមើល។ ពេលខ្ញុំដុតអ្នកខ្លះថានេះ ជាការសម្តែង ខ្ញុំមិន ខ្វល់ ទេ.......ខ្ញុំត្រូវការឲ្យយុវជនទាំងអស់ក្លាហាន។ ហើយខ្លះថាខ្ញុំប្រមាថរាជរដ្ឋាភិបាល ដើម្បីចុះចូលជាមួយសង្គ្រោះជាតិ។ ខ្ញុំប្រាប់ឲ្យច្បាស់ថាខ្ញុំមិនចុះចូលជាមួយសង្គ្រោះជាតិទេ ហើយខ្ញុំ ក៏មិនចុះចូលជាមួយ គណក្សប្រជាជនដែរ»។
កាលពីថ្ងៃសុក្រ ទី១៥ខែវិច្ឆិកា លោក ផែ សុវណ្ណរិទ្ធ បានបង្ហាញរូបចំនួនពីរសន្លឹក គឺរូបរបស់លោកនាយករដ្ឋមន្ត្រី ហ៊ុន សែន និងលោក ជួន សុវណ្ណ ស្នងការរាជធានីភ្នំពេញ។ លោក បានរិះគន់លោក ជួន សុវណ្ណ បន្ទាប់មកលោកបានដុត រូបរបស់មេប៉ូលិសរូបនេះ ដោយករណីហិង្សា កើតឡើងនៅក្បែរស្ពានស្ទឹងមានជ័យ បណ្តាលឲ្យមនុស្សម្នាក់ស្លាប់ និង៨នាក់រងរបួស។ លោក មិនបានដុតរូបលោកនាយករដ្ឋមន្ត្រី ហ៊ុន សែន ទេ តែលោករិះគន់ពីការដឹកនាំរបស់លោក ហ៊ុន សែន ៖ «គឺរូបលោក ហ៊ុន សែន តែខ្ញុំមិនដុតទេ នៅសល់ពេលវេលាមិនច្រើនទេ ប្រសិនបើលោកមិនផ្ដល់ឱកាសឲ្យខ្លួនឯង លោកនៅតែ សន្សំការឈឺចាប់ឲ្យប្រជាជនខ្មែរ លោកនឹងមានវាសនាអាក្រក់ លោកខ្លាំងលោកពូកែលោកអាចគ្រប់គ្រងអំណាចនៅអាណត្ដិទី៥នេះបាន លោកប្លន់អំណាចដោយសន្លឹកឆ្លោតប្រជាជនលោកធ្វើបាន ប៉ុន្ដែឥឡូវនេះ លោកអាយុជាង៦០ឆ្នាំហើយសុខភាពលោកកាន់តែខ្សោយហើយ តើលោករស់បានប៉ុន្មានឆ្នាំទៀតលោកខ្លាំង ដល់ពេលលោកស្លាប់ទៅកូនលោក ហ៊ុន ម៉ានី ហ៊ុន ម៉ាណែត ហ៊ុន ម៉ាណា ហ៊ុនម៉ានិត តើពួកគេខ្លាំងដូចលោកទេ » ។
(លោក ផែ សុវណ្ណារិទ្ធ ដុតរូបលោកជួន សុវណ្ណ ស្នងការរាជធានីភ្នំពេញ)
អ្នកនាំពាក្យក្រសួងមហាផ្ទៃ លោក ខៀវ សុភ័គ ប្រាប់VODថា ការបង្ហោះវីដេអូឃ្លីប និងដុតរូប ជាសិទ្ធិរបស់បុគ្គល ហើយនាយករដ្ឋមន្ត្រី លោក ហ៊ុន សែន មិនដែលមានបំណងនឹងបិទសិទ្ធិសេរីភាពហ្វេសប៊ុកទេ ៖«នៅក្នុងសេចក្ដីប្រកាសរបស់រដ្ឋាភិបាលបីហ្នឹងក៏បាននេះដែរ ប៉ុន្ដែកុំឲ្យធ្វើយ៉ាងណា ការផ្សាយឲ្យមានសីលធម៌ក្នុងខ្លួនផង អានេះវាមិនប៉ះជារឿងអីទេ ប៉ុន្ដែបើសិទ្ធិនយោបាយយើងនៅតែឲ្យមានចឹង»។
នាយកប្រតិបត្តិក្រុមអ្នកច្បាប់ការពារសិទ្ធិកម្ពុជា លោកមេធាវី សុក សំអឿន យល់ឃើញ ការដែលយុវជននោះ ប្រើរូបភាពរិះគន់ និងដុតរូបថតមន្ត្រីសាធារណៈណាមួយ គ្រាន់តែជាមតិផ្ទាល់ខ្លួនប៉ុណ្ណោះ ហើយក្នុងច្បាប់ក៏មិនមានចែងថា ទង្វើនេះ នឹងមានទោសឡើយ ៖ «ទោះអាហ្នឹង វាគ្រាន់ជាទស្សន ហើយម្យ៉ាងបើកាលណាយើងជាមន្ដ្រីសាធារណៈ អាហ្នឹងវាតែងតែរងការរិះគន់ពីប្រជាពលរដ្ឋហើយមិនចឹង ក្នុងច្បាប់អត់មាននិយាយថា នែអ្នកឯងយករូបថតគេទៅដុតជាប់គុក១០ឆ្នាំអត់មានផងហ្នឹង»។
ការដែលយុវជនអ្នកលេងហ្វេសប៊ុក លោក ផែ សុវណ្ណរិទ្ធ ដុតរូបនាយករដ្ឋមន្ត្រី និងស្នងការរាជធានីភ្នំពេញនេះ ធ្វើឲ្យអ្នកប្រើប្រាស់ហ្វេសប៊ុក មានការភ្ញាក់ផ្អើល ដោយឆ្ងល់ថា ហេតុអ្វីបានជាបុគ្គលមួយរូបនេះ ហ៊ានចេញមុខដុតថ្នាក់ដឹកនាំបែបនេះ។
កន្លងទៅ លោក ផែ សុវណ្ណរិទ្ធ ធ្លាប់រិះគន់សកម្មភាពរបស់គណបក្សសង្គ្រោះជាតិ រហូតដល់មានការប្រឈមពាក្យសម្តី ជាមួយអ្នកលេងហ្វេសប៊ុកផ្សេងទៀត៕
សរសេរមកកាន់ លោក ស៊ុន ណារិន តាមរយៈsun_narin@vodhotnews.com
3 comments:
this guy was a Khmer Vietminh.,
he was really on drug n drunk..
needed help on medical
this guy HUN MANET man? all young people for FACEBOOK must be careful
Next step, he needs to speak out in public against Hun Sen, if he really walks out his old path of CPP ardent supporter. Join CNRP next demonstration, raise money for CNRP, and next another step, organize the actions against CPP by getting his group out of CPP.
Post a Comment