(ថ្ងៃទី 15 ឧសភា 2013,) | ដោយ: បាយ័ន CEN Read in English here.
ភ្នំពេញ:
ដោយមានការឯកភាពរវាងមេបាចាស់ទុំទាំងសងខាងនោះ
កូនស្រីពៅរបស់អតីតនាយករដ្ឋមន្ដ្រីថៃ គឺលោក Somchai Wongsawat
និងលោកស្រី Yowvapa Wongsawat នឹងរៀបអាពាហ៍ពិពាហ៍ជាមួយកូនលោក
បណ្ឌិតឧកញ៉ា សៀង ណាំ តំណាងរាស្ដ្រមណ្ឌលសៀមរាប និងលោកស្រី អ៊ុន វុនលី
ដែលជាពាណិជ្ជករមួយរូបមានឈ្មោះ បោះសម្លេងនៅព្រះរាជាណាចក្រកម្ពុជា
ដែលអាពាហ៏ពិពាហ៏ឆ្លងដែនមួយនេះ នឹងធ្វើឡើងនៅថ្ងៃទី១៨ ខែឧសភា
ឆ្នាំ២០១៣ នៅទីក្រុងបាងកកនៃព្រះរាជាណាចក្រថៃឡង់ដ៏។
សំបុត្រអញ្ជើញដ៏សាមញ្ញតាមទំរង់ធម្មតា មិនឆើតឆាយ
ត្រូវបានបោះពុម្ពរួចរាល់អស់ហើយ
ដើម្បីអញ្ជើញភ្ញៀវកិត្ដិយសចូលរួមក្នុងពិធីសិរីមង្គលដ៏អធិកអធម
នេះ។ ហើយភ្ញៀវកិត្ដិយសកម្ពុជា មានមន្ដ្រីជាន់ខ្ពស់
ថ្នាក់ឧបនាយករដ្ឋមន្ដ្រី ថ្នាក់ទេសរដ្ឋមន្ដ្រី ថ្នាក់រដ្ឋមន្ដ្រី
និងអ្នកស្និទ្ធជាមួយលោកឧកញ៉ា សៀង ណាំ និងលោកស្រី
ត្រូវបានអញ្ជើញទៅចូលរួមក្នុងពិធីនោះ។
កូនស្រីពៅរបស់អតីត
នាយករដ្ឋមន្ដ្រីថៃ Somchai Wongsawat និងលោកស្រី Yowvapa Wongsawat
មានឈ្មោះ Chayapa Wongsawat អាយុ២៩ឆ្នាំ
និងកូនប្រុសរបស់លោកបណ្ឌិតឧកញ៉ា សៀង ណាំ និងលោកស្រី អ៊ុន វុនលី
មានឈ្មោះណាំ លីណាល់ អាយុ៣២ឆ្នាំ។
អាពាហ៏ពិពាហ៏រវាង
កូនកំលោះអ្នកស្ដុកស្ដម្ភមកពីប្រទេសកម្ពុជា
ជាមួយកូនស្រីអ្នកមានស្ដុកស្ដម្ភនៃប្រទេសថៃ
គឺធ្វើឡើងនៅក្នុងសណ្ឋាគារដ៏ទំនើប គឺសណ្ឋាគារ Royal Meridien
ស្ថិតនៅកណ្ដាលទីក្រុងបាងកក។ ពិធីរៀបអាពាហ៍ពិពាហ៍នេះ តាមគំរោង
នឹងមានភ្ញៀវអញ្ជើញចូលរួមអបអរសាទរគូស្វាមី
និងភរិយាមានចំនួនជាង២ពាន់នាក់ ដែលសុទ្ធតែជាអ្នកមានមុខមាត់
និងមន្ដ្រីរាជការធំៗ។
កូនក្រមុំ Chayapa Wongsawat
គឺជាក្មួយបង្កើតរបស់អតីតនាយករដ្ឋមន្ដ្រីថៃ គឺលោកថាក់ស៊ីន
ស៊ីណាវ៉ាត្រា
ដែលត្រូវបានទំលាក់ពីអំណាចដោយរដ្ឋប្រហារយោធាក្នុងប្រទេសថៃកាលពី
ឆ្នាំ២០០៦។ ថាក់ស៊ីន ស៊ីណាវ៉ាត្រា គឺជាប្អូនថ្លៃ របស់លោក Somchai
Wongsawat អតីតនាយករដ្ឋមន្ដ្រីថៃ។ លោកស្រី Yowvapa Wongsawat
ដែលជាភរិយា របស់លោក Somchai Wongsawat គឺជាបងបង្កើតរបស់លោកថាក់ស៊ីន
ស៊ីណាវ៉ាត្រា។ ដោយឡែកលោកស្រី យីងឡាក់ ស៊ីណាវ៉ាត្រា
នាយករដ្ឋមន្ដ្រីថៃបច្នុប្បន្ន គឺជាម្ដាយមីងបង្កើតរបស់កូនក្រមុំ
Chayapa Wongsawat ផងដែរ។ លោកថាក់ស៊ីន ស៊ីណាវ៉ាត្រា លោកស្រី Yowvapa
Wongsawat និងលោកស្រី យីងឡាក់ ស៊ីណាវ៉ាត្រា
គឺជាបងប្អូនបង្កើតនឹងគ្នា។
អ្វីដែលគេកត់សំគាល់ថែមទៀតនោះ
គឺលោកស្រី Yowvapa Wongsawat ដែលជាម្ដាយបង្កើតរបស់កូនក្រមុំ Chayapa
Wongsawat បច្នុប្បន្ន លោកស្រីជាតំណាងរាស្ដ្រប្រចាំខេត្ដឈៀងម៉ៃ
មកពីគណបក្សភឿថៃ។
ចំណែកកូនកំលោះ លោកណាំ លីណាល់
និងកូនក្រមុំ Chayapa Wongsawat បានស្គាល់គ្នានៅទីក្រុងបាងកក
និងការផ្គូរផ្គងរវាងឪពុកម្ដាយទាំងសងខាង កាលពីប៉ុន្មានឆ្នាំមុន។
ហើយកូនប្រុសលោកសៀង ណាំ និងលោកស្រី អ៊ុន វុនលី បច្នុប្បន្ននេះ
គឺជាមន្ដ្រីថ្នាក់ខ្ពស់មួយរូប
ធ្វើការនៅក្រសួងអភិវឌ្ឍន៍ជនបទនៃព្រះរាជាណាចក្រកម្ពុជា។
រីឯកូនក្រមុំ Chayapa Wongsawat បច្នុប្បន្ននេះ
បានបំរើការងារនៅផ្នែកព្រះរាជអាជ្ញានៅទីក្រុងបាងកក ប្រទេសថៃ។ នាង
Chayapa Wongsawat ក៏ជាអ្នកចំរៀងល្បីល្បាញមួយរូប តែមិនមែនអាជីព
ស្ថិតនៅក្នុងវង់តន្ដ្រីរបស់នាងផ្ទាល់ គឺវង់តន្ដ្រី
“ហ្វាយអ៊ីនធើធេនមែន”
ហើយបានចេញនូវអាល់ប៊ុមចំរៀងជាច្រើនទៀតផង ក្នុងនោះមាន
“ឈើរីស៊ីគ្រេតស៊ី” ដែលសុទ្ធសឹងជាបទពេញនិយម។
អាពាហ៍
ពិពាហ៍រវាងកូនកំលោះ និងកូនក្រមុំ នឹងធ្វើជាលើកទី២ ឬដែលគេហៅថា
កាត់ចំណងដៃ នឹងធ្វើឡើងនៅក្នុងសណ្ឋាគារ Sofitel Phnom Penh
រាជធានីភ្នំពេញ នៃព្រះរាជាណាចក្រកម្ពុជា នាថ្ងៃទី២៥ ខែឧសភា ឆ្នាំ២០១៣
ដែលគ្រោងនឹងអញ្ជើញភ្ញៀវកិត្ដិយស ចំនួនប្រមាណ ១៨០០នាក់៕
Below are invitation cards
No comments:
Post a Comment