មហាសន្និបាតវិសាញ្ញ
របស់គណបក្សប្រជាជន គ្រោងធ្វើឡើងនៅថ្ងៃទី១៦-១៧ ខែមីនា ឆ្នាំ២០១៣
ដើម្បីដាក់ចេញនូវផែនការ កម្មវិធី និងគោលនយោបាយសំខាន់ៗ
សម្រាប់ចូលរួមការបោះឆ្នោតជ្រើសតាំងតំណាងរាស្ត្រ នីតិកាលទី៥
នាថ្ងៃទី២៨ ខែកក្កដា ឆ្នាំ២០១៣ នាចុងសបា្តហ៏ក្រោយនេះ។
នាយករដ្ឋមន្ត្រី ហ៊ុន សែន បានប្រកាសដូច្នេះ
នៅក្នុងពិធីប្រគល់សញ្ញាប័ត្រដល់មន្ត្រីជាន់ខ្ពស់
ដែលបានបញ្ចប់ការសិក្សានៅសាលាភូមិន្ទរដ្ឋបាល នាព្រឹកថ្ងៃទី០៧
ខែមីនា ឆ្នាំ២០១៣។
ក្នុងពិធីចែកសញ្ញាប័ត្រ
ដែលបានប្រារព្ធឡើងនៅវិទ្យាស្ថានជាតិអប់រំ នាយករដ្ឋមន្ត្រី ហ៊ុន សែន
ក៏បានផ្តល់អនុសាសន៍ដល់មន្ត្រីដែលបញ្ចប់ការសិក្សាពេលនេះ
ត្រូវធ្វើជាមន្ត្រីល្អ ដែលមិនមែនទៅត្រួតត្រា
ឬទៅធ្វើជាម្ចាស់របស់ប្រជាជននោះទេ តែមន្ត្រីនោះត្រូវតែជាអ្នកបម្រើ
និងផ្តល់សេវាដល់ប្រជាជន។
ជាមួយនឹងប្រសាសន៍ដូច្នេះ លោក ហ៊ុន សែន
ក៏បានប្រកាសព្រមានដល់មន្ត្រីក្នុងគណបក្សប្រជាជនកម្ពុជារបស់នាយក
រដ្ឋមន្ត្រីគឺមិនត្រូវធ្វើអន្តរាគមន៍ចំពោះការតែងតាំងអភិបាល
អភិបាលរងខេត្ត រាជធានី
ដែលគណបក្សប្រជាជនកម្ពុជានឹងត្រូវធ្វើឡើងនៅក្នុងខែឧសភាខាងមុខឡើយ។
ជាការកត់សម្គាល់ អភិបាលខេត្ត រាជធានី ដែលមានអាយុ ៦០ ឆ្នាំ
ត្រូវដល់អាយុចូលនិវត្ត ហើយអភិបាលខេត្ត រាជធានីមួយចំនួន
ត្រូវបានគណបក្សប្រជាជនកម្ពុជា បញ្ចូលឈ្មោះឲ្យឈរជាតំណាងរាស្ត្រ
សម្រាប់ការបោះឆ្នោតជាតិ នៅខែកក្កដា។
ហើយបានបញ្ចូលឈ្មោះបេក្ខជនតំណាងរាស្ត្រថ្មីមួយចំនួនដែលជាកូនរបស់
ឥស្សរជនជាន់ខ្ពស់គណបក្សប្រជាជនកម្ពុជា
នឹងឈរឈ្មោះបោះឆ្នោតដើម្បីអាសនៈរដ្ឋសភា
នៅក្នុងការបោះឆ្នោតខែកក្កដា ខាងមុខ៕
1 comment:
CPP stands for Criminal People Party !!!
Post a Comment