Thai police (left) and Cambodian police (right) held a meeting to calm down the situation at the border ahead of the ICJ decision later today.
(ថ្ងៃទី 15 មេសា 2013,) | ដោយ: សូផុន
ព្រំដែនកម្ពុជា-ថៃ:
មេនគរបាលការពារព្រំដែនថៃ ឬតម្រួតជាយដែន ២
កងវរសេនាធំ ចំណុះភូមិភាគ១ និងភូមិភាគ២ របស់ប្រទេសថៃ
បានអះអាងដោយប្តេជ្ញាថា ខ្លួននឹងគោរពរាល់ស្មារតីខ្លឹមសារ
នៃការបកស្រាយសាលក្រម របស់តុលាការយុត្តិធម៌អន្តជាតិ ( ICJ )
ទីក្រុងឡាអេ ឆ្នាំ១៩៦២ ពាក់ព័ន្ធដី និងប្រាសាទព្រះវិហារ
និងមិនបង្កការផ្ទុះអាវុធ ឬហឹង្សារណាមួយ នៅតាមព្រំដែនកម្ពុជា-ថៃទេ។
វរសេនីយ៍ មេបញ្ជាការវរសេនាធំ ការពារព្រំដែនលេខ ២១ ចំណុះភូមិភាគ ២
និងមេញ្ជាការកងវរសេនាធំលេខ ២២ ចំណុះភូមិភាគ ១ របស់ថៃ
បានអះអាងដូចខាងលើកាលពីថ្ងៃទី១៣ ខែមេសា ឆ្នាំ២០១៣
ខណៈមកជួបលោកឧត្តមសេនីយ៍ត្រី ភ្លន់ តារា
មេបញ្ជាការយោធាតំបន់ប្រតិបត្តិការសឹករងខេត្តបន្ទាយមានជ័យ
ឈមនឹងច្រកភូមិស៊ូន សាម ឃុំទ័ពស្តេច ស្រុកតាប្រាយខេត្ត
ស្រៈកែវរបស់ថៃ។
ក្នុងជំនួបដំបូងតែមានលក្ខណៈបង្កើនជំនឿ
ទុកចិត្ត យោគយល់ និងស្និទ្ធស្នាលគ្នានោះ មេនគរបាលព្រំដែនសៀម
និងមេយោធាកម្ពុជា បានពិភាក្សាគ្នាពីមិត្តភាព
ការពារយោគយល់កិច្ចសហប្រតិបត្តិការទំនាក់ទំនងល្អ
រួចឈានដល់អាហាររួមគ្នាផងនៅច្រករបៀងព្រំដែនខាងកម្ពុជា។ ភាគីទាំង២
សន្យាថា មិនអោយកម្លាំងទាំងសងខាងប្រឈមមុខគ្នា ដោយអាវុធទេ
ដូចពេលបច្ចុប្បន្ន និងទៅអនាគត។
វរសេនីយ៍ឯក
មេនគរបាលវរសេនាធំលេខ ២១ និងលេខ ២២ របស់ថៃ បានអះអាងម៉ឺងម៉ាត់
និងប្តេជ្ញាថា
កម្លាំងខ្លួននឹងគោរពរាល់ខ្លឹមសារនៃស្មារតីបកស្រាយសាលក្រមតុលាការ
យុត្តិធម៌អរន្តជាតិឡាអេ (ICJ ) ឆ្នាំ១៩៦២ ស្តីពី ដែនដី
និងប្រាសាទព្រះវិហាររបស់កម្ពុជា ដែលពន្យល់នៅថ្ងៃទី១៥មេសានេះ។
នេះជាជំនួបដំបូងបង្អស់របស់កម្លាំងកម្ពុជា និងថៃ
នៅភូមិសាស្ត្រខេត្តបន្ទាយមានជ័យនៅមុនពេលតុលាការឡាអេ
ធ្វើការបកស្រាយសាលក្រម ជុំវិញបញ្ហាព្រំដែននៅជិតប្រាសាទព្រះវិហារ
ដែលថៃទាមទារ ដោយរំលោភលើផែនទី បារាំង-សៀម ឆ្នាំ១៩០៤ និងឆ្នាំ១៩០៧
ដែលមានការទទួលស្គាល់ជាអន្តរជាតិ។
ចំណែកយោធាកងពលតូចថ្មីរជើងលេខ
១ នគរបាលការពារព្រំដែនគោក ៨០៧ ៩១១, ៨៩១ និង ៨១៥ របស់កម្ពុជា
ក៏បានអះអាងថា
ត្រឹមថ្ងៃទី១៥មេសានេះរបាយការណ៍បណ្តោយព្រំដែនកម្ពុជា-ថៃ
នៅខេត្តបន្ទាយមានជ័យ និងខេត្តស្រះកែវ គឺនៅស្ងប់ស្ងាត់
មានសន្តិភាព៕
រូបថត៖ កិច្ចប្រជុំរវាងនគរបាល ការពារព្រំដែនកម្ពុជា និងថៃ នៅខេត្តបន្ទាយមានជ័យ៖
No comments:
Post a Comment