នេះជាលើកដំបូងហើយដែលហ្គេម អេឡិចត្រូនិក បង្កើតឡើងដោយស្នាដៃកូនខ្មែរ ត្រូវដាក់តាំងបង្ហាញលើឆាកអន្តរជាតិ។
ប្រធានក្រុមហ៊ុន «អស្ចារ្យស្ទូឌីយោ» លោក អៀ អ៊ុយ មានប្រសាសន៍ថា ក្រុមហ៊ុនរបស់អាមេរិកមួយឈ្មោះ វ័នហាន់ឌ្រិត ភើសន អិនឌី ប្រចិក បានសម្រេចជ្រើសរើសយកហ្គេម «អាស្វា» ដាក់តាំងក្នុងពិធីពិព័រណ៍ហ្គេមមួយ នៅសហរដ្ឋអាមេរិក ហៅថា អ៊ីស្រ៊ី (E3=Electronic Entertainment Expo)។ អ៊ីស្រ៊ី គឺជាពិធីតាំងពិព័រណ៍ហ្គេមកម្សាន្តអេឡិកត្រូនិក។
លោកបានថ្លែងដោយមោទនភាពថា ហ្គេមខ្មែរ អាស្វា គឺជាហ្គេមមួយក្នុងចំណោមហ្គេម ៣០ទៀតដែលត្រូវបានជ្រើសរើសមកពីប្រទេសនានាលើពិភពលោក។ លោកថា នេះជាមោទនភាពជាតិខ្មែរមួយដែរ ដែលមានស្នាដៃច្នៃប្រឌិតហ្គេមមួយនេះ ដែលមិនធ្លាប់មានកន្លងមក៖ «យើងបានស្នាដៃមួយដែលពិភពលោកគេទទួល ស្គាល់ ព្រោះការ Select (ជ្រើស) យកទៅដាក់នៅ អ៊ីស្រី នេះ គឺជាសមិទ្ធផលធំបំផុតហើយដែលពិភពលោកទទួលស្គាល់…»។
ការតាំងពិព័រណ៍នេះធ្វើឡើងរយៈពេលបីថ្ងៃ គឺចាប់តាំងពីថ្ងៃទី១១ ដល់ថ្ងៃទី១៣ មិថុនា ឆ្នាំ២០១៣ ហើយកម្មវិធីតាំងពិព័រណ៍នេះ ឧបត្ថម្ភគាំទ្រដោយក្រុមហ៊ុន វ័នហាន់ឌ្រិត ភើសន អិនឌី ប្រចិក របស់អាមេរិក។
ក្រុមហ៊ុន វ័នហាន់ឌ្រិត ភើសន អិនឌី ប្រចិក គឺជាក្រុមហ៊ុនអេឡិកត្រូនិកមួយ តែងជួយគាំទ្រអ្នកផលិតហ្គេមអេឡិចត្រូនិកឯករាជ្យនានាលើពិភពលោក ដែលមានសមត្ថភាពបង្កើតហ្គេមអេឡិចត្រូនិកថ្មីៗដោយខ្លួនឯង ថែមទាំងផ្ដល់ឱកាសឲ្យផលិតករដាក់តាំងបង្ហាញស្នាដៃផលិតផលថ្មី ៗរបស់ខ្លួន ដោយឥតគិតថ្លៃរៀងរាល់ឆ្នាំដើម្បីលើកទឹកចិត្ត។
នៅកម្ពុជា មានហ្គេមអេឡិកត្រូនិក ជាច្រើនប្រភេទដែលនាំចូលពីបរទេស។
លោក យក់ ស៊ីវ៉ាល់រី អ្នករចនារូបភាពហ្គេមខ្មែរ អាស្វា បានបញ្ជាក់ថា អាស្វា គឺជាហ្គេមអេឡិចត្រនិក ផលិតដោយស្នាដៃខ្មែរជាលើកដំបូង មានលក្ខណៈរចនាបថបែបខ្មែរច្រើន ដូចជាតួ អាស្វា លោករចនាឲ្យមានស្លៀកសំពត់ចងក្បិន ដែលបង្ហាញបរទេសថា នេះជាអត្តសញ្ញាណសំលៀកបំពាក់ខ្មែរ ហើយបង្កើតឡើងដោយមិនចម្លងស្នាដៃអ្នកដទៃ៖ «ចំពោះហ្គេមរបស់យើង គឺយើងព្យាយាមអ្វីជាលក្ខណៈ ដើមទាំងរូបភាព ទាំងការលេង ព្រោះថា យើងជាស្ថានិកមួយដែរ អ៊ីចឹងយើងគិតរកអ្វីដែលថ្មីៗ… »។
នៅពេលដែលសួរថា តើក្រុម «ស្ទូឌីយោអស្ចារ្យ» រៀនបច្ចេកទេសផលិតហ្គេមអេឡិចត្រូនិកនេះនៅសាលាណា?
លោក អៀ អ៊ុយ ឆ្លើយថា ក្រុមលោកមិនដែលចូលរៀនសាលាបច្ចេកទេសអេឡិចត្រូនិកទាក់ទងការផលិត ហ្គេមទេ គឺស្រាវជ្រាវដោយខ្លួនឯង។ លោកថា កាលដើមឡើយ ក្រុមលោកជាអ្នកជក់លេងហ្គេម អត់បាយក្រហាយទឹក ជួនកាលមិនចូលផ្ទះមិនចូលសាលា ហើយត្រូវគ្រូ និងឪពុកម្ដាយស្ដីបន្ទោសជាញឹកញាប់ បន្ទាប់មកក៏បែកគំនិតនាំគ្នាផលិតហ្គេម ដោយខ្លួនឯងលមើល ដោយមិននឹកស្មានថា នឹងបានជោគជ័យដូច្នេះសោះ។
ហ្គេម អាស្វា ជាប្រភេទហ្គេមល្បងប្រាជ្ញា មានតួអង្គពីរសំខាន់ គឺ អាស្វា និង អាបូ។ ហ្គេមនេះមាន ៦វគ្គ ដូចជាវគ្គព្រៃគុហ៍ ដែលមានគួររូបឆាកជាប្រាសាទអង្គរវត្ត វគ្គទឹកជ្រោះ វគ្គទឹកកក និងវគ្គភ្នំភ្លើង ជាដើម។ ដំណើរសាច់រឿងហ្គេមនេះ គឺអាស្វាកម្ជិលចូលចិត្តដើរចោលផ្ទះផ្ដេសផ្ដាស វង្វេងចូលព្រៃ ចូលភ្នំភ្លើង ធ្លាក់ជ្រោះទឹកក ហើយអាបូ ដែលជាតួអង្គតំណាងឲ្យអ្នកលេង ត្រូវមានប្រជ្ញាធ្វើយ៉ាងណានាំអាស្វា មកផ្ទះវិញ ឲ្យបាន បើនាំមិនបានគឺអ្នកលេងនោះចាញ់។
លោក អៀ អ៊ុយ បញ្ជាក់ថា ហ្គេមអាស្វា បានបង្កើតឡើងនៅដើមឆ្នាំ២០១២ មានលក់នៅកម្ពុជា និងប្រទេសដទៃទៀតមួយចំនួន។ ហ្គេមនេះអាចលេងបានតាម អាយផេត (iPad) តាមទូរស័ព្ទអាយហ្វូន (iPhone) ឬអាចលេងបានតាមប្រព័ន្ធដំណើរការ អិនដ្រយ (Android)។
ចំពោះអ្នកមានទូរស័ព្ទ អៃហ្វូន អាចទិញហ្គេមនេះបាន តាមរយៈទីផ្សារអនឡាញន៍ របស់ក្រុមហ៊ុន អេផល (Apple) ដោយចូលទៅ អេបស្ទ័រ (App Store) មានតម្លៃ ០ ដុល្លារ៩៩សេន (០,៩៩)។ ចំពោះអ្នកប្រើប្រព័ន្ធដំណើរការអិនដ្រយ អាចលេងហ្គេមនេះបានដោយឥតគិតថ្លៃ ដោយទាញយកហ្គេមនេះនៅហ្គូហ្គល ផ្លេយ (Google Play)៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ប្រធានក្រុមហ៊ុន «អស្ចារ្យស្ទូឌីយោ» លោក អៀ អ៊ុយ មានប្រសាសន៍ថា ក្រុមហ៊ុនរបស់អាមេរិកមួយឈ្មោះ វ័នហាន់ឌ្រិត ភើសន អិនឌី ប្រចិក បានសម្រេចជ្រើសរើសយកហ្គេម «អាស្វា» ដាក់តាំងក្នុងពិធីពិព័រណ៍ហ្គេមមួយ នៅសហរដ្ឋអាមេរិក ហៅថា អ៊ីស្រ៊ី (E3=Electronic Entertainment Expo)។ អ៊ីស្រ៊ី គឺជាពិធីតាំងពិព័រណ៍ហ្គេមកម្សាន្តអេឡិកត្រូនិក។
លោកបានថ្លែងដោយមោទនភាពថា ហ្គេមខ្មែរ អាស្វា គឺជាហ្គេមមួយក្នុងចំណោមហ្គេម ៣០ទៀតដែលត្រូវបានជ្រើសរើសមកពីប្រទេសនានាលើពិភពលោក។ លោកថា នេះជាមោទនភាពជាតិខ្មែរមួយដែរ ដែលមានស្នាដៃច្នៃប្រឌិតហ្គេមមួយនេះ ដែលមិនធ្លាប់មានកន្លងមក៖ «យើងបានស្នាដៃមួយដែលពិភពលោកគេទទួល ស្គាល់ ព្រោះការ Select (ជ្រើស) យកទៅដាក់នៅ អ៊ីស្រី នេះ គឺជាសមិទ្ធផលធំបំផុតហើយដែលពិភពលោកទទួលស្គាល់…»។
ការតាំងពិព័រណ៍នេះធ្វើឡើងរយៈពេលបីថ្ងៃ គឺចាប់តាំងពីថ្ងៃទី១១ ដល់ថ្ងៃទី១៣ មិថុនា ឆ្នាំ២០១៣ ហើយកម្មវិធីតាំងពិព័រណ៍នេះ ឧបត្ថម្ភគាំទ្រដោយក្រុមហ៊ុន វ័នហាន់ឌ្រិត ភើសន អិនឌី ប្រចិក របស់អាមេរិក។
ក្រុមហ៊ុន វ័នហាន់ឌ្រិត ភើសន អិនឌី ប្រចិក គឺជាក្រុមហ៊ុនអេឡិកត្រូនិកមួយ តែងជួយគាំទ្រអ្នកផលិតហ្គេមអេឡិចត្រូនិកឯករាជ្យនានាលើពិភពលោក ដែលមានសមត្ថភាពបង្កើតហ្គេមអេឡិចត្រូនិកថ្មីៗដោយខ្លួនឯង ថែមទាំងផ្ដល់ឱកាសឲ្យផលិតករដាក់តាំងបង្ហាញស្នាដៃផលិតផលថ្មី ៗរបស់ខ្លួន ដោយឥតគិតថ្លៃរៀងរាល់ឆ្នាំដើម្បីលើកទឹកចិត្ត។
នៅកម្ពុជា មានហ្គេមអេឡិកត្រូនិក ជាច្រើនប្រភេទដែលនាំចូលពីបរទេស។
លោក យក់ ស៊ីវ៉ាល់រី អ្នករចនារូបភាពហ្គេមខ្មែរ អាស្វា បានបញ្ជាក់ថា អាស្វា គឺជាហ្គេមអេឡិចត្រនិក ផលិតដោយស្នាដៃខ្មែរជាលើកដំបូង មានលក្ខណៈរចនាបថបែបខ្មែរច្រើន ដូចជាតួ អាស្វា លោករចនាឲ្យមានស្លៀកសំពត់ចងក្បិន ដែលបង្ហាញបរទេសថា នេះជាអត្តសញ្ញាណសំលៀកបំពាក់ខ្មែរ ហើយបង្កើតឡើងដោយមិនចម្លងស្នាដៃអ្នកដទៃ៖ «ចំពោះហ្គេមរបស់យើង គឺយើងព្យាយាមអ្វីជាលក្ខណៈ ដើមទាំងរូបភាព ទាំងការលេង ព្រោះថា យើងជាស្ថានិកមួយដែរ អ៊ីចឹងយើងគិតរកអ្វីដែលថ្មីៗ… »។
នៅពេលដែលសួរថា តើក្រុម «ស្ទូឌីយោអស្ចារ្យ» រៀនបច្ចេកទេសផលិតហ្គេមអេឡិចត្រូនិកនេះនៅសាលាណា?
លោក អៀ អ៊ុយ ឆ្លើយថា ក្រុមលោកមិនដែលចូលរៀនសាលាបច្ចេកទេសអេឡិចត្រូនិកទាក់ទងការផលិត ហ្គេមទេ គឺស្រាវជ្រាវដោយខ្លួនឯង។ លោកថា កាលដើមឡើយ ក្រុមលោកជាអ្នកជក់លេងហ្គេម អត់បាយក្រហាយទឹក ជួនកាលមិនចូលផ្ទះមិនចូលសាលា ហើយត្រូវគ្រូ និងឪពុកម្ដាយស្ដីបន្ទោសជាញឹកញាប់ បន្ទាប់មកក៏បែកគំនិតនាំគ្នាផលិតហ្គេម ដោយខ្លួនឯងលមើល ដោយមិននឹកស្មានថា នឹងបានជោគជ័យដូច្នេះសោះ។
ហ្គេម អាស្វា ជាប្រភេទហ្គេមល្បងប្រាជ្ញា មានតួអង្គពីរសំខាន់ គឺ អាស្វា និង អាបូ។ ហ្គេមនេះមាន ៦វគ្គ ដូចជាវគ្គព្រៃគុហ៍ ដែលមានគួររូបឆាកជាប្រាសាទអង្គរវត្ត វគ្គទឹកជ្រោះ វគ្គទឹកកក និងវគ្គភ្នំភ្លើង ជាដើម។ ដំណើរសាច់រឿងហ្គេមនេះ គឺអាស្វាកម្ជិលចូលចិត្តដើរចោលផ្ទះផ្ដេសផ្ដាស វង្វេងចូលព្រៃ ចូលភ្នំភ្លើង ធ្លាក់ជ្រោះទឹកក ហើយអាបូ ដែលជាតួអង្គតំណាងឲ្យអ្នកលេង ត្រូវមានប្រជ្ញាធ្វើយ៉ាងណានាំអាស្វា មកផ្ទះវិញ ឲ្យបាន បើនាំមិនបានគឺអ្នកលេងនោះចាញ់។
លោក អៀ អ៊ុយ បញ្ជាក់ថា ហ្គេមអាស្វា បានបង្កើតឡើងនៅដើមឆ្នាំ២០១២ មានលក់នៅកម្ពុជា និងប្រទេសដទៃទៀតមួយចំនួន។ ហ្គេមនេះអាចលេងបានតាម អាយផេត (iPad) តាមទូរស័ព្ទអាយហ្វូន (iPhone) ឬអាចលេងបានតាមប្រព័ន្ធដំណើរការ អិនដ្រយ (Android)។
ចំពោះអ្នកមានទូរស័ព្ទ អៃហ្វូន អាចទិញហ្គេមនេះបាន តាមរយៈទីផ្សារអនឡាញន៍ របស់ក្រុមហ៊ុន អេផល (Apple) ដោយចូលទៅ អេបស្ទ័រ (App Store) មានតម្លៃ ០ ដុល្លារ៩៩សេន (០,៩៩)។ ចំពោះអ្នកប្រើប្រព័ន្ធដំណើរការអិនដ្រយ អាចលេងហ្គេមនេះបានដោយឥតគិតថ្លៃ ដោយទាញយកហ្គេមនេះនៅហ្គូហ្គល ផ្លេយ (Google Play)៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment