One hundred thousands people thumb-printed to ask for the release of Mam Sonando.
ដោយ ទីន ហ្សាការីយ៉ា
2012-08-12 Radio Free Asia
សមាគមអ្នកប្រជាធិបតេយ្យមិនទាន់បញ្ចប់សកម្មភាពប្រមូលស្នាម
មេដៃគាំទ្រ
ដើម្បីដាក់ទៅស្ថាប័នតុលាការដើម្បីឲ្យតុលាការជួយរកយុត្តិធម៌
ដោះលែងលោក ម៉ម សូណង់ដូ នៅឡើយ រហូតមកទល់ពេលនេះ។
ប្រធានវិទ្យុសម្បុកឃ្មុំ FM 105 លោក ម៉ម សូណង់ដូ ត្រូវបានដោះលែងឲ្យមានសេរីភាពវិញពីគុកព្រៃស កាលពីអំឡុងឆ្នាំ២០០៦។
សមាគមអ្នកប្រជាធិបតេយ្យបានប្រមូលស្នាមមេដៃប្រជាពលរដ្ឋនៅតាម
បណ្ដាខែត្រមួយចំនួនបានប្រមាណ ១០ម៉ឺននាក់ហើយ គិតពីថ្ងៃទី២៣
ខែកក្កដា មកដល់ថ្ងៃទី១២ ខែសីហា នេះ។
អនុប្រធានសមាគមអ្នកប្រជាធិបតេយ្យ លោក ជា បម្រុង មានប្រសាសន៍ថា
លោកនឹងយកស្នាមមេដៃរបស់ប្រជាពលរដ្ឋដែលគាំទ្រថា លោក ម៉ម សូណង់ដូ
ជាមនុស្សស្អាតស្អំ ដែលជាប់ពាក់ព័ន្ធ ដូចដែលតុលាការចោទប្រកាន់នោះ
នឹងដាក់ជូនទៅតុលាការ និងស្ថានទូតនានាប្រចាំនៅទីក្រុងភ្នំពេញ
ដើម្បីសុំឲ្យតុលាការជួយរកយុត្តិធម៌ជូនលោក ម៉ម សូណង់ដូ
ជាប្រធានសមាគមអ្នកប្រជាធិបតេយ្យ។
សាលាដំបូងរាជធានីភ្នំពេញ បានចោទប្រកាន់លោក ម៉ម សូណង់ដូ
កាលពីថ្ងៃទី១៦ កក្កដា ចំនួន ៤ចោទ រួមមានចូលរួមក្នុងចលនាបះបោរ
ញុះញង់ឲ្យប្រជាពលរដ្ឋកាន់អាវុធប្រឆាំងអាជ្ញាធរខុសច្បាប់
បទប្រឆាំងនឹងអ្នករាជការសាធារណៈ
និងបទជ្រៀតជ្រែកដោយខុសច្បាប់ទៅក្នុងការបំពេញមុខងារសាធារណៈ។
ប្រសិនបើតុលាការរកឃើញថា លោក ម៉ម សូណង់ដូ
មានទោសកំហុសដូចការចោទប្រកាន់នេះមែន
លោកនឹងប្រឈមនឹងការជាប់ទោសរហូតដល់ទៅ ៣០ឆ្នាំ។
ទាក់ទងនឹងករណីនេះ ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ
វីរៈ ចាត់ទុកថា ករណីចាប់ខ្លួនលោក ម៉ម សូណង់ដូ នេះជារឿងនយោបាយ។ លោក
អ៊ូ វីរៈ អះអាងថា
ការផ្ដិមមេដៃនេះជាការបង្ហាញអំពីការគាំទ្ររបស់ប្រជាពលរដ្ឋទៅលើ
រូបលោក ម៉ម សូណង់ដូ និងជាការឆ្លុះបញ្ចាំងថា លោក ម៉ម សូណង់ដូ
ជាមនុស្សស្អាតស្អំ។
ទោះបីជាយ៉ាងណាក៏ដោយ លោកនាយករដ្ឋមន្ត្រី ហ៊ុន សែន
បានប្រកាសកាលពីពេលថ្មីៗនេះថា ការប្រមូលស្នាមមេដៃនេះ
ពុំមានឥទ្ធិពលអ្វីទៅលើតុលាការនោះទេ
សំខាន់អាស្រ័យលើការអនុវត្តច្បាប់។
អនុប្រធានសមាគមអ្នកប្រជាធិបតេយ្យលោក ជា បម្រុង បានឲ្យដឹងទៀតថា
កាលពីថ្ងៃទី១១ សីហា លោកបានទៅសួរសុខទុក្ខលោក ម៉ម សូណង់ដូ
នៅពន្ធនាគារព្រៃស។ លោកបញ្ជាក់ថា លោក ម៉ម សូណង់ដូ បានផ្ដាំគាត់ថា លោក
ម៉ម សូណង់ដូ
មិនឲ្យលោកធ្វើការសុំទោសទៅរដ្ឋាភិបាលជាថ្នូរនឹងការលើកលែងទោស
នោះទេ ពីព្រោះថា លោក ម៉ម សូណង់ដូ
មិនជាប់ពាក់ព័ន្ធដូចតុលាការចោទប្រកាន់ទេ។
ការចាប់ខ្លួនលោក ម៉ម សូណង់ដូ ដាក់គុកនេះ
ធ្វើឡើងនៅក្រោយពេលកិច្ចប្រជុំអាស៊ានមួយថ្ងៃនៅទីក្រុងភ្នំពេញ
បានបញ្ចប់ ដែលកិច្ចប្រជុំនោះក៏មានរដ្ឋមន្ត្រីការបរទេសអាមេរិក
អ្នកស្រី ហ៊ីលឡារី គ្លីនតុន (Hillary Clinton)
និងតំណាងប្រទេសជាសមាជិកអាស៊ាន ជាច្រើនទៀតចូលរួម។
ក្រុមមន្រ្តីសិទ្ធិមនុស្សបានពន្យល់ថា ការចាប់ខ្លួនលោក ម៉ម
សូណង់ដូ
ក៏ជាប់ពាក់ព័ន្ធទៅនឹងរបាយការណ៍មួយដែលផ្សព្វផ្សាយតាមវិទ្យុសំបុក
ឃ្មុំ ស្ដីពីលោក សួន សេរីរដ្ឋា ជាប្រធានចលនាអំណាចពលរដ្ឋខ្មែរ
បានចោទប្រកាន់រដ្ឋាភិបាលកម្ពុជា ថា
ជាប់ពាក់ព័ន្ធនឹងបទឧក្រិដ្ឋប្រឆាំងមនុស្សជាតិ ដោយលោក សួន សេរីរដ្ឋា
បានដាក់ពាក្យបណ្ដឹងទៅការិយាល័យព្រះរាជអាជ្ញានៃតុលាការព្រហ្មទណ្ឌ
អន្តរជាតិ។
ទាក់ទងនឹងករណីចាប់ខ្លួន លោក ម៉ម សូណង់ដូ នេះដែរ
មជ្ឈមណ្ឌលសិទ្ធិមនុស្សកម្ពុជា កាលពីថ្ងៃទី៧ សីហា
បានចេញរបាយការណ៍មួយសរសេរលំអិតអំពីដំណើរការរដ្ឋាភិបាលចាប់ខ្លួន
លោក ម៉ម សូណង់ដូ។
នៅក្នុងរបាយការណ៍នោះ បានសរសេរថា ការចាប់ខ្លួន
និងបទចោទប្រកាន់លោក ម៉ម សូណង់ដូ
ហាក់ដូចជាចេតនាក្នុងការបង្កើតដំណើររឿងមួយជំនួសឲ្យព្រឹត្តិការណ៍
ដែលបានកើតឡើង ក្នុងខែត្រក្រចេះ នៅថ្ងៃទី១៦ ឧសភា
ដែលកងកម្លាំងរាប់រយនាក់បានចូលទៅភូមិប្រម៉ា ស្រុកឆ្លូង
ក្នុងគោលបំណងបណ្ដេញប្រជាពលរដ្ឋចេញពីដីដែលមានទំនាស់ជាមួយ
ក្រុមហ៊ុនរុស្ស៊ី ឈ្មោះ កាសូទីម (Kasotim)
ដែលក្រុមសមត្ថកិច្ចបានបាញ់រះស្លាប់កុមារីម្នាក់ឈ្មោះ ហេង ចន្ថា។
របាយការណ៍ដដែលសរសេរថា ការចាប់ខ្លួនលោក ម៉ម សូណង់ដូ នេះ
ជារឿងបង្វែរការចាប់អារម្មណ៍ពីការខកខានរបស់រដ្ឋាភិបាលដែលមិនបាន
រៀបចំឲ្យមានការស៊ើបអង្កេតសមរម្យមួយទៅលើករណីស្លាប់កុមារី ហេង
ចន្ថា នោះឡើយ៕
1 comment:
Bravo....Bravo...Bravo...
Release him he has done nothing wrong.
Post a Comment