Mr. Kem Sokha arrived at Phnom Penh Airport at 5:44pm today with hundreds of supporters waiting to welcome him at the airport. A planned protest against him will take place on 9th June. Watch the video of his arrival and his messages here.
(ថ្ងៃទី 7 មិថុនា 2013,) | ដោយ: មុនីរាជ CEN See more pictures below.
(ថ្ងៃទី 7 មិថុនា 2013,) | ដោយ: មុនីរាជ CEN See more pictures below.
ភ្នំពេញ:
លោក កឹម សុខា
បានធ្វើដំណើរមកដល់ព្រលានយន្តហោះអន្តរជាតិភ្នំពេញ
រួមទាំងមន្រ្តីជាន់ខ្ពស់ របស់ គណបក្សសង្រ្គោះជាតិ មួយចំនួនទៀត
នៅវេលាម៉ោងជិត៦ល្ងាច ថ្ងៃទី៧ ខែមិថុនា ឆ្នាំ២០១៣
ដោយមិនបានផ្តល់បទសម្ភាសន៍អ្វីដល់អ្នកសារព័ត៌មានទេ។
ក្នុងការធ្វើដំណើរមកដល់នេះ គេឃើញមានអង្គរក្សជាច្រើន
ខុសប្លែកពីធម្មតា បានដើរអមលោក កឹម សុខា យ៉ាងប្រញ៉ាប់នាំចូល
ក្នុងរថយន្ត ចេញពីព្រលានយន្តហោះ។ ហើយក៏ឃើញមានអ្នកគាំទ្រលោក កឹម សុខា
ប្រមាណជា៣០០នាក់ ឈរអមសងខាង ផ្លូវ នឹងបានទះដៃ អបអរសាទរ
ចំពោះវត្តមានលោក កឹម សុខា ដែលបានវិលមកកាន់ ប្រទេសវិញ។
សុំ
បញ្ជាក់ផងដែរថា លោក កឹម សុខា កាលពីថ្ងៃទី៦មិថុនាម្សិលមិញ
បានប្រជុំជាមួយលោក សម រង្ស៊ី
និងថ្នាក់ដឹកនាំគណបក្សប្រឆាំងជាច្រើននាក់ផ្សេងទៀត
នៅប្រទេសសឹង្ហបូរី។
ការវិលត្រឡប់របស់លោកកឹមសុខា
នៅល្ងាចថ្ងៃសុក្រ ទី៧ ខែមិថុនានេះ
គឺធ្វើឡើងតែប៉ុន្មានម៉ោងប៉ុណ្ណោះ បន្ទាប់ពីរដ្ឋសភា
បានអនុម័តច្បាប់ស្តីពីការប្រឆាំងការមិនទទួលស្គាល់ឧក្រិដ្ឋកម្ម
ដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ។ ជាច្បាប់ថ្មី
ដើម្បីដាក់ទោសលើជនទាំងឡាយណា ដែលមិនទទួលស្គាល់ថា
មានការកាប់សម្លាប់មនុស្ស ក្នុងរបបខ្មែរក្រហម
ដោយត្រូវផ្តន្ទាទោសដាក់ពន្ធនាគារពី ៦ ខែ ទៅ ២ ឆ្នាំ។
សេចក្តីស្នើច្បាប់នោះ បានធ្វើឡើង តាមសំណើរបស់សម្តេចហ៊ុនសែន
ក្រោយពីមានការផ្សព្វផ្សាយនូវសំឡេងរបស់លោកកឹមសុខា ដែលថា ទួលស្លែង
ជាគុកសិប្បនិម្មិត្ត។ ប៉ុន្តែលោក កឹម សុខា លើកឡើងខ្សែអាត់សំឡេងនោះ
ត្រូវបានគេកាត់ត។
វត្តមានរបស់លោក កឹម សុខា
នៅក្នុងប្រទេសនាល្ងាចនេះ ក៏កើតឡើងតែ២ថ្ងៃប៉ុណ្ណោះ មុនពេលលោក
ជុំម៉ី ដឹកនាំក្បួនបាតុកម្ម ដោយមានសមាជិកសភាគណបក្សប្រជាជនកម្ពុជា
និងថ្នាក់ដឹកនាំគណបក្សប្រជាជនកម្ពុជាតាមមូលដ្ឋានប្រមាណ ១ម៉ឺននាក់
គ្រោងនឹងជួបជុំធ្វើបាតុកម្ម ប្រឆាំងលោកកឹមសុខា
លើសំណុំរឿងគុកទួលស្លែង នាព្រឹកថ្ងៃអាទិត្យ ទី៩មិថុនា ឆ្នាំ២០១៣
នៅទីលានប្រជាធិបតេយ្យ។
លោក ជុំ ម៉ី
ក៏គ្រោងនឹងដឹកនាំមនុស្សប្រមាណ ៥០០ នាក់
ដើរហែក្បួនពីទីលានប្រជាធិបតេយ្យ
ទៅកាន់ទីស្នាក់ការគណបក្សសង្គ្រោះជាតិ ដើម្បីប្រឆាំងលោក កឹម សុខា។
លោក ជុំ ម៉ី កាលពីថ្ងៃទី៦មិថុនា ឆ្នាំ២០១៣
ក៏បានចេញលិខិតអំពាវនាវឲ្យមហាជនចូលរួមបាតុកម្មជាមួយលោក
នៅថ្ងៃអាទិត្យ ដោយលោក ប្រកាសជំហរថា បាតុកម្មនោះ ប្រឆាំងតែលោក
កឹមសុខា ម្នាក់គត់។ រីឯកូនប្រពន្ធ និងអ្នកគាំទ្រលោក កឹម សុខា
គឺបាតុកម្ម មិនប៉ះពាល់អ្វីឡើយ៕
No comments:
Post a Comment