ដោយ៖ ស៊ុន ណារិន | ថ្ងៃពុធ ទី11 ខែកញ្ញា ឆ្នាំ2013 | 3 ម៉ោង មុន
ប្រធានគណបក្សសង្គ្រោះជាតិ លោក សម
រង្ស៊ី ថ្លែងថា លោកមិនបានជួបចរចាជាមួយលោកនាយករដ្ឋមន្ត្រី ហ៊ុន
សែនទេ ក្រៅពីការទទួលព្រះមហាក្សត្រទេនៅម៉ោងជាង៤រសៀលនេះ
បើទោះជាលោកស្ថិតក្នុងបន្ទប់VIPជាមួយគ្នា។
លោក សម រង្ស៊ី
ឆ្លើយនឹងសំណួរអ្នកសារព័ត៌មានក្រោយពីទទួលព្រះមហាក្សត្រ
នៅម៉ោងជិត៤កន្លះនេះថា
លោកមិនបានជួបនិយាយជាមួយនាយករដ្ឋមន្ត្រីទេ
បើទោះថ្នាក់ដឹកនាំទាំងពីរ ទៅទទួលព្រះមហាក្សត្រតែមួយ។
អ្នកតាមដាននយោបាយ កំពុងតែយកចិត្តទុកដាក់ថា តើមេដឹកនាំទាំងពីរ
បានជួបនិយាយគ្នាដែរឬទេ។ ចំណែកលោកនាយករដ្ឋមន្ត្រី ហ៊ុន សែន
មិនបានថ្លែងអ្វីទៅកាន់អ្នកសារព័ត៌មានទេ
ហើយក៏មិនមានតំណាងរដ្ឋាភិបាល
ចេញមុខថ្លែងអ្វីបន្តិចបន្តួចទៅកាន់អ្នកសារព័ត៌មានដែរ។
មុនពេលទទួលព្រះមហាក្សត្រ លោក សម
រង្ស៊ី និងលោកនាយករដ្ឋមន្ត្រី ហ៊ុន សែន បានចូលក្នុងបន្ទប់VIP
នៅអាកាសយាន្តដ្ឋានអន្តរជាតិភ្នំពេញ។ មុនពេលចូលបន្ទប់VIP លោក សម
រង្ស៊ី បានឆ្លើយស្ទាក់ស្ទើរនៅពេលអ្នកសារព័ត៌មានចោទជាសំណួរថា
លោកនឹងជួបចរចាជាមួយលោកនាយករដ្ឋមន្ត្រី ហ៊ុន សែន ដែរឬទេ
ពេលទទួលព្រះមហាក្សត្រ។ លោកគ្រាន់តែបញ្ជាក់ថា
លោកមកទទួលព្រះមហាក្សត្រ។
មេដឹកនាំគណបក្សធំពីរ
ដែលបានទទួលបានអាសនៈសភា
ត្រូវគេរំពឹងអាចនឹងជួបគ្នាជាលើកដំបូងនៅពេលដែលថា្នក់ដឹកនាំ
ទាំងពីរនេះ ទៅទទួលព្រះមហាក្សត្រ
ដែលយាងមកកាន់មាតុភូមិកម្ពុជាវិញពីទីក្រុងប៉េកាំង
នៅរសៀលថ្ងៃពុធនេះ៕
សរសេរមកកាន់ លោក ស៊ុន ណារិន តាមរយៈ sun_narin@vodhotnews.com
No comments:
Post a Comment