ដោយ ដែន អយុធ្យា
2013-05-15
2013-05-15
ប្រជាពលរដ្ឋរងគ្រោះរាប់រយគ្រួសារដែលត្រូវក្រុមហ៊ុនរំលោភយកដី
ចម្ការដំឡូង និងស្វាយទាំងនោះ
បានស្នើឲ្យប្រមុខដឹកនាំជួយអន្តរាគមន៍
និងផ្ដល់ប័ណ្ណកម្មសិទ្ធិកាន់កាប់ដីធ្លីជូនពួកគេឲ្យបានឆាប់។
ប្រជាពលរដ្ឋជាង ២០០គ្រួសារ រស់នៅភូមិពាមប៉ោ ឃុំឃ្សឹម ស្រុកស្នួល ខេត្តក្រចេះ បានឲ្យដឹងថា ក្រុមហ៊ុនសម្បទានសេដ្ឋកិច្ចវៀតណាម ឈ្មោះ ប៊ិញ ភឿក ២ កំពុងប្រើគ្រឿងចក្រឈូសរំលោភយកដីចម្ការពួកគាត់។
ពលរដ្ឋរងគ្រោះអះអាងថា នៅថ្ងៃទី១៥ ខែឧសភា ក្រុមហ៊ុន ប៊ិញ ភឿក ២ បានយកគ្រឿងចក្រចំនួន ៥គ្រឿង និងប្រើកម្មករជនជាតិវៀតណាម មន្ត្រីប៉ូលិស កងរាជអាវុធហត្ថ និងទាហានប្រដាប់អាវុធការពារក្រុមហ៊ុនដើម្បីគំរាមពលរដ្ឋម្ចាស់ដី មិនឲ្យតវ៉ា។
ក្រុមប្រជាពលរដ្ឋបានទទូចរកជំនួយពីលោកនាយករដ្ឋមន្ត្រី ហ៊ុន សែន ឲ្យជួយផ្ដល់ដីកម្មសិទ្ធិ និងបញ្ឈប់សកម្មភាពក្រុមហ៊ុន ប៊ិញ ភឿក ២ នេះជាបន្ទាន់៖ «មកទល់ពេលហ្នឹងក៏នៅតែឈូសឆាយដែរ ហើយមានបាញ់សម្លុតប្រជាពលរដ្ឋ ៣គ្រាប់ ពីម្សិលម្ង៉ៃ ៣គ្រាប់។ អ្នកបាញ់ស្លៀកពាក់ជាប៉ូលិស កងរាជអាវុធហត្ថ និងទាហាន។ លោកអភិបាលស្រុក គឹមនី បានចុះមកប្រជុំសម្រេចអនុម័តថា ព្រមព្រៀងចែកដីឲ្យពលរដ្ឋ។ តែដល់ពេលក្រោយមក គាត់បែរជាមិនចែក បែរជាទៅឃុបឃិតគំនិតជាមួយក្រុមហ៊ុន បែរជាទៅយកដីប្រជាពលរដ្ឋដាក់ឲ្យក្រុមហ៊ុនទៅវិញ»។
អ្នកភូមិពាមប៉ោ បានឲ្យដឹងថា សកម្មភាពប្រើគ្រឿងចក្រឈូសរំលោភយកដីចម្ការពលរដ្ឋរបស់ក្រុមហ៊ុន ប៊ិញ ភឿក ២ បានចាប់ផ្ដើមតាំងពីថ្ងៃទី១០ ខែមេសា ឆ្នាំ២០១៣ មកម្ល៉េះ។
ពលរដ្ឋឃុំឃ្សឹម ឲ្យដឹងថា ទំនាស់នេះពួកគាត់ធ្លាប់ដាក់ឯកសារស្នើកិច្ចអន្តរាគមន៍ទៅអាជ្ញាធរ ស្រុកស្នួល ខេត្តក្រចេះ រហូតដល់ខុទ្ទកាល័យប្រមុខដឹកនាំ និងបានដាក់ជូនផ្ទាល់ដៃជូនលោក ហ៊ុន ម៉ាណែត កូនប្រុសលោក ហ៊ុន សែន ដើម្បីឲ្យជួយអន្តរាគមន៍ថែមទៀត ប៉ុន្តែរហូតមកដល់ពេលនេះ មិនមានការឆ្លើយតបទេ។ ហើយគ្រឿងចក្ររបស់ក្រុមហ៊ុននៅតែបន្តឈូសឆាយបំផ្លាញដំណាំដំឡូង និងស្វាយ រំលោភយកដីពលរដ្ឋដដែល។
ទាក់ទិនបញ្ហានេះ វិទ្យុអាស៊ីសេរី មិនអាចទាក់ទងលោក នួន សំអាត មេឃុំឃ្សឹម និងលោក គង់ គឹមនី អភិបាលស្រុកស្នួល ព្រមទាំងតំណាងក្រុមហ៊ុន ប៊ិញ ភឿក ២ ដើម្បីបំភ្លឺបានទេតាមទូរស័ព្ទ ដោយពួកគាត់បានចុចផ្ដាច់ទូរស័ព្ទ ពេលសួរនាំពីបញ្ហាទំនាស់ដីធ្លីនេះ។
អនុប្រធានផ្នែកដីធ្លី និងធនធានធម្មជាតិរបស់សមាគមអាដហុក លោក ចាន់ សុវ៉េត មានប្រសាសន៍នៅថ្ងៃទី១៥ ខែឧសភា ដោយស្នើទៅស្ថាប័នពាក់ព័ន្ធនៃរាជរដ្ឋាភិបាល ត្រូវផ្អាកសកម្មភាពប្រើគ្រឿងចក្ររបស់ក្រុមហ៊ុន ប៊ិញ ភឿក ២ ជាបន្ទាន់ ដើម្បីរកដំណោះស្រាយតាមច្បាប់ដោយសន្តិវិធី។
លោកបន្តថា សមាគមអាដហុក កំពុងស៊ើបអង្កេត និងសិក្សាពីផ្លូវច្បាប់ទៅលើករណីទំនាស់ដីធ្លីនៅឃុំឃ្សឹម ឲ្យបានច្បាស់លាស់ ថាតើការរស់នៅរបស់ប្រជាពលរដ្ឋ និងសកម្មភាពក្រុមហ៊ុនមានលក្ខណៈផ្លូវច្បាប់បែបណា៖ «គឺយើងបាន ទទួលដំណឹងមកថា ប្រជាពលរដ្ឋទទួលរងការឈូសឆាយ បំផ្លិចបំផ្លាញផលដំណាំពីក្រុមហ៊ុន ប៊ិញ ភឿក ២។ អ៊ីចឹងជាចំណុចរួម គឺយើងខ្ញុំចង់ជជែកគ្នាឲ្យបានច្បាស់ ហើយនឹងស្នើសុំទៅអាជ្ញាធរមូលដ្ឋាន និងអាជ្ញាធរពាក់ព័ន្ធទាំងឡាយ ស្នើសុំឲ្យមានការផ្អាក ហើយនិងពិនិត្យមើលលើសកម្មភាព ថាតើប្រជាពលរដ្ឋពិតប្រាកដបានរស់នៅលើតំបន់ដីហ្នឹងត្រឹមត្រូវតាម ច្បាប់ដែរទេ? ហើយមួយទៀត យើងចង់ឲ្យមានការអនុវត្តបទបញ្ជាលេខ ០១ របស់រាជរដ្ឋាភិបាលផងដែរ»។
លោក ចាន់ សុវ៉េត បន្តថា បញ្ហាទំនាស់ដីធ្លីរវាងប្រជាពលរដ្ឋ និងក្រុមហ៊ុនទទួលបានដីសម្បទានសេដ្ឋកិច្ចពីរដ្ឋាភិបាល បានកើតមានស្ទើរទូទាំងប្រទេសកម្ពុជា។ ហើយថា ការបង្កើតចលនានិស្សិតរបស់ប្រមុខដឹកនាំ ដើម្បីវាស់ដីផ្ដល់ប័ណ្ណកម្មសិទ្ធិជូនប្រជាពលរដ្ឋ គឺមានលក្ខណៈនយោបាយ និងមិនអាចកាត់បន្ថយជម្លោះដីធ្លីបានទេ។
ប្រជាពលរដ្ឋឃុំឃ្សឹម ឲ្យដឹងថា សព្វថ្ងៃនេះសេរីភាពក្នុងការធ្វើដំណើរចេញចូលភូមិរបស់ពួកគាត់ ក្នុងចម្ងាយផ្លូវប្រមាណ ៥គីឡូម៉ែត្រ មកថ្នល់ជាតិ ត្រូវឆ្លងកាត់ប៉ុស្តិ៍ត្រួតពិនិត្យរបស់ក្រុមហ៊ុន ប៊ិញ ភឿក ២ ចំនួនបីកន្លែង និងឆែកឆេរតឹងរ៉ឹង ហើយរាល់ការចេញចូលទាល់តែមានការអនុញ្ញាតពីក្រុមហ៊ុន។
អ្នកភូមិបានអំពាវនាវឲ្យប្រមុខរាជរដ្ឋាភិបាលជួយដោះស្រាយទំនាស់ ដីធ្លីនៅឃុំឃ្សឹមឲ្យបានឆាប់ ព្រោះថា ទំនាស់នេះអ្នកភូមិធ្លាប់រាយការណ៍ជូនអាជ្ញាធរមូលដ្ឋានជាច្រើន លើកមកហើយ ប៉ុន្តែមកដល់ពេលនេះ មិនទាន់ឃើញមន្ត្រីពាក់ព័ន្ធស្ថាប័នណាមួយចុះជួយដោះស្រាយទំនាស់នៅ ឡើយទេ។
ទំនាស់ដីធ្លីរវាងពលរដ្ឋ និងក្រុមហ៊ុនសម្បទានសេដ្ឋកិច្ចនៅខេត្តក្រចេះ បានកើតមានជាបន្តបន្ទាប់ ហើយទំនាស់នេះឈានដល់ពលរដ្ឋរងគ្រោះប្រមូលផ្តុំគ្នាបិទផ្លូវ ជាតិជាច្រើនលើក កាលពីឆ្នាំ២០១២ ដើម្បីទាមទារឲ្យថ្នាក់ដឹកនាំក្រសួងពាក់ព័ន្ធ ពិសេសប្រមុខរដ្ឋាភិបាលជួយរកដំណោះស្រាយ។ ប៉ុន្តែទោះយ៉ាងណា រហូតមកដល់ពេលនេះ ទំនាស់ដីធ្លីនៅខេត្តក្រចេះ បានបន្តកើតមានដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ប្រជាពលរដ្ឋជាង ២០០គ្រួសារ រស់នៅភូមិពាមប៉ោ ឃុំឃ្សឹម ស្រុកស្នួល ខេត្តក្រចេះ បានឲ្យដឹងថា ក្រុមហ៊ុនសម្បទានសេដ្ឋកិច្ចវៀតណាម ឈ្មោះ ប៊ិញ ភឿក ២ កំពុងប្រើគ្រឿងចក្រឈូសរំលោភយកដីចម្ការពួកគាត់។
ពលរដ្ឋរងគ្រោះអះអាងថា នៅថ្ងៃទី១៥ ខែឧសភា ក្រុមហ៊ុន ប៊ិញ ភឿក ២ បានយកគ្រឿងចក្រចំនួន ៥គ្រឿង និងប្រើកម្មករជនជាតិវៀតណាម មន្ត្រីប៉ូលិស កងរាជអាវុធហត្ថ និងទាហានប្រដាប់អាវុធការពារក្រុមហ៊ុនដើម្បីគំរាមពលរដ្ឋម្ចាស់ដី មិនឲ្យតវ៉ា។
ក្រុមប្រជាពលរដ្ឋបានទទូចរកជំនួយពីលោកនាយករដ្ឋមន្ត្រី ហ៊ុន សែន ឲ្យជួយផ្ដល់ដីកម្មសិទ្ធិ និងបញ្ឈប់សកម្មភាពក្រុមហ៊ុន ប៊ិញ ភឿក ២ នេះជាបន្ទាន់៖ «មកទល់ពេលហ្នឹងក៏នៅតែឈូសឆាយដែរ ហើយមានបាញ់សម្លុតប្រជាពលរដ្ឋ ៣គ្រាប់ ពីម្សិលម្ង៉ៃ ៣គ្រាប់។ អ្នកបាញ់ស្លៀកពាក់ជាប៉ូលិស កងរាជអាវុធហត្ថ និងទាហាន។ លោកអភិបាលស្រុក គឹមនី បានចុះមកប្រជុំសម្រេចអនុម័តថា ព្រមព្រៀងចែកដីឲ្យពលរដ្ឋ។ តែដល់ពេលក្រោយមក គាត់បែរជាមិនចែក បែរជាទៅឃុបឃិតគំនិតជាមួយក្រុមហ៊ុន បែរជាទៅយកដីប្រជាពលរដ្ឋដាក់ឲ្យក្រុមហ៊ុនទៅវិញ»។
អ្នកភូមិពាមប៉ោ បានឲ្យដឹងថា សកម្មភាពប្រើគ្រឿងចក្រឈូសរំលោភយកដីចម្ការពលរដ្ឋរបស់ក្រុមហ៊ុន ប៊ិញ ភឿក ២ បានចាប់ផ្ដើមតាំងពីថ្ងៃទី១០ ខែមេសា ឆ្នាំ២០១៣ មកម្ល៉េះ។
ពលរដ្ឋឃុំឃ្សឹម ឲ្យដឹងថា ទំនាស់នេះពួកគាត់ធ្លាប់ដាក់ឯកសារស្នើកិច្ចអន្តរាគមន៍ទៅអាជ្ញាធរ ស្រុកស្នួល ខេត្តក្រចេះ រហូតដល់ខុទ្ទកាល័យប្រមុខដឹកនាំ និងបានដាក់ជូនផ្ទាល់ដៃជូនលោក ហ៊ុន ម៉ាណែត កូនប្រុសលោក ហ៊ុន សែន ដើម្បីឲ្យជួយអន្តរាគមន៍ថែមទៀត ប៉ុន្តែរហូតមកដល់ពេលនេះ មិនមានការឆ្លើយតបទេ។ ហើយគ្រឿងចក្ររបស់ក្រុមហ៊ុននៅតែបន្តឈូសឆាយបំផ្លាញដំណាំដំឡូង និងស្វាយ រំលោភយកដីពលរដ្ឋដដែល។
ទាក់ទិនបញ្ហានេះ វិទ្យុអាស៊ីសេរី មិនអាចទាក់ទងលោក នួន សំអាត មេឃុំឃ្សឹម និងលោក គង់ គឹមនី អភិបាលស្រុកស្នួល ព្រមទាំងតំណាងក្រុមហ៊ុន ប៊ិញ ភឿក ២ ដើម្បីបំភ្លឺបានទេតាមទូរស័ព្ទ ដោយពួកគាត់បានចុចផ្ដាច់ទូរស័ព្ទ ពេលសួរនាំពីបញ្ហាទំនាស់ដីធ្លីនេះ។
អនុប្រធានផ្នែកដីធ្លី និងធនធានធម្មជាតិរបស់សមាគមអាដហុក លោក ចាន់ សុវ៉េត មានប្រសាសន៍នៅថ្ងៃទី១៥ ខែឧសភា ដោយស្នើទៅស្ថាប័នពាក់ព័ន្ធនៃរាជរដ្ឋាភិបាល ត្រូវផ្អាកសកម្មភាពប្រើគ្រឿងចក្ររបស់ក្រុមហ៊ុន ប៊ិញ ភឿក ២ ជាបន្ទាន់ ដើម្បីរកដំណោះស្រាយតាមច្បាប់ដោយសន្តិវិធី។
លោកបន្តថា សមាគមអាដហុក កំពុងស៊ើបអង្កេត និងសិក្សាពីផ្លូវច្បាប់ទៅលើករណីទំនាស់ដីធ្លីនៅឃុំឃ្សឹម ឲ្យបានច្បាស់លាស់ ថាតើការរស់នៅរបស់ប្រជាពលរដ្ឋ និងសកម្មភាពក្រុមហ៊ុនមានលក្ខណៈផ្លូវច្បាប់បែបណា៖ «គឺយើងបាន ទទួលដំណឹងមកថា ប្រជាពលរដ្ឋទទួលរងការឈូសឆាយ បំផ្លិចបំផ្លាញផលដំណាំពីក្រុមហ៊ុន ប៊ិញ ភឿក ២។ អ៊ីចឹងជាចំណុចរួម គឺយើងខ្ញុំចង់ជជែកគ្នាឲ្យបានច្បាស់ ហើយនឹងស្នើសុំទៅអាជ្ញាធរមូលដ្ឋាន និងអាជ្ញាធរពាក់ព័ន្ធទាំងឡាយ ស្នើសុំឲ្យមានការផ្អាក ហើយនិងពិនិត្យមើលលើសកម្មភាព ថាតើប្រជាពលរដ្ឋពិតប្រាកដបានរស់នៅលើតំបន់ដីហ្នឹងត្រឹមត្រូវតាម ច្បាប់ដែរទេ? ហើយមួយទៀត យើងចង់ឲ្យមានការអនុវត្តបទបញ្ជាលេខ ០១ របស់រាជរដ្ឋាភិបាលផងដែរ»។
លោក ចាន់ សុវ៉េត បន្តថា បញ្ហាទំនាស់ដីធ្លីរវាងប្រជាពលរដ្ឋ និងក្រុមហ៊ុនទទួលបានដីសម្បទានសេដ្ឋកិច្ចពីរដ្ឋាភិបាល បានកើតមានស្ទើរទូទាំងប្រទេសកម្ពុជា។ ហើយថា ការបង្កើតចលនានិស្សិតរបស់ប្រមុខដឹកនាំ ដើម្បីវាស់ដីផ្ដល់ប័ណ្ណកម្មសិទ្ធិជូនប្រជាពលរដ្ឋ គឺមានលក្ខណៈនយោបាយ និងមិនអាចកាត់បន្ថយជម្លោះដីធ្លីបានទេ។
ប្រជាពលរដ្ឋឃុំឃ្សឹម ឲ្យដឹងថា សព្វថ្ងៃនេះសេរីភាពក្នុងការធ្វើដំណើរចេញចូលភូមិរបស់ពួកគាត់ ក្នុងចម្ងាយផ្លូវប្រមាណ ៥គីឡូម៉ែត្រ មកថ្នល់ជាតិ ត្រូវឆ្លងកាត់ប៉ុស្តិ៍ត្រួតពិនិត្យរបស់ក្រុមហ៊ុន ប៊ិញ ភឿក ២ ចំនួនបីកន្លែង និងឆែកឆេរតឹងរ៉ឹង ហើយរាល់ការចេញចូលទាល់តែមានការអនុញ្ញាតពីក្រុមហ៊ុន។
អ្នកភូមិបានអំពាវនាវឲ្យប្រមុខរាជរដ្ឋាភិបាលជួយដោះស្រាយទំនាស់ ដីធ្លីនៅឃុំឃ្សឹមឲ្យបានឆាប់ ព្រោះថា ទំនាស់នេះអ្នកភូមិធ្លាប់រាយការណ៍ជូនអាជ្ញាធរមូលដ្ឋានជាច្រើន លើកមកហើយ ប៉ុន្តែមកដល់ពេលនេះ មិនទាន់ឃើញមន្ត្រីពាក់ព័ន្ធស្ថាប័នណាមួយចុះជួយដោះស្រាយទំនាស់នៅ ឡើយទេ។
ទំនាស់ដីធ្លីរវាងពលរដ្ឋ និងក្រុមហ៊ុនសម្បទានសេដ្ឋកិច្ចនៅខេត្តក្រចេះ បានកើតមានជាបន្តបន្ទាប់ ហើយទំនាស់នេះឈានដល់ពលរដ្ឋរងគ្រោះប្រមូលផ្តុំគ្នាបិទផ្លូវ ជាតិជាច្រើនលើក កាលពីឆ្នាំ២០១២ ដើម្បីទាមទារឲ្យថ្នាក់ដឹកនាំក្រសួងពាក់ព័ន្ធ ពិសេសប្រមុខរដ្ឋាភិបាលជួយរកដំណោះស្រាយ។ ប៉ុន្តែទោះយ៉ាងណា រហូតមកដល់ពេលនេះ ទំនាស់ដីធ្លីនៅខេត្តក្រចេះ បានបន្តកើតមានដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
1 comment:
Cambodia is soon to be under Vietnamese control if Cambodia don't wake up from Vietnamese spell.
Post a Comment