A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Thursday 7 March 2013

Hun Sen defends inclusion of sons as candidates for election សម្តេច ហ៊ុន សែន ការពារ​ចំពោះ​ការបញ្ចូល​យុវជន និង​កូនប្រុស​សម្តេច ជា​បេក្ខភាព​តំណាងរាស្ត្រ​

PHNOM PENH (The Cambodia Herald) -- Prime Minister Hun reacted Thursday to media which broadcasted the replacement elderly lawmakers with younger candidates in this year’s election including one of his sons.

Speaking at a graduation ceremony for officials, he said, "the Cambodian People’s Party has recently issued its candidature for the general election, but some commentators mistook it as succession."

He said we have lots of young adults in the army, police units and other institutions, but the total seats for parliamentary candidates were only around 250 including reserve seats.

Why do they focus on this?, referring to parliamentary seats where one of his sons were replaced recently to compete in upcoming election.

"We didn’t include them like we wanted, but they were very competitive," he said.

Hun Sen also advised CPP, government and other institution officials not to treat themselves as educated people, they have to know all of the information before they tell reporters.

Recently, the ruling Cambodian People’s Party has announced its candidature list which included one of his sons to run in national election on July 27.

But opposition Human Rights Party president Kem Sokha said Hun Sen was preparing to be succeeded by his son.

(ថ្ងៃទី 7 មីនា 2013, ម៉ោង 05:29:PM) | ដោយ: លី សិលា CEN
ភ្នំពេញ: បន្ទាប់ពី​មាន​ការចុះផ្សាយ​តាម​កាសែត និង​មាន​ការបញ្ចេញ​មតិ​នានា ជុំវិញ​ការបញ្ចូល​យុវជន ពិសេស​កូនប្រុស​របស់​សម្តេច ជា​បេក្ខភាព​តំណាងរាស្ត្រ របស់​គណបក្ស​ប្រជាជន​កម្ពុជា ដើម្បី​ចូលរួម​ការបោះឆ្នោតជាតិ នៅ​ថ្ងៃ​ទី​២៨ ខែកក្កដា ឆ្នាំ​២០១៣ សម្តេចនាយក​រដ្ឋមន្ត្រី ហ៊ុន សែន បាន​បញ្ចេញ​ប្រតិកម្ម​ការពារ​ចំពោះ​ការសម្រេចចិត្ត​នោះ​។​

​ក្នុង​ ពិធី​ប្រគល់​សញ្ញាប័ត្រ ដល់​មន្ត្រី​ជាន់ខ្ពស់ និង​មធ្យម សរុប​ទាំងអស់ ៣១៦ នាក់ ដែល​រៀន​នៅ​សាលា​ភូមិន្ទ​រដ្ឋបាល កាលពី​ព្រឹក​ថ្ងៃទី​៧ ខែ​មីនា ឆ្នាំ​២០១៣ សម្តេច ហ៊ុន សែន បាន​មានប្រសាសន៍ថា "​កន្លង​ទៅ​គណបក្ស​ប្រជាជន​កម្ពុជា ដាក់ចេញ​នូវ​បេក្ខភាព​តំណាងរាស្ត្រ​។ មិនទាន់​បាន​អី​ផង ក៏​ធ្លាយ​អា​នឹង​ចេញ​ទៅ​ក្រៅ​។ ក៏​មាន​អ្នកធ្វើ​អត្ថាធិប្បាយ​មួយចំនួន គេ​ធ្វើ​អត្ថាធិប្បាយ ចូល​ក្នុង​របៀប​សន្តិ​វង្ស ( សែ​ស្រឡាយ​បន្ត​វេន )​។ ប៉ុន្តែ​ខ្ញុំ​គ្រាន់តែ​បញ្ជាក់​ជូន​ថា កន្លែង​មាន​តែ ១២៣ ( អាសនៈ​រដ្ឋសភា ) បូក​នឹង​បេក្ខភាព​បម្រុង ១២៣ ហើយ​និង​ខេត្ត​ខ្លះ​ទៀត បម្រុង​ឡើង​ទៅ​ដល់ ៣​។ សរុបទៅ យើង​ថា ២៥០ នាក់​ទៅ​ចុះ​។ កន្លែង​តែ​ប៉ុណ្ណឹង ឯ​យុវជន​យើង​គ​គោក ប៉ុន្តែ​គេ​មាន​បាន​ឃើញ​យុវជន​នៅ​ក្នុង​កងទ័ព​? យុវជន​នៅក្នុង​នគរបាល​? យុវជន​នៅតាម​ស្ថាប័ន​នានា ឬ​អត់​?​។ បាន​មក​ផ្តោតអារម្មណ៍​អ្វីខ្លះ​ម្លេះ​ទៅ​តែ​អា​កន្លែង​នឹង​?"​។​

​ សម្តេច ហ៊ុន សែន បាន​បន្ថែមថា "​ឥឡូវ​យើង​ទាំងអស់គ្នា​កំពុង​ធ្វើ​អី​? អ្នក​ទាំងឡាយ អាយុ​មិន​ច្រើន​ទេ ហើយ​គ្មាន​នរណា​ចាប់ផ្តើម​ពី​អាយុ​ចាស់​ទេ​។ ចាប់ផ្តើម​ពី​យុវជន ហើយក៏​មិន​មែន​ចេះ​តែ​ចាប់​ដាក់​ទេ​។ នៅទីនេះ មាន​ការប្រលងប្រជែង​"​។​

​ ជាមួយនឹង​ប្រសាសន៍​ខាងលើនេះ សម្តេចនាយក​រដ្ឋមន្ត្រី ហ៊ុន សែន ក៏​បាន​ណែនាំ​ជា​ចំហរ ទៅកាន់​មន្ត្រី​គណបក្ស​ប្រជាជន​កម្ពុជា ក៏​ដូច​ជា​មន្ត្រី​រាជរដ្ឋាភិបាល ស្ថាប័ន​និមួយៗ អំពី​ការ​នាំពាក្យ ឬក៏​ការផ្តល់​ព័ត៌មាន​ដល់​អ្នកកាសែត ថា​កុំ​ឲ្យ​តាំងខ្លួន ធ្វើជា​អ្នក​ចេះ​គ្រប់​រឿង ដែល​តែងតែ​នាំឲ្យ​មាន​កំហុស​។ ពោល​គឺ​អ្នកនាំពាក្យ​នោះ ត្រូវ​ក្តាប់​ព័ត៌មាន​ឲ្យ​គ្រប់​ជ្រុងជ្រោយ​ជាមុនសិន ចាំ​នាំពាក្យ​ប្រាប់​ដល់​អ្នកកាសែត​។​

​សូម​រម្លឹកថា បន្ទាប់ពី​កិច្ចប្រជុំ​ដោយ​សម្ងាត់​របស់​ថ្នាក់ដឹកនាំ​កំពូលៗ របស់គណបក្ស​ប្រជាជន​កម្ពុជា កាលពីដើម​ខែ​កុម្ភៈ មន្ត្រីជាន់ខ្ពស់​គណបក្ស​ប្រជាជន​កម្ពុជា លោក ជាម យៀប បាន​ប្រាប់​អ្នកកាសែត​អំពី​បញ្ជី​ឈ្មោះ​បេក្ខជន​តំណាងរាស្ត្រ សម្រាប់​ការបោះឆ្នោត​ជាតិ នៅ​ថ្ងៃ​ទី​២៨ ខែកក្កដា ឆ្នាំ​២០១៣​។​

​ ក្នុង​បញ្ជី​បេក្ខជន​របស់​គណបក្ស​ប្រជាជន​កម្ពុជា​នោះ មាន​ការបញ្ចូល​យុវជន​មួយចំនួន រួមមាន កូនប្រុស​សម្តេច​ហ៊ុន​សែន គឺ​លោក ហ៊ុន ម៉ា​នី និង​កូនប្រសារ​របស់​សម្តេច គឺ​លោក ឌី វិជ្ជា​។ ក្នុងនោះ ក៏​មាន​យុវជន ជា​កូនៗ​របស់​មន្ត្រី​ជាន់ខ្ពស់​គ​ណ​បក្ស​ប្រជាជន​កម្ពុជា ដូចជា កូន​លោក ស ខេង កូន​លោក សុខ អាន កូន​លោក ជាម យៀប និង​កូន​របស់​លោក សាយ ឈុំ ជាដើម​។​

ភ្លាមៗនោះ ក៏មានមន្ត្រីជាន់ខ្ពស់គណបក្សប្រជាជនកម្ពុជា និងមន្ត្រីជាន់ខ្ពស់​រាជរដ្ឋាភិបាល បានប្រាប់អ្នកកាសែត​ថា រាជរដ្ឋាភិបាលបានទិញយន្តហោះមួយគ្រឿង សម្រាប់ថ្នាក់ដឹកនាំ រួមទាំងព្រះមហាក្សត្រ។ ក៏ប៉ុន្តែដំណឹងនោះ នាំឲ្យសម្តេចនាយក​រដ្ឋមន្ត្រី ហ៊ុន សែន មានប្រតិកម្ម ហើយខឹងយ៉ាងខ្លាំង។ ក្រោយមក ក្នុងកិច្ចប្រជុំ​គណៈរដ្ឋមន្ត្រី សម្តេច ហ៊ុន សែន បានប្រកាសថា យន្តហោះនោះ មិនមែន​រាជរដ្ឋាភិបាល ទិញទេ តែ​រាជ​រ​ដ្ឋាភិបាលកម្ពុជា បាន​ជួលមក​ពី​ប្រទេសចិន។

​ក្នុង​ពិធី​នៅ​ព្រឹក​មិញ សម្តេចនាយក​រដ្ឋមន្ត្រី ហ៊ុន សែន ក៏​បាន​ប្រកាស​ព្រមាន​ទុកជា​មុន​ថា ក្នុង​អាណត្តិ​ដែល​ត្រូវ​តែងតាំង​អភិបាល អភិបាលរង​រាជធានី​ខេត្ត ស្រុក​ខណ្ឌ​ឡើងវិញ នៅ​ខែ​ឧសភា​ខាងមុខនេះ គឺ​មិន​ត្រូវ​មាន​មន្ត្រី​ណា​ម្នាក់ សរសេរ​សំបុត្រ មកកាន់​សម្តេច ដើម្បី​សុំ​អន្តរាគមន៍​ឡើយ​។ អ្នកសរសេរ​សំបុត្រ​មក​ទាំងនោះ នឹង​ត្រូវ​សម្តេច កត់ចូល​ក្នុង​បញ្ជីខ្មៅ​មួយ ជាមិនខាន​។​

​សម្តេច ហ៊ុន សែន បាន​បន្ថែមថា ការតែងតាំង​អភិបាល អភិបាលរង ខេត្ត​រាជធានី ស្រុក​ខណ្ឌ ជា​កាតព្វកិច្ច​របស់​ក្រសួងមហាផ្ទៃ ហើយ​សម្តេច​ផ្ទាល់ ជា​អ្នក​ស៊ី​ញ៉េ សម្រេច​ចុងក្រោយ លើ​ការតែងតាំង​ទាំងនោះ​។​

​ ជាមួយនឹង​ប្រសាសន៍​ដូច្នេះ សម្តេចនាយក​រដ្ឋមន្ត្រី ហ៊ុន សែន ក៏​បាន​ប្រកាស​ពី​ឈ្មោះ​តំណាងរាស្ត្រ និង​សមាជិក​គណបក្សប្រឆាំង​មួយចំនួន ដែល​ធ្លាប់បាន​សុំ​អន្តរាគមន៍​ពី​សម្តេច និង​យក​លុយ​ពី​សម្តេច ដើម្បី​ផ្តល់ព័ត៌មាន​នានា ពី​គណបក្ស​ប្រឆាំង ជូន​ដល់​សម្តេច តាមរយៈ​លោក ង៉ោ សុវណ្ណ អតីត​អ្នកតំណាងរាស្ត្រ​គណបក្ស​សមរង្ស៊ី ដែល​បាន​មក​ចូលរួម​ជាមួយ​គណបក្ស​ប្រជាជន​កម្ពុជា នៅមុន​សម័យកាល​បោះឆ្នោត​ជាតិ ឆ្នាំ​២០០៨​។​

​អ្នកតំណាងរាស្ត្រ និង​សមាជិក​គណបក្សប្រឆាំង ដែល​សម្តេច ហ៊ុន សែន បានលើក​ឡើង រួមមាន​៖ លោក ម៉ៅ មុនី​វណ្ណ អតីត​តំណាងរាស្ត្រ​គណបក្ស​សមរង្ស៊ី ដែល​សព្វថ្ងៃ​​ជា​អនុប្រធាន​គណបក្ស​សិទ្ធិមនុស្ស​, លោក គឹម​សួរ ភី​រិទ្ធ អ្នកតំណាងរាស្ត្រ​គណបក្ស​សមរង្ស៊ី​, លោក តុ​ប វ៉ាន់​ចាន់ អតីត​អ្នកតំណាងរាស្ត្រ​គណបក្ស​សមរង្ស៊ី រួមទាំង​លោក កាន់ វីរៈ អតីត​ប្រធាន​គណបក្ស​សមរង្ស៊ី ប្រចាំ​ខេត្ត​ពោធិ៍សាត់​។​

​តាម​សម្តេច ហ៊ុន សែន លោក ម៉ៅ មុនី​វណ្ណ បាន​កាន់​លិខិត​មក​សុំ​ជួប ហើយ​សុំឲ្យ​សម្តេច ជួយ​ឲ្យ​បងប្អូន​ម្នាក់ ដែល​ធ្វើការ​នៅ​ក្រសួង​សេដ្ឋកិច្ច បាន​ទៅ​ធ្វើ​ជា​ប្រធាន​មន្ទីរ​សាធារណៈការ និង​ដឹកជញ្ជូន រាជធានី​ភ្នំពេញ នៅ​ពេល​លោក ញ៉ែម សារ៉ន បាន​ចូលនិវត្តន៍​។​

​យ៉ាងណាក៏ដោយ សម្តេចនាយក​រដ្ឋមន្ត្រី ហ៊ុន សែន បាន​គូសបញ្ជាក់ថា វប្បធម៌​អន្តរាគមន៍​ក្នុង​រដ្ឋាភិបាល ពិសេស​ក្នុង​ជួរ​មន្ត្រីរាជការ មិន​ត្រូវ​ឲ្យ​កើត​មាន​តទៅទៀត​ទេ​៕​

No comments: