រដូវកាលឃោសនាបោះឆ្នោតរបស់គណបក្សនយោបាយ នឹងចូលដល់នៅខែមិថុនា
ខាងមុខ។ អ្នកនយោបាយ មិនថាគណបក្សកាន់អំណាច ឬបក្សប្រឆាំងទេ
បានប្រើយុទ្ធវិធីគ្រប់មធ្យោបាយ
ដើម្បីទាញយកសំឡេងគាំទ្របក្សរបស់ខ្លួន។
ដោយ ទីន ហ្សាការីយ៉ា RFA
2013-05-22
2013-05-22
ស្ដាប់ ឬ ទាញយកសំឡេង
ពលរដ្ឋអ្នករត់រ៉ឺម៉កកង់បី នៅផ្សារកំពង់ធំ ផ្ដល់បទសម្ភាសន៍ដល់វិទ្យុអាស៊ីសេរី កាលពីថ្ងៃទី១៤ ឧសភា ឆ្នាំ២០១៣។
RFA/Tin Zakariya
អ្វីដែលជាការកត់សំគាល់របស់អ្នកនយោបាយនៅមុនពេលបោះឆ្នោតនោះ
តំណាងគណបក្សនយោបាយនីមួយៗ បានចុះទៅជួបប្រជារាស្រ្ត
ហើយតែងតែសន្យាសព្វបែបយ៉ាងជាមួយប្រជាពលរដ្ឋ
ដូចជាការធ្វើហេដ្ឋារចនាសម្ព័ន្ធ
ការបង្កើតការងារឲ្យប្រជាពលរដ្ឋជាដើម។
តើក្នុងអាណត្តិកន្លងមកនេះ គណបក្សនយោបាយ ពិសេសគណបក្សកាន់អំណាច បានធ្វើដូចការសន្យារបស់ខ្លួនដែរទេ?
សន្លឹកឆ្នោតមួយសន្លឹកមានសារសំខាន់ណាស់ចំពោះម្ចាស់ឆ្នោត ដែលធ្វើឲ្យមានការផ្លាស់ប្ដូរមេដឹកនាំនៅពេលគណបក្សនយោបាយបាន ប្រកួតប្រជែងក្នុងការបោះឆ្នោតជាតិម្ដងៗ។ ប្រជាពលរដ្ឋនឹងធ្វើការសម្រេចចិត្តបោះឆ្នោតជូនគណបក្សណាដែលខ្លួន ពេញចិត្ត ហើយរំពឹងថា គណបក្សនោះបានជួយធ្វើឲ្យជីវភាពពួកគាត់មានការផ្លាស់ប្ដូរ និងរីកចំរើនទៅបាន។
អ្វីដែលគួរឲ្យកត់សំគាល់នោះ នៅពេលបោះឆ្នោតម្ដងៗ ពិសេសនៅពេលយុទ្ធនាការឃោសនា គ្រប់គណបក្សនយោបាយបានចេញធ្វើសកម្មភាពយ៉ាងខ្លាំងក្លា ដើម្បីអូសទាញយកសន្លឹកឆ្នោត និងបានផ្ញើសារនយោបាយល្អៗជូនដល់ម្ចាស់ឆ្នោត។
សារនយោបាយរបស់គណបក្សទាំងអស់សុទ្ធតែល្អៗ ពេលខ្លះរហូតដល់ធ្វើឲ្យប្រជាពលរដ្ឋមួយចំនួនពិបាកក្នុងការសម្រេច ចិត្ត ថាតើពួកគាត់នឹងសម្រេចចិត្តបោះឆ្នោតជូនគណបក្សណាមួយដែលពួកគាត់ គិតថាល្អជាងនោះ?
ប្រជាពលរដ្ឋមួយចំនួននៅក្នុងខែត្រកំពង់ធំ បានលើកឡើងថា ពួកគាត់បានបោះឆ្នោតបានចំនួន ៤អាណត្តិកន្លងមកហើយ ប៉ុន្តែជីវភាពរបស់ពួកគាត់ពីមួយឆ្នាំទៅមួយឆ្នាំនៅមានជីវភាព ខ្វះខាតនៅឡើយ។
ប្រជាពលរដ្ឋឈ្មោះ មិញ នី បានរៀបរាប់ថា ប្រជាកសិករនៅក្នុងខែត្រកំពង់ធំ ភាគច្រើនធ្វើស្រែអាស្រ័យលើការខ្ចីបុលពីធនាគារដើម្បីធ្វើដើម ទុន ប៉ុន្តែទិន្នផលស្រូវបានធ្វើមានតំលៃថោក ដែលក្នុងមួយគីឡូក្រាមពី ៧០០ ទៅ ៩០០រៀល រីឯតំលៃជី និងតំលៃសាំងឡើងថ្លៃ។ លោកបញ្ជាក់ថា រដ្ឋាភិបាលហាក់បីដូចជាមិនមានយន្តការក្នុងការដោះស្រាយជូន ប្រជាពលរដ្ឋដូចនៅមុនពេលបោះឆ្នោតនោះឡើយ។
ទោះបីជាយ៉ាងណាក៏ដោយ គិតមកទល់ពេលនេះ ប្រជាពលរដ្ឋមានបទពិសោធន៍ជាច្រើនទាក់ទងនឹងរឿងបោះឆ្នោត ហើយប្រជាពលរដ្ឋនៅតាមបណ្ដាខែត្រនោះ ហាក់បីដូចជាមានភាពវាងវៃជាងមុន ចំពោះការសន្យារបស់គណបក្សនយោបាយនៅមុនពេលបោះឆ្នោត ពីព្រោះពួកគាត់គ្មានជំនឿទៅលើការសន្យារបស់គណបក្សនយោបាយមួយចំនួន នោះទេ ពិសេសគឺគណបក្សកាន់អំណាច ពីព្រោះថា ការធ្វើស្រែប្រាំងរបស់ពួកគាត់គ្មានប្រព័ន្ធធារាស្រ្តគ្រប់គ្រាន់ និងខ្វះដើមទុន។
ទាក់ទងនឹងបញ្ហានេះ អ្នកជំនាញសេដ្ឋកិច្ចមានប្រសាសន៍ថា ស្ថានភាពអ្នករស់នៅជនបទបានចំណាយកាន់តែច្រើនពីមួយឆ្នាំទៅមួយ ឆ្នាំ ពីព្រោះថា គ្រួសារនៅជនបទបានចំណាយជាមធ្យមប្រមាណ ៨លានរៀលក្នុងមួយឆ្នាំ ដើម្បីទទួលបានការរស់នៅសមរម្យ។ ប្រការនេះមានន័យថា គ្រួសារណាដែលអាចរកចំណូលបានច្រើនជាង ៨លានរៀល គឺចាត់ទុកថា ជាគ្រួសារមានជីវភាពធូរធារនៅជនបទ។
ប៉ុន្តែស្ថានភាពសព្វថ្ងៃ ប្រជាពលរដ្ឋនៅជនបទបានចំណាយកាន់តែខ្ពស់ ផ្ទុយទៅវិញ ចំណូលរបស់គាត់មានការធ្លាក់ចុះ ជាពិសេសតម្លៃស្រូវបានធ្លាក់ចុះនៅឆ្នាំ២០១២ និង ២០១៣ ហើយការចំណាយលើការផលិតក៏បានកើនឡើង បើធៀបនឹងឆ្នាំមុន ដូចជាតម្លៃជី ប្រេងសាំង និងការចំណាយទៅលើកម្លាំងពលកម្ម ។ល។
ប្រជាពលរដ្ឋសុំមិនបញ្ចេញឈ្មោះនៅស្រុកកំពង់ស្វាយ ខែត្រកំពង់ធំ ឲ្យដឹងថា ថ្វីត្បិតតែរដ្ឋាភិបាលជាប់ឆ្នោតបានធ្វើហេដ្ឋារចនាសម្ព័ន្ធផ្លូវ ថ្នល់ខ្លះមែន ប៉ុន្តែប្រជាពលរដ្ឋនៅតំបន់ដាច់ស្រយាលមិនសូវទទួលបានផលអភិវឌ្ឍន៍ របស់រដ្ឋាភិបាលនោះឡើយ។ លោកបានលើកឡើងថា ការបោះឆ្នោតនៅពេលខាងមុខ លោកនឹងពិចារណាឲ្យបានល្អិតល្អន់ ថាតើពួកគាត់នឹងត្រូវបោះឆ្នោតជូនគណបក្សណាដែលដឹកនាំប្រទេសមាន ការរីកចំរើនជាងពេលបច្ចុប្បន្ន។
ក្រៅពីប្រជាកសិករមានមុខរបរពឹងលើការធ្វើស្រែបានត្អូញត្អែរ អំពីជីវភាពលំបាកនោះ គឺក្រុមអ្នករត់ម៉ូតូកង់បី ក៏មិនខុសពីអ្នកធ្វើស្រែប៉ុន្មានដែរ។ ពួកគាត់បានលើកពីទុក្ខលំបាកប្រហាក់ប្រហែលគ្នា ដោយសារតែបញ្ហាអតិផរណា ពោលគឺទំនិញនៅលើទីផ្សារឡើងថ្លៃ រីឯចំណូលប្រចាំថ្ងៃមិនសូវរកបាន មិនអាចទប់ទល់នឹងការចំណាយប្រចាំថ្ងៃបាន។
អ្នករត់ម៉ូតូកង់បីនៅរង់ចាំដឹកភ្ញៀវនៅមុខផ្សារធំកំពង់ធំ កំពុងអង្គុយជុំគ្នាក្រោមកំដៅថ្ងៃក្ដៅហែង បានរៀបរាប់ថា គោលបំណងរបស់ពួកគាត់បោះឆ្នោតកន្លងមកនោះ គឺចង់បានអ្នកដឹកនាំចេះយល់ពីសុខទុក្ខរបស់ប្រជាពលរដ្ឋ តែជាក់ស្ដែងទុក្ខកង្វល់របស់ពួកគាត់គ្មានអ្នកដឹកនាំណាជួយ ខ្វល់ខ្វាយនោះឡើយ។
ភ្ជាប់ទៅនឹងបញ្ហានេះ ក្រុមអ្នកឃ្លាំមើលការបោះឆ្នោតបានពន្យល់ថា ជាទម្លាប់ទៅហើយសម្រាប់អ្នកនយោបាយខ្មែរដែលបានសន្យាជាមួយម្ចាស់ ឆ្នោតនៅមុនពេលបោះឆ្នោត មិនថាគណបក្សកាន់អំណាច ឬគណបក្សប្រឆាំងនោះឡើយ។ ការសន្យានោះ គណបក្សនយោបាយក្រោយពីជាប់ឆ្នោតមិនធ្វើដូចកិច្ចសន្យាទេ។ បញ្ហានេះជះឥទ្ធិពលដល់ការបោះឆ្នោតនៅពេលខាងមុខ។
ប្រធានគណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរីនៅកម្ពុជា លោកបណ្ឌិត ហង្ស ពុទ្ធា មានប្រសាសន៍ថា ការសន្យាគ្រាន់តែមាននៅលើក្រដាស ឬជាទ្រឹស្ដីរបស់អ្នកនយោបាយនៅមុនពេលបោះឆ្នោត។ ទោះជាយ៉ាងណា លោកបណ្ឌិត ហង្ស ពុទ្ធា បានសង្កត់ធ្ងន់ថា រដ្ឋាភិបាលជាប់ឆ្នោតមានតួនាទីសំខាន់ណាស់ក្នុងការទទួលខុសត្រូវលើ ការដឹកនាំប្រទេស និងទទួលខុសត្រូវលើប្រជាពលរដ្ឋ។
ឆ្លើយតបទៅនឹងបញ្ហានេះ អ្នកវិភាគបានពន្យល់ថា ការអភិវឌ្ឍរបស់រដ្ឋាភិបាលកន្លងមក គឺអភិវឌ្ឍន៍ជារបៀបម៉ាក្រូ ជាទ្រង់ទ្រាយធំ ឃើញថា សេដ្ឋកិច្ចជាតិមានការរីកចំរើន តែប្រជាពលរដ្ឋនៅមានភាពក្រីក្រនៅឡើយ ហើយរដ្ឋាភិបាលមិនសូវអភិវឌ្ឍន៍ជារបៀបមីក្រូ អភិវឌ្ឍន៍ជារបៀបគ្រួសារនោះទេ។
អ្នកឃ្លាំមើលអំពីបញ្ហាអភិវឌ្ឍន៍សង្គម លោក កែម ឡី បានអះអាងថា រដ្ឋាភិបាលបានអភិវឌ្ឍន៍ជារបៀបនយោបាយ ពោលគឺការអភិវឌ្ឍផ្អែកលើសេចក្ដីត្រូវការរបស់ជាតិ និងផ្អែកលើសេចក្ដីត្រូវការរបស់អ្នកនយោបាយ មិនមែនផ្អែកលើសេចក្ដីត្រូវការរបស់ប្រជាពលរដ្ឋទេ។ លោកបញ្ជាក់ថា ការអភិវឌ្ឍរបៀបនេះ គឺគម្លាតរវាងអ្នកមាននិងអ្នកក្រកាន់តែច្រើន។
ក្រសួងសេដ្ឋកិច្ចនិងហិរញ្ញវត្ថុបានព្យាករថា សេដ្ឋកិច្ចកម្ពុជា នឹងមានកំណើនប្រមាណ ៧% នៅឆ្នាំ២០១៣។ ប៉ុន្តែកំណើននេះ អ្នកវិភាគបានអះអាងថា ប្រជាពរដ្ឋទូទៅមិនទទួលបានចំណូលនេះស្មើភាពគ្នាទេ។ របាយការណ៍របស់ក្រសួងសេដ្ឋកិច្ចនិងហិរញ្ញវត្ថុ កាលពីឆ្នាំ២០១២ បង្ហាញថា ចំណូលជាមធ្យមក្នុងមនុស្សម្នាក់រកចំណូលបានក្នុង ១ឆ្នាំជាង ៩០០ដុល្លារសហរដ្ឋអាមេរិក។ ទោះជាយ៉ាងនេះក្ដី លោក កែម ឡី បានឲ្យដឹងថា មានមនុស្សប្រមាណជា ១៥% ប៉ុណ្ណោះ ដែលទទួលបានផលពីកំណើនសេដ្ឋកិច្ចនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
តើក្នុងអាណត្តិកន្លងមកនេះ គណបក្សនយោបាយ ពិសេសគណបក្សកាន់អំណាច បានធ្វើដូចការសន្យារបស់ខ្លួនដែរទេ?
សន្លឹកឆ្នោតមួយសន្លឹកមានសារសំខាន់ណាស់ចំពោះម្ចាស់ឆ្នោត ដែលធ្វើឲ្យមានការផ្លាស់ប្ដូរមេដឹកនាំនៅពេលគណបក្សនយោបាយបាន ប្រកួតប្រជែងក្នុងការបោះឆ្នោតជាតិម្ដងៗ។ ប្រជាពលរដ្ឋនឹងធ្វើការសម្រេចចិត្តបោះឆ្នោតជូនគណបក្សណាដែលខ្លួន ពេញចិត្ត ហើយរំពឹងថា គណបក្សនោះបានជួយធ្វើឲ្យជីវភាពពួកគាត់មានការផ្លាស់ប្ដូរ និងរីកចំរើនទៅបាន។
អ្វីដែលគួរឲ្យកត់សំគាល់នោះ នៅពេលបោះឆ្នោតម្ដងៗ ពិសេសនៅពេលយុទ្ធនាការឃោសនា គ្រប់គណបក្សនយោបាយបានចេញធ្វើសកម្មភាពយ៉ាងខ្លាំងក្លា ដើម្បីអូសទាញយកសន្លឹកឆ្នោត និងបានផ្ញើសារនយោបាយល្អៗជូនដល់ម្ចាស់ឆ្នោត។
សារនយោបាយរបស់គណបក្សទាំងអស់សុទ្ធតែល្អៗ ពេលខ្លះរហូតដល់ធ្វើឲ្យប្រជាពលរដ្ឋមួយចំនួនពិបាកក្នុងការសម្រេច ចិត្ត ថាតើពួកគាត់នឹងសម្រេចចិត្តបោះឆ្នោតជូនគណបក្សណាមួយដែលពួកគាត់ គិតថាល្អជាងនោះ?
ប្រជាពលរដ្ឋមួយចំនួននៅក្នុងខែត្រកំពង់ធំ បានលើកឡើងថា ពួកគាត់បានបោះឆ្នោតបានចំនួន ៤អាណត្តិកន្លងមកហើយ ប៉ុន្តែជីវភាពរបស់ពួកគាត់ពីមួយឆ្នាំទៅមួយឆ្នាំនៅមានជីវភាព ខ្វះខាតនៅឡើយ។
ប្រជាពលរដ្ឋឈ្មោះ មិញ នី បានរៀបរាប់ថា ប្រជាកសិករនៅក្នុងខែត្រកំពង់ធំ ភាគច្រើនធ្វើស្រែអាស្រ័យលើការខ្ចីបុលពីធនាគារដើម្បីធ្វើដើម ទុន ប៉ុន្តែទិន្នផលស្រូវបានធ្វើមានតំលៃថោក ដែលក្នុងមួយគីឡូក្រាមពី ៧០០ ទៅ ៩០០រៀល រីឯតំលៃជី និងតំលៃសាំងឡើងថ្លៃ។ លោកបញ្ជាក់ថា រដ្ឋាភិបាលហាក់បីដូចជាមិនមានយន្តការក្នុងការដោះស្រាយជូន ប្រជាពលរដ្ឋដូចនៅមុនពេលបោះឆ្នោតនោះឡើយ។
ទោះបីជាយ៉ាងណាក៏ដោយ គិតមកទល់ពេលនេះ ប្រជាពលរដ្ឋមានបទពិសោធន៍ជាច្រើនទាក់ទងនឹងរឿងបោះឆ្នោត ហើយប្រជាពលរដ្ឋនៅតាមបណ្ដាខែត្រនោះ ហាក់បីដូចជាមានភាពវាងវៃជាងមុន ចំពោះការសន្យារបស់គណបក្សនយោបាយនៅមុនពេលបោះឆ្នោត ពីព្រោះពួកគាត់គ្មានជំនឿទៅលើការសន្យារបស់គណបក្សនយោបាយមួយចំនួន នោះទេ ពិសេសគឺគណបក្សកាន់អំណាច ពីព្រោះថា ការធ្វើស្រែប្រាំងរបស់ពួកគាត់គ្មានប្រព័ន្ធធារាស្រ្តគ្រប់គ្រាន់ និងខ្វះដើមទុន។
ទាក់ទងនឹងបញ្ហានេះ អ្នកជំនាញសេដ្ឋកិច្ចមានប្រសាសន៍ថា ស្ថានភាពអ្នករស់នៅជនបទបានចំណាយកាន់តែច្រើនពីមួយឆ្នាំទៅមួយ ឆ្នាំ ពីព្រោះថា គ្រួសារនៅជនបទបានចំណាយជាមធ្យមប្រមាណ ៨លានរៀលក្នុងមួយឆ្នាំ ដើម្បីទទួលបានការរស់នៅសមរម្យ។ ប្រការនេះមានន័យថា គ្រួសារណាដែលអាចរកចំណូលបានច្រើនជាង ៨លានរៀល គឺចាត់ទុកថា ជាគ្រួសារមានជីវភាពធូរធារនៅជនបទ។
ប៉ុន្តែស្ថានភាពសព្វថ្ងៃ ប្រជាពលរដ្ឋនៅជនបទបានចំណាយកាន់តែខ្ពស់ ផ្ទុយទៅវិញ ចំណូលរបស់គាត់មានការធ្លាក់ចុះ ជាពិសេសតម្លៃស្រូវបានធ្លាក់ចុះនៅឆ្នាំ២០១២ និង ២០១៣ ហើយការចំណាយលើការផលិតក៏បានកើនឡើង បើធៀបនឹងឆ្នាំមុន ដូចជាតម្លៃជី ប្រេងសាំង និងការចំណាយទៅលើកម្លាំងពលកម្ម ។ល។
ប្រជាពលរដ្ឋសុំមិនបញ្ចេញឈ្មោះនៅស្រុកកំពង់ស្វាយ ខែត្រកំពង់ធំ ឲ្យដឹងថា ថ្វីត្បិតតែរដ្ឋាភិបាលជាប់ឆ្នោតបានធ្វើហេដ្ឋារចនាសម្ព័ន្ធផ្លូវ ថ្នល់ខ្លះមែន ប៉ុន្តែប្រជាពលរដ្ឋនៅតំបន់ដាច់ស្រយាលមិនសូវទទួលបានផលអភិវឌ្ឍន៍ របស់រដ្ឋាភិបាលនោះឡើយ។ លោកបានលើកឡើងថា ការបោះឆ្នោតនៅពេលខាងមុខ លោកនឹងពិចារណាឲ្យបានល្អិតល្អន់ ថាតើពួកគាត់នឹងត្រូវបោះឆ្នោតជូនគណបក្សណាដែលដឹកនាំប្រទេសមាន ការរីកចំរើនជាងពេលបច្ចុប្បន្ន។
ក្រៅពីប្រជាកសិករមានមុខរបរពឹងលើការធ្វើស្រែបានត្អូញត្អែរ អំពីជីវភាពលំបាកនោះ គឺក្រុមអ្នករត់ម៉ូតូកង់បី ក៏មិនខុសពីអ្នកធ្វើស្រែប៉ុន្មានដែរ។ ពួកគាត់បានលើកពីទុក្ខលំបាកប្រហាក់ប្រហែលគ្នា ដោយសារតែបញ្ហាអតិផរណា ពោលគឺទំនិញនៅលើទីផ្សារឡើងថ្លៃ រីឯចំណូលប្រចាំថ្ងៃមិនសូវរកបាន មិនអាចទប់ទល់នឹងការចំណាយប្រចាំថ្ងៃបាន។
អ្នករត់ម៉ូតូកង់បីនៅរង់ចាំដឹកភ្ញៀវនៅមុខផ្សារធំកំពង់ធំ កំពុងអង្គុយជុំគ្នាក្រោមកំដៅថ្ងៃក្ដៅហែង បានរៀបរាប់ថា គោលបំណងរបស់ពួកគាត់បោះឆ្នោតកន្លងមកនោះ គឺចង់បានអ្នកដឹកនាំចេះយល់ពីសុខទុក្ខរបស់ប្រជាពលរដ្ឋ តែជាក់ស្ដែងទុក្ខកង្វល់របស់ពួកគាត់គ្មានអ្នកដឹកនាំណាជួយ ខ្វល់ខ្វាយនោះឡើយ។
ភ្ជាប់ទៅនឹងបញ្ហានេះ ក្រុមអ្នកឃ្លាំមើលការបោះឆ្នោតបានពន្យល់ថា ជាទម្លាប់ទៅហើយសម្រាប់អ្នកនយោបាយខ្មែរដែលបានសន្យាជាមួយម្ចាស់ ឆ្នោតនៅមុនពេលបោះឆ្នោត មិនថាគណបក្សកាន់អំណាច ឬគណបក្សប្រឆាំងនោះឡើយ។ ការសន្យានោះ គណបក្សនយោបាយក្រោយពីជាប់ឆ្នោតមិនធ្វើដូចកិច្ចសន្យាទេ។ បញ្ហានេះជះឥទ្ធិពលដល់ការបោះឆ្នោតនៅពេលខាងមុខ។
ប្រធានគណៈកម្មាធិការអព្យាក្រឹត និងយុត្តិធម៌ដើម្បីការបោះឆ្នោតដោយសេរីនៅកម្ពុជា លោកបណ្ឌិត ហង្ស ពុទ្ធា មានប្រសាសន៍ថា ការសន្យាគ្រាន់តែមាននៅលើក្រដាស ឬជាទ្រឹស្ដីរបស់អ្នកនយោបាយនៅមុនពេលបោះឆ្នោត។ ទោះជាយ៉ាងណា លោកបណ្ឌិត ហង្ស ពុទ្ធា បានសង្កត់ធ្ងន់ថា រដ្ឋាភិបាលជាប់ឆ្នោតមានតួនាទីសំខាន់ណាស់ក្នុងការទទួលខុសត្រូវលើ ការដឹកនាំប្រទេស និងទទួលខុសត្រូវលើប្រជាពលរដ្ឋ។
ឆ្លើយតបទៅនឹងបញ្ហានេះ អ្នកវិភាគបានពន្យល់ថា ការអភិវឌ្ឍរបស់រដ្ឋាភិបាលកន្លងមក គឺអភិវឌ្ឍន៍ជារបៀបម៉ាក្រូ ជាទ្រង់ទ្រាយធំ ឃើញថា សេដ្ឋកិច្ចជាតិមានការរីកចំរើន តែប្រជាពលរដ្ឋនៅមានភាពក្រីក្រនៅឡើយ ហើយរដ្ឋាភិបាលមិនសូវអភិវឌ្ឍន៍ជារបៀបមីក្រូ អភិវឌ្ឍន៍ជារបៀបគ្រួសារនោះទេ។
អ្នកឃ្លាំមើលអំពីបញ្ហាអភិវឌ្ឍន៍សង្គម លោក កែម ឡី បានអះអាងថា រដ្ឋាភិបាលបានអភិវឌ្ឍន៍ជារបៀបនយោបាយ ពោលគឺការអភិវឌ្ឍផ្អែកលើសេចក្ដីត្រូវការរបស់ជាតិ និងផ្អែកលើសេចក្ដីត្រូវការរបស់អ្នកនយោបាយ មិនមែនផ្អែកលើសេចក្ដីត្រូវការរបស់ប្រជាពលរដ្ឋទេ។ លោកបញ្ជាក់ថា ការអភិវឌ្ឍរបៀបនេះ គឺគម្លាតរវាងអ្នកមាននិងអ្នកក្រកាន់តែច្រើន។
ក្រសួងសេដ្ឋកិច្ចនិងហិរញ្ញវត្ថុបានព្យាករថា សេដ្ឋកិច្ចកម្ពុជា នឹងមានកំណើនប្រមាណ ៧% នៅឆ្នាំ២០១៣។ ប៉ុន្តែកំណើននេះ អ្នកវិភាគបានអះអាងថា ប្រជាពរដ្ឋទូទៅមិនទទួលបានចំណូលនេះស្មើភាពគ្នាទេ។ របាយការណ៍របស់ក្រសួងសេដ្ឋកិច្ចនិងហិរញ្ញវត្ថុ កាលពីឆ្នាំ២០១២ បង្ហាញថា ចំណូលជាមធ្យមក្នុងមនុស្សម្នាក់រកចំណូលបានក្នុង ១ឆ្នាំជាង ៩០០ដុល្លារសហរដ្ឋអាមេរិក។ ទោះជាយ៉ាងនេះក្ដី លោក កែម ឡី បានឲ្យដឹងថា មានមនុស្សប្រមាណជា ១៥% ប៉ុណ្ណោះ ដែលទទួលបានផលពីកំណើនសេដ្ឋកិច្ចនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment