ដោយ អាន ស៊ីថាវ RFA
2013-05-02
2013-05-02
ស្ដាប់ ឬ ទាញយកសំឡេង
កសិករខេត្តកំពង់ស្ពឺ ច្រូតស្រូវ កាលពីអំឡុងខែធ្នូ ឆ្នាំ២០១១។
RFA/Mom Sophon
លេខាធិការដ្ឋានច្រកចេញចូលតែមួយ
សម្រាប់បំពេញបែបបទនាំចេញអង្ករ ចេញផ្សាយរបាយការណ៍នៅដើមខែឧសភា
ឆ្នាំ២០១៣ បានបង្ហាញថា ការនាំចេញអង្ករនៅរយៈពេល ៤ខែ ឆ្នាំ២០១៣
មានចំនួនជិត ១២ម៉ឺនតោន ហើយបរិមាណនេះខ្ពស់ជាងឆ្នាំ២០១២
ប្រមាណជាងពីរដង។នៅក្នុងឆ្នាំ២០១២ មានការនាំចេញបានតែជាង
៥ម៉ឺនតោនប៉ុណ្ណោះ នៅរយៈដូចគ្នា។
សន្ទុះខ្លាំងនៃការនាំចេញអង្ករនេះ
ជាសញ្ញាវិជ្ជមានមួយដើម្បីសម្រេចបានគោលដៅមួយលានតោននៅឆ្នាំ
២០១៥។
ម៉្យាងវិញទៀត ការកើនឡើងនេះដោយសារតែមានការវិនិយោគខ្លាំងលើការកែច្នៃអង្ករនៅ កម្ពុជា ដែលធានាបាននូវការផលិតស្រូវកើនឡើងខ្ពស់រៀងរាល់ឆ្នាំ ហើយកត្តានេះជាយន្តការកាត់បន្ថយ ការនាំចេញស្រូវក្រៅផ្លូវការទៅប្រទេសជិតខាងដែរ។
លោកនាយករដ្ឋមន្ត្រី ហ៊ុន សែន បានអះអាងថា ការនាំចេញអង្ករឆ្លងកាត់កំពង់ផែព្រះសីហនុ បានកើនឡើងប្រមាណ ១០០% នៅដើមឆ្នាំ២០១៣ បើធៀបនឹងដើមឆ្នាំមុន។ វឌ្ឍនភាពនេះ ដោយសារតែកម្ពុជា បានដោះស្រាយបញ្ហាប្រឈមនានា ដូចជាហិរញ្ញប្បទានទិញស្រូវ ឬសាងសង់រោងម៉ាស៊ីនកិនស្រូវ និងកន្លែងស្តុកទុកស្រូវជាដើម។
លោក ហ៊ុន សែន៖ «ក្នុងរយៈពេលប៉ុន្មានឆ្នាំចុងក្រោយនេះ យើងបានខិតខំច្រើនជំរុញការនាំចេញ អង្កររបស់យើង ប៉ុន្តែដោយស្ថានភាពមានមាសខ្វះក្រដាសខ្ចប់ យើងផលិតបានស្រូវច្រើន តែយើងបែរជាខ្វះខាតអង្ករទៅវិញ។ ទាំងរោងចក្រ ឃ្លាំងស្តុក ឬក៏ប្រាក់ទិញជាដើម។ ឥឡូវមានការវិនិយោគច្រើន»។
លោកបញ្ជាក់ថា ការរក្សាបាននូវកំណើននាំចេញអង្ករនេះ ប្រទេសកម្ពុជាអាចសម្រេចបានគោលដៅដែលបានកំណត់នៅឆ្នាំ២០១៥ នៃការនាំចេញអង្ករយ៉ាងតិចមួយលានតោន។
អ្នកនាំចេញអង្ករមួយចំនួនបានរកឃើញថា ទន្ទឹមនឹងកម្ពុជា បាននាំចេញអង្ករទៅទីផ្សារអន្តរជាតិបានកើនឡើង ប៉ុន្តែបញ្ហាប្រឈមរបស់គាត់គឺ កំពង់ផែព្រះសីហនុ ខ្វះបច្ចេកទេសត្រួតពិនិត្យអង្ករនាំចេញគ្រប់គ្រាន់នៅពេល បច្ចុប្បន្ន។
អគ្គនាយកក្រុមហ៊ុននាំចេញអង្ករ ឡូរ៉ង់ លោកឧកញ៉ា លឹម ប៊ុនហេង មានប្រសាសន៍ថា សមត្ថភាពផ្ទុកកំពង់ផែសម្រាប់នាំចេញអង្ករមានបរិមាណច្រើន ប៉ុន្តែការនាំចេញអង្ករទាមទាឲ្យមាន ម៉ាស៊ីនស្កេនទំនិញបន្ថែម ដើម្បីពន្លឿនការនាំចេញអង្ករមួយលានតោននៅពេលខាងមុខ។
បន្ថែមលើនេះ ប្រធានសហព័ន្ធអ្នកនាំចេញអង្ករកម្ពុជា លោកឧកញ៉ា គឹម សាវុធ បានបញ្ជាក់ថា បញ្ហាទាក់ទងនឹងការដឹកជញ្ជូន និងបែបបទនាំចេញអង្ករ បានដោះស្រាយបានគួរឲ្យកត់សម្គាល់។ តែបញ្ហាខ្វះម៉ាស៊ីនស្កេនអង្ករលើកដាក់កំពង់ផែ ជាឧបសគ្គចម្បងរបស់អ្នកនាចេញអង្ករកម្ពុជា បច្ចុប្បន្ន។
អគ្គនាយករងកំពង់ផែព្រះសីហនុ លោក ម៉ា ស៊ុនហួត មានប្រសាសន៍ថា សមត្ថភាពផ្ទុករបស់កំពង់ផែអាចផ្ទុក និងនាំចេញអង្កបរិមាណមួយលានតោន។ ចំនួនម៉ាស៊ីនស្កេន នៅកំពង់ផែមានបីកន្លែងផ្សេងគ្នា ដែលអាចជួយសម្រួលសម្រាប់ការលើកដាក់ទំនិញនាំចេញនិងនាំចូល។ ប៉ុន្តែលោក ក៏ទទួលស្គាល់ថា មានពេលខ្លះចំនួនកុងតឺន័រដឹកទំនិញនាំចូលមានច្រើន ទន្ទឹមនឹងចំនួនបរិមាណនាំចេញពីកម្ពុជា ក៏មានច្រើនដែរ ដែលបង្កឲ្យការកកស្ទះមួយរយៈពេលខ្លី។
លោក ម៉ា ស៊ុនហួត៖ «ជូនកាលវាមានបញ្ហាត្រង់ថា ស្កេនហ្នឹងវាសម្រាប់នាំចូលនិងនាំចេញ តែដល់ពេលខ្លះការនាំចេញ កុងតឺន័រនាំចេញ។ ឧទាហរណ៍ការនាំអង្ករចេញ ប៉ុន្តែពេលហ្នឹងទំនិញ នាំទំនិញមកភ្នំពេញហ្នឹង ក៏វាសម្បើមណាស់ដែរ។ ជូនកាលវាបញ្ច្រាសទិសគ្នា តែយ៉ាងណាក៏ដោយមិនមានស្ទះអីយូរទេ ព្រោះយើងមានម៉ាស៊ីនដល់តែបី»។
លោកមានប្រសាសន៍បន្ថែមថា ដើម្បីជៀសវាងបញ្ហានៃការស្កេនទំនិញដាក់កប៉ាល់នាំចេញនៅកំពង់ផែ អ្នកនាំចេញអង្ករទាំងនោះត្រូវដឹកទំនិញមកដាក់នៅកំពង់ផែ ឲ្យបានមុនថ្ងៃដែលនាំចេញ។ ការស្តុកទុកទំនិញនៅកំពង់ផែព្រះសីហនុ កំឡុងរយៈប្រាំថ្ងៃមិនមានបង់ប្រាក់ទេ។
របាយការណ៍របស់ក្រុមការងារផ្នែកស្រូវអង្ករនៃវេទិការាជ រដ្ឋាភិបាល ផ្នែកឯកជនបានបង្ហាញថា ប្រទេសដែលទិញអង្ករកម្ពុជា ច្រើនជាងគេនៅដើមឆ្នាំ២០១៣ រួមមានប្រទេសបារាំង (France) ចំនួន ១,៨ម៉ឺនតោន ប្រទេសប៉ូឡូញ (Poland) ប្រមាណ ១,៧ម៉ឺនតោន និងប្រទេសថៃ ម៉ាឡេស៊ី ចិន បរិមាណ ៥ម៉ឺនតោន។ ក្រុមហ៊ុននាំចេញអង្ករខ្មែរហ្វូត (Khmer Food) ក្រុមហ៊ុនហ្គោដិន រ៉ៃស៍ (Golden Rice) និងក្រុមហ៊ុនអែមរុ រ៉ៃស៍ (Amru Rice Cambodia) ជាក្រុមហ៊ុនដែលចេញអង្ករច្រើនជាងគេក្នុងចំណោមក្រុមហ៊ុនដែលផលិត អង្ករនាំចេញអង្ករនៅកម្ពុជា មានចំនួន ៥២នៅកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ម៉្យាងវិញទៀត ការកើនឡើងនេះដោយសារតែមានការវិនិយោគខ្លាំងលើការកែច្នៃអង្ករនៅ កម្ពុជា ដែលធានាបាននូវការផលិតស្រូវកើនឡើងខ្ពស់រៀងរាល់ឆ្នាំ ហើយកត្តានេះជាយន្តការកាត់បន្ថយ ការនាំចេញស្រូវក្រៅផ្លូវការទៅប្រទេសជិតខាងដែរ។
លោកនាយករដ្ឋមន្ត្រី ហ៊ុន សែន បានអះអាងថា ការនាំចេញអង្ករឆ្លងកាត់កំពង់ផែព្រះសីហនុ បានកើនឡើងប្រមាណ ១០០% នៅដើមឆ្នាំ២០១៣ បើធៀបនឹងដើមឆ្នាំមុន។ វឌ្ឍនភាពនេះ ដោយសារតែកម្ពុជា បានដោះស្រាយបញ្ហាប្រឈមនានា ដូចជាហិរញ្ញប្បទានទិញស្រូវ ឬសាងសង់រោងម៉ាស៊ីនកិនស្រូវ និងកន្លែងស្តុកទុកស្រូវជាដើម។
លោក ហ៊ុន សែន៖ «ក្នុងរយៈពេលប៉ុន្មានឆ្នាំចុងក្រោយនេះ យើងបានខិតខំច្រើនជំរុញការនាំចេញ អង្កររបស់យើង ប៉ុន្តែដោយស្ថានភាពមានមាសខ្វះក្រដាសខ្ចប់ យើងផលិតបានស្រូវច្រើន តែយើងបែរជាខ្វះខាតអង្ករទៅវិញ។ ទាំងរោងចក្រ ឃ្លាំងស្តុក ឬក៏ប្រាក់ទិញជាដើម។ ឥឡូវមានការវិនិយោគច្រើន»។
លោកបញ្ជាក់ថា ការរក្សាបាននូវកំណើននាំចេញអង្ករនេះ ប្រទេសកម្ពុជាអាចសម្រេចបានគោលដៅដែលបានកំណត់នៅឆ្នាំ២០១៥ នៃការនាំចេញអង្ករយ៉ាងតិចមួយលានតោន។
អ្នកនាំចេញអង្ករមួយចំនួនបានរកឃើញថា ទន្ទឹមនឹងកម្ពុជា បាននាំចេញអង្ករទៅទីផ្សារអន្តរជាតិបានកើនឡើង ប៉ុន្តែបញ្ហាប្រឈមរបស់គាត់គឺ កំពង់ផែព្រះសីហនុ ខ្វះបច្ចេកទេសត្រួតពិនិត្យអង្ករនាំចេញគ្រប់គ្រាន់នៅពេល បច្ចុប្បន្ន។
អគ្គនាយកក្រុមហ៊ុននាំចេញអង្ករ ឡូរ៉ង់ លោកឧកញ៉ា លឹម ប៊ុនហេង មានប្រសាសន៍ថា សមត្ថភាពផ្ទុកកំពង់ផែសម្រាប់នាំចេញអង្ករមានបរិមាណច្រើន ប៉ុន្តែការនាំចេញអង្ករទាមទាឲ្យមាន ម៉ាស៊ីនស្កេនទំនិញបន្ថែម ដើម្បីពន្លឿនការនាំចេញអង្ករមួយលានតោននៅពេលខាងមុខ។
បន្ថែមលើនេះ ប្រធានសហព័ន្ធអ្នកនាំចេញអង្ករកម្ពុជា លោកឧកញ៉ា គឹម សាវុធ បានបញ្ជាក់ថា បញ្ហាទាក់ទងនឹងការដឹកជញ្ជូន និងបែបបទនាំចេញអង្ករ បានដោះស្រាយបានគួរឲ្យកត់សម្គាល់។ តែបញ្ហាខ្វះម៉ាស៊ីនស្កេនអង្ករលើកដាក់កំពង់ផែ ជាឧបសគ្គចម្បងរបស់អ្នកនាចេញអង្ករកម្ពុជា បច្ចុប្បន្ន។
អគ្គនាយករងកំពង់ផែព្រះសីហនុ លោក ម៉ា ស៊ុនហួត មានប្រសាសន៍ថា សមត្ថភាពផ្ទុករបស់កំពង់ផែអាចផ្ទុក និងនាំចេញអង្កបរិមាណមួយលានតោន។ ចំនួនម៉ាស៊ីនស្កេន នៅកំពង់ផែមានបីកន្លែងផ្សេងគ្នា ដែលអាចជួយសម្រួលសម្រាប់ការលើកដាក់ទំនិញនាំចេញនិងនាំចូល។ ប៉ុន្តែលោក ក៏ទទួលស្គាល់ថា មានពេលខ្លះចំនួនកុងតឺន័រដឹកទំនិញនាំចូលមានច្រើន ទន្ទឹមនឹងចំនួនបរិមាណនាំចេញពីកម្ពុជា ក៏មានច្រើនដែរ ដែលបង្កឲ្យការកកស្ទះមួយរយៈពេលខ្លី។
លោក ម៉ា ស៊ុនហួត៖ «ជូនកាលវាមានបញ្ហាត្រង់ថា ស្កេនហ្នឹងវាសម្រាប់នាំចូលនិងនាំចេញ តែដល់ពេលខ្លះការនាំចេញ កុងតឺន័រនាំចេញ។ ឧទាហរណ៍ការនាំអង្ករចេញ ប៉ុន្តែពេលហ្នឹងទំនិញ នាំទំនិញមកភ្នំពេញហ្នឹង ក៏វាសម្បើមណាស់ដែរ។ ជូនកាលវាបញ្ច្រាសទិសគ្នា តែយ៉ាងណាក៏ដោយមិនមានស្ទះអីយូរទេ ព្រោះយើងមានម៉ាស៊ីនដល់តែបី»។
លោកមានប្រសាសន៍បន្ថែមថា ដើម្បីជៀសវាងបញ្ហានៃការស្កេនទំនិញដាក់កប៉ាល់នាំចេញនៅកំពង់ផែ អ្នកនាំចេញអង្ករទាំងនោះត្រូវដឹកទំនិញមកដាក់នៅកំពង់ផែ ឲ្យបានមុនថ្ងៃដែលនាំចេញ។ ការស្តុកទុកទំនិញនៅកំពង់ផែព្រះសីហនុ កំឡុងរយៈប្រាំថ្ងៃមិនមានបង់ប្រាក់ទេ។
របាយការណ៍របស់ក្រុមការងារផ្នែកស្រូវអង្ករនៃវេទិការាជ រដ្ឋាភិបាល ផ្នែកឯកជនបានបង្ហាញថា ប្រទេសដែលទិញអង្ករកម្ពុជា ច្រើនជាងគេនៅដើមឆ្នាំ២០១៣ រួមមានប្រទេសបារាំង (France) ចំនួន ១,៨ម៉ឺនតោន ប្រទេសប៉ូឡូញ (Poland) ប្រមាណ ១,៧ម៉ឺនតោន និងប្រទេសថៃ ម៉ាឡេស៊ី ចិន បរិមាណ ៥ម៉ឺនតោន។ ក្រុមហ៊ុននាំចេញអង្ករខ្មែរហ្វូត (Khmer Food) ក្រុមហ៊ុនហ្គោដិន រ៉ៃស៍ (Golden Rice) និងក្រុមហ៊ុនអែមរុ រ៉ៃស៍ (Amru Rice Cambodia) ជាក្រុមហ៊ុនដែលចេញអង្ករច្រើនជាងគេក្នុងចំណោមក្រុមហ៊ុនដែលផលិត អង្ករនាំចេញអង្ករនៅកម្ពុជា មានចំនួន ៥២នៅកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment