A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Thursday 4 October 2012

A priest expelled from pagoda after becoming a member of the Human Rights Party អាចារ្យ​វត្ត​ជា​សកម្មជន​បក្ស​សិទ្ធិ​មនុស្ស​ខេត្ត​ស្វាយរៀង​ត្រូវ​បណ្ដេញ​ចេញ​ពី​វត្ត

ដោយ ដែន អយុធ្យា 2012-10-04  RFA

ប្រធាន និង​អនុប្រធាន​អាចារ្យ​វត្ត​ធ្មា ស្រុក​រំដួល បាន​ចោទ​មន្ត្រី​ការិយាល័យ​ធម្មការ និង​សាសនា ព្រម​ទាំង​មន្ត្រី​ពាក់ព័ន្ធ​ខេត្ត​ស្វាយរៀង ថា បាន​បណ្ដេញ​ពួក​គាត់​ពី​វត្ត​ធ្មា និង​ដាក់​ជំនួស​អ្នក​ថ្មី។
អតីត​អាចារ្យ​វត្ត​ធ្មា បាន​ចាត់​ទុក​សកម្មភាព​បណ្ដេញ​រូប​លោក​ពី​អាចារ្យ​វត្ត​ធ្មា អាច​បណ្ដាល​មក​ពី​រូប​គាត់​ជា​សកម្មជន​គាំទ្រ​គណបក្ស សិទ្ធិ​មនុស្ស។
អតីត​អាចារ្យ​វត្ត​ធ្មា មាន​ទីតាំង​នៅ​ឃុំ​ធ្មា ខេត្ត​ស្វាយរៀង លោក គង់ សុខុម បាន​អះអាង​នៅ​ថ្ងៃ​ទី៣ ខែ​តុលា ថា រូប​លោក និង​លោក ប៉ាល់ សារី ជា​អនុប្រធាន​អាចារ្យ​វត្ត​ធ្មា ត្រូវ​មន្ត្រី​ការិយាល័យ​ធម្មការ និង​សាសនា ស្រុក​រំដួល បដិសេធន៍​មិន​ឲ្យ​ឈរ​ឈ្មោះ​ជា​បេក្ខជន​អាចារ្យ​វត្ត​ធ្មា អាណត្តិ​ថ្មី​ទៀត​ទេ ព្រោះ​ដឹង​ថា​ពួក​គាត់​គាំទ្រ​បក្ស សិទ្ធិ​មនុស្ស។
សកម្មភាព​នេះ លោក គង់ សុខុម បញ្ជាក់​ថា កើត​ឡើង​បន្ទាប់​ពី​មាន​មន្ត្រី​ការិយាល័យ​ធម្មការ និង​សាសនា​ស្រុក​រំដួល មក​បញ្ចុះ​បញ្ចូល​រូប​លោក​ឲ្យ​ដក​ខ្លួន​ពី​បក្ស សិទ្ធិ​មនុស្ស មក​ចូល​រួម​ជាមួយ​បក្ស​កាន់​អំណាច ត្រូវ​បរាជ័យ។
លោក​ឲ្យ​ដឹង​ថា ការ​រៀបចំ​បោះ​ឆ្នោត​ជ្រើស​រើស​អាចារ្យ​វត្ត​ធ្មា អាណត្តិ​ថ្មី ធ្វើ​ឡើង​នៅ​ថ្ងៃ​ទី៣០ ខែ​កញ្ញា ឆ្នាំ​២០១២ ដោយ​មាន​មនុស្ស​ពីរ​នាក់​ទេ ឈរ​ឈ្មោះ​ជា​បេក្ខជន​ប្រធាន និង​អនុប្រធាន​អាចារ្យ​វត្ត​ធ្មា។ ហើយ​ថា បេក្ខជន​ទាំង២ ចាត់​តាំង​ដោយ​មន្ត្រី​ការិយាល័យ​ធម្មការ និង​សាសនា ស្រុក​រំដួល និង​មិន​បាន​ផ្តល់​ព័ត៌មាន​ជា​មុន​ទេ។
ប្រតិកម្ម​បញ្ហា​នេះ លោក ព្រំ សំអុន អនុប្រធាន​ធម្មការ និង​សាសនា ស្រុក​រំដួល ខេត្ត​ស្វាយរៀង បាន​ថ្លែង​ថា មន្ត្រី​លោក​មិន​បាន​បណ្ដេញ​អតីត​អាចារ្យ​វត្ត​ធ្មា ពី​វត្ត ឬ​មិន​ឲ្យ​ឈរ​ឈ្មោះ​ដឹកនាំ​វត្ត ដូច​ការ​ចោទ​ប្រកាន់​ទេ។ លោក​ថា ការ​មិន​ចូល​រួម​ឈរ​ឈ្មោះ​ជា​បក្ខជន​អាចារ្យ​វត្ត​ធ្មា ក្នុង​អាណត្តិ​ថ្មី​របស់​អតីត​អាចារ្យ​វត្ត​ចាស់ ជា​ជម្រើស​ពួក​គាត់ មិន​មែន​មាន​ការ​រើសអើង​នយោបាយ​ទេ។
លោក ព្រំ សំអុន បាន​ច្រាន​ចោល​ការ​ចោទ​ប្រកាន់​ដែល​ថា មន្ត្រី​ការិយាល័យ​ធម្មការ ស្រុក​រំដួល មក​បញ្ចុះ​បញ្ចូល​ឲ្យ​អតីត​ប្រធាន​អាចារ្យ​វត្ត​ធ្មា និង​អនុប្រធាន ចូល​រួម​ជាមួយ​បក្ស​ប្រជាជន ជា​រឿង​មិន​ពិត។
បញ្ហា​នេះ ព្រះចៅ​អធិការ​វត្ត​ធ្មា ព្រះនាម អ៊ឹម លន់ ព្រះអង្គ​មិន​ធ្វើ​អត្ថាធិប្បាយ​ទេ​លើ​បញ្ហា​នេះ។
យ៉ាង​នេះ​ក្តី លោក​បណ្ឌិត ហង្ស ពុទ្ធា នាយក​ប្រតិបត្តិ​គណៈកម្មាធិការ​អព្យាក្រឹត និង​យុត្តិធម៌ ដើម្បី​ការ​បោះ​ឆ្នោត​ដោយ​សេរី និង​ត្រឹម​ត្រូវ​នៅ​កម្ពុជា និកហ្វិច (NEFEC) បាន​ចាត់​ទុក​សកម្មភាព​នេះ​ថា ជា​ការ​ជ្រៀតជ្រែក​សិទ្ធិ​ធ្វើ​នយោបាយ​របស់​បុគ្គល។ លោក​ថ្លែង​ថា ពលរដ្ឋ​គ្រប់ៗ​រូប​មាន​សិទ្ធិ​ចូល​រួម​នយោបាយ​ជាមួយ​គណបក្ស​ណា​មួយ​ដែល​ ខ្លួន​ពេញ​ចិត្ត ដោយ​គ្មាន​ការ​រើសអើង ឬ​គំរាម​កំហែង​នោះ​ទេ។
ទោះ​យ៉ាង​ណា លោក កឹម សុខា ប្រធាន​គណបក្ស សិទ្ធិ​មនុស្ស បាន​ចាត់​ទុក​សកម្មភាព​រារាំង​របស់​មន្ត្រី​ធម្មការ​ស្រុក​រំដួល មក​លើ​សកម្មជន​គាំទ្រ​បក្ស​ខ្លួន​ថា ជា​ការ​គំរាម​កំហែង។
មន្ត្រី​សង្គម​ស៊ីវិល ឲ្យ​ដឹង​ថា មុន​ការ​បោះ​ឆ្នោត​ចូល​មក​ដល់​ម្តងៗ តែង​កើត​មាន​ការ​គំរាម​កំហែង ឬ​ការ​ទិញ​ទឹក​ចិត្ត​សកម្មជន​ពី​គណបក្ស​មួយ ឲ្យ​ទៅ​ចូល​រួម​ជាមួយ​គណបក្ស​មួយ ពិសេស​បក្ស​កាន់​អំណាច។ ប៉ុន្តែ ការ​បោះ​ឆ្នោត​ដែល​អាច​ទទួល​យក​បាន ទាល់​តែ​មាន​លក្ខណៈ​សេរី យុត្តិធម៌ និង​ត្រឹមត្រូវ គ្មាន​ការ​គំរាម​កំហែង និង​គ្មាន​ការ​កេង​បន្លំ​សន្លឹក​ឆ្នោត​ជាដើម៕

2 comments:

Anonymous said...

I would say a vicar instead of a priest.

Anonymous said...

As you Know the CPP has set up its strctures at all levels, including the pagodas.