អតីតទាហានតស៊ូគាំទ្រអតីតព្រះមហាក្សត្រ សម្ដេចព្រះ នរោត្តម
សីហនុ តាមជាយដែនកម្ពុជា-ថៃ បានរិះគន់រដ្ឋាភិបាលបច្ចុប្បន្នថា
តែងបានធ្វើទុក្ខទោសទៅលើពលរដ្ឋរបស់ខ្លួនដែលហ៊ានសម្ដែងមតិ
សោកស្ដាយលើការបាត់បង់បូរណភាពទឹកដីទៅឲ្យប្រទេសជិតខាង។
ដោយ ដែន អយុធ្យា
2013-02-23
2013-02-23
ស្ដាប់ ឬ ទាញយកសំឡេង
កងកម្លាំងការពារព្រំដែនវៀតណាម រារាំងក្រុមមន្ត្រីគណបក្ស
សម រង្ស៊ី មិនឲ្យចូលទៅពិនិត្យតម្រុយបង្គោលព្រំដែនកម្ពុជា-វៀតណាម
ក្នុងស្រុកមេមត់ ខេត្តកំពង់ចាម នៅថ្ងៃទី១៤ ខែធ្នូ ឆ្នាំ២០១០។
RFA/Uon Chhin
អតីតទាហានតស៊ូដដែលបានលើកឡើងទៀតថា
បញ្ហានេះរដ្ឋាភិបាលបានអនុវត្តផ្ទុយពីគោលនយោបាយរបស់ប្រទេសជិតខាង
កម្ពុជា មានប្រទេសថៃ ជាដើម ដែលពលរដ្ឋគេ ឬអ្នកនយោបាយក្តី
បើកាលណាបានជួយឈឺឆ្អាលលើបញ្ហាព្រំដែន
ត្រូវរដ្ឋាភិបាលគេចាត់ទុកជាវីរជនអ្នកស្នេហាជាតិ
និងផ្តល់កិត្តិយសថែមទៀតផង។
ប្រជាពលរដ្ឋ សង្គមស៊ីវិល និងមន្ត្រីបក្សប្រឆាំង បានបង្ហាញអារម្មណ៍គ្រោតគ្រាតចំពោះទង្វើរបស់រាជរដ្ឋាភិបាលកម្ពុជា របស់លោកនាយករដ្ឋមន្ត្រី ហ៊ុន សែន ដែលបានប្រកាន់យកវប្បធម៌គំរាមប្ដឹងចាប់ដាក់គុកទៅលើអ្នកហ៊ាន រិះគន់បញ្ហាបាត់បង់បូរណភាពទឹកដីទៅប្រទេសជិតខាង។
លោក ញាណ សារុំ ជាអតីតកងទ័ពជាតិដែលធ្លាប់តស៊ូនៅតាមខ្សែបន្ទាត់ព្រំដែន កម្ពុជា-ថៃ ខេត្តឧត្តរមានជ័យ ដែលកាលនោះគាំទ្រដោយព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ។ លោកមើលឃើញថា ប្រទេសជិតខាងកម្ពុជា មានថៃ ជាដើម ចំពោះពលរដ្ឋ ឬអ្នកនយោបាយរបស់គេដែលបានចេញមុខជួយការពារព្រំដែនមិនឲ្យបាត់ បង់ទឹកដីនោះ ត្រូវបានរដ្ឋាភិបាលគេផ្តល់កិត្តិយសជាវីរជន អ្នកស្នេហាជាតិ។ លោកថា ទោះការអប់រំនៅមានកម្រិត ប៉ុន្តែលោកហ៊ានរិះគន់ចំពោះទង្វើរបស់រាជរដ្ឋាភិបាលកម្ពុជា ដែលបានប្ដឹង និងចាប់ដាក់ពន្ធនាគារចំពោះអ្នកណាដែលហ៊ានចេញមុខតវ៉ាពីការឈ្លាន ពានទឹកដីពីប្រទេសជិតខាងណាមួយនោះ។
អតីតអ្នកតស៊ូរូបនេះ បានថ្លែងរិះគន់ចំពោះទង្វើរបស់រដ្ឋាភិបាលកម្ពុជា សព្វថ្ងៃថា ទំនងជាមិនមានលទ្ធភាពថែរក្សាបូរណភាពទឹកដីឲ្យបានគង់វង្សទេនា ថ្ងៃអនាគត ព្រោះសូម្បីតែពលរដ្ឋរបស់ខ្លួនលើកឡើងពីការបាត់បង់ដីស្រែ ឬទឹកដីទៅឲ្យប្រទេសជិតខាង ត្រូវរដ្ឋាភិបាលខ្លួនឯងប្ដឹងដាក់គុកច្រវាក់ដូចករណីកសិករ ២នាក់នៅខេត្តស្វាយរៀង ជាដើម។
លោក ញាណ សារុំ បានវាយតម្លៃថា រដ្ឋាភិបាលខ្មែរធ្វើសកម្មភាពខ្លាំង និងជោគជ័យតែជាមួយខ្មែរគ្នាឯង ប៉ុន្តែបើជាមួយបរទេសឈ្លានពាន មានវៀតណាម ឬថៃ ជាដើមវិញ រដ្ឋាភិបាលហាក់ដូចជាខ្លាច និងរណបគេមិនហ៊ានតទល់ឡើយ។ លោកគិតថា ក្នុងការអនុវត្តសកម្មភាពបោះបង្គោលព្រំដែនរបស់រដ្ឋាភិបាលកម្ពុជា ជាមួយប្រទេសជិតខាងទំនងជាមិនត្រឹមបាត់បង់ទឹកដីតែជាមួយវៀតណាម ដូចកសិករខេត្តស្វាយរៀង អះអាងនោះទេ។
លោកបន្តថា សកម្មភាពដូចគ្នានេះនឹងបន្តកើតមាននៅពេលរដ្ឋាភិបាលកម្ពុជា អនុវត្តបោះបង្គោលព្រំដែនគោកជាមួយថៃ នាថ្ងៃខាងមុខទៀត ពីព្រោះតាមការសង្កេត សព្វថ្ងៃនេះភាគីថៃ បានចូលត្រួតត្រាទឹកដីខ្មែរតំបន់មួយចំនួននៅតាមព្រំដែនកម្ពុជា-ថៃ ជួរភ្នំដងរែក ឬនៅម្តុំច្រកអូស្មាច់ តំបន់ព្រំដែនភ្នំប៉ោល និងនៅតំបន់ព្រំដែនច្រកជាំសាងុំាំ ជាដើម ហើយភាគីខ្មែរគ្មានប្រតិកម្មទេ។
មិនខុសការអះអាងរបស់ទាហានតស៊ូនៅជាយដែនថៃ ពីអតីតកាលនេះទេ សម្រាប់មន្ត្រីសង្គមស៊ីវិលឃ្លាំមើលព្រំដែនកម្ពុជា និងគណបក្សប្រឆាំង ក៏បានរិះគន់ទង្វើរបស់រដ្ឋាភិបាលជុំវិញបញ្ហាព្រំដែននេះដែរ។
លោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យ បានថ្លែងថា សព្វថ្ងៃនេះចំពោះអ្នកហ៊ានរិះគន់ ឬលើកយកបញ្ហាបាត់បង់ទឹកដីស្រែ ឬការជ្រៀតជ្រែកបូរណភាពទឹកដីកម្ពុជា ពីប្រទេសជិតខាង ពិសេសវៀតណាម ស្ថិតក្នុងលក្ខណៈភ័យខ្លាច ព្រោះតែងត្រូវបានរដ្ឋាភិបាលព្រមានប្ដឹង និងប្រឈមជាប់ពន្ធនាគារ។ លោកថា សកម្មភាពរបស់រដ្ឋាភិបាលសព្វថ្ងៃ ហាក់មានអាថ៌កំបាំងអ្វីមួយលើបញ្ហាព្រំដែន ទើបបានជាបំបិទសិទ្ធិសម្ដែងមតិដោយយកប្រព័ន្ធតុលាការ មកបំបិទមាត់មិនឲ្យមានអ្នកតវ៉ាលើបញ្ហាព្រំដែនជាមួយប្រទេស វៀតណាម។
លោក រ៉ុង ឈុន ធ្លាប់ត្រូវរដ្ឋាភិបាលប្ដឹងចោទ និងចាប់ដាក់ពន្ធនាគារជាង ៣ខែ ព្រោះហ៊ានរិះគន់ការចុះហត្ថលេខាលើសន្ធិសញ្ញាបំពេញបន្ថែមរវាងលោក នាយករដ្ឋមន្ត្រី ហ៊ុន សែន ជាមួយវៀតណាម ថ្ងៃទី១១ ខែតុលា ឆ្នាំ២០០៥។ លោកថ្លែងថា បញ្ហាព្រំដែននេះរដ្ឋាភិបាលគប្បីមានគោលនយោបាយលើកទឹកចិត្តឲ្យមាន អ្នកចូលរួមឈឺឆ្អាលលើបញ្ហាបូរណភាពទឹកដីពីការឈ្លានពានឲ្យបាន ច្រើន ជាជាងគំរាមចាប់ពលរដ្ឋរបស់ខ្លួនដាក់គុក។
មិនមែនមានតែលោក រ៉ុង ឈុន ម្នាក់ទេដែលរដ្ឋាភិបាលប្ដឹងចោទ និងចាប់ដាក់ពន្ធនាគារដោយសារហ៊ានរិះគន់រដ្ឋាភិបាលលើបញ្ហាព្រំដែន។ ក្នុងនោះក៏មានលោក សម រង្ស៊ី ប្រធានបក្សប្រឆាំង និងមន្ត្រីសង្គមស៊ីវិលច្រើននាក់ទៀត ត្រូវភៀសខ្លួនទៅក្រៅប្រទេសគេចពីការចាប់ខ្លួន។
ករណីលោក សម រង្ស៊ី ដែលបានរិះគន់សកម្មភាពបោះបង្គោលព្រំដែនគោករបស់រដ្ឋាភិបាលជាមួយ វៀតណាម ថានាំឲ្យបាត់បង់ដីកសិកម្មរបស់កសិករជាច្រើនហិកតារ នៅខេត្តស្វាយរៀង ក៏ត្រូវតុលាការផ្ដន្ទាទោសកំបាំងមុខឲ្យជាប់ពន្ធនាគារជាង ១០ឆ្នាំ។ បន្ថែមលើនេះ កសិករ ២នាក់ នៅខេត្តស្វាយរៀង ក៏ត្រូវរដ្ឋាភិបាលប្ដឹង និងកាត់ឲ្យមានទោសជាប់ពន្ធនាគារ ព្រោះបានតស៊ូមតិជុំវិញការបោះតម្រុយបង្គោលព្រំដែនកម្ពុជា-វៀតណាម នាំឲ្យបាត់បង់ដីកេរដូនតា។
បញ្ហានេះ លោក យឹម សុវណ្ណ មន្ត្រីនាំពាក្យ និងជាសមាជិកសភាគណបក្ស សម រង្ស៊ី បានថ្លែងរិះគន់រដ្ឋាភិបាលដែលបានធ្វើទុក្ខទោសចំពោះអ្នកហ៊ានចេញ មុខសម្ដែងមតិបញ្ហាព្រំដែន។ លោកថា ទង្វើរដ្ឋាភិបាលបានអនុវត្តផ្ទុយពីបណ្ដាប្រទេសជិតខាងនៅលើ ពិភពលោក។ លោកថ្លែងថា ប្រទេសគេបើមានអ្នកហ៊ានចេញមុខជួយតវ៉ាលើបញ្ហាឈ្លានពានទឹកដីពី ប្រទេសជិតខាងណាមួយ ត្រូវរដ្ឋាភិបាលគេលើកទឹកចិត្ត និងផ្តល់តម្លៃជាវីរជនស្នេហាជាតិ ផ្ទុយពីប្រទេសកម្ពុជា។
ទោះយ៉ាងណា លោក វ៉ា គឹមហុង ទេសរដ្ឋមន្ត្រី និងជាប្រធានគណៈកម្មាធិការកិច្ចការព្រំដែនកម្ពុជា ធ្លាប់បានថ្លែងការពាររដ្ឋាភិបាលថា កម្ពុជា មិនទៅឆោតល្ងង់បោះបង្គោលព្រំដែនជាមួយប្រទេសជិតខាងនាំឲ្យបាត់ បង់ទឹកដីរបស់ខ្លួននោះទេ។ លោកថា រដ្ឋាភិបាលមានអ្នកជំនាញគិតគូរបញ្ហាបោះបង្គោលព្រំដែនបានត្រឹមត្រូវ មិនមែនដូចការរិះគន់របស់សង្គមស៊ីវិល ឬបក្សប្រឆាំងនោះទេ។ លោក វ៉ា គឹមហុង ឲ្យដឹងកាលពីថ្ងៃទី២១ ខែកុម្ភៈ ថា បញ្ហាបូរណភាពទឹកដីនឹងពុំមានការបាត់បង់ជាមួយប្រទេសជិតខាងទេ។ លោកថា បញ្ហាបោះបង្គោលព្រំដែនគោកជាមួយថៃ នាថ្ងៃខាងមុខ រដ្ឋាភិបាលប្រទេសទាំង២ មានព្រំដែនរួចហើយ ដែលជាបង្គោលព្រំដែនអន្តរជាតិទទួលស្គាល់ដោយអាណាព្យាបាលបារាំង ក្រោយឆ្នាំ១៩០៤ ចំនួន ៧៣បង្គោល។
ប្រតិកម្មរបស់លោក វ៉ា គឹមហុង កើតឡើងបន្ទាប់ពីអតីតទាហានតស៊ូនៃកងទ័ពជាតិគាំទ្រដោយអតីត ព្រះមហាក្សត្រ សម្ដេចព្រះ នរោត្តម សីហនុ បានអះអាងថា ទឹកដីកម្ពុជា មួយផ្នែកទៀតនៅជួរភ្នំដងរែក ត្រូវបាត់បង់ និងកំពុងគ្រប់គ្រងដោយភាគីថៃ។ លោកថា បញ្ហាបោះបង្គោលព្រំដែនគោកជាមួយថៃ នឹងមិនមានបញ្ហាចោទទេ គឺគណៈកម្មាធិការព្រំដែនប្រទេសទាំង២ បានឯកភាពធ្វើការងារនេះរួមគ្នាទៅតាមបង្គោលព្រំដែនជំនាន់បារាំង ត្រួតត្រា។
ទោះយ៉ាងណា សម្រាប់ប្រជាពលរដ្ឋរស់នៅតាមបន្ទាត់ព្រំដែនកម្ពុជា-វៀតណាម និងថៃ បានអះអាងថា មានការបាត់បង់ទឹកដីតាមព្រំដែនទៅឲ្យប្រទេសជិតខាងជាបន្តបន្ទាប់ ប៉ុន្តែកង្វល់នេះរដ្ឋាភិបាលមិនត្រឹមតែមិនចេញមុខជួយឈឺឆ្អាលទេ ផ្ទុយទៅវិញបានប្ដឹងពលរដ្ឋ ឬអ្នកហ៊ានចេញមុខតវ៉ា ឬតស៊ូមតិលើបញ្ហាបាត់បង់បូរណភាពទឹកដីនេះទៅវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ប្រជាពលរដ្ឋ សង្គមស៊ីវិល និងមន្ត្រីបក្សប្រឆាំង បានបង្ហាញអារម្មណ៍គ្រោតគ្រាតចំពោះទង្វើរបស់រាជរដ្ឋាភិបាលកម្ពុជា របស់លោកនាយករដ្ឋមន្ត្រី ហ៊ុន សែន ដែលបានប្រកាន់យកវប្បធម៌គំរាមប្ដឹងចាប់ដាក់គុកទៅលើអ្នកហ៊ាន រិះគន់បញ្ហាបាត់បង់បូរណភាពទឹកដីទៅប្រទេសជិតខាង។
លោក ញាណ សារុំ ជាអតីតកងទ័ពជាតិដែលធ្លាប់តស៊ូនៅតាមខ្សែបន្ទាត់ព្រំដែន កម្ពុជា-ថៃ ខេត្តឧត្តរមានជ័យ ដែលកាលនោះគាំទ្រដោយព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ។ លោកមើលឃើញថា ប្រទេសជិតខាងកម្ពុជា មានថៃ ជាដើម ចំពោះពលរដ្ឋ ឬអ្នកនយោបាយរបស់គេដែលបានចេញមុខជួយការពារព្រំដែនមិនឲ្យបាត់ បង់ទឹកដីនោះ ត្រូវបានរដ្ឋាភិបាលគេផ្តល់កិត្តិយសជាវីរជន អ្នកស្នេហាជាតិ។ លោកថា ទោះការអប់រំនៅមានកម្រិត ប៉ុន្តែលោកហ៊ានរិះគន់ចំពោះទង្វើរបស់រាជរដ្ឋាភិបាលកម្ពុជា ដែលបានប្ដឹង និងចាប់ដាក់ពន្ធនាគារចំពោះអ្នកណាដែលហ៊ានចេញមុខតវ៉ាពីការឈ្លាន ពានទឹកដីពីប្រទេសជិតខាងណាមួយនោះ។
អតីតអ្នកតស៊ូរូបនេះ បានថ្លែងរិះគន់ចំពោះទង្វើរបស់រដ្ឋាភិបាលកម្ពុជា សព្វថ្ងៃថា ទំនងជាមិនមានលទ្ធភាពថែរក្សាបូរណភាពទឹកដីឲ្យបានគង់វង្សទេនា ថ្ងៃអនាគត ព្រោះសូម្បីតែពលរដ្ឋរបស់ខ្លួនលើកឡើងពីការបាត់បង់ដីស្រែ ឬទឹកដីទៅឲ្យប្រទេសជិតខាង ត្រូវរដ្ឋាភិបាលខ្លួនឯងប្ដឹងដាក់គុកច្រវាក់ដូចករណីកសិករ ២នាក់នៅខេត្តស្វាយរៀង ជាដើម។
លោក ញាណ សារុំ បានវាយតម្លៃថា រដ្ឋាភិបាលខ្មែរធ្វើសកម្មភាពខ្លាំង និងជោគជ័យតែជាមួយខ្មែរគ្នាឯង ប៉ុន្តែបើជាមួយបរទេសឈ្លានពាន មានវៀតណាម ឬថៃ ជាដើមវិញ រដ្ឋាភិបាលហាក់ដូចជាខ្លាច និងរណបគេមិនហ៊ានតទល់ឡើយ។ លោកគិតថា ក្នុងការអនុវត្តសកម្មភាពបោះបង្គោលព្រំដែនរបស់រដ្ឋាភិបាលកម្ពុជា ជាមួយប្រទេសជិតខាងទំនងជាមិនត្រឹមបាត់បង់ទឹកដីតែជាមួយវៀតណាម ដូចកសិករខេត្តស្វាយរៀង អះអាងនោះទេ។
លោកបន្តថា សកម្មភាពដូចគ្នានេះនឹងបន្តកើតមាននៅពេលរដ្ឋាភិបាលកម្ពុជា អនុវត្តបោះបង្គោលព្រំដែនគោកជាមួយថៃ នាថ្ងៃខាងមុខទៀត ពីព្រោះតាមការសង្កេត សព្វថ្ងៃនេះភាគីថៃ បានចូលត្រួតត្រាទឹកដីខ្មែរតំបន់មួយចំនួននៅតាមព្រំដែនកម្ពុជា-ថៃ ជួរភ្នំដងរែក ឬនៅម្តុំច្រកអូស្មាច់ តំបន់ព្រំដែនភ្នំប៉ោល និងនៅតំបន់ព្រំដែនច្រកជាំសាងុំាំ ជាដើម ហើយភាគីខ្មែរគ្មានប្រតិកម្មទេ។
មិនខុសការអះអាងរបស់ទាហានតស៊ូនៅជាយដែនថៃ ពីអតីតកាលនេះទេ សម្រាប់មន្ត្រីសង្គមស៊ីវិលឃ្លាំមើលព្រំដែនកម្ពុជា និងគណបក្សប្រឆាំង ក៏បានរិះគន់ទង្វើរបស់រដ្ឋាភិបាលជុំវិញបញ្ហាព្រំដែននេះដែរ។
លោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យ បានថ្លែងថា សព្វថ្ងៃនេះចំពោះអ្នកហ៊ានរិះគន់ ឬលើកយកបញ្ហាបាត់បង់ទឹកដីស្រែ ឬការជ្រៀតជ្រែកបូរណភាពទឹកដីកម្ពុជា ពីប្រទេសជិតខាង ពិសេសវៀតណាម ស្ថិតក្នុងលក្ខណៈភ័យខ្លាច ព្រោះតែងត្រូវបានរដ្ឋាភិបាលព្រមានប្ដឹង និងប្រឈមជាប់ពន្ធនាគារ។ លោកថា សកម្មភាពរបស់រដ្ឋាភិបាលសព្វថ្ងៃ ហាក់មានអាថ៌កំបាំងអ្វីមួយលើបញ្ហាព្រំដែន ទើបបានជាបំបិទសិទ្ធិសម្ដែងមតិដោយយកប្រព័ន្ធតុលាការ មកបំបិទមាត់មិនឲ្យមានអ្នកតវ៉ាលើបញ្ហាព្រំដែនជាមួយប្រទេស វៀតណាម។
លោក រ៉ុង ឈុន ធ្លាប់ត្រូវរដ្ឋាភិបាលប្ដឹងចោទ និងចាប់ដាក់ពន្ធនាគារជាង ៣ខែ ព្រោះហ៊ានរិះគន់ការចុះហត្ថលេខាលើសន្ធិសញ្ញាបំពេញបន្ថែមរវាងលោក នាយករដ្ឋមន្ត្រី ហ៊ុន សែន ជាមួយវៀតណាម ថ្ងៃទី១១ ខែតុលា ឆ្នាំ២០០៥។ លោកថ្លែងថា បញ្ហាព្រំដែននេះរដ្ឋាភិបាលគប្បីមានគោលនយោបាយលើកទឹកចិត្តឲ្យមាន អ្នកចូលរួមឈឺឆ្អាលលើបញ្ហាបូរណភាពទឹកដីពីការឈ្លានពានឲ្យបាន ច្រើន ជាជាងគំរាមចាប់ពលរដ្ឋរបស់ខ្លួនដាក់គុក។
មិនមែនមានតែលោក រ៉ុង ឈុន ម្នាក់ទេដែលរដ្ឋាភិបាលប្ដឹងចោទ និងចាប់ដាក់ពន្ធនាគារដោយសារហ៊ានរិះគន់រដ្ឋាភិបាលលើបញ្ហាព្រំដែន។ ក្នុងនោះក៏មានលោក សម រង្ស៊ី ប្រធានបក្សប្រឆាំង និងមន្ត្រីសង្គមស៊ីវិលច្រើននាក់ទៀត ត្រូវភៀសខ្លួនទៅក្រៅប្រទេសគេចពីការចាប់ខ្លួន។
ករណីលោក សម រង្ស៊ី ដែលបានរិះគន់សកម្មភាពបោះបង្គោលព្រំដែនគោករបស់រដ្ឋាភិបាលជាមួយ វៀតណាម ថានាំឲ្យបាត់បង់ដីកសិកម្មរបស់កសិករជាច្រើនហិកតារ នៅខេត្តស្វាយរៀង ក៏ត្រូវតុលាការផ្ដន្ទាទោសកំបាំងមុខឲ្យជាប់ពន្ធនាគារជាង ១០ឆ្នាំ។ បន្ថែមលើនេះ កសិករ ២នាក់ នៅខេត្តស្វាយរៀង ក៏ត្រូវរដ្ឋាភិបាលប្ដឹង និងកាត់ឲ្យមានទោសជាប់ពន្ធនាគារ ព្រោះបានតស៊ូមតិជុំវិញការបោះតម្រុយបង្គោលព្រំដែនកម្ពុជា-វៀតណាម នាំឲ្យបាត់បង់ដីកេរដូនតា។
បញ្ហានេះ លោក យឹម សុវណ្ណ មន្ត្រីនាំពាក្យ និងជាសមាជិកសភាគណបក្ស សម រង្ស៊ី បានថ្លែងរិះគន់រដ្ឋាភិបាលដែលបានធ្វើទុក្ខទោសចំពោះអ្នកហ៊ានចេញ មុខសម្ដែងមតិបញ្ហាព្រំដែន។ លោកថា ទង្វើរដ្ឋាភិបាលបានអនុវត្តផ្ទុយពីបណ្ដាប្រទេសជិតខាងនៅលើ ពិភពលោក។ លោកថ្លែងថា ប្រទេសគេបើមានអ្នកហ៊ានចេញមុខជួយតវ៉ាលើបញ្ហាឈ្លានពានទឹកដីពី ប្រទេសជិតខាងណាមួយ ត្រូវរដ្ឋាភិបាលគេលើកទឹកចិត្ត និងផ្តល់តម្លៃជាវីរជនស្នេហាជាតិ ផ្ទុយពីប្រទេសកម្ពុជា។
ទោះយ៉ាងណា លោក វ៉ា គឹមហុង ទេសរដ្ឋមន្ត្រី និងជាប្រធានគណៈកម្មាធិការកិច្ចការព្រំដែនកម្ពុជា ធ្លាប់បានថ្លែងការពាររដ្ឋាភិបាលថា កម្ពុជា មិនទៅឆោតល្ងង់បោះបង្គោលព្រំដែនជាមួយប្រទេសជិតខាងនាំឲ្យបាត់ បង់ទឹកដីរបស់ខ្លួននោះទេ។ លោកថា រដ្ឋាភិបាលមានអ្នកជំនាញគិតគូរបញ្ហាបោះបង្គោលព្រំដែនបានត្រឹមត្រូវ មិនមែនដូចការរិះគន់របស់សង្គមស៊ីវិល ឬបក្សប្រឆាំងនោះទេ។ លោក វ៉ា គឹមហុង ឲ្យដឹងកាលពីថ្ងៃទី២១ ខែកុម្ភៈ ថា បញ្ហាបូរណភាពទឹកដីនឹងពុំមានការបាត់បង់ជាមួយប្រទេសជិតខាងទេ។ លោកថា បញ្ហាបោះបង្គោលព្រំដែនគោកជាមួយថៃ នាថ្ងៃខាងមុខ រដ្ឋាភិបាលប្រទេសទាំង២ មានព្រំដែនរួចហើយ ដែលជាបង្គោលព្រំដែនអន្តរជាតិទទួលស្គាល់ដោយអាណាព្យាបាលបារាំង ក្រោយឆ្នាំ១៩០៤ ចំនួន ៧៣បង្គោល។
ប្រតិកម្មរបស់លោក វ៉ា គឹមហុង កើតឡើងបន្ទាប់ពីអតីតទាហានតស៊ូនៃកងទ័ពជាតិគាំទ្រដោយអតីត ព្រះមហាក្សត្រ សម្ដេចព្រះ នរោត្តម សីហនុ បានអះអាងថា ទឹកដីកម្ពុជា មួយផ្នែកទៀតនៅជួរភ្នំដងរែក ត្រូវបាត់បង់ និងកំពុងគ្រប់គ្រងដោយភាគីថៃ។ លោកថា បញ្ហាបោះបង្គោលព្រំដែនគោកជាមួយថៃ នឹងមិនមានបញ្ហាចោទទេ គឺគណៈកម្មាធិការព្រំដែនប្រទេសទាំង២ បានឯកភាពធ្វើការងារនេះរួមគ្នាទៅតាមបង្គោលព្រំដែនជំនាន់បារាំង ត្រួតត្រា។
ទោះយ៉ាងណា សម្រាប់ប្រជាពលរដ្ឋរស់នៅតាមបន្ទាត់ព្រំដែនកម្ពុជា-វៀតណាម និងថៃ បានអះអាងថា មានការបាត់បង់ទឹកដីតាមព្រំដែនទៅឲ្យប្រទេសជិតខាងជាបន្តបន្ទាប់ ប៉ុន្តែកង្វល់នេះរដ្ឋាភិបាលមិនត្រឹមតែមិនចេញមុខជួយឈឺឆ្អាលទេ ផ្ទុយទៅវិញបានប្ដឹងពលរដ្ឋ ឬអ្នកហ៊ានចេញមុខតវ៉ា ឬតស៊ូមតិលើបញ្ហាបាត់បង់បូរណភាពទឹកដីនេះទៅវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment