នៅក្នុងវេទិកាឆ្លើយបំភ្លឺនៅចំពោះមុខតុលាកាយុត្តិធម៌
អន្តរជាតិ (ICJ) ក្នុងទីក្រុងឡាអេ នាថ្ងៃទី១៧ ខែមេសា
ភាគីថៃបានទទួលស្គាល់ថា ប្រាសាទព្រះវិហារគឺជាប្រសាទរបស់ខ្មែរ
។
បើទោះជាយ៉ាងនេះក្តី គេក៏នៅអាចមើលឃើញថា អ្វីដែលភាគីថៃ
ចង់បានទំនងជាទឹកដីនៅតំបន់ប្រាសាទព្រះវិហារ ដែលពួកគេរំពឹងថា
នឹងអាចរៀបចំធ្វើជាតំបន់ទេសចរណ៍រួមគ្នារវាងកម្ពុជានិងថៃ
។
គេនៅអាចមើលឃើញទៀតអំពីយុត្តិសាស្រ្តរបស់ថៃថា
ដើម្បីទទួលបានចំណុចព្រមព្រៀងរួមគ្នាមួយ
ក្នុងការអភិវឌ្ឍន៍តំបន់ជុំវិញប្រាសាទព្រះវិហារ
ដែលជាកន្លែងទាក់ទាញភ្ញៀវទេសចរណ៍ដ៏សំខាន់មួយនេះ
ថៃចាំបាច់ត្រូវតែបង្កើតភាពស្មុគស្មាញជាច្រើន
អោយភាគីកម្ពុជាខិតខំប្រឹងប្រែងទប់ទល់ ដែលនៅទីបញ្ចប់
ពួកគេនឹងទទួលបាននូវផលប្រយោជន៍តាមកា
រដែលគេរំពឹងទុក ។
រដែលគេរំពឹងទុក ។
តាមការកត់សម្គាល់ទៅលើសេចក្តីថ្លែងហេតុរបស់ភាគីថៃដែលត្រូវ
បានចាក់ផ្សាយតាមទូរទស្សន៍អន្តរជាតិ អ្វីដែលសំខាន់សំរាប់ថៃ
គឺទឹកដីជុំវិញប្រាសាទព្រះវិហារទំហំ៤,៦ គមក្រឡា
ដែលពួកមេដឹកនាំថៃ សំអាងថា
សាលក្រមរបស់តុលាការអន្តរជាតិក្រុងឡាអេ
ពុំបានកាត់សេចក្តីបែងចែកទឹកដីតំបន់នោះថា
ជាទឹកដីរបស់កម្ពុជាទេ ។
ភាគីថៃ នៅតែទទូចអោយតុលាការអន្តរជាតិមួយនេះ
ទទួលស្គាល់ផែនទី ដែលគូសជាឯកតោភាគី ដោយប្រទេសថៃ
កាលពីឆ្នាំ១៩៦២ គឺនៅក្រោយពេលដែលតុលាការICJ នេះ
បានកាត់សេចក្តីប្រគល់ ប្រសាទព្រះវិហារមកអោយប្រទេសកម្ពុជា ។
ថៃបានគូសផែនទីជាឯកតាភាគី
ដោយហ៊ំព័ទ្ធតំបន់ជុំវិញប្រាសាទព្រះវិហារ
ថាជាទឹកដីរបស់ខ្លួន ចាប់តាំងពីចាញ់ក្តីកម្ពុជា
នៅឆ្នាំ១៩៦២ មក ហើយអះអាងថាកម្ពុជាទទួលស្គាល់ផែនទីនោះ ។
ភាគីកម្ពុជា ដែលដឹកនាំដោយឧបនាយករដ្ឋមន្ត្រី
និងជារដ្ឋមន្ត្រីការបរទេសកម្ពុជា លោកហោ ណាំហុង កាលពីថ្ងៃច័ន្ទ
បានបដិសេធនៅចំពោះមុខអង្គតុលការអន្តរជាតិថា
កម្ពុជាតាំងពីដើមរៀងមកមិនដែលទទួលស្គាល់ផែនទី
ឯកតោភាគីរបស់ថៃនោះឡើយ ហើយកម្ពុជាអះអាងថា
សាលក្រមរបស់តុលាការអន្តរជាតិបានសំរេចសេចក្តីថា
ប្រសាទព្រះវិហារគឺស្ថិតនៅក្នុងបូរណភាពដែនដីកម្ពុជា។ ហេតុនេះ
ភាគីកម្ពុជានៅតែមានប្រៀបទៅលើភាគីថៃដដែលគឺនៅត្រង់ចំណុចមួយនៃ
សាលក្រមដែលសរសេរថា ប្រាសាទព្រះវិហារស្ថិតក្នុងដែនអធិបតេយ្យ
និងបូរណភាពទឹកដីកម្ពុជា ។ ត្រង់ចំណុចនេះ កម្ពុជាភ្ជាប់
ជាមួយពាក្យបណ្តឹងរបស់ខ្លួនដែលស្នើអោយតុលាការនេះបកស្រាយស្រាល
ក្រមឆ្នាំ១៩៦២នោះនូវឧបសម្ព័ន្ធដែលមានផែនទីក្នុងគំរោងអភិ
វឌ្ឍន៍តំបន់ជុំវិញប្រាសាទព្រះវិហារ ដែលត្រូវបានដាក់់
បញ្ចូលជាសម្បត្តិបេតិកភ័ណ្ឌពិភពលោក ដោយអង្គការ UNESCO
កាលពីខែកក្កដា ឆ្នាំ២០០៨ កន្លងមកនេះ ។
ជារួម ភាគីថៃហាក់ចង់បំបែកសំណុំរឿងប្រាសាទព្រះវិហារជាពីរ
ដើម្បីបានសំរេចគោលដៅរបស់ខ្លួន។ ទី១
ថៃបានបង្ហាញឥរិយាបទត្រឹមត្រូវរបស់ខ្លួន
នៅចំពោះមុខតុលាការអន្តរជាតិដែលថា
ថៃមិនបានទាមទារយកប្រាសាទព្រះវិហារពីកម្ពុជាទេ
ព្រោះថៃបានទទួលស្គាល់ថា ប្រាសាទព្រះវិហារគឺជារបស់កម្ពុជា ។
ឯបញ្ហាទី២ គឺថៃទំនងជាបដិសេធផែនទីរបស់កម្ពុជា
ដែលត្រូវបានភ្ជាប់នៅក្នុងឧបសម្ព័ន្ធទី១ ដែលថៃអះអាងថា
ជាផែនទីបានកំណត់ដោយសាលក្រមតុលាការអន្តរជាតិក្រុងឡាអេ
កាលពីថ្ងៃ ទី១៥ ខែមិថុនា ឆ្នាំ១៩៦២ ទេ ។
ផ្តើមចេញពីចំណុចនេះ
ភាគីថៃអាចនឹងតាមមើលការវិនិច្ឆ័យនិងឥរិយាបទ
របស់មន្ត្រីតុលាការអន្តរជាតិ ។ ប្រសិនបើតុលាការនេះ
ទទួលស្គាល់ផែនទីក្នុងឧបសម្ព័ន្ធទី១នៃឯកសាររបស់កម្ពុជា
នោះថៃអាចនឹងមានលេស
មិនទទួលស្គាល់សាលក្រមតុលាការក្រុងឡាអេនេះសាជាថ្មី ។
តែទោះជាយ៉ាងណាក៏ដោយ
ក៏ការជំទាស់របស់ប្រទេសថៃនៅតែគ្មានប្រសិទ្ធិភាពដែរ
ដោយហេតុថា ប្រាសាទព្រះវិហារត្រូវបានប្រទេសកម្ពុជា
បានដាក់ជាសម្បត្តិបេតិកភ័ណ្ឌពិភពលោកកាលពីឆ្នាំ២០០៨
រួចទៅហើយ ។ ចំពោះរឿងនេះ
ភាគីថៃខ្លួនឯងក៏បានដឹងរួចទៅហើយដែរ ។ សូម្បីតែ
អ្នកច្បាប់ របស់ថៃក៏បានទទួលស្គាល់ដែរ
តួយ៉ាងដូចជាការអះអាងរបស់ឧបនាយករដ្ឋមន្ត្រី
និងជារដ្ខមន្រ្តីក្រសួង អប់រំ របស់ថៃ គឺលោក ភុងថេព
ថេពកាន់យ៉ាណា បានថ្លែងបកមកភាគីកម្ពុជាវិញថា ការពិតភាគី
កម្ពុជា បានទទួលស្គាល់ជាស្រេចហើយថា
ក្រៅតែពីប្រាសាទព្រះវិហារ តុលាការអន្តរជាតិ មិនបានកាត់
សេចក្តីលើទឹកដីតំបន់ប្រាសាទព្រះវិហារទេ បើមិនដូច្នេះទេ
កម្ពុជា ក៏មិនចាំបាច់ចុះអនុស្សារណៈ (MOU)
ជាមួយភាគីថៃស្តីពីការកំណត់ព្រំដែនជាមួយប្រទេសថៃកាលពីឆ្នាំ
២០០០នោះដែរ ។
សរុបសេចក្តីមក
ភាគីថៃបាននិងកំពុងខិតខំរិះរកសម្ពាធនានាយកមកសង្កត់លើកម្ពុជា
ក្នុងបំណងយកតំបន់ជុំវិញ
ប្រាសាទព្រះវិហារមកធ្វើជាតំបន់អភិវឌ្ឍន៍ទេសចរណ៍រួមគ្នាជាមួយ
កម្ពុជាតែប៉ុណ្ណោះ ។
គោលបំណងនេះ គឺភាគីកម្ពុជា បានដឹងជាស្រេចទៅហើយ
ប៉ុន្តែអ្វីដែលភាគីកម្ពុជាកំពុងធ្វើ
គឺជាការចង់បាននូវការបកស្រាយរបស់តុលាការអន្តរជាតិសារជាថ្មីទៅ
លើសាលក្រមកាលពីឆ្នាំ១៩៦២
ហើយនិងចង់បញ្ជាក់ប្រាប់សាធារណជនថា ប្រាង្គប្រាសាទវិហារនេះ
គឺជាប្រាសាទរបស់កម្ពុជា
ហើយត្រូវបានស្ថាបនានៅលើទឹកដីរបស់កម្ពុជា
ហេតុដូច្នេះទឹកដីតំបន់ប្រសាទព្រះវិហារតាមផ្លូវច្បាប់គឺជា
ទឹកដីរបស់កម្ពជា ដែលថៃមិនអាចប្រកែកបាន ។ រីឯការអភិវឌ្ឍន៍
គឺជាជំហានបន្តទៀត ដែលរដ្ឋាភិបាលថៃ និងកម្ពុជា
អាចពិភាក្សាគ្នាជាក្រោយ
ហើយក៏អាស្រ័យលើឆន្ទៈរបស់រាជរដ្ឋាភិបាលកម្ពុជាថាតើត្រូវធ្វើ
ការ អភិវឌ្ឍន៍តំបន់នោះតាមរបៀបទ្វេភាគី ឬឯកតោភាគី
តាមរយៈការវិនិយោគដោយរបៀបណានោះ ៕
3 comments:
Thailand were doing flip flop tact tic again, again,
Thailand does not want PV Thailand want war with Cambodia. Let's give to them Khmer, unless Khmer Coward. Khmer always been coward with Thailand any way ever since i born from the early '80 'til now all i heard was Thai kill Khmer :)) even Thai invade Khmer land Khmer still can't to SHIT :)) :)) now that's a coward!!!!!!!
Will you pick up arms and go to war with Siam too or just say shit to make noise like a frog in little well? Be awared of a Snake near your little well,if you make too much noise Snake may swallow you live!
War is not a solution,khmers will never be coward,you little froggy is a coward! Let see what the out come will be....Siam wants more land and wants land around Preah vihea for build business because of tourism will visit world heritage [Preah Vihea] has potential of making millions dollars many years to come,that what Siam wants.Siam says:Khmer can have a piece of rocks structure,but Siam wants land around that STRUCTURE! What does that tell you? You should know by now!...War is a solution,khmers were not COWARD or ever will be...You're a coward one.Message is for 12:42am
Khmer soldier
Post a Comment