Listen to the interview with the anonymous army general here.
ដោយ៖ អ៊ឹង ប៊ុនថន | ថ្ងៃព្រហស្បតិ៍ ទី5 ខែកញ្ញា ឆ្នាំ2013, VoD
ស្តាប់សំឡេង៖ |
ចម្លងទុក |
កងយុទ្ធពលខេមរភូមិន្ទ
ឧត្តមសេនីយ៍ខ្លះនៃជួរកងកម្លាំងការពារជាតិ បានអះអាងថា
ពួកគេមានការអន់ចិត្តនឹងលោកនាយករដ្ឋមន្ត្រី ហ៊ុន សែន
និងមិនបានបោះឆ្នោតគាំទ្រគណបក្សប្រជាជនកម្ពុជាឡើយ
កាលពីការបោះឆ្នោតជាតិឆ្នាំ២០១៣នេះ។
វិទ្យុខ្មែរប៉ុស្តិ៍ដែលផ្សាយតាមប្រព័ន្ធអនឡាញ
បានធ្វើបទសម្ភាសន៍ជាមួយបុរសម្នាក់ ដែលអះអាងថា ជាឧត្តមសេនីយ៍
នៃកងយុទ្ធពលខេមរភូមិន្ទ អះអាងថា កងទ័ព ៧០ភាគរយ
មិនបានបោះឆ្នោតជូនគណបក្សប្រជាជនកម្ពុជាទេ។ ឧត្តមសេនីយ៍
ដែលមិនបញ្ចេញឈ្មោះរូបនេះ លើកហេតុផលថា ដោយសារពួកគេ
អន់ចិត្តនឹងលោកនាយករដ្ឋមន្ត្រី ហ៊ុន សែន
ដែលបានដំឡើងឋានៈកូនប្រុសរបស់លោក ទៅជាឧត្តមសេនីយ៍ផ្កាយ៣
និងផ្កាយ១ ក្នុងរយៈពេលតែខ្លី ៖ “លោកនាយករដ្ឋមន្ត្រី
គាត់កំពុងតែគិត តើអ្នកណា ស្មោះនឹងគាត់ មិនស្មោះនឹងគាត់
ជាក់ស្តែងឃើញហើយគាត់មិនបានបញ្ជា នាយឧត្តមសេនីយ៍ គន់ គីម
គាត់អត់បានបញ្ជានាយឧត្តមសេនីយ៍ ប៉ុល សារឿន
គាត់មិនបានបញ្ជាឧត្តមសេនីយ៍ មាស សុគា
មកបញ្ជាការបង្គ្រាបបាតុកម្មទេ ធម្មតាគាត់ជាអគ្គមេបញ្ជាការ
គាត់អ្នកត្រូវធ្វើ ប៉ុន្តែឥឡូវបញ្ជាទៅឲ្យអ្នកណា ឲ្យទៅឯកឧត្តម ហ៊ុន
ម៉ាណែត ដែលជាកូនប្រុសគាត់ ជាអ្នកបញ្ជាភេវរកម្ម
សម្រាប់សង្គ្រាមភេវរកម្ម បង្គ្រាបបាតុកម្ម នៅក្នុងទីក្រុងភ្នំពេញ
នៅហើយឃើញថាបែកបាក់ផ្ទៃក្នុង ជាក់ស្តែងឯកឧត្តម គន់ គីម
អត់បាននៅក្នុងជួរកងកម្លាំងប្រដាប់អាវុធតទៅទៀតទេ
គាត់ទៅធ្វើជាមន្ត្រីនយោបាយ នៅខេត្តឧត្តរមានជ័យ បាត់ទៅហើយ”។
ឧត្តមសេនីយ៍រូបនេះ អះអាងទៀតថា
កងទ័ពការពារព្រំដែនមិនបានទទួលការគិតគូរដូច យុវជនស្ម័គ្រចិត្ត
ដែលលោកនាយករដ្ឋមន្ត្រី ផ្តល់ប្រាក់ឧបត្ថម្ភច្រើន
និងទៅចូលរួមបុណ្យសព ព្រមទាំងផ្តល់មុខងារឲ្យម្តាយជនរងគ្រោះ
ជាទីប្រឹក្សានោះ ៖ “ទីមួយ មន្ត្រីកងយុទ្ធពលខេរភូមិន្ទ
ត្រូវបានមើលងាយ ពីមើលថោក ពីសម្តេចនាយក
ដោយសារករណីវីរយុវជនស្ម័គ្រចិត្ត របស់លោកនាយករដ្ឋមន្ត្រី
ចុះទៅវាស់ដីនៅតាមព្រំដែន គឺវីរយុវជនរបស់លោក តេជោ ហ៊ុន សែន
គាត់មានភាពរស់នៅ ថ្លៃថ្នូរជាងកងយុទ្ធពលខេមរភូមិន្ទ
ដែលជាអ្នកបម្រើជាតិ គ្រាន់តែយុវជនស្ម័គ្រចិត្តម្នាក់ស្លាប់
លោកនាយករដ្ឋមន្ត្រី ចុះទៅផ្ទាល់ទៅធ្វើបុណ្យឲ្យ តែងតាំងម្តាយ
ឬមួយគ្រួសារគេ ជាទីព្រឹក្សាផ្ទាល់
ចុះចំណែកឧត្តមសេនីយ៍មួយចំនួនដែលពលី តើមានឃើញលោកនាយករដ្ឋមន្ត្រី
ទៅធ្វើបុណ្យ តើមានឃើញលោកនាយករដ្ឋមន្ត្រី
តែងតាំងប្រពន្ធកូនគេជាស្អីទេ?”
ក្រុមមន្ត្រីជាន់ខ្ពស់នៃក្រសួងការពារជាតិ ដូចជា លោក ទៀ បាញ់ លោក
នាង ផាត លោក ម៉ឹង សំផន លោក ជា ដារ៉ា លោកឈុំ សុជាតិ និង
លោកកូនប្រុសលោកនាយករដ្ឋមន្ត្រី គឺលោក ហ៊ុន ម៉ាណែត
មិនអាចទាក់ទងបានទេ។ ចំណែកលោក ស្រី ឌឹក អះអាងថាជាប់រវល់។
ប៉ុន្តែរដ្ឋខាធិការក្រសួងការពារជាតិ លោក ផាន់ ងួន
បានតម្រូវឲ្យអ្នកសារព័ត៌មាននាំឧត្តមសេនីយ៍រូបនោះ
ទៅក្រសួងការពារជាតិទើបឆ្លើយសំណួនេះបាន។
ក្រុមអ្នកវិភាគ ក៏យល់ថា
ការអះអាងរបស់ឧត្តមសេនីយ៍មិនបញ្ចេញឈ្មោះនោះ
មិនអាចយកជាការបានទេ។ លោកបណ្ឌិត សុខ ទូច វិភាគថា
នេះគ្រាន់តែយុទ្ធសាស្ត្រនយោបាយ នៅពេលជិតមានបាតុកម្មកើតឡើង ៖ “
យើងដឹងហើយថាកងទ័ព គាត់មិនមែនបាក់ស្បាថ កងទ័ពកាតព្វកិច្ច
ធ្វើកងទ័ពជាឧបករណ៍របស់រដ្ឋាភិបាល ឥឡូវនេះរដ្ឋាភិបាលចាំផ្ទះ
ទីពីរកងកម្លាំងទោះបីប្រទេសណា ក៏ដូចប្រទេសណាដែរ
គឺគេត្រូវបំពេញកាតព្វកិច្ចជាកងកម្លាំង
ដោយសារតែរដ្ឋធម្មនុញ្ញយើងបានចែងថា កងកម្លាំងនៅអព្យាក្រឹត្យភាព
អញ្ជឹងកងកម្លាំង កងទ័ព វាខុសពីអង្គរក្ស អញ្ជឹងកងទ័ព
អាចមិនប្រើប្រាស់កម្លាំងណាមួយ មកលើប្រជាជនរបស់ខ្លួន
ដែលខុសទៅនឹងរដ្ឋធម្មនុញ្ញ ដែលចែងថាកងទ័ពអព្យាក្រឹត្យ”។
លោក អ៊ូ វីរៈ ក៏យល់ថា ការអះអាងរបស់ឧត្តមសេនីយ៍មិនបញ្ចេញឈ្មោះនោះ
មិនពិតទេ ហើយអ្វីដែលថា កងទ័ព៧០ភាគរយ
ឈប់គាំទ្រលោកនាយករដ្ឋមន្ត្រីនោះ គេពិបាកនឹងវាស់វែង ៖ “
ចំពោះខ្ញុំៗ មិនថាមិនដល់ ៧០ភាគរយទេ លើនិយាយនេះ ប្រសិនជាដល់
៧០ភាគរយមែន ខ្ញុំថាមិនមានលទ្ធផលដល់ប៉ុណ្ណេះទេ
ប្រហែលជាលទ្ធផលអាចនឹងលើសនេះទៀត”។
កាលពីពេលថ្មីៗនេះ
ទាហានម្នាក់ប្រចាំការនៅខេត្តព្រះវិហារត្រូវបានមេបញ្ជាការរបស់
ខ្លួន ដាក់ពិន័យ ដោយបញ្ឈរជើង បន្ទាប់ពីទាហានរូបនេះ
ត្រូវបានគេរកឃើញថា បានទម្លាក់លិខិតអនាមិកមួយ
ចូលក្នុងហិបឆ្នោត លាតត្រដាងពីអំពើពុករលួយក្នុងអង្គភាពកងទ័ព៕
សូមសរសេរមកលោក អ៊ឹង ប៊ុនថន តាមរយៈ chanthorn@vodhotnews.com
1 comment:
all the military should get to gether and kill their own boss if you know your boss is on hun sen side kill them. if 100 of military again only one boss we khmer can do it kill your own boss who is side with hun side party. the military kill you own boss to clear our way to a real democracy. kill your own boss who side with hun sen.
Post a Comment