ភ្នំពេញ៖ គណបក្សសង្គ្រោះជាតិនៅថ្ងៃទី១២ ខែឧសភា ឆ្នាំ២០១៣
បានប្រកាសថា ខ្លួននឹងធ្វើមហាបាតុកម្មដែលមានលក្ខណៈជាទ្រង់ទ្រាយធំម្តងទៀត
នៅថ្ងៃទី២០ ខែឧសភា ខាងមុខ ដើម្បីទាមទារឲ្យលោក សម រង្ស៊ី
ដែលកំពុងតែនិរទេសខ្លួននៅក្រៅប្រទេស
បានចូលរួមក្នុងការបោះឆ្នោតជ្រើសរើសតំណាងរាស្រ្តីនីតិកាលទី៥។
លោក ហូរ វ៉ាន់ អនុប្រធានគណៈកម្មាធិការវិន័យ
បានមានប្រសាសន៍ប្រាប់មជ្ឈមណ្ឌលព័ត៌មានដើមអម្ពិលថា
គណបក្សនឹងប្រមែប្រមូលសកម្មជនរបស់ខ្លួន ដើម្បីចូលរួមក្នុងមហាបាតុកម្មម្តងទៀត
បន្ទាប់ពីបាតុមកម្មកាលពី ពេលកន្លងមកមិនបានទទួលជោគជ័យ
ដោយមិនមានការឆ្លើយតបពីគណៈកម្មាធិការជាតិ រៀបចំការបោះឆ្នោត (គ.ជ.ប)
ទើបធ្វើការសម្រេចធ្វើបាតុកម្មម្តងទៀត។
លោកបន្តថា ការធ្វើបាតុកម្មនេះ ក៏មិនខុសពីលើកមុនដែរ
ក្នុងគោលបំណងទាមទារឲ្យលោក សម រង្ស៊ី ប្រធាន គណបក្សសង្គ្រោះជាតិ
បានចូលស្រុកវិញ
ដើម្បីចូលរួមប្រកួតប្រជែងការបោះឆ្នោតជ្រើសរើសតំណាងរាស្រ្តនីតិ កាលទី៥ ឲ្យ
គ.ជ.ប ធ្វើតាមអនុសាសន៍របស់លោក ស៊ូរិយា ប្រាសាទ ស៊ូប៊ែឌី
អ្នករាយការណ៍ពិសេសរបស់អង្គ ការសហប្រជាជាតិប្រចាំកម្ពុជា
កែតម្រូវតាមអង្គការខុមហ្វ្រែល និងអង្គការនិចហ្វិក។
លោកបានបញ្ជាក់ថា «យើងមិនទាន់កំណត់អ្នកចូលរួមប៉ុន្មាននាក់នៅឡើយទេ
ដោយសារយើងមិនទាន់បានជួប ប្រជុំគ្នា ព្រោះកំពុងជាប់រវល់ចុះតាមមូលដ្ឋាន
យើងនឹងយកញ្ញត្តិទៅដាក់នៅអង្គការអន្តរជាតិ និងស្ថានទូតសំខាន់ ៗ នៅកម្ពុជា»។
លោក ហូរ វ៉ាន់ បន្តថា «យើងឯកភាពរៀបចំសាជាថ្មីហើយ
ហើយរៀបចំមិនទាន់គណបក្សសង្រ្គោះជាតិសុខចិត្ត
ពន្យារពេលការបោះឆ្នោតធ្វើយ៉ាងម៉េចឲ្យរៀបចំការបោះឆ្នោតដំណើរការបានល្អ»។
លោក ទេព នីថា អគ្គលេខាធិការ គ.ជ.ប បានឲ្យដឹងថា នេះមិនមែនជាលើកទីមួយទេ
សម្រាប់គណបក្សសង្គ្រោះ ជាតិធ្វើបាតុកម្ម ព្រោះវាជាសិទ្ធិរបស់ពួកគាត់
ប៉ុន្តែ គ.ជ.ប ធ្វើអ្វីទៅតាមច្បាប់កំណត់ ហើយដំណើរការបោះឆ្នោត
នៅតែប្រព្រឹត្តទៅតាមធម្មតាមិនមានអ្វីប្រែប្រួលនោះទេ។
លោកបានបន្ថែមថា «មិនមែនជាសមត្ថកិច្ចរបស់ គ.ជ.ប ទេ ចំពោះករណីឯកឧត្តមសម
រង្ស៊ី … ហើយប្រតិទិន និង ការត្រៀមរបស់ គ.ជ.ប
ដំណើរការទៅមុខជាធម្មតាមិនមានការប្រែប្រួលអ្វីនោះទេ»។
កាលពីថ្ងៃទី២៤ ខែមេសា ឆ្នាំ២០១៣ គណបក្សសង្គ្រោះជាតិ
បានធ្វើបាតុកម្មម្តងរួចមកហើយ ដោយបានធ្វើការ ជួបជុំគ្នានៅទីលានប្រជាធិបតេយ្យ
ដែលមានអ្នកចូលរួមប្រហែលជា ៤.០០០នាក់ ទាមទារធ្វើកំណែទម្រង់ គ.ជ.ប
ក៏ដូចជាឲ្យគ.ជ.ប ពិនិត្យបញ្ជីឈ្មោះអ្នកបោះឆ្នោតឡើងវិញ
ព្រមទាំងទាមទារឲ្យមានការចូលរួមពីមេបក្សរបស់ ខ្លួន
បានចូលរួមក្នុងព្រឹត្តិការណ៍បោះឆ្នោតផងដែរ។ តែការទាមទារនេះ
បានបរាជ័យម្តងរួចទៅហើយ ពោលគឺ គ.ជ.ប
មិនបានធ្វើតាមការទាមទាររបស់បក្សប្រឆាំងឡើយ៕
No comments:
Post a Comment