ម្សិលមិញនេះអ្នកនាំពាក្យគណបក្សសង្គ្រោះជាតិ បានឲ្យដឹងថា
ជាគោលការណ៍ គណបក្សសង្គ្រោះជាតិ
នឹងចូលរួមនៅក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៥
ឆ្នាំ២០១៣ នឹងយកបញ្ជីឈ្មោះបេក្ខជន ទៅដាក់នៅគ.ជ.ប
នៅក្នុងសប្តាហ៍នេះ។
លោក យ៉ែម បុញ្ញឫទ្ធិ អគ្គនាយករដ្ឋបាល
និងជាអ្នកនាំពាក្យគណបក្សសង្គ្រោះជាតិ បានលើកឡើងថា ការដែលគណបក្ស
មិនទាន់បានយកបញ្ជីបេក្ខជន
ទៅដាក់នៅគណៈកម្មាធិការជាតិរៀបចំការបោះឆ្នោត គ.ជ.ប
ដោយសារតែគណបក្សប្រឆាំងនេះ កំពុងទាមទារ
តវ៉ាទាក់ទងទៅនឹងរឿងបញ្ជីឈ្មោះបោះឆ្នោត។ “តាមគំរោង
យើងនឹងយកទៅដាក់នៅចុងសប្តាហ៍នេះដែរ
ប៉ុន្តែខ្ញុំមិនទាន់អាចកំណត់ថ្ងៃច្បាស់លាស់បានទេ”។
អ្នកនាំពាក្យគណបក្ស សង្គ្រោះជាតិ បានបញ្ជាក់ទៀតថា
ចំពោះបញ្ជីបេក្ខជនឈរឈ្មោះបោះឆ្នោត ដែលកំពុងតែរៀបចំនោះ
គឺជាគោលការណ៍ លោក កឹម សុខា អនុប្រធានគណបក្ស សង្គ្រោះជាតិ
ឈរឈ្មោះនៅមណ្ឌលខេត្តកំពង់ចាម នៅលេខរៀងទី១។ ចំពោះលោក សម រង្ស៊ី
ប្រធានគណបក្ស នៅមិនទាន់បានកំណត់ថា ដាក់ឲ្យឈរ នៅខេត្តណា
ច្បាស់លាស់ទេ។
គួររម្រឹកថា លោក សម រង្ស៊ី មេដឹកនាំ គណបក្សប្រឆាំង
ត្រូវបានតុលាការកំពូល សម្រេចតម្កល់សាលក្រមរបស់តុលាការខេត្តស្វាយរៀង
ដែលបានកាត់ទោសឱ្យជាប់ពន្ធនាគាររយៈពេល១០ឆ្នាំ ក្នុងសំណុំរឿង
ដកតម្រុយបង្គោលព្រំដែន-កម្ពុជា-វៀតណាម កាលពីឆ្នាំ២០០៩។
តាមច្បាប់គណៈកម្មាធិការជាតិរៀបចំការបោះឆ្នោត គ.ជ.ប បុគ្គលណា
មានជាប់ទោសជាទណ្ឌិត គ.ជ.ប មិនអាចទទួលចុះឈ្មោះ ធ្វើជាបេក្ខជនឈរឈ្មោះ
ឬឈរឈ្មោះឱ្យគេបោះឆ្នោតបានទេ។
សូមបព្ជាក់ថា ការចុះបញ្ជី គណបក្ស នយោបាយ ឈរឈ្មោះ បោះឆ្នោត និងការ
ចុះបញ្ជីបេក្ខជន ឈរឈ្មោះ បោះឆ្នោត សម្រាប់ការ បោះឆ្នោត ជ្រើសតាំង
តំណាងរាស្ត្រ នីតិកាលទី៥ ប្រព្រឹត្តទៅ ចាប់ពីថ្ងៃទី ២៩ ខែមេសា
ដល់ថ្ងៃទី១៣ ខែឧសភា ឆ្នាំ២០១៣ ហើយការបោះឆ្នោត
នឹងធ្វើឡើងនៅថ្ងៃទី២៨កក្កដា ឆ្នាំ២០១៣ ៕
2 comments:
CPP will win with the help of NEC (CPP dogs) no matter if there is an election held or no election held.
តាមពិតបក្សប្រឆាំងមិនបាច់ចុះឈ្មោះបោះឆ្នោតទេ
នាំតែពិបាគ ទុកពេលដើរជេរគេឯងទៅវាប្រសើរជាង
ពីព្រោះវាពូកែខាងជេរ ។
អ្នកតំណាង បក្ស គឹម សុខា នឹង សម រង្សី
កំពិង មានការអក់អន់ចិត្ត ឈ្លោះគ្នា ពីរឿង
ដំណែងខ្យល់។
មិនទាន់ទាំងឈ្នៈឆ្នោតផង នឯបរទេសឈ្លោះគ្នា
ដណ្តើមចុះទៅស្រុកខ្មែរធ្វើធំ។
Post a Comment