Hun Sen has used tricks to successfully destroy Chea Sim's faction លោក ហ៊ុន សែន ប្រើល្បិចកលកំទេចក្រុមលោក ជា ស៊ីម បានជោគជ័យ

...........................................
19/02/2013/ By Chham Chhany

 លោក ហ៊ុន សែន

នីតិកាល​ទី​៥ នៃ​ការបោះឆ្នោតជាតិជិតចូលមក​ដល់​ ​គណបក្ស​ប្រជាជន​កម្ពុជា បានប្រកាស​ថាខ្លួននិងដកចេញ​នូវ​សមាជិក​រដ្ឋសភា អាយុ​ច្រើន ហើយ​អសមត្ថភាព និង​ដាក់បញ្ចូល​វិញ​នូវ​ យុវជនជំនាន់​ក្រោយជំនួសវិញ បញ្ចូល​ឈាម​ថ្មី ដើម្បី​ជា​កោសិការ ទ្រទ្រង់​ឲ្យ​គណបក្ស កាន់តែ​រឹងមាំ​ ។

ក្រុមអ្នកតាមដានស្ថានការណ៍នយោបាយ​ក្នុង​ប្រទេសបានលើកឡើងថា  ​ជានិច្ចកាលមន្ត្រី របស់​រដ្ឋា​ភិបាល​លោក ហ៊ុន សែន មិនដែល​ទទួល​ស្គាល់ថា មន្ត្រី និងសមាជិកសភា មកពីគណបក្សនេះ ជាមនុស្សអសមត្ថភាពនោះទេ ។ ការលើក​ឡើងពីយុទ្ធសាស្រ្ត ប្តូរឈាមចាស់  ដាក់បញ្ចូលឈាម​ថ្មីរបស់គណបក្សកាន់អំណាច​នៅ​ពេលនេះ   ​ក៏មិនមែន​ដើម្បីធ្វើឲ្យគណបក្សកាន់អំណាច​កាន់តែ​រឹង​មាំនោះឡើយ ។

ផ្ទុយទៅវិញ  យុទ្ធសាស្រ្តប្តូរឈាមចាស់  ដាក់បញ្ចូលឈាម នេះ គឺលោក ហ៊ុន សែន ធ្វើ់ឡើងដើម្បី​ដកមន្ត្រីណា​ដែលជាក្រុមរបស់លោក ជា ស៊ីម តែប៉ុណ្ណោះ ជាងនេះ ទៀតលោក ហ៊ុន សែន កំពុង​តែ​រៀប​​ចំផ្ទេរតំណែងនាយករដ្ឋមន្ត្រីឲ្យទៅកូនរបស់ខ្លួន តាមរយះផ្តល់ឱកាសឲ្យកូន​​ប្រុស២​នាក់ ឈរ ឈ្មោះជាបេក្ខភាពតំណាងរាស្ត្រ ។

អ្នកតាមដានបានបញ្ជាក់ផងដែរថា ហេតុផលដែលលោក ហ៊ុន សែន ឲ្យកូនប្រុសរបស់​ខ្លួន​ពីរនាក់​ឈរ​ជាបេក្ខភាពតំណាងរាស្រ្តនេះ  គឺដើម្បីងាយ​ស្រួលក្នុងការផ្ទេរតំណែងនាយក​ រដ្ឋមន្ត្រីឲ្យ​ទៅកូន  ព្រោះថាបេក្ខភាពនាយរដ្ឋមន្ត្រី គឺជាបេក្ខជន​ដែល​ជាប់​ជាតំណាងរាស្ត្រ ទើបអាចទទួលបាន ។

សូមបញ្ជាក់ថា ការប្រកាសពីបេក្ខភាពតំណាងរាស្ត្ររបស់គណបក្សប្រជាជនកម្ពុជា សំរាប់​ចូល​រួម​ប្រកួតក្នុង​នីតិកាល​ទី​៥ នៅ​ខែ​កក្កដា ឆ្នាំ​២០១៣ ខាងមុខនេះ គឺបានលើក និយាយតែបេក្ខភាពកូន របស់លោក ហ៊ុន សែន ពីររូបតែប៉ុណ្ណោះ សំរាប់កូនចៅរបស់ តំណាងរាស្រ្ត និងមន្ត្រីបក្សកាន់​អំណាច ជាពិសេសក្រុមលោក ស ខេង និងលោក ជា ស៊ីម មិនមានឈ្មោះបេក្ខភាពតំណាងរាស្ត្រ​ឡើយ ។ ចំណែកអ្នកតំណាងរាស្ត្រ និងមន្ត្រី ដែលមានតួនាទីសព្វថ្ងៃដែលជាកក្រុមលោក ស ខេង និងលោក ជា ស៊ីម ក៏កំពុងតែ ប្រឈមនិងការដកតួនាទីជាបន្តរបន្ទាប់ បើទោះអ្នកទាំងនោះជា មនុស្សមានសមត្ថភាព យ៉ាងណាក៏ដោយ ។ តែសំរាប់ក្រុមរបស់លោក ហ៊ុន សែន វិញកុំថាឡើយ ដល់អសមត្ថភាពក្នុងការបំពេញតួនាទី បើទោះជាអ្នកនោះជាឧក្រិដ្ឋជនក៏មិនត្រូវបានដក តួនាទី ឬក៏នាំខ្លួនមកកាត់ទោសទៅតាមច្បាប់ឡើយ តួយ៉ាង ឈូក បណ្ឌិត អតីត អភិបាលក្រុងបាវិត ៕