សម្តេច ហ៊ុន សែន និងភរិយា សាទរលោកសមរង្ស៊ី ដែលទទួលបានព្រះរាជប្រទានលើកលែងទោស
Did Hun Sen give a green light for Sam Rainsy to stand as an election candidate in contrast with the statement of Tep Nytha, the Secretary General of the National Election Committee, who said that Sam Rainsy is ineligible to run as a candidate in the election, despite a royal pardon? Hun Sen's clear signal came in the form of a reply to Rainsy's condolence letter expressing his sadness of the passing of Hun Sen's father, in which Hun Sen said: "I hope Your Excellency (Sam Rainsy) will return to your political life in Cambodia in the not too distant future".
(ថ្ងៃទី 13 កក្កដា 2013,) | ដោយ: លី សិលា CEN
ភ្នំពេញ:
សម្តេចនាយករដ្ឋមន្ត្រី ហ៊ុន សែន និងភរិយា
ទោះបីជាស្តិតក្នុងពេលកាន់មរណទុក្ខដ៏ក្រៀមក្រម
ដោយសារតែឪពុករបស់សម្តេច បានទទួលមរណភាព ប៉ុន្តែសម្តេច និងភរិយា
ក៏បានអបអរសាទរជូនចំពោះលោកសមរង្ស៊ី ដែលទើបតែត្រូវបានព្រះមហាក្សត្រ
ព្រះរាជប្រទានការលើកលែងទោសជូនរូបលោក។ សម្តេចនាយករដ្ឋមន្ត្រី
ក៏សង្ឃឹមថា លោកសមរង្ស៊ី នឹងវិលត្រឡប់មកចូលរួមជីវភាពនយោបាយ
នៅកម្ពុជា ក្នុងពេលឆាប់ៗខាងមុខនេះ។
អំណរសាទររបស់សម្តេច ហ៊ុនសែន ជូនលោកសមរង្ស៊ី យ៉ាងដូច្នេះ ត្រូវបានធ្វើឡើង តាមរយៈលិខិតឆ្លងឆ្លើយ ចុះថ្ងៃទី១២ ខែកក្កដា ឆ្នាំ២០១៣។
លោក សមរង្ស៊ី បានសរសេរលិខិតមួយច្បាប់ជូនសម្តេចនាយករដ្ឋមន្ត្រី ហ៊ុន សែន ដើម្បីចូលរួមមរណទុក្ខ ចំពោះមរណភាពរបស់លោកតា អ្នកឧកញ៉ាមហាភក្តីសប្បុរិសភោគធិបតី ហ៊ុន នាង។
ក្នុងលិខិត លោកសមរង្ស៊ី បានលើកឡើងថា "ខ្ញុំ និងភរិយាខ្ញុំ មានសេចក្តីក្រៀមក្រំ និងសោកស្តាយជាទីបំផុត ដោយបានទទួលដំណឹងដ៏សែនរន្ធត់ពីមរណភាពរបស់អ្នកឧកញ៉ាមហាភក្តី សប្បុរិសភោគាធិបតី ហ៊ុន នាង ត្រូវជាបិតារបស់សម្តេច បានទទួលអនិច្ចកម្ម កាលពីវេលាម៉ោង ៤ និង ១០ នាទី ទៀបភ្លឺ ថ្ងៃសុក្រ ទី១២ ខែកក្កដា ឆ្នាំ២០១៣ ក្នុងជន្មាយុ ៩០ ឆ្នាំ ដោយជរាពាធ។ មរណភាពនេះ គឺជាការបាត់បង់បិតា ជីតា ជីតាទូត ដ៏ល្អ ជាទីស្រលាញ់ និងជាទីគោរពដ៏ជ្រាលជ្រៅបំផុតរបស់សម្តេច សម្តេចកិត្តិព្រឹទ្ធបណ្ឌិត និងបុត្រា បុត្រី ព្រមទាំងចៅប្រុសចៅស្រីទាំងអស់"។
លោកសមរង្ស៊ី បានបន្តថា "ក្នុងនាមខ្លួនខ្ញុំ និងភរិយាខ្ញុំផ្ទាល់ ខ្ញុំសូមសំដែងនូវការសោកស្តាយ និងរំលែកទុក្ខដ៏ក្រៀមក្រំបំផុតជាមួយសម្តេច សម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារ និងសូមបួងសួងឲ្យវិញ្ញាណក្ខន្ធរបស់អ្នកឧកញ៉ាមហាភក្តីសប្បុរិសភោគា ធិបតី បានទៅសោយសុខក្នុងសុគតិភពកុំបីឃ្លៀងឃ្លាតឡើយ"។
សម្តេច ហ៊ុន សែន បានឆ្លើយតប តាមរយៈលិខិតមួយច្បាប់ ជូនលោកសមរង្ស៊ី ប្រធានគណបក្សសង្គ្រោះជាតិ។
ក្រៅពីថ្លែងអំណរគុណតបចំពោះលោកសមរង្ស៊ី និងភរិយា ព្រមទាំងសមាជិកគណបក្សសង្គ្រោះជាតិទាំងអស់ សម្តេច ហ៊ុន សែន បានលើកឡើងថា "តបចំពោះសមានចិត្តដ៏ល្អប្រពៃរបស់ឯកឧត្តម និងលោកជំទាវ ព្រមទាំងសមាជិក សមាជិកា គណបក្សសង្គ្រោះជាតិទាំងអស់ ដែលបានរួមរំលែកមរណទុក្ខ ប្រកបដោយភាតរភាព ក្នុងមនោសញ្ចេតនាជ្រាលជ្រៅយ៉ាងក្រៃលែងនាឱកាសនេះ ខ្ញុំនិងភរិយា ក៏សូមថ្លែងនូវការអបអរសាទរដ៏ស្មោះស្ម័គ្របំផុត ជូនដំពោះឯកឧត្តម ដែលត្រូវបានព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់សព្វព្រះរាជហឫទ័យ ឡាយព្រះហស្ថលេខា ប្រោសព្រះរាជទាន លើកលែងទោសជូនឯកឧត្តម ប្រកបដោយព្រះមេត្តាករុណានុគ្រោះ ក្នុងថ្ងៃនេះតែម្តង"។
សម្តេចនាយករដ្ឋមន្ត្រី ហ៊ុន សែន បានគូសបញ្ជាក់ថា "ខ្ញុំសង្ឃឹមថា ឯកឧត្តម នឹងវិលត្រឡប់មកចូលរួមជីវភាពនយោបាយ នៅកម្ពុជា ក្នុងពេលឆាប់ៗខាងមុខនេះ"។
សូមរម្លឹកថា លិខិតឆ្លងឆ្លើយរបស់សម្តេច ហ៊ុន សែន និងលោក សមរង្ស៊ី ខាងលើ បានធ្វើឡើងភ្លាមៗ បន្ទាប់ពីព្រះមហាក្សត្រ សម្តេចព្រះបរមនាថ នរោត្តម សីហមុនី បានឡាយព្រះហស្ថលេខា លើព្រះរាជក្រឹត្យលើកលែងទោសដល់លោកសមរង្ស៊ី តាមសំណើរទូលសូមរបស់សម្តេចហ៊ុនសែន កាលពីថ្ងៃទី១២ ខែកក្កដា ឆ្នាំ២០១៣។
សំណើររបស់សម្តេច ហ៊ុន សែន ទូលសូមព្រះករុណា ព្រះរាជទានទោសដល់លោកសមរង្ស៊ី ដើម្បីបង្រួបបង្រួមផ្សះផ្សាជាតិ និងដើម្បីឲ្យការបោះឆ្នោត នាថ្ងៃទី២៨កក្កដា ប្រព្រឹត្តិទៅដោយសេរីត្រឹមត្រូវយុត្តិធម៌។
លោកសមរង្ស៊ី បានចាកចេញពីកម្ពុជា កាលពីចុងឆ្នាំ២០០៩ ដើម្បីគេចចេញពីការផ្តន្ទាទោសកំបាំងមុខ របស់តុលាការ ដាក់ពន្ធនាគារលើរូបលោកសរុបជាង ១០ ឆ្នាំ ពាក់ព័ន្ធនឹងបញ្ហាព្រំដែនកម្ពុជា-វៀតណាម៕
អំណរសាទររបស់សម្តេច ហ៊ុនសែន ជូនលោកសមរង្ស៊ី យ៉ាងដូច្នេះ ត្រូវបានធ្វើឡើង តាមរយៈលិខិតឆ្លងឆ្លើយ ចុះថ្ងៃទី១២ ខែកក្កដា ឆ្នាំ២០១៣។
លោក សមរង្ស៊ី បានសរសេរលិខិតមួយច្បាប់ជូនសម្តេចនាយករដ្ឋមន្ត្រី ហ៊ុន សែន ដើម្បីចូលរួមមរណទុក្ខ ចំពោះមរណភាពរបស់លោកតា អ្នកឧកញ៉ាមហាភក្តីសប្បុរិសភោគធិបតី ហ៊ុន នាង។
ក្នុងលិខិត លោកសមរង្ស៊ី បានលើកឡើងថា "ខ្ញុំ និងភរិយាខ្ញុំ មានសេចក្តីក្រៀមក្រំ និងសោកស្តាយជាទីបំផុត ដោយបានទទួលដំណឹងដ៏សែនរន្ធត់ពីមរណភាពរបស់អ្នកឧកញ៉ាមហាភក្តី សប្បុរិសភោគាធិបតី ហ៊ុន នាង ត្រូវជាបិតារបស់សម្តេច បានទទួលអនិច្ចកម្ម កាលពីវេលាម៉ោង ៤ និង ១០ នាទី ទៀបភ្លឺ ថ្ងៃសុក្រ ទី១២ ខែកក្កដា ឆ្នាំ២០១៣ ក្នុងជន្មាយុ ៩០ ឆ្នាំ ដោយជរាពាធ។ មរណភាពនេះ គឺជាការបាត់បង់បិតា ជីតា ជីតាទូត ដ៏ល្អ ជាទីស្រលាញ់ និងជាទីគោរពដ៏ជ្រាលជ្រៅបំផុតរបស់សម្តេច សម្តេចកិត្តិព្រឹទ្ធបណ្ឌិត និងបុត្រា បុត្រី ព្រមទាំងចៅប្រុសចៅស្រីទាំងអស់"។
លោកសមរង្ស៊ី បានបន្តថា "ក្នុងនាមខ្លួនខ្ញុំ និងភរិយាខ្ញុំផ្ទាល់ ខ្ញុំសូមសំដែងនូវការសោកស្តាយ និងរំលែកទុក្ខដ៏ក្រៀមក្រំបំផុតជាមួយសម្តេច សម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារ និងសូមបួងសួងឲ្យវិញ្ញាណក្ខន្ធរបស់អ្នកឧកញ៉ាមហាភក្តីសប្បុរិសភោគា ធិបតី បានទៅសោយសុខក្នុងសុគតិភពកុំបីឃ្លៀងឃ្លាតឡើយ"។
សម្តេច ហ៊ុន សែន បានឆ្លើយតប តាមរយៈលិខិតមួយច្បាប់ ជូនលោកសមរង្ស៊ី ប្រធានគណបក្សសង្គ្រោះជាតិ។
ក្រៅពីថ្លែងអំណរគុណតបចំពោះលោកសមរង្ស៊ី និងភរិយា ព្រមទាំងសមាជិកគណបក្សសង្គ្រោះជាតិទាំងអស់ សម្តេច ហ៊ុន សែន បានលើកឡើងថា "តបចំពោះសមានចិត្តដ៏ល្អប្រពៃរបស់ឯកឧត្តម និងលោកជំទាវ ព្រមទាំងសមាជិក សមាជិកា គណបក្សសង្គ្រោះជាតិទាំងអស់ ដែលបានរួមរំលែកមរណទុក្ខ ប្រកបដោយភាតរភាព ក្នុងមនោសញ្ចេតនាជ្រាលជ្រៅយ៉ាងក្រៃលែងនាឱកាសនេះ ខ្ញុំនិងភរិយា ក៏សូមថ្លែងនូវការអបអរសាទរដ៏ស្មោះស្ម័គ្របំផុត ជូនដំពោះឯកឧត្តម ដែលត្រូវបានព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់សព្វព្រះរាជហឫទ័យ ឡាយព្រះហស្ថលេខា ប្រោសព្រះរាជទាន លើកលែងទោសជូនឯកឧត្តម ប្រកបដោយព្រះមេត្តាករុណានុគ្រោះ ក្នុងថ្ងៃនេះតែម្តង"។
សម្តេចនាយករដ្ឋមន្ត្រី ហ៊ុន សែន បានគូសបញ្ជាក់ថា "ខ្ញុំសង្ឃឹមថា ឯកឧត្តម នឹងវិលត្រឡប់មកចូលរួមជីវភាពនយោបាយ នៅកម្ពុជា ក្នុងពេលឆាប់ៗខាងមុខនេះ"។
សូមរម្លឹកថា លិខិតឆ្លងឆ្លើយរបស់សម្តេច ហ៊ុន សែន និងលោក សមរង្ស៊ី ខាងលើ បានធ្វើឡើងភ្លាមៗ បន្ទាប់ពីព្រះមហាក្សត្រ សម្តេចព្រះបរមនាថ នរោត្តម សីហមុនី បានឡាយព្រះហស្ថលេខា លើព្រះរាជក្រឹត្យលើកលែងទោសដល់លោកសមរង្ស៊ី តាមសំណើរទូលសូមរបស់សម្តេចហ៊ុនសែន កាលពីថ្ងៃទី១២ ខែកក្កដា ឆ្នាំ២០១៣។
សំណើររបស់សម្តេច ហ៊ុន សែន ទូលសូមព្រះករុណា ព្រះរាជទានទោសដល់លោកសមរង្ស៊ី ដើម្បីបង្រួបបង្រួមផ្សះផ្សាជាតិ និងដើម្បីឲ្យការបោះឆ្នោត នាថ្ងៃទី២៨កក្កដា ប្រព្រឹត្តិទៅដោយសេរីត្រឹមត្រូវយុត្តិធម៌។
លោកសមរង្ស៊ី បានចាកចេញពីកម្ពុជា កាលពីចុងឆ្នាំ២០០៩ ដើម្បីគេចចេញពីការផ្តន្ទាទោសកំបាំងមុខ របស់តុលាការ ដាក់ពន្ធនាគារលើរូបលោកសរុបជាង ១០ ឆ្នាំ ពាក់ព័ន្ធនឹងបញ្ហាព្រំដែនកម្ពុជា-វៀតណាម៕
- See more at: http://www.cen.com.kh/localnews/show_detail/19?token=MTBlYWI5NT#sthash.wLOZ9E7t.dpuf
No comments:
Post a Comment