A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Monday 24 December 2012

Human rights worker appears in court លោក ចាន់ សុវ៉េត ត្រៀម​ខ្លួន​ចូល​បំភ្លឺ​តុលាការ​នៅ​ថ្ងៃ​២៤ ធ្នូ

Human rights activist Chan Soveth

PHNOM PENH (The Cambodia Herald) - Human rights worker Chan Soveth appeared in court Monday to answer questions about his alleged role in a secession attempt in Kratie province earlier this year.

Hundreds of supporters from two property development sites and other communities gathered at the court.

Chan Soveth, who works for the Cambodian Human Rights and Development Association (Adhoc) was accused in July of offering aid to land protestors in Kratie.

ដោយ វណ្ណ វិចារ 2012-12-23 RFA
សកម្មជន​ការពារ​សិទ្ធិមនុស្ស​នៃ​សមាគម​អាដហុក គឺ​លោក ចាន់ សុវ៉េត នឹង​ត្រូវ​ចូល​ខ្លួន​ទៅ​ឆ្លើយ​បំភ្លឺ​នៅ​សាលាដំបូង​រាជធានី​ភ្នំពេញ នៅ​រសៀល​ថ្ងៃ​ច័ន្ទ ទី​២៤ ធ្នូ ពាក់ព័ន្ធ​នឹង​សំណុំ​រឿង​បង្កើត​តំបន់​អបគមន៍​នៅ​ភូមិ​ប្រម៉ា ឃុំ​កំពង់ដំរី ស្រុក​ឆ្លូង ខេត្ត​ក្រចេះ។

RFA Photo
អនុ​ប្រធាន​ផ្នែក​អង្កេត​សមាគម​អាដហុក (Adhoc) លោក ចាន់ សុវ៉េត ចូល​រួម​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​ថ្ងៃ​ទី​២៨ ខែ​តុលា ឆ្នាំ​២០១១។

លោក ចាន់ សុវ៉េត សកម្មជន​ការពារ​សិទ្ធិ​មនុស្ស នឹង​ត្រូវ​ចូល​ខ្លួន​ទៅ​បំភ្លឺ​ចំពោះ​មុខ​ចៅក្រម​ស៊ើបសួរ​សាលាដំបូង​រាជធានី ​ភ្នំពេញ។ ប៉ុន្តែ​សមាគម​អាដហុក មិន​បាន​រៀបចំ​ឲ្យ​មាន​ការ​ចូល​រួម​គាំទ្រ​ណា​មួយ​ពី​សំណាក់​ប្រជាពលរដ្ឋ​ នោះ​ឡើយ។
មន្ត្រី​ជាន់​ខ្ពស់​របស់​សមាគម​អាដហុក និង​លោក ចាន់ សុវ៉េត ខ្លួន​ឯង សុទ្ធតែ​ត្រៀម​ខ្លួន​រួច​ជា​សម្រេច​ដើម្បី​ដោះ​បន្ទុក​ឲ្យ​រួច​ពី​ការ​ចោទ​ ប្រកាន់​ក្នុង​សំណុំ​រឿង​បង្កើត​តំបន់​អបគមន៍​នេះ។
ប្រធាន​ផ្នែក​បច្ចេកទេស​អង្កេត​សមាគម​ការពារ​សិទ្ធិ​មនុស្ស​អាដហុក លោក នី ចរិយា មាន​ប្រសាសន៍​ថា ការ​ចោទ​ប្រកាន់​កន្លង​ទៅ​មិន​ត្រឹមត្រូវ​នោះ​ទេ ព្រោះ​ថា លោក ចាន់ សុវ៉េត មិន​បាន​ធ្វើ​អ្វី​ឲ្យ​ផ្ទុយ​នឹង​ច្បាប់​ឡើយ។ លោក​បន្ត​ថា សមាគម​អាដហុក បាន​ត្រៀម​មេធាវី ៣​នាក់ សម្រាប់​ការពារ​ក្តី​ឲ្យ​លោក ចាន់ សុវ៉េត តែ​អាដហុក មិន​បាន​រៀបចំ​ឲ្យ​មាន​ពលរដ្ឋ​គាំទ្រ​ទេ។

លោក នី ចរិយា បញ្ជាក់​ថា កន្លង​ទៅ​សង្គម​ស៊ីវិល​នានា និង​ម្ចាស់​ជំនួយ​មាន​ការ​គាំទ្រ និង​ជំរុញ​លើក​ទឹក​ចិត្ត​យ៉ាង​ខ្លាំងក្លា​ដល់​លោក ចាន់ សុវ៉េត ព្រោះ​ថា លោក​បាន​ធ្វើ​ការងារ​យ៉ាង​សកម្ម​ក្នុង​ការ​ជំរុញ​ការ​គោរព​សិទ្ធិ​មនុស្ស និង​នីតិរដ្ឋ​នៅ​កម្ពុជា៖ «យើង​ធ្វើ​ការ​ដោះស្រាយ​ទៅ​តាម​ផ្លូវ​ច្បាប់ ទៅ​តាម​នីតិវិធី យើង​មិន​ប្រើប្រាស់​នីតិវិធី​ផ្សេង​ក្រៅ​ពី​ផ្លូវ​ច្បាប់​នោះ​ទេ។ យើង​សូម​អរគុណ​ចំពោះ​សង្គម​ស៊ីវិល​នានា ដែល​គាំទ្រ​លោក ចាន់ សុវ៉េត។ យើង​មាន​ភស្តុតាង​បង្ហាញ​ចៅក្រម​ស៊ើបសួរ​ពី​សកម្មភាព​របស់​អាដហុក និង​លោក ចាន់ សុវ៉េត ថា​មិន​មាន​អ្វី​ផ្ទុយ​នឹង​ច្បាប់​ទេ»
លោក នី ចរិយា បន្ត​ថា កាល​ពី​ពេល​ថ្មីៗ​នេះ សហគមន៍​អឺរ៉ុប បាន​បញ្ជាក់​ពី​ការ​គាំទ្រ​ចំពោះ​សកម្មភាព​អាដហុក តែ​ក៏​មិន​បាន​បញ្ជាក់​ថា នឹង​មាន​ចំណាត់​ការ​យ៉ាង​ណា​ចំពោះ​ករណី​លោក ចាន់ សុវ៉េត ដែរ។
ទន្ទឹម​នឹង​នេះ អនុប្រធាន​ផ្នែក​ដីធ្លី​របស់​សមាគម​អាដហុក លោក ចាន់ សុវ៉េត មាន​ប្រសាសន៍​ថា មក​ដល់​ថ្ងៃ​នេះ លោក​នៅ​តែ​មាន​ការ​ព្រួយ​បារម្ភ​ចំពោះ​ចំណាត់​ការ​របស់​តុលាការ តែ​លោក​បាន​ត្រៀម​ខ្លួន​រួច​ជា​ស្រេច​ដើម្បី​បំភ្លឺ​ចំពោះ​មុខ​ចៅក្រម​ ស៊ើបសួរ​សាលាដំបូង​រាជធានី​ភ្នំពេញ។ លោក​បន្ត​ថា ទាំង​សមាគម​អាដហុក និង​រូប​លោក​ផ្ទាល់ ចង់​បាន​នូវ​ភាព​ស្អាតស្អំ និង​យុត្តិធម៌​ប្រកប​ដោយ​ស្មារតី​ទន់ភ្លន់។

លោក ចាន់ សុវ៉េត បញ្ជាក់​ថា លោក​មិន​អាច​ទទួល​យក​បាន​ឡើយ​នូវ​ការ​ចោទ​ប្រកាន់​ទាំង​ឡាយ ដែល​លើក​ឡើង​ផ្ទុយ​នឹង​ច្បាប់​ប្រទេស​កម្ពុជា៖ «ថ្ងៃ​ច័ន្ទ គឺ​ថ្ងៃ​២៤ អ៊ីចឹង​គិត​ថា ខ្ញុំ​គ្មាន​អី​ចាប់​អារម្មណ៍​ប្លែក​ខុស​ពី​ធម្មតា​ទេ។ ការ​សង្ស័យ​ការ​ចោទ​ប្រកាន់​ហ្នឹង ទាំង​ខ្ញុំ ទាំង​សង្គម​ស៊ីវិល ទាំង​អស់​គ្នា​ហ្នឹង ពិត​ជា​ទទួល​យក​អត់​បាន​ទេ។ ជុំវិញ​បញ្ហា​ហ្នឹង​សមាគម​អាដហុក ប្រកាន់​ជំហរ​ទន់ភ្លន់ ឯករាជ្យ យក​ច្បាប់​ជា​ធំ។ យើង​ធ្វើ​ការងារ​ដើម្បី​ពង្រឹង​ច្បាប់​ទាំង​អស់​គ្នា ហើយ​បើ​ការ​អនុវត្ត​ច្បាប់​មិន​ស្រប​នឹង​នីតិវិធី នឹង​នាំ​ឲ្យ​ប៉ះពាល់​ដល់​សិទ្ធិ​បុគ្គល»

ទាក់ទិន​សំណុំ​រឿង​ បង្កើត​តំបន់​អបគមន៍​នេះ តុលាការ​រាជធានី​ភ្នំពេញ បាន​សម្រេច​ដាក់​ទោស​មនុស្ស​ជា​ច្រើន​នាក់​រួច​ទៅ​ហើយ រាប់​ទាំង​លោក ម៉ម សូណង់ដូ ប្រធាន​វិទ្យុ​សំបុក​ឃ្មុំ ឲ្យ​ជាប់​គុក ២០​ឆ្នាំ។ ការ​សម្រេច​នេះ ធ្វើ​ឲ្យ​មជ្ឈដ្ឋាន​ជាតិ អន្តរជាតិ ស្ទើរ​ពាសពេញ​ពិភពលោក រាប់​ទាំង​ប្រធានាធិបតី​អាមេរិក លោក បារ៉ាក់ អូបាម៉ា (Barack Obama) ជំរុញ​រដ្ឋាភិបាល​កម្ពុជា ឲ្យ​គោរព​សិទ្ធិ​មនុស្ស និង​ទាមទារ​ឲ្យ​មាន​ប្រព័ន្ធ​តុលាការ​ឯករាជ្យ។ ប៉ុន្តែ​រដ្ឋាភិបាល​កម្ពុជា តែង​តែ​បដិសេធ​ថា តុលាការ​កម្ពុជា​ឯករាជ្យ និង​មិន​ស្ថិត​ក្រោម​ឥទ្ធិពល​នយោបាយ។
ទោះ​យ៉ាង​ណា​ក្តី ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា លោក អ៊ូ វីរៈ មាន​ប្រសាសន៍​ថា លោក​នឹង​ចាត់ចែង​ឲ្យ​មាន​ក្រុម​ការងារ​ចុះ​ឃ្លាំមើល​ដំណើរ​ការ​សាកសួរ​លោក ចាន់ សុវ៉េត នៅ​តុលាការ។ លោក​បន្ត​ថា រដ្ឋាភិបាល​ព្យាយាម​ប្រើប្រាស់​ប្រព័ន្ធ​តុលាការ​ដើម្បី​គាប​សង្កត់​បំបាក់​ សំឡេង​ប្រឆាំង និង​បំបាក់​ស្មារតី​របស់​ក្រុម​អង្គការ​សង្គម​ស៊ីវិល។
លោក អ៊ូ វីរៈ ប្រៀបធៀប​ថា លោក ចាន់ សុវ៉េត ខិតខំ​ធ្វើ​ការងារ​យ៉ាង​ច្រើន តែ​បែរ​ជា​ត្រូវ​ព្រះរាជអាជ្ញា​ចោទ​ប្រកាន់​ផ្ទុយ​ពី​លោក ឈូក បណ្ឌិត ដែល​បាញ់​កម្មការិនី​ឲ្យ​របួស ហើយ​បែរ​ជា​ត្រូវ​រួច​ខ្លួន​ទៅ​វិញ៖ «រឿង​រ៉ាវ​លោក ចាន់ សុវ៉េត ហ្នឹង ជា​ការ​គំរាមកំហែង​មួយ​សម្រាប់​អង្គការ​សង្គម​ស៊ីវិល។ យើង​ចាំ​មើល​អង្គការ​សង្គម​ស៊ីវិល​ហ្នឹង​មាន​ការ​ភ័យ​ខ្លាច ហើយ​ការងារ​ការ​ជំរុញ​ការ​គោរព​សិទ្ធិ​មនុស្ស និង​លទ្ធិប្រជាធិបតេយ្យ​នឹង​ធ្លាក់​ចុះ»
លោក អ៊ូ វីរៈ បន្ត​ថា ក្នុង​នាម​ជា​ពលរដ្ឋ​មិន​ត្រូវ​ឱប​ដៃ​ឈរ​មើល​រឿង​រ៉ាវ​អយុត្តិធម៌​ឡើយ គឺ​ទាំង​អស់​គ្នា​ត្រូវ​ជំរុញ​យ៉ាង​ណា​ឲ្យ​មាន​ការ​គោរព​សិទ្ធិ​មនុស្ស និង​លទ្ធិប្រជាធិបតេយ្យ​ពិត​ប្រាកដ។
ចៅក្រម​ស៊ើបសួរ​សាលាដំបូង​រាជធានី​ភ្នំពេញ លោក ឆែ វីរៈ នៅ​ដើម​ខែ​ធ្នូ បាន​ចេញ​ដីកា​កោះ​ហៅ​ថ្មី​មួយ​ទៀត​ទៅ​លោក ចាន់ សុវ៉េត ឲ្យ​ចូល​ខ្លួន​នៅ​ថ្ងៃ​ច័ន្ទ ទី​២៤ ធ្នូ ឆ្នាំ​២០១២ ទាក់ទង​ទៅ​នឹង​ការ​ចោទ​ប្រកាន់​ពី​បទ​ផ្ដល់​ជំនួយ​ដល់​ចារី ឬ​ផ្ដល់​ជំនួយ​ដល់​អ្នក​ប្រព្រឹត្ត​បទល្មើស​តាម​មាត្រា ៥៤៤ នៃ​ក្រម​ព្រហ្មទណ្ឌ​ដែល​ទាក់ទង​រឿង​ទំនាស់​ដី​រវាង​ប្រជាពលរដ្ឋ​ជាមួយ​ រដ្ឋាភិបាល​នៅ​ខេត្ត​ក្រចេះ បន្ទាប់​ពី​លោក ចាន់ សុវ៉េត ខកខាន​ចូល​ខ្លួន​ទៅ​បំភ្លឺ​តាម​ការ​កោះ​ហៅ​កាល​ពី​ថ្ងៃ​ទី​២៤ ខែ​សីហា ម្ដង​រួច ដោយសារ​តែ​លោក​ជាប់​បេសកកម្ម​ទៅ​ក្រៅ​ប្រទេស។
ក្នុង​រឿង​ក្តី​បង្កើត​តំបន់​អបគមន៍​នេះ តុលាការ​បាន​សម្រេច​ដាក់​គុក​លោក ម៉ម សូណង់ដូ និង​ពលរដ្ឋ​មួយ​ចំនួន​រួច​ទៅ​ហើយ ដែល​ធ្វើ​ឲ្យ​អង្គការ​ការពារ​សិទ្ធិ​មនុស្ស​គណបក្ស​នយោបាយ និង​សហភាព​អឺរ៉ុប បាន​ថ្លែងការណ៍​ផ្ទាល់​មាត់ និង​ថ្លែងការណ៍​ជា​លាយលក្ខណ៍​អក្សរ​ថ្កោលទោស​តុលាការ​កម្ពុជា។
តាម​សេចក្ដី​ថ្លែងការណ៍​ករណី​កាត់​ទោស​លោក ម៉ម សូណង់ដូ ប៉ះពាល់​ដល់​សិទ្ធិ​សេរីភាព​បញ្ចេញ​មតិ និង​ប៉ះពាល់​លទ្ធិប្រជាធិបតេយ្យ​នៅ​កម្ពុជា។ ប៉ុន្តែ​រដ្ឋាភិបាល​ដែល​បាន​បញ្ជា​ឲ្យ​កង​កម្លាំង​បាញ់​រះ​លើ​ពលរដ្ឋ​ហើយ​ បណ្ដាល​ឲ្យ​កុមារី​ម្នាក់​ឈ្មោះ ហេង ចន្ថា រង​គ្រោះ​រហូត​បាត់បង់​អាយុ​ជីវិត​មិន​បាន​ចេញ​មុខ​ទទួល​ខុស​ត្រូវ​នោះ​ឡើយ ហើយ​បង្វែរ​ការ​ទទួល​ខុស​ត្រូវ​ទៅ​លើ​លោក ម៉ម សូណង់ដូ ទៅ​វិញ។
ក្រុម​អ្នក​វិភាគ​បញ្ហា​សង្គម​យល់​ថា ដើម្បី​ការពារ​កេរ្តិ៍​ឈ្មោះ​តុលាការ​រាជធានី​ភ្នំពេញ ត្រូវ​តែ​ផ្ដល់​យុត្តិធម៌​ជូន​លោក ចាន់ សុវ៉េត បើ​ពុំ​ដូច​នោះ​ទេ កម្ពុជា​នឹង​មាន​កេរ្តិ៍​កាន់​តែ​អសោច​ថែម​ទៀត បណ្ដាល​មក​ពី​តុលាការ​មិន​យុត្តិធម៌៕

2 comments:

Anonymous said...

police make sure this guy, will not run away from the law's

don't say it intimidated by government, if found guilty

Anonymous said...

It is the persecution of government critics who see the corruption and human rights abuses committed by Hun sen and the government. Chan Soveth is one of the best and bravest human rights defenders. My hat off to you Chan Soveth.