A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Wednesday 6 February 2013

Mam Sonando to receive Front Line Award for Human Rights Defenders at Risk លោក ម៉ម សូណង់ដូ ជាប់​ជា​បេក្ខជន​ចុង​ក្រោយ​សម្រាប់​ពាន​រង្វាន់​សិទ្ធិ​មនុស្ស

Mam Sonando to receive Front Line Award for Human Rights Defenders at Risk.

ដោយ ជុន ច័ន្ទបុត្រ 2013-02-05 RFA

លោក ម៉ម សូណង់ដូ ត្រូវ​បាន​ជ្រើសរើស​ជា​បេក្ខជន​ចុង​ក្រោយ​សម្រាប់​ទទួល​ពាន​រង្វាន់​ឈាន​មុខ ចំពោះ​សកម្មជន​ការពារ​សិទ្ធិ​មនុស្ស​ដែល​ប្រឈម​មុខ​នឹង​ហានិភ័យ។

RFA/Vichey Anandh
លោក ម៉ម សូណង់ដូ ប្រធាន​សមាគម​​អ្នក​ប្រជាធិបតេយ្យ ផ្តល់​បទសម្ភាសន៍​ដល់​អ្នក​កាសែត នា​អាកាសយានដ្ឋាន​អន្តរជាតិ​ភ្នំពេញ កាល​ពី​ថ្ងៃ​ទី​១២ ខែ​កក្កដា ឆ្នាំ​២០១២។
អង្គការ​ក្រុម​អ្នក​ការពារ​សិទ្ធិ​មនុស្ស​ឈាន​មុខ (Front line Defender) បាន​ចេញ​សេចក្ដី​ថ្លែងការណ៍​មួយ​កាល​ពី​ថ្ងៃ​ទី​២៨ ខែ​មករា ឆ្នាំ​២០១៣ ថា លោក ម៉ម សូណង់ដូ ជា​សកម្មជន​ការពារ​សិទ្ធិ​មនុស្ស​មក​ពី​កម្ពុជា ម្នាក់​ក្នុង​ចំណោម​បេក្ខជន ៦​នាក់​ផ្សេង​ទៀត សម្រាប់​ទទួល​ពាន​រង្វាន់​ឈាន​មុខ​សម្រាប់​ឆ្នាំ​២០១៣ នេះ។
បេក្ខជន ៥​នាក់​ផ្សេង​ទៀត​មក​ពី​ប្រទេស​អ៊ីរ៉ង់ (Iran) កេនីយ៉ា (Kenya) កូឡុមប៊ី (Columbia) អូបែរគីស្តង់ (Uzbekistan) និង​ប្រទេស​ម៉ូរីតាណា (Mauritania)។
សេចក្ដី​ថ្លែងការណ៍​របស់​ក្រុម​អ្នក​ការពារ​សិទ្ធិ​មនុស្ស​ឈាន​មុខ​ បញ្ជាក់​ថា លោក ម៉ម សូណង់ដូ បាន​លះបង់​អាយុ​ជីវិត​របស់​ខ្លួន​ដើម្បី​ជួយ​ដល់​ជន​ក្រីក្រ និង​ទាមទារ​សិទ្ធិ​សេរីភាព​ដល់​ប្រជាពលរដ្ឋ​កម្ពុជា ដែល​តស៊ូ​ទាមទារ​សិទ្ធិ​របស់​ពួក​គេ​ដែល​ប្រតិបត្តិ​តាម​ឱវាទ​ប្រៀន​ប្រដៅ​ អហិង្សា​តាម​ជំនឿ​របស់​ព្រះពុទ្ធ។ លោក​គឺ​ជា​អ្នក​សារព័ត៌មាន និង​ជា​នាយក​ស្ថានីយ​វិទ្យុ​ឯករាជ្យ​មួយ​ក្នុង​ចំណោម​ស្ថានីយ​វិទ្យុ​ ឯករាជ្យ​ចំនួន ៣ ក្នុង​ប្រទេស​កម្ពុជា ដែល​អង្គការ​នេះ​ចាត់​ទុក​ថា ជា​ប្រទេស​មួយ​ដែល​មាន​លក្ខណៈ​ឯកាធិភាព​ស្ទើរ​តែ​ទាំង​ស្រុង​លើ​បណ្ដាញ​ ផ្សព្វផ្សាយ​នានា ហើយ​និង​ការ​បង្ក្រាប​លើ​សេរីភាព​និយាយ​ស្ដី និង​បាន​ឈាន​ទៅ​ដល់​ការ​រឹតត្បិត​សេរីភាព​ខ្លួន​ឯង​ជា​ទូទៅ។
លោក​ក៏​ជា​ស្ថាបនិក និង​ជា​ប្រធាន​អង្គការ​ជាតិ​មួយ​ដែល​មាន​ឈ្មោះ​ថា សមាគម​អ្នក​ប្រជាធិបតេយ្យ​ដែល​លើក​ស្ទួយ​លទ្ធិប្រជាធិបតេយ្យ និង​សិទ្ធិ​មនុស្ស​យ៉ាង​ក្លៀវក្លា។ គាត់​ត្រូវ​បាន​អាជ្ញាធរ​ចាប់​ខ្លួន​កាល​ពី​ដើម​ខែ​កក្កដា ឆ្នាំ​២០១២ ហើយ​បើ​ទោះ​ជា​គ្មាន​ភស្តុតាង​ជាក់លាក់​ដើម្បី​ភ្ជាប់​រូប​លោក​ទៅ​នឹង​ចលនា​ អបគមន៍ គាត់​ត្រូវ​គេ​រក​ឃើញ​ពិរុទ្ធភាព កាល​ពី​ថ្ងៃ​ទី​១ ខែ​តុលា ឆ្នាំ​២០១២ ពី​បទ​ញុះញង់​ឲ្យ​មាន​ការ​បះបោរ និង​ញុះញង់​ឲ្យ​កាន់​អាវុធ​ប្រឆាំង​នឹង​រដ្ឋាភិបាល ហើយ​ត្រូវ​បាន​តុលាការ​ផ្ដន្ទាទោស​ឲ្យ​ជាប់​ពន្ធនាគារ​រយៈពេល ២០​ឆ្នាំ៕

1 comment:

Anonymous said...

This award for Mam Sonando( Front Line Award for Human Rights Defenders at Risk)here is like kicking Hun Sen in the face.

Wake up Hun time is running out soon.To stay up it requires righteousness and justice,otherwise it will be a sad ending story for you and your family.

Mam Sonando,you are a true Khmer hero.History and our people is behind you.

True Khmer