គណៈកម្មាធិការដើម្បីការបោះឆ្នោតដោយសេរី
និងយុត្តិធម៌នៅកម្ពុជា(ខុមហ្វ្រែល) នៅថ្ងៃនេះ
បានបង្ហាញរបាយការណ៍ថ្មី ស្តីពីភាពមិនប្រក្រតីនៅថ្ងៃស ថ្ងៃបោះឆ្នោត
និងថ្ងៃរាប់សន្លឹកឆ្នោត ដែលបានរកឃើញកើតមាន១០៨២៧ករណី។
ក្នុងសេចក្តីប្រកាសព័ត៌មានរបស់ខុមហ្វ្រែល
ចេញផ្សាយនៅថ្ងៃព្រហស្បតិ៍នេះ បានឲ្យដឹងថា
ភាពមិនប្រក្រតីដែលអង្គការនេះ រកឃើញនៅមុន និងក្រោយថ្ងៃបោះឆ្នោត
កើតមាន១០៨២៧ករណី កើតមាននៅការិយាល័យ២០៥៩។ ភាពមិនប្រក្រតីទាំងនោះ
ភាគច្រើនបាត់ឈ្មោះបោះឆ្នោត និងឈ្មោះបោះឆ្នោតជាន់គ្នាជាដើម។
ជុំវិញភាពមិនប្រក្រតីនៃការបោះឆ្នោតនេះ គ.ជ.ប បានទទួលស្គាល់ថា
ពិតជាកើតឡើងមែន ហើយបានប៉ះពាល់ដល់ដំណើរការបោះឆ្នោត
និងរាប់សន្លឹកឆ្នោត ក្នុងកម្រិតមួយ
តែមិនប៉ះពាល់ដល់លទ្ធផលនៃការបោះឆ្នោតទេ។
តែសម្រាប់កគណបក្សសង្គ្រោះជាតិ អះអាងថា ភាពមិនប្រក្រតីកើតឡើងច្រើន
ហើយគ.ជ.ប មិនដោះស្រាយឲ្យមានតម្លាភាព ទើបគណបក្សប្រឆាំងនេះ
ប្រកាសមិនទទួលស្គាល់លទ្ធផល៕
សូមសរសេរមកកាន់កញ្ញា សេង ម៉ូលីនី តាមរយៈ sengmoliny@gmail.com
- See more at: http://vodhotnews.com/15371#sthash.MM7ZIWQp.dpuf
No comments:
Post a Comment