ដោយ ទីន ហ្សាការីយ៉ា 2013-03-01 RFA Service
ស្ដាប់ ឬ ទាញយកសំឡេង
២-សីហា-២០១២៖ រដ្ឋាភិបាលបញ្ជូនក្រុមយុវជនស្ម័គ្រចិត្តជិត ៧០០នាក់ ទៅខេត្តនានា ដើម្បីវាស់វែងក្បាលដីជូនប្រជាពលរដ្ឋ។
RFA/Sok Serey
ក្រុមអ្នកវិភាគបានលើកឡើងថា ការផ្លាស់ប្ដូរមនុស្សចាស់
ឲ្យក្មេងបន្តធ្វើការវិញនេះ
ជារបត់នយោបាយថ្មីមួយរបស់គណបក្សប្រជាជនកម្ពុជា
ហើយការធ្វើរបៀបនេះ
ជាការបត់បែនទាន់សភាពការណ៍របស់សង្គមនាពេលបច្ចុប្បន្ន។
ប៉ុន្តែសុំឲ្យយន្តការនៃការផ្លាស់ប្ដូរនេះ
ជៀសឲ្យផុតពីបក្ខពួកនិយម ឬគ្រួសារនិយម។
ការប្រកួតប្រជែងបោះឆ្នោតអាណត្តិទី៥ នឹងមកដល់នៅខែកក្កដា ឆ្នាំ២០១៣ ខាងមុខនេះ គ្រប់គណបក្សនយោបាយទាំងអស់កំពុងតែរៀបចំបេក្ខជនឈរតំណាងរាស្ត្រ ដើម្បីយកទៅចុះឈ្មោះនៅស្ថាប័នគណៈកម្មាធិការជាតិរៀបចំការបោះ ឆ្នោតហៅថា គ.ជ.ប។
អ្វីដែលគួរឲ្យសាធារណជនមានការចាប់អារម្មណ៍ខ្លាំងនោះ គេសង្កេតឃើញគណបក្សប្រជាជន បានផ្លាស់ប្ដូររបត់នយោបាយថ្មីនៅមុនពេលបោះឆ្នោត ដើម្បីទាក់ទាញសាធារណជន ពិសេសទៅលើយុវជន។
អ្នកស្រាវជ្រាវផ្នែកអភិវឌ្ឍន៍សង្គម លោក កែម ឡី មានប្រសាសន៍ថា គណបក្សប្រជាជន សម្រេចចិត្តនៅពេលនេះ ជាការសម្រេចចិត្តទាន់ពេលវេលា នៅខណៈដែលសមាជិកគណបក្សប្រជាជនភាគច្រើនជាមនុស្សចាស់ ហើយផ្លាស់ប្ដូរឲ្យក្មេងៗបន្តវេនពីមនុស្សចាស់នេះ ធ្វើឲ្យយុវជនមានសិទ្ធិចូលរួមនៅក្នុងការសម្រេចចិត្តនៅក្នុងរឿង នយោបាយ។
ការលើកឡើងដូច្នេះ នៅបន្ទាប់ពីគណបក្សប្រជាជនកម្ពុជា បានបញ្ចេញឲ្យសារព័ត៌មាននានាដឹង និងចុះផ្សាយថា សមាជិកសភានៃគណបក្សប្រជាជនកម្ពុជា មួយចំនួនក្នុងចំណោម ៩០រួបនោះ នឹងលាពីតួនាទីជាសមាជិកសភា ដោយគេផ្លាស់ឲ្យយុវជនក្មេងៗឈរជាបេក្ខភាពតំណាងរាស្ត្រនៅអាណត្តិ ទី៥ ឆ្នាំ២០១៣។
ឈ្មោះបេក្ខជនត្រៀមឈរជាបេក្ខភាពតំណាងរាស្ត្រនោះ លោក ហ៊ុន ម៉ានី ជាកូនប្រុសបង្កើតរបស់លោកនាយករដ្ឋមន្ត្រី ហ៊ុន សែន។ លោក ហ៊ុន ម៉ានី នឹងឈរឈ្មោះជាបេក្ខជនតំណាងរាស្ត្រនៅមណ្ឌលកំពង់ស្ពឺ។ បេក្ខជនមួយរួបទៀត គឺលោក ឌី វិជ្ជា ជាកូនប្រសារបស់លោក ហ៊ុន សែន និងជាកូនប្រុសរបស់អតីតអគ្គស្នងការនគរបាលជាតិ លោក ហុក ឡង់ឌី នឹងឈរជាបេក្ខជននៅមណ្ឌលស្វាយរៀង។ ក្រៅពីនេះ នឹងមានបេក្ខជនជាយុវជនដែលជាកូនមន្ត្រីធំៗមួយចំនួនទៀតនៅក្នុង គណបក្សប្រជាជនកម្ពុជា។
ទាក់ទងនឹងបញ្ហានេះ លោក កែម ឡី បានបញ្ជាក់ថា ថ្វីត្បិតតែគណបក្សកាន់អំណាចបានផ្លាស់ប្ដូរចរន្តនយោបាយមួយថ្មី យ៉ាងនេះក្ដី តែការរៀបចំបេក្ខភាពតំណាងរាស្ត្រ មានតែកូនអ្នកធំបែបនេះ ជារឿងមិនបើកឱកាសឲ្យយុវជនដែលមានចំណេះដឹងខ្ពស់ ហើយគ្មានសែស្រឡាយអ្នកធំនោះ គឺនៅតែគ្មានឱកាសចូលរួមនៅក្នុងការធ្វើសេចក្ដីសម្រេចចិត្តផ្នែក នយោបាយដដែល។
ក្រុមអ្នកវិភាគបានពន្យល់ថា បេក្ខជនឈរជាតំណាងរាស្ត្រ គេត្រូវជ្រើសរើសចេញពីយុវជនមានសមត្ថភាព និងស្អាតស្អំ និងជាមនុស្សមានសំឡេងនៅក្នុងសង្គម ដែលជាប្រជាពលរដ្ឋជាទូទៅបានស្គាល់ ទើបមានការគាំទ្រពីប្រជាពលរដ្ឋ និងធ្វើការបម្រើប្រជាពលរដ្ឋវិញក្រោយពេលជាប់ឆ្នោត ហើយប្រទេសមានការអភិវឌ្ឍលឿនទៅបាន លុះត្រាមានយុវជនភាគច្រើនបានចូលរួមក្នុងការសម្រេចចិត្តផ្នែក នយោបាយ។ យ៉ាងណាមិញ នៅក្នុងប្រព័ន្ធគ្រប់គ្រងរដ្ឋសព្វថ្ងៃនេះ ពិសេសនៅស្ថាប័នដែលធ្វើការសម្រេចចិត្តធំៗនោះ ភាគច្រើនជាមនុស្សចាស់។
ម្យ៉ាងវិញទៀត ទោះបីជានៅពេលនេះគណបក្សប្រជាជនកម្ពុជា មានរបត់នយោបាយមួយថ្មីក្ដី ប៉ុន្តែរបត់នយោបាយនេះជាចរន្តមួយដែលក្រុមអ្នកវិភាគពន្យល់ថា ជាចរន្តនយោបាយដើម្បីបង្កើនអំណាចគ្រួសារនិយមទេ ដោយហេតុថា បេក្ខជនតំណាងរាស្ត្រជាយុវជននោះ មិនមែនជាយុវជនចេញពីកូនប្រជារាស្ត្រសាមញ្ញទេ។
ប្រធានគណៈកម្មាធិការអព្យាក្រឹត្យ និងយុត្តិធម៌ ដើម្បីការបោះឆ្នោតដោយសេរីនៅកម្ពុជា ហៅថា និកហ្វិក (NECFECT) លោកបណ្ឌិត ហង្ស ពុទ្ធា មានប្រសាសន៍ថា ការបណ្ដុះយុវជនឲ្យចូលរួមនៅក្នុងរឿងនយោបាយ គឺជាយុទ្ធសាស្ត្រចាំបាច់របស់គណបក្សនីមួយៗ។ លោក ហង្ស ពុទ្ធា បានសង្កត់ធ្ងន់ថា គណបក្សប្រជាជនកម្ពុជា បានបញ្ចូលយុវជនទៅក្នុងបញ្ជីបេក្ខជនឈរតំណាងរាស្ត្រនេះជារឿងល្អ មួយ។ តែលោកបញ្ជាក់ថា ការបញ្ចូលឈ្មោះរបស់កូនមន្ត្រីធំនៅក្នុងគណបក្ស ឲ្យមានតួនាទីនៅក្នុងរឿងនយោបាយដែរនេះ ជាការឆ្លុះបញ្ចាំងអំពីការបន្តត្រកូលអ្នកនយោបាយ។
ម្យ៉ាងវិញទៀត អ្នកឃ្លាំមើលអំពីស្ថានការណ៍នយោបាយ បានពន្យល់ថា គណបក្សប្រជាជនកម្ពុជា មានផែនការផ្ទេរមរតកនយោបាយឲ្យកូនចៅរបស់ខ្លួន ហើយផែនការនេះគេកំពុងតែអនុវត្តជាបណ្ដើរៗហើយ តាមរយៈការបញ្ចូលកូនចៅរបស់ខ្លួនឲ្យមានតួនាទីបន្តិចម្ដងៗនៅ ក្នុងជួររដ្ឋាភិបាល និងនៅស្ថាប័នសភាជាដើម។
អ្នកតាមដានស្ថានការណ៍នយោបាយ បានលើកឡើងទៀតថា ការបញ្ចូលយុវជនទៅក្នុងឆាកនយោបាយរបស់គណបក្សប្រជាជនកម្ពុជា នេះ ជារូបភាពមើលពីខាងក្រៅឃើញថា គណបក្សនេះក៏មានយុវជនចូលរួមក្នុងការសម្រេចចិត្តរឿងនយោបាយដែរ តែជាក់ស្ដែង មិនដូច្នោះទេ បញ្ហាសំខាន់នៅត្រង់ថា គណបក្សនេះកំពុងរៀបចំផែនការពង្រឹងអំណាចគ្រួសារនិយមទៅវិញទេ។
ប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្តិភាព លោក យង់ គឹមអេង បានអះអាងថា ការរៀបចំសាច់ញាតិរបស់ខ្លួននៅក្នុងរឿងនយោបាយនេះ វាមិនធ្វើឲ្យសង្គមមានការផ្លាស់ប្ដូរអ្វីធំដុំទេ ពីព្រោះថា ការរៀបចំនេះជាការដាក់ឲ្យរៀនសូត្រពីអ្នកនយោបាយបច្ចុប្បន្នដែល ជាសាច់ញាតិរបស់ខ្លួន មិនមែនជាឆន្ទៈក្នុងការធ្វើឲ្យមានរបត់នយោបាយផ្លាស់ប្ដូរទេ។
លើសពីនេះទៀត អ្វីដែលក្រុមអ្នកវិភាគមានការព្រួយបារម្ភនោះ គឺកូនមន្ត្រីធំៗមួយចំនួនបានបើកក្រុមហ៊ុនឯកជន នៅពេលដែលពួកគេទាំងនោះចូលប្រឡូកនៅក្នុងកិច្ចការនយោបាយ និងមានតួនាទីនៅក្នុងសភា ឬនៅជួររដ្ឋាភិបាលនោះ នឹងធ្វើឲ្យមានផលប៉ះពាល់ក្នុងការអភិវឌ្ឍប្រទេស ហើយគម្លាតអ្នកមាន និងអ្នកក្រ នឹងកើនកាន់តែច្រើនទៀត ពីព្រោះថាអ្នកនយោបាយនឹងគិតតែរឿងសេដ្ឋកិច្ចគ្រួសារជាធំ ដោយមិនបានគិតពីផ្នែកសង្គមកិច្ចនោះ។
ទោះបីជាយ៉ាងណាក៏ដោយ ការផ្លាស់ប្ដូរមនុស្សចាស់ជំនួសមកវិញជាយុវជនឲ្យបន្តធ្វើការនេះ ជាចរន្តមួយរបស់គណបក្សប្រជាជនកម្ពុជា ពីព្រោះថា គេអាចទាក់ទាញយុវជនដើម្បីគាំទ្រគណបក្សនេះ ដោយហេតុថា យុវជនគ្រប់អាយុបោះឆ្នោតមានប្រមាណ ៣លាននាក់ ដែលជាកម្លាំងមួយសម្រាប់ធ្វើឲ្យរបត់នយោបាយសង្គមមានការផ្លាស់ ប្ដូរបាន។
តំណាងរាស្ត្រ ត្រូវបានជ្រើសតាំងដោយការបោះឆ្នោតជាសកល ដោយសេរី ដោយស្មើភាព ដោយចំពោះ និងតាមវិធីជ្រើសរើសឆ្នោតជាសម្ងាត់។ ម្យ៉ាងវិញទៀត កម្ពុជា នឹងរៀបចំការបោះឆ្នោតអាណត្តិទី៥ នៅថ្ងៃទី២៨ ខែកក្កដា ឆ្នាំ២០១៣ ហើយគណៈកម្មាធិការជាតិរៀបចំការបោះឆ្នោត នឹងចាប់ផ្ដើមទទួលចុះបញ្ជីឈ្មោះគណបក្សនយោបាយ និងបញ្ជីបេក្ខជនតំណាងរាស្ត្រចាប់ពីថ្ងៃទី២៩ មេសា ដល់ថ្ងៃទី១៣ ឧសភា ខាងមុខ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ការប្រកួតប្រជែងបោះឆ្នោតអាណត្តិទី៥ នឹងមកដល់នៅខែកក្កដា ឆ្នាំ២០១៣ ខាងមុខនេះ គ្រប់គណបក្សនយោបាយទាំងអស់កំពុងតែរៀបចំបេក្ខជនឈរតំណាងរាស្ត្រ ដើម្បីយកទៅចុះឈ្មោះនៅស្ថាប័នគណៈកម្មាធិការជាតិរៀបចំការបោះ ឆ្នោតហៅថា គ.ជ.ប។
អ្វីដែលគួរឲ្យសាធារណជនមានការចាប់អារម្មណ៍ខ្លាំងនោះ គេសង្កេតឃើញគណបក្សប្រជាជន បានផ្លាស់ប្ដូររបត់នយោបាយថ្មីនៅមុនពេលបោះឆ្នោត ដើម្បីទាក់ទាញសាធារណជន ពិសេសទៅលើយុវជន។
អ្នកស្រាវជ្រាវផ្នែកអភិវឌ្ឍន៍សង្គម លោក កែម ឡី មានប្រសាសន៍ថា គណបក្សប្រជាជន សម្រេចចិត្តនៅពេលនេះ ជាការសម្រេចចិត្តទាន់ពេលវេលា នៅខណៈដែលសមាជិកគណបក្សប្រជាជនភាគច្រើនជាមនុស្សចាស់ ហើយផ្លាស់ប្ដូរឲ្យក្មេងៗបន្តវេនពីមនុស្សចាស់នេះ ធ្វើឲ្យយុវជនមានសិទ្ធិចូលរួមនៅក្នុងការសម្រេចចិត្តនៅក្នុងរឿង នយោបាយ។
ការលើកឡើងដូច្នេះ នៅបន្ទាប់ពីគណបក្សប្រជាជនកម្ពុជា បានបញ្ចេញឲ្យសារព័ត៌មាននានាដឹង និងចុះផ្សាយថា សមាជិកសភានៃគណបក្សប្រជាជនកម្ពុជា មួយចំនួនក្នុងចំណោម ៩០រួបនោះ នឹងលាពីតួនាទីជាសមាជិកសភា ដោយគេផ្លាស់ឲ្យយុវជនក្មេងៗឈរជាបេក្ខភាពតំណាងរាស្ត្រនៅអាណត្តិ ទី៥ ឆ្នាំ២០១៣។
ឈ្មោះបេក្ខជនត្រៀមឈរជាបេក្ខភាពតំណាងរាស្ត្រនោះ លោក ហ៊ុន ម៉ានី ជាកូនប្រុសបង្កើតរបស់លោកនាយករដ្ឋមន្ត្រី ហ៊ុន សែន។ លោក ហ៊ុន ម៉ានី នឹងឈរឈ្មោះជាបេក្ខជនតំណាងរាស្ត្រនៅមណ្ឌលកំពង់ស្ពឺ។ បេក្ខជនមួយរួបទៀត គឺលោក ឌី វិជ្ជា ជាកូនប្រសារបស់លោក ហ៊ុន សែន និងជាកូនប្រុសរបស់អតីតអគ្គស្នងការនគរបាលជាតិ លោក ហុក ឡង់ឌី នឹងឈរជាបេក្ខជននៅមណ្ឌលស្វាយរៀង។ ក្រៅពីនេះ នឹងមានបេក្ខជនជាយុវជនដែលជាកូនមន្ត្រីធំៗមួយចំនួនទៀតនៅក្នុង គណបក្សប្រជាជនកម្ពុជា។
ទាក់ទងនឹងបញ្ហានេះ លោក កែម ឡី បានបញ្ជាក់ថា ថ្វីត្បិតតែគណបក្សកាន់អំណាចបានផ្លាស់ប្ដូរចរន្តនយោបាយមួយថ្មី យ៉ាងនេះក្ដី តែការរៀបចំបេក្ខភាពតំណាងរាស្ត្រ មានតែកូនអ្នកធំបែបនេះ ជារឿងមិនបើកឱកាសឲ្យយុវជនដែលមានចំណេះដឹងខ្ពស់ ហើយគ្មានសែស្រឡាយអ្នកធំនោះ គឺនៅតែគ្មានឱកាសចូលរួមនៅក្នុងការធ្វើសេចក្ដីសម្រេចចិត្តផ្នែក នយោបាយដដែល។
ក្រុមអ្នកវិភាគបានពន្យល់ថា បេក្ខជនឈរជាតំណាងរាស្ត្រ គេត្រូវជ្រើសរើសចេញពីយុវជនមានសមត្ថភាព និងស្អាតស្អំ និងជាមនុស្សមានសំឡេងនៅក្នុងសង្គម ដែលជាប្រជាពលរដ្ឋជាទូទៅបានស្គាល់ ទើបមានការគាំទ្រពីប្រជាពលរដ្ឋ និងធ្វើការបម្រើប្រជាពលរដ្ឋវិញក្រោយពេលជាប់ឆ្នោត ហើយប្រទេសមានការអភិវឌ្ឍលឿនទៅបាន លុះត្រាមានយុវជនភាគច្រើនបានចូលរួមក្នុងការសម្រេចចិត្តផ្នែក នយោបាយ។ យ៉ាងណាមិញ នៅក្នុងប្រព័ន្ធគ្រប់គ្រងរដ្ឋសព្វថ្ងៃនេះ ពិសេសនៅស្ថាប័នដែលធ្វើការសម្រេចចិត្តធំៗនោះ ភាគច្រើនជាមនុស្សចាស់។
ម្យ៉ាងវិញទៀត ទោះបីជានៅពេលនេះគណបក្សប្រជាជនកម្ពុជា មានរបត់នយោបាយមួយថ្មីក្ដី ប៉ុន្តែរបត់នយោបាយនេះជាចរន្តមួយដែលក្រុមអ្នកវិភាគពន្យល់ថា ជាចរន្តនយោបាយដើម្បីបង្កើនអំណាចគ្រួសារនិយមទេ ដោយហេតុថា បេក្ខជនតំណាងរាស្ត្រជាយុវជននោះ មិនមែនជាយុវជនចេញពីកូនប្រជារាស្ត្រសាមញ្ញទេ។
ប្រធានគណៈកម្មាធិការអព្យាក្រឹត្យ និងយុត្តិធម៌ ដើម្បីការបោះឆ្នោតដោយសេរីនៅកម្ពុជា ហៅថា និកហ្វិក (NECFECT) លោកបណ្ឌិត ហង្ស ពុទ្ធា មានប្រសាសន៍ថា ការបណ្ដុះយុវជនឲ្យចូលរួមនៅក្នុងរឿងនយោបាយ គឺជាយុទ្ធសាស្ត្រចាំបាច់របស់គណបក្សនីមួយៗ។ លោក ហង្ស ពុទ្ធា បានសង្កត់ធ្ងន់ថា គណបក្សប្រជាជនកម្ពុជា បានបញ្ចូលយុវជនទៅក្នុងបញ្ជីបេក្ខជនឈរតំណាងរាស្ត្រនេះជារឿងល្អ មួយ។ តែលោកបញ្ជាក់ថា ការបញ្ចូលឈ្មោះរបស់កូនមន្ត្រីធំនៅក្នុងគណបក្ស ឲ្យមានតួនាទីនៅក្នុងរឿងនយោបាយដែរនេះ ជាការឆ្លុះបញ្ចាំងអំពីការបន្តត្រកូលអ្នកនយោបាយ។
ម្យ៉ាងវិញទៀត អ្នកឃ្លាំមើលអំពីស្ថានការណ៍នយោបាយ បានពន្យល់ថា គណបក្សប្រជាជនកម្ពុជា មានផែនការផ្ទេរមរតកនយោបាយឲ្យកូនចៅរបស់ខ្លួន ហើយផែនការនេះគេកំពុងតែអនុវត្តជាបណ្ដើរៗហើយ តាមរយៈការបញ្ចូលកូនចៅរបស់ខ្លួនឲ្យមានតួនាទីបន្តិចម្ដងៗនៅ ក្នុងជួររដ្ឋាភិបាល និងនៅស្ថាប័នសភាជាដើម។
អ្នកតាមដានស្ថានការណ៍នយោបាយ បានលើកឡើងទៀតថា ការបញ្ចូលយុវជនទៅក្នុងឆាកនយោបាយរបស់គណបក្សប្រជាជនកម្ពុជា នេះ ជារូបភាពមើលពីខាងក្រៅឃើញថា គណបក្សនេះក៏មានយុវជនចូលរួមក្នុងការសម្រេចចិត្តរឿងនយោបាយដែរ តែជាក់ស្ដែង មិនដូច្នោះទេ បញ្ហាសំខាន់នៅត្រង់ថា គណបក្សនេះកំពុងរៀបចំផែនការពង្រឹងអំណាចគ្រួសារនិយមទៅវិញទេ។
ប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្តិភាព លោក យង់ គឹមអេង បានអះអាងថា ការរៀបចំសាច់ញាតិរបស់ខ្លួននៅក្នុងរឿងនយោបាយនេះ វាមិនធ្វើឲ្យសង្គមមានការផ្លាស់ប្ដូរអ្វីធំដុំទេ ពីព្រោះថា ការរៀបចំនេះជាការដាក់ឲ្យរៀនសូត្រពីអ្នកនយោបាយបច្ចុប្បន្នដែល ជាសាច់ញាតិរបស់ខ្លួន មិនមែនជាឆន្ទៈក្នុងការធ្វើឲ្យមានរបត់នយោបាយផ្លាស់ប្ដូរទេ។
លើសពីនេះទៀត អ្វីដែលក្រុមអ្នកវិភាគមានការព្រួយបារម្ភនោះ គឺកូនមន្ត្រីធំៗមួយចំនួនបានបើកក្រុមហ៊ុនឯកជន នៅពេលដែលពួកគេទាំងនោះចូលប្រឡូកនៅក្នុងកិច្ចការនយោបាយ និងមានតួនាទីនៅក្នុងសភា ឬនៅជួររដ្ឋាភិបាលនោះ នឹងធ្វើឲ្យមានផលប៉ះពាល់ក្នុងការអភិវឌ្ឍប្រទេស ហើយគម្លាតអ្នកមាន និងអ្នកក្រ នឹងកើនកាន់តែច្រើនទៀត ពីព្រោះថាអ្នកនយោបាយនឹងគិតតែរឿងសេដ្ឋកិច្ចគ្រួសារជាធំ ដោយមិនបានគិតពីផ្នែកសង្គមកិច្ចនោះ។
ទោះបីជាយ៉ាងណាក៏ដោយ ការផ្លាស់ប្ដូរមនុស្សចាស់ជំនួសមកវិញជាយុវជនឲ្យបន្តធ្វើការនេះ ជាចរន្តមួយរបស់គណបក្សប្រជាជនកម្ពុជា ពីព្រោះថា គេអាចទាក់ទាញយុវជនដើម្បីគាំទ្រគណបក្សនេះ ដោយហេតុថា យុវជនគ្រប់អាយុបោះឆ្នោតមានប្រមាណ ៣លាននាក់ ដែលជាកម្លាំងមួយសម្រាប់ធ្វើឲ្យរបត់នយោបាយសង្គមមានការផ្លាស់ ប្ដូរបាន។
តំណាងរាស្ត្រ ត្រូវបានជ្រើសតាំងដោយការបោះឆ្នោតជាសកល ដោយសេរី ដោយស្មើភាព ដោយចំពោះ និងតាមវិធីជ្រើសរើសឆ្នោតជាសម្ងាត់។ ម្យ៉ាងវិញទៀត កម្ពុជា នឹងរៀបចំការបោះឆ្នោតអាណត្តិទី៥ នៅថ្ងៃទី២៨ ខែកក្កដា ឆ្នាំ២០១៣ ហើយគណៈកម្មាធិការជាតិរៀបចំការបោះឆ្នោត នឹងចាប់ផ្ដើមទទួលចុះបញ្ជីឈ្មោះគណបក្សនយោបាយ និងបញ្ជីបេក្ខជនតំណាងរាស្ត្រចាប់ពីថ្ងៃទី២៩ មេសា ដល់ថ្ងៃទី១៣ ឧសភា ខាងមុខ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment