Cambodia's PM Hun Sen met Thai PM Yingluck Shinawatra on the sideline of the Asean Meeting in Brunei on 24th and 25th April and both agreed to keep peace along the borders between the two countries,
(ថ្ងៃទី 25 មេសា 2013,) | ដោយ: រតនា CEN
ភ្នំពេញ:
នៅក្រៅកិច្ចប្រជុំកំពូលអាស៊ាន នៅប្រទេសប្រ៊ុយណេ
កាលពីថ្ងៃទី២៤ និងថ្ងៃទី២៥ ខែមេសា ឆ្នាំ២០១៣ ប្រមុខដឹកនាំកម្ពុជា
និងថៃ បានឆ្លៀតជួបគ្នា ដោយព្រមព្រៀងរក្សាស្ថិរភាព
នៅតាមព្រំដែនប្រទេសទាំងពីរផងដែរ។
ជាកិច្ចព្រមព្រៀងផ្ទាល់មាត់ជាថ្មីទៀត ខណៈដែលប្រទេសកម្ពុជា និងថៃ
ទើបតែតតាំងក្តី នៅតុលាការឡាអេ
ជុំវិញសំណុំរឿងបកស្រាយសាលក្រមឆ្នាំ១៩៦២ ស្តីពីប្រាសាទព្រះវិហារ។
លោក កៅ គឹមហួន រដ្ឋលេខាធិការក្រសួងការបរទេស ដែលទើបតែអមដំណើរសម្តេចហ៊ុនសែន វិលត្រឡប់មកពីកិច្ចប្រជុំកំពូលអាស៊ាន កាលពីរសៀលថ្ងៃទី២៥ ខែមេសា ឆ្នាំ២០១៣ បានថ្លែងក្នុងសន្និសីទកាសែតថា ក្នុងពេលសម្រាក ពិសារកាហ្វេ នៅក្រៅកិច្ចប្រជុំកំពូលអាស៊ាន សម្តេច ហ៊ុន សែន បានជួបជាមួយលោកស្រីនាយករដ្ឋមន្ត្រីថៃ យ៉ីងឡាក់។ ជំនួបរយៈពេលខ្លីនោះ ប្រមុខដឹកនាំរដ្ឋាភិបាលទាំងពីរ បានផ្តោតសំខាន់លើការជំរុញការកសាងមិត្តភាព និងសន្តិភាពនៅតាមព្រំដែនប្រទេសទាំងពីរ ឲ្យរក្សាបានល្អ។
លោក កៅ គឹមហួន បានបញ្ជាក់ថា "សម្តេចនាយករដ្ឋមន្ត្រី ហ៊ុន សែន និងលោកស្រី យ៉ីងឡាក់ មិនមានលើកឡើងទេ ពីបញ្ហានៅតុលាការយុត្តិធម៌អន្តរជាតិ ICJ។ ប៉ុន្តែនៅពេលឈប់សម្រាក ក្រៅកិច្ចប្រជុំអាស៊ាន សម្តេចនាយករដ្ឋមន្ត្រី ហ៊ុន សែន មានការជួបខ្លីមួយ ជាមួយនាយករដ្ឋមន្ត្រីថៃ ពាក់ព័ន្ធនឹងបញ្ហាបងប្អូនប្រជាពលរដ្ឋនៅតាមព្រំប្រទល់ ឲ្យបន្តអ្វីដែលសុខសាន្តនៅតាមព្រំប្រទល់ ហើយធ្វើយ៉ាងណាជំរុញសេដ្ឋកិច្ច និងការរកស៊ីជាមួយគ្នា ជាប្រក្រតី ហើយធ្វើយ៉ាងណា មិនឲ្យមានការប៉ះទង្គិចគ្នាដោយអាវុធទេ"។
ភ្លាមៗ ក្រោយពីរដ្ឋមន្ត្រីការបរទេសកម្ពុជា និងថៃ ដឹកនាំគណៈប្រតិភូរៀងៗខ្លួន ឡើងការពារ និងលើកឡើងទឡ្ហីករណ៍នានា នៅសវនាការតុលាការឡាអេ កាលពីថ្ងៃទី១៥ ដល់ថ្ងៃទី១៩មេសា ឆ្នាំ២០១៣ សម្តេចនាយករដ្ឋមន្ត្រី ហ៊ុន សែន ក៏បានប្រកាសថា សម្តេចបានជួបតាមទូរស័ព្ទជាមួយនឹងលោកស្រី យ៉ីងឡាក់ ហើយក៏បានព្រមព្រៀងគ្នារក្សាសន្តិភាព និងស្ថិរភាពតាមព្រំដែន បើទោះបីជាតុលាការឡាអេ ចេញសេចក្តីសម្រេចបែបណាក៏ដោយ ជុំវិញសំណុំរឿងបកស្រាយសាលក្រម ឆ្នាំ១៩៦២ ពាក់ព័ន្ធនឹងព្រំដែនប្រាសាទព្រះវិហារ។
សេចក្តីសម្រេចនោះ ត្រូវគេរំពឹងថា តុលាការឡាអេ នឹងចេញនៅមុនដាច់ឆ្នាំ២០១៣ ខណៈដែលភាគីកម្ពុជា និងថៃ ត្រូវដាក់បន្ថែមផែនទី និងឯកសារមួយចំនួន ទៅកាន់តុលាការឡាអេ យ៉ាងយូរត្រឹមថ្ងៃទី២៦មេសា ឆ្នាំ២០១៣។ កម្ពុជាត្រៀមនឹងដាក់ទៅនៅថ្ងៃទី២៥ ឬក៏ថ្ងៃទី២៦មេសា។ រីឯថៃ ប្រកាសថា ដាក់ទៅនៅថ្ងៃទី២៦មេសា ឆ្នាំ២០១៣៕
លោក កៅ គឹមហួន រដ្ឋលេខាធិការក្រសួងការបរទេស ដែលទើបតែអមដំណើរសម្តេចហ៊ុនសែន វិលត្រឡប់មកពីកិច្ចប្រជុំកំពូលអាស៊ាន កាលពីរសៀលថ្ងៃទី២៥ ខែមេសា ឆ្នាំ២០១៣ បានថ្លែងក្នុងសន្និសីទកាសែតថា ក្នុងពេលសម្រាក ពិសារកាហ្វេ នៅក្រៅកិច្ចប្រជុំកំពូលអាស៊ាន សម្តេច ហ៊ុន សែន បានជួបជាមួយលោកស្រីនាយករដ្ឋមន្ត្រីថៃ យ៉ីងឡាក់។ ជំនួបរយៈពេលខ្លីនោះ ប្រមុខដឹកនាំរដ្ឋាភិបាលទាំងពីរ បានផ្តោតសំខាន់លើការជំរុញការកសាងមិត្តភាព និងសន្តិភាពនៅតាមព្រំដែនប្រទេសទាំងពីរ ឲ្យរក្សាបានល្អ។
លោក កៅ គឹមហួន បានបញ្ជាក់ថា "សម្តេចនាយករដ្ឋមន្ត្រី ហ៊ុន សែន និងលោកស្រី យ៉ីងឡាក់ មិនមានលើកឡើងទេ ពីបញ្ហានៅតុលាការយុត្តិធម៌អន្តរជាតិ ICJ។ ប៉ុន្តែនៅពេលឈប់សម្រាក ក្រៅកិច្ចប្រជុំអាស៊ាន សម្តេចនាយករដ្ឋមន្ត្រី ហ៊ុន សែន មានការជួបខ្លីមួយ ជាមួយនាយករដ្ឋមន្ត្រីថៃ ពាក់ព័ន្ធនឹងបញ្ហាបងប្អូនប្រជាពលរដ្ឋនៅតាមព្រំប្រទល់ ឲ្យបន្តអ្វីដែលសុខសាន្តនៅតាមព្រំប្រទល់ ហើយធ្វើយ៉ាងណាជំរុញសេដ្ឋកិច្ច និងការរកស៊ីជាមួយគ្នា ជាប្រក្រតី ហើយធ្វើយ៉ាងណា មិនឲ្យមានការប៉ះទង្គិចគ្នាដោយអាវុធទេ"។
ភ្លាមៗ ក្រោយពីរដ្ឋមន្ត្រីការបរទេសកម្ពុជា និងថៃ ដឹកនាំគណៈប្រតិភូរៀងៗខ្លួន ឡើងការពារ និងលើកឡើងទឡ្ហីករណ៍នានា នៅសវនាការតុលាការឡាអេ កាលពីថ្ងៃទី១៥ ដល់ថ្ងៃទី១៩មេសា ឆ្នាំ២០១៣ សម្តេចនាយករដ្ឋមន្ត្រី ហ៊ុន សែន ក៏បានប្រកាសថា សម្តេចបានជួបតាមទូរស័ព្ទជាមួយនឹងលោកស្រី យ៉ីងឡាក់ ហើយក៏បានព្រមព្រៀងគ្នារក្សាសន្តិភាព និងស្ថិរភាពតាមព្រំដែន បើទោះបីជាតុលាការឡាអេ ចេញសេចក្តីសម្រេចបែបណាក៏ដោយ ជុំវិញសំណុំរឿងបកស្រាយសាលក្រម ឆ្នាំ១៩៦២ ពាក់ព័ន្ធនឹងព្រំដែនប្រាសាទព្រះវិហារ។
សេចក្តីសម្រេចនោះ ត្រូវគេរំពឹងថា តុលាការឡាអេ នឹងចេញនៅមុនដាច់ឆ្នាំ២០១៣ ខណៈដែលភាគីកម្ពុជា និងថៃ ត្រូវដាក់បន្ថែមផែនទី និងឯកសារមួយចំនួន ទៅកាន់តុលាការឡាអេ យ៉ាងយូរត្រឹមថ្ងៃទី២៦មេសា ឆ្នាំ២០១៣។ កម្ពុជាត្រៀមនឹងដាក់ទៅនៅថ្ងៃទី២៥ ឬក៏ថ្ងៃទី២៦មេសា។ រីឯថៃ ប្រកាសថា ដាក់ទៅនៅថ្ងៃទី២៦មេសា ឆ្នាំ២០១៣៕
- See more at: http://www.cen.com.kh/localnews/show_detail/19?token=ZDk5YzU1OD#sthash.6Udfivcd.dpuf
No comments:
Post a Comment