A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday 12 July 2013

Vietnamese forest rangers shot at 3 Cambodians who forage in the so-called "overlapping area" មេ​ព្រៃ​វៀតណាម​បាញ់​ពលរដ្ឋ​ខ្មែរ​៣​នាក់​នៅ​ព្រំដែន

ពលរដ្ឋ​ខ្មែរ ៣​នាក់ នៅ​ស្រុក​មេមត់ ខេត្ត​កំពង់ចាម ត្រូវ​បាន​មេ​ព្រៃ​វៀតណាម តាម​បាញ់​នៅ​ពេល​ពួក​គាត់​ចូល​ក្នុង​តំបន់​មួយ​ដែល​ពួក​គាត់​អះអាង​ថា ជា​តំបន់​ស​រវាង​ប្រទេស​ទាំង​ពីរ គឺ​កម្ពុជា-វៀតណាម ដើម្បី​គាស់​ទំពាំង និង​រក​ឈើ​ធ្វើ​ដង​ចប។
 
ដោយ យាង សុជាមេត្តា RFA
2013-07-12
 
មេ​ព្រៃ​ជនជាតិ​វៀតណាម បាន​ធ្វើ​ការ​បាញ់​ប្រហារ​លើ​ពលរដ្ឋ​ខ្មែរ ៣​នាក់ កាល​ពី​ថ្ងៃ​ទី២ កក្កដា កន្លង​ទៅ​នេះ។ ការ​បាញ់​ប្រហារ​បាន​បណ្ដាល​អោយ​ពលរដ្ឋ​ខ្មែរ​ម្នាក់​ឈ្មោះ ង៉ាវ ធឿន រង​របួស​នៅ​ត្រង់​កំភួន​ជើង​ស្តាំ។ ចំណែក​ពលរដ្ឋ​ខ្មែរ​ពីរ​នាក់​ផ្សេង​ទៀត មិន​បាន​រង​របួស​អ្វី​ទេ ដោយសារ​ពួក​គាត់​បាន​រត់​គេច​ខ្លួន​រួច។ ពលរដ្ឋ​ខ្មែរ​ទាំង​បី​នាក់​នេះ មាន​ទីលំនៅ​នៅ​ភូមិ​ដាត្បូង ឃុំ​ដា ស្រុក​មេមត់ ខេត្ត​កំពង់ចាម។
លោក ង៉ាវ ធឿន ដែល​ជា​ជន​រងគ្រោះ​ក្នុង​ការ​បាញ់​ប្រហារ បាន​និយាយ​ប្រាប់​អោយ​ដឹង​ថា កាល​ពី​ថ្ងៃ​ទី២ កក្កដា រូប​គាត់​ជាមួយ​អ្នក​ភូមិ​ពីរ​នាក់​ផ្សេង​ទៀត ឈ្មោះ សំរិត ថែល និង យួន យេន បាន​បបួល​គ្នា​ទៅ​តំបន់​មួយ​ដែល​គាត់​អះអាង​ថា ជា​តំបន់​ស​រវាង​ប្រទេស​កម្ពុជា និង​វៀតណាម ដើម្បី​គាស់​ទំពាំង និង​រក​ឈើ​ដើម្បី​ធ្វើ​ដង​ចប។
លោក​បន្ត​ថា នៅ​ថ្ងៃ​នោះ លោក​រក​ទំពាំង​បាន​ពីរ​មើម និង​ចាប់​សត្វ​អណ្ដើក​បាន​មួយ​ក្បាល​នៅ​តាម​ផ្លូវ​ត្រឡប់​មក​ផ្ទះ​វិញ ចំណែក​អ្នក​ភូមិ​ពីរ​នាក់​ទៀត​គ្មាន​រក​អ្វី​បាន​ទាំងអស់។ ពេល​កំពុង​ដើរ​ត្រឡប់​មក​វិញ​នៅ​តាម​ផ្លូវ ស្រាប់​តែ​ពើប​ប្រទះ​ជនជាតិ​វៀតណាម ពីរ​នាក់ ម្នាក់​ស្លៀកពាក់​ជា​ស៊ីវិល​ធម្មតា និង​ម្នាក់​ទៀត​ស្លៀក​ខោ​ជា​មេ​ព្រៃ កំពុង​ឈរ​រង់ចាំ​ស្ទាក់​ផ្លូវ​ពួក​គាត់។ គាត់​និយាយ​ថា ពេល​ឃើញ​ពួក​គាត់​ភ្លាម មេ​ព្រៃ​វៀតណាម បាន​អា​មេ​កាំភ្លើង​ភ្ជង់​ពួក​គាត់ ហើយ​អោយ​ពួក​គាត់​ទម្លាក់​កាំបិត​ចុះ។
លោក ង៉ាវ ធឿន៖ «ពេល​នោះ​ពួក​ខ្ញុំ​បាន​ត​ទៅ​វា​ថា កាំបិត​ហ្នឹង​ខ្ញុំ​ខ្ចី​គេ​ទេ​បង ខ្ញុំ​ខ្ចី​គេ​ទៅ​រក​កាប់​ដង​ចប ពេល​នោះ​វា​មិន​ព្រម វា​មិន​ស្តាប់​យើង​ទេ វា​ថា​បើ​មិន​ទម្លាក់​ចុះ វា​បាញ់​បាក់​ជើង ខ្ញុំ​ក៏​ទម្លាក់​ទំពាំង ទម្លាក់​សត្វ​ចុះ​ទៅ ខ្ញុំ​បែរ​ខ្នង​ដើរ​មក វា​ក៏​បាញ់​ខ្ញុំ​ពី​ក្រោយ បាន​ពួក​ខ្ញុំ​ទម្លាក់​កាំបិត ក៏​នាំ​គ្នា​រត់​មក​ព្រំដែន​វិញ»

លោក ង៉ាវ ធឿន និយាយ​ថា តាំង​ពី​ដើម​មក ពលរដ្ឋ​រស់នៅ​ក្នុង​ភូមិ​របស់​គាត់​តែង​តែ​ទៅ​ទី​នោះ ដើម្បី​រក​ទំពាំង ឈើ ឬ​ត្រី​សាច់​ជាដើម ហើយ​ពុំ​ដែល​មាន​បញ្ហា​អ្វី​នោះ​ទេ។ លោក​ថា កាល​ពី​ដើម គេ​ហៅ​តំបន់​នោះ​ថា ភូមិ​ដូង​៧​ដើម។ តែ​លោក​ក៏​បាន​និយាយ​ដែរ​ថា សព្វថ្ងៃ វៀតណាម បាន​កាន់​កាប់​តំបន់​នេះ​ហើយ៖ «ពី​ដើម ដី​ហ្នឹង​គឺ​នៅ​ក្នុង​ដី​ខ្មែរ​ទេ អ្នក​ស្រុក​ភូមិ​ដា ហ្នឹង គេ​រក​ស៊ី​ចូល​ព្រៃ​ជីក​ទំពាំង​ជីក​អ៊ី​រាល់​តែ​ឆ្នាំ ព្រោះ​កន្លែង​តំបន់​ហ្នឹង​ខ្មែរ​ចាស់ៗ​ពី​ដើម​មក​រហូត ចូល​រក​ស៊ី​ជីក​ទំពាំង ជីក​អ៊ី​ហ្នឹង កាប់​ដង​ចប រក​ត្រី​រក​អ៊ី​ហ្នឹង»
មេ​ឃុំ​ដា លោក យឹម សុផា ដែល​ជា​អ្នក​ជ្រោមជ្រែង​នាំ​យក​លោក ង៉ាវ ធឿន មក​ព្យាបាល​នៅ​មន្ទីរពេទ្យ​ខេត្ត​កំពង់ចាម បាន​មាន​ប្រសាសន៍​ដូច​លោក ង៉ាវ ធឿន ថា តំបន់​នោះ​សព្វថ្ងៃ​បាន​ស្ថិត​ក្រោម​ការ​គ្រប់គ្រង​របស់​ប្រទេស​វៀតណាម។ លោក​បន្ត​ថា ជា​ទម្លាប់​តាំង​ពី​ដើម អ្នក​ស្រុក​អ្នក​ភូមិ​តែង​តែ​ទៅ​រក​ភោគផល​នៅ​ទី​នោះ៖ «បើ​និយាយ​អោយ​មែន​ ទែន​ទៅ ដី​គេ​ដី​យើង​អ៊ី ដី​ខ្មែរ​តែ​ទាំងអស់​ហ្នឹង​ពី​ដើម​មក ប៉ុន្តែ​តាំង​ពី​ហ្នឹង​មក វៀតណាម ចេះ​តែ​ចូល​មក​យក​ដល់​ហ្នឹង​ទៅ។ និយាយ​រួម​ទៅ ខ្មែរ​តាំង​ពី​ដូនតា គាត់​ធ្លាប់​មាន​ប្រវត្តិ​មាន​ដីធ្លី​គាត់​នៅ​ហ្នឹង»
លោក យឹម សុផា បាន​មាន​ប្រសាសន៍​បន្ត​ទៀត​ថា បន្ទាប់​ពី​មាន​ព្រឹត្តិការណ៍​បាញ់​ប្រហារ​លើ​ពលរដ្ឋ​ខ្មែរ លោក​ក៏​បាន​ទៅ​ជួប​មេ​ឃុំ​វៀតណាម ឃុំ​តាំងឡឹក របស់​ខេត្ត​តៃនិញ ដើម្បី​សួរ​នាំ​មេ​ឃុំ​វៀតណាម រូប​នោះ ពី​ការ​បាញ់​ប្រហារ។ លោក​ថា មេ​ឃុំ​វៀតណាម បាន​និយាយ​សម្ដែង​ការ​សោកស្ដាយ​ចំពោះ​ហេតុការណ៍​ដែល​បាន​កើត​ឡើង។ តែ​មេ​ឃុំ​វៀតណាម រូប​នោះ​ក៏​បាន​និយាយ​ដែរ​ថា នៅ​ប្រទេស​វៀតណាម បច្ចុប្បន្ន គេ​មាន​ច្បាប់​អភិរក្ស​ដី​ព្រៃ ដែល​នៅ​ជាប់​ព្រំដែន គេ​មិន​អនុញ្ញាត​អោយ​ពលរដ្ឋ​ណា​ចូល​កាប់​ឈើ ឬ​បរ​បាញ់​សត្វ​ក្នុង​តំបន់​អភិរក្ស​នោះ​ទេ ហើយ​គេ​ថា បើ​នៅ​វៀតណាម វិញ អ្នក​ដែល​ហ៊ាន​ចូល​ក្នុង​ដី​ព្រៃ​អភិរក្ស​ទាំង​នោះ គឺ​ត្រូវ​ជាប់​គុក​តែ​ម្តង។ តែ​លោក យឹម សុផា ក៏​បាន​ផ្តែផ្តាំ​ទៅ​មេ​ឃុំ​វៀតណាម ថា មិន​គួរ​ប្រើ​អំពើ​ហិង្សា​ដោះស្រាយ​បញ្ហា​នោះ​ទេ គួរ​ស្វែង​រក​ដំណោះស្រាយ​ដោយ​សន្តិវិធី​វិញ​វា​ប្រសើរ​ជាង។
លោក យឹម សុផា៖ «ថ្ងៃ​ក្រោយ យើង​នៅ​ប្រទេស​ភូមិ​ផង​របង​ជាមួយ បើ​មាន​បញ្ហា​អ៊ី​កើត​ឡើង យើង​ចរចា​គ្នា​ទៅ ឃាត់​ខ្លួន​គាត់​ទៅ ហើយ​ទុក​អោយ​អាជ្ញាធរ​ដោះស្រាយ​គ្នា​ទៅ យក​មនុស្ស​មក​ណែនាំ​អប់រំ​ទៅ»
លោក​បន្ត​ថា លោក​បាន​បញ្ជូន​ពាក្យ​បណ្ដឹង​របស់​ជន​រងគ្រោះ​ទៅ​ប៉ុស្តិ៍​នគរបាល​រដ្ឋបាល​ ឃុំ​ដា រួច​ហើយ ហើយ​ពាក្យ​បណ្ដឹង​ក៏​ត្រូវ​បាន​បញ្ជូន​បន្ត​ទៅ​កាន់​អធិការ​នគរបាល​ស្រុក​ មេមត់ រួច​ហើយ​ដែរ ដើម្បី​ដោះស្រាយ​តាម​ផ្លូវ​ច្បាប់។
វិទ្យុ​អាស៊ីសេរី មិន​អាច​ទាក់ទង​អធិការ​នគរបាល​ស្រុក​មេមត់ លោក អែម កុសល ដើម្បី​សាកសួរ​ព័ត៌មាន​បន្ថែម​ពី​បញ្ហា​ប្ដឹង​ផ្តល់​នេះ​ទេ។
ចំណែក​អភិបាល​ស្រុក​មេមត់ លោក ចេង ប៉ុណ្ណារ៉ា បាន​មាន​ប្រសាសន៍​ថា លោក​បាន​ដឹង​ពី​ហេតុការណ៍​នេះ​ដែរ ហើយ​ខាង​លោក​កំពុង​ធ្វើ​ការ​ស្រាវជ្រាវ​ពី​បញ្ហា​នេះ។
ប៉ុន្តែ លោក ង៉ាវ ធឿន ជា​ជន​រងគ្រោះ បាន​និយាយ​ប្រាប់​អោយ​ដឹង​ថា លោក​ត្រូវ​បាន​អធិការ​នគរបាល​ស្រុក​មេមត់ ហៅ​ទៅ​សាកសួរ​បន្ថែម​កាល​ពី​ព្រឹក​ថ្ងៃ​ទី១២ កក្កដា។ លោក​បន្ត​ថា អធិការ​នគរបាល​ស្រុក​ប្រាប់​លោក​ថា គេ​នឹង​លើក​យក​បញ្ហា​នេះ​មក​ពិភាក្សា​គ្នា​ជាមួយ​ភាគី​វៀតណាម នៅ​ពេល​ដែល​មាន​កិច្ច​ប្រជុំ​រវាង​ខេត្ត​កំពង់ចាម និង​ខេត្ត​តៃនិញ។ លោក ង៉ាវ ធឿន និយាយ​ថា លោក​មិន​សូវ​សង្ឃឹម​ថា​នឹង​មាន​ដំណោះស្រាយ​សម្រាប់​លោក​ក្នុង​ពេល​ឆាប់ៗ​នេះ ​នោះ​ទេ។
ប្រធាន​អង្គការ​សិទ្ធិ​មនុស្ស​លីកាដូ (Licadho) ប្រចាំ​ខេត្ត​កំពង់ចាម លោក ប៊ូ វីរៈ ដែល​បាន​តាម​ដាន​បញ្ហា​នេះ​ដែរ​នោះ​បាន​មាន​ប្រសាសន៍​ថា វា​ប្រហែល​ជា​ពិបាក​រក​យុត្តិធម៌​ជូន​ជន​រងគ្រោះ​បាន​ភ្លាមៗ ព្រោះ​បញ្ហា​នេះ​វា​ទាមទារ​អោយ​មាន​ការ​ចូលរួម​សហការ​រួម​គ្នា​ពី​អាជ្ញាធរ​ ទាំង​ពីរ​ប្រទេស គឺ​កម្ពុជា និង​វៀតណាម៖ «ភាគី​ទាំង​ពីរ រដ្ឋ និង​រដ្ឋ​ហ្នឹង ឬ​ក៏​ខេត្ត និង​ខេត្ត​ហ្នឹង មាន​កិច្ច​សហប្រតិបត្តិការ​គ្នា ទើប​អាច​ធ្វើ​ទៅ​បាន ព្រោះ​យើង​មិន​អាច​ទៅ​ចាប់​ជន​ល្មើស​នៅ​លើ​ទឹកដី​គេ​បាន​ទេ ទោះ​បី​ជា​យើង​រក​ទៅ​ឃើញ​ថា ខុស​ច្បាប់ ឬ​វា​ត្រូវ​ច្បាប់​យ៉ាង​ម៉េច»
តែ​ទោះ​យ៉ាង​ណា​ក៏ដោយ លោក​ថា អង្គការ​របស់​លោក​នឹង​នៅ​តែ​បន្ត​តាម​ដាន​មើល​ការ​ដោះស្រាយ​ពី​ករណី​បាញ់​ ប្រហារ​នេះ។ លោក​បាន​អំពាវនាវ​អោយ​អាជ្ញាធរ​ខេត្ត​កំពង់ចាម ជួយ​ស្វែង​រក​យុត្តិធម៌​អោយ​ជន​រងគ្រោះ ព្រោះ​ថា​ជន​រងគ្រោះ​ចូល​ក្នុង​ទឹក​ដី​វៀតណាម ក៏​គ្មាន​បំណង​អាក្រក់​ដើម្បី​ទន្ទ្រាន​យក​ដី​វៀតណាម ឬ​បង្ក​ជា​អសន្តិសុខ​សង្គម​ដល់​ប្រទេស​វៀតណាម នោះ​ទេ ពួក​គេ​គ្រាន់​តែ​ចូល​ដើម្បី​ស្វែង​រក​ភោគផល​ដែល​គេ​ធ្លាប់​តែ​ពឹងពាក់​ អាស្រ័យ​តាំង​ពី​ដើម​រៀង​មក​ប៉ុណ្ណោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

6 comments:

Anonymous said...

Bad evil Vietnamese/Yuon gooks who killed my Khmer people. This makes us Khmer very angry at those evil Yuon/Vietnamese gooks who are illegal land encroaching parasites.

Anonymous said...

Why don't we shoot'em back? Why don't we kill'em like they did to us?

Anonymous said...

From past history Youn always the one killing Cambodian. I am sick & tired of hearing Youn or Siam killing Khmers trespass in their land. Almost most of Thailand & South Vietnam was our ancestor's land. Gentlemen we can shoot back at them because our government is weak. Our country armed forces still not capable of defending it's peoples and territories.

Anonymous said...

When they say "white area or overlapping area" it's always taken over/occupied by the neighbors, whether it's on the Thai or Vietnamese side of the borders because these neighbors always encroached on Khmer borders.

Anonymous said...

The shooters are illegal loggers not park ranger/border guards. Don't be confused. Vietnam only arrest you , not shoot at you. Like a few months back, Vietnam arrested some Laotians who logged. They have killed forest plants collector on the Vietnam side.

Anonymous said...

11:17 am, in the article it says "chief rangers", it didn't say "illegal loggers" who shot at the Khmer people. The reality is that the so-called "Overlapping Areas" are always Khmer territories.