ដោយ ហង្ស សាវយុត RFA
2013-07-24
2013-07-24
ស្ដាប់ ឬ ទាញយកសំឡេង
ក្បួនឃោសនារបស់គណបក្សសង្គ្រោះជាតិ នាខេត្តសៀមរាប នៅថ្ងៃទី២៤ កក្កដា ឆ្នាំ២០១៣។
RFA/Hang Savyouth
យុទ្ធនាការឃោសនារកសំឡេងឆ្នោតដែលមានលោក សម រង្ស៊ី និងលោក កឹម
សុខា នាំមុខនោះ
បានធ្វើឱ្យមានភាពកកកុញដោយហ្វូងមនុស្សនៅតាមដងផ្លូវក្នុង
ទីក្រុងជាច្រើនកន្លែង។
មេបក្សប្រឆាំងនៃប្រទេសកម្ពុជា គឺលោក សម រង្ស៊ី បានសន្យានៅចំពោះមុខមហាជនរាប់ម៉ឺននាក់ក្នុងពេលធ្វើយុទ្ធនាការ ឃោសនាជាច្រើនម៉ោងថា ប្រសិនបើគណបក្សសង្គ្រោះជាតិរបស់លោកឈ្នះឆ្នោត ហើយដឹកនាំរដ្ឋាភិបាលក្នុងអាណត្តិទី៥នេះ វិធានការមុនដំបូងគេបំផុត គឺលោកត្រូវដកហូតយកប្រាសាទអង្គរវត្តពីក្រុមហ៊ុនឯកជនមកវិញ ដើម្បីឱ្យរដ្ឋបានគ្រប់គ្រងចំណូលពីការលក់សំបុត្រ ភ្ញៀវទេសចរបានត្រឹមត្រូវ។
លោក សម រង្ស៊ី បានចោទប្រកាន់ថា រដ្ឋាភិបាលបច្ចុប្បន្នបានគ្រប់គ្រងចំណូលពីការលក់សំបុត្រអង្គរវត្ត ដែលប្រគល់ទៅឱ្យក្រុមហ៊ុន សូគីម៉ិច (Sokimex) គ្រប់គ្រងនិងការអភិវឌ្ឍលើវិស័យមួយចំនួនទៀតមិនត្រឹមត្រូវ ដោយផ្ដល់ផលប្រយោជន៍ឱ្យតែបក្សពួក និងឧកញ៉ាមួយចំនួន៖ «អង្គវត្ត ជានិមិត្តរូបនៃប្រទេសយើង ហើយវិធានការមុនគេ គឺខ្ញុំសុំយកអង្គរវត្តពីក្រុមហ៊ុនយួនមកវិញហើយ។អភិវឌ្ឍពិតប្រាកដ គឺអភិវឌ្ឍន៍សម្រាប់ប្រជារាស្ត្រទូទៅ ជាពិសេសជួយអ្នកក្រ។ អភិវឌ្ឍសម្រាប់តែ សុខ គង់ មិនមែនអភិវឌ្ឍន៍ទេ»។
កាលពីជាង ២សប្ដាហ៍មុន គណបក្សសង្គ្រោះជាតិ ធ្លាប់បានអះអាងថា
ចំណូលអង្គរវត្តដែលបានពីការលក់សំបុត្រឱ្យភ្ញៀវទេសចរបរទេសចូល
ទស្សនា គឺប្រហែលជា ២០០លានដុល្លារអាមេរិកក្នុង១ឆ្នាំៗ
ក៏ប៉ុន្តែរដ្ឋាភិបាលបច្ចុប្បន្នបានធ្វើឱ្យបាត់ចំណូលនេះជាច្រើន។
អាជ្ញាធរអប្សរាទទួលបន្ទុកការពារប្រាសាទបុរាណនៅខេត្តសៀមរាប ធ្លាប់បានបញ្ចេញប្រតិកម្មឆ្លើយតបចំពោះការលើកឡើងអំពីចំណូល ទេសចរណ៍នេះ ដោយថា ការអះអាងរបស់គណបក្សសង្គ្រោះជាតិ គឺជាការគណនាខុសពីការពិត។
កាលពីព្រឹកថ្ងៃពុធ ទី២៤ ខែកក្កដា ក្រុមអ្នកចូលរួមដង្ហែក្បួនឃោសនាឱ្យគណបក្សសង្គ្រោះជាតិ បានគាំទ្រលោក សម រង្ស៊ី និងលោក កឹម សុខា ទៅលើរាល់បញ្ហាលើកឡើង គឺសុទ្ធតែជារឿងត្រឹមត្រូវ ហើយពួកគេបានស្រែកហ៊ោ ចង់ឱ្យមានការផ្លាស់មេដឹកនាំរដ្ឋាភិបាលចេញ។
ទោះយ៉ាងណា មន្ត្រីរដ្ឋាភិបាលបានប្រតិកម្មតបនឹងការឃោសនារបស់គណបក្សប្រឆាំង ដែលនិយាយអំពីលំហូរចូលនៃអាណិកជនវៀតណាម ខុសច្បាប់មកកម្ពុជា នោះថា គឺជាពាក្យសំដីអសុរោះដែលខុសពីច្បាប់។
អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានមានប្រសាសន៍ថា នៅក្នុងអំឡុងពេលយុទ្ធនាការឃោសនាជាច្រើនថ្ងៃមកនេះ គណបក្សសង្គ្រោះជាតិ បានធ្វើមិនត្រឹមត្រូវទេ៖ «ការប្រើ ពាក្យអសុរោះវោហារសាស្ត្រក្នុងការប្រឆាំងពូជសាសន៍ជាបម្រាមនៅក្នុង ច្បាប់ ជាបម្រាមនៅក្នុងបទបញ្ជារបស់គណៈកម្មាធិការជាតិ រៀបចំការបោះឆ្នោត ដែលគណបក្សប្រឆាំងតែងតែរំលោភច្បាប់។ ម្ល៉ោះហើយទុកឱ្យប្រជាពលរដ្ឋជាអ្នកវិនិច្ឆ័យនិងកាត់ក្តី ថាគណបក្សណាមួយដែលស៊ីវិល័យ និងគណបក្សណាមួយដែលព្រៃផ្សៃ»។
ក្បួនយុទ្ធនាការឃោសនាជាច្រើនម៉ោងនៅក្នុងទីខេត្តសៀមរាប របស់គណបក្សសង្គ្រោះជាតិ បើទោះបីជាសមត្ថកិច្ចបានខិតខំរៀបចំសណ្ដាប់ធ្នាប់ និងសម្រួលចរាចរណ៍នៅតាមដងផ្លូវក៏ដោយ ក៏គេឃើញថា រ៉ឺម៉កម៉ូតូ ៣គ្រឿង ដែលមានចងមេក្រូពីលើដំបូល ព្រមទាំងចងស្លាកសញ្ញាគណបក្សប្រជាជនកម្ពុជាផង បានចាក់មេក្រូរំខាននៅបីកន្លែងផ្សេងពីគ្នា គឺនៅត្រង់កែងផ្លូវជាតិលេខ ៦ និងផ្លូវ ៦០ម៉ែត្រ នៅម្ដុំមុខផ្សារលើធំថ្មី និងនៅជិតគល់ស្ពានផ្សារចាស់៕
មេបក្សប្រឆាំងនៃប្រទេសកម្ពុជា គឺលោក សម រង្ស៊ី បានសន្យានៅចំពោះមុខមហាជនរាប់ម៉ឺននាក់ក្នុងពេលធ្វើយុទ្ធនាការ ឃោសនាជាច្រើនម៉ោងថា ប្រសិនបើគណបក្សសង្គ្រោះជាតិរបស់លោកឈ្នះឆ្នោត ហើយដឹកនាំរដ្ឋាភិបាលក្នុងអាណត្តិទី៥នេះ វិធានការមុនដំបូងគេបំផុត គឺលោកត្រូវដកហូតយកប្រាសាទអង្គរវត្តពីក្រុមហ៊ុនឯកជនមកវិញ ដើម្បីឱ្យរដ្ឋបានគ្រប់គ្រងចំណូលពីការលក់សំបុត្រ ភ្ញៀវទេសចរបានត្រឹមត្រូវ។
លោក សម រង្ស៊ី បានចោទប្រកាន់ថា រដ្ឋាភិបាលបច្ចុប្បន្នបានគ្រប់គ្រងចំណូលពីការលក់សំបុត្រអង្គរវត្ត ដែលប្រគល់ទៅឱ្យក្រុមហ៊ុន សូគីម៉ិច (Sokimex) គ្រប់គ្រងនិងការអភិវឌ្ឍលើវិស័យមួយចំនួនទៀតមិនត្រឹមត្រូវ ដោយផ្ដល់ផលប្រយោជន៍ឱ្យតែបក្សពួក និងឧកញ៉ាមួយចំនួន៖ «អង្គវត្ត ជានិមិត្តរូបនៃប្រទេសយើង ហើយវិធានការមុនគេ គឺខ្ញុំសុំយកអង្គរវត្តពីក្រុមហ៊ុនយួនមកវិញហើយ។អភិវឌ្ឍពិតប្រាកដ គឺអភិវឌ្ឍន៍សម្រាប់ប្រជារាស្ត្រទូទៅ ជាពិសេសជួយអ្នកក្រ។ អភិវឌ្ឍសម្រាប់តែ សុខ គង់ មិនមែនអភិវឌ្ឍន៍ទេ»។
លោក សម រង្ស៊ី និងលោក
កឹម សុខា ដឹកនាំក្បួនឃោសនារកសំឡេងឆ្នោតនៅខេត្តសៀមរាប នៅថ្ងៃទី២៤
កក្កដា ឆ្នាំ២០១៣។ RFA/Hang Savyouth
អាជ្ញាធរអប្សរាទទួលបន្ទុកការពារប្រាសាទបុរាណនៅខេត្តសៀមរាប ធ្លាប់បានបញ្ចេញប្រតិកម្មឆ្លើយតបចំពោះការលើកឡើងអំពីចំណូល ទេសចរណ៍នេះ ដោយថា ការអះអាងរបស់គណបក្សសង្គ្រោះជាតិ គឺជាការគណនាខុសពីការពិត។
កាលពីព្រឹកថ្ងៃពុធ ទី២៤ ខែកក្កដា ក្រុមអ្នកចូលរួមដង្ហែក្បួនឃោសនាឱ្យគណបក្សសង្គ្រោះជាតិ បានគាំទ្រលោក សម រង្ស៊ី និងលោក កឹម សុខា ទៅលើរាល់បញ្ហាលើកឡើង គឺសុទ្ធតែជារឿងត្រឹមត្រូវ ហើយពួកគេបានស្រែកហ៊ោ ចង់ឱ្យមានការផ្លាស់មេដឹកនាំរដ្ឋាភិបាលចេញ។
ទោះយ៉ាងណា មន្ត្រីរដ្ឋាភិបាលបានប្រតិកម្មតបនឹងការឃោសនារបស់គណបក្សប្រឆាំង ដែលនិយាយអំពីលំហូរចូលនៃអាណិកជនវៀតណាម ខុសច្បាប់មកកម្ពុជា នោះថា គឺជាពាក្យសំដីអសុរោះដែលខុសពីច្បាប់។
អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានមានប្រសាសន៍ថា នៅក្នុងអំឡុងពេលយុទ្ធនាការឃោសនាជាច្រើនថ្ងៃមកនេះ គណបក្សសង្គ្រោះជាតិ បានធ្វើមិនត្រឹមត្រូវទេ៖ «ការប្រើ ពាក្យអសុរោះវោហារសាស្ត្រក្នុងការប្រឆាំងពូជសាសន៍ជាបម្រាមនៅក្នុង ច្បាប់ ជាបម្រាមនៅក្នុងបទបញ្ជារបស់គណៈកម្មាធិការជាតិ រៀបចំការបោះឆ្នោត ដែលគណបក្សប្រឆាំងតែងតែរំលោភច្បាប់។ ម្ល៉ោះហើយទុកឱ្យប្រជាពលរដ្ឋជាអ្នកវិនិច្ឆ័យនិងកាត់ក្តី ថាគណបក្សណាមួយដែលស៊ីវិល័យ និងគណបក្សណាមួយដែលព្រៃផ្សៃ»។
ក្បួនយុទ្ធនាការឃោសនាជាច្រើនម៉ោងនៅក្នុងទីខេត្តសៀមរាប របស់គណបក្សសង្គ្រោះជាតិ បើទោះបីជាសមត្ថកិច្ចបានខិតខំរៀបចំសណ្ដាប់ធ្នាប់ និងសម្រួលចរាចរណ៍នៅតាមដងផ្លូវក៏ដោយ ក៏គេឃើញថា រ៉ឺម៉កម៉ូតូ ៣គ្រឿង ដែលមានចងមេក្រូពីលើដំបូល ព្រមទាំងចងស្លាកសញ្ញាគណបក្សប្រជាជនកម្ពុជាផង បានចាក់មេក្រូរំខាននៅបីកន្លែងផ្សេងពីគ្នា គឺនៅត្រង់កែងផ្លូវជាតិលេខ ៦ និងផ្លូវ ៦០ម៉ែត្រ នៅម្ដុំមុខផ្សារលើធំថ្មី និងនៅជិតគល់ស្ពានផ្សារចាស់៕
No comments:
Post a Comment