Evidence of Vietnam's encroachments of Cambodian borders

(លោកប្រធាន សម រង្ស៊ី​ចូលរួមដកបង្គោលព្រំដែនបោះខុសច្បាប់លេខ១៨៥)

ថ្ងៃទី១១ ខែសីហា ឆ្នាំ២០១២
ដោយ ប៉ាង​ សុខឿន

ក្នុងពេលឡើងសំដែងល្ខោនរឿងព្រំដែនជិត៥ម៉ោង កាលពីថ្ងៃទី៩ ខែសីហា ហ៊ុន សែន​ បានលើកចំណុច​ លោកប្រធាន សម រង្ស៊ី ដកបង្គោលព្រំដែនលេខ១៨៥ ថាជាទង្វើរខុសច្បាប់ ហើយចោទថាជាជនក្បត់ជាតិ។ តែធាតុពិត លោក ហ៊ុន សែន ហេតុតែជាមនុស្ស​ល្ងង់ គ្មានសច្ចធម៌ ពុតត្បុត រណបយួន និងមិនស្រឡាញ់ជាតិ បែជានិយាយទាំងងងឹតងងល់ជាន់ដានខ្លួនឯងដោយមិនដឹងខ្លួន។ ព្រោះថា ពេលនោះមានបង្គោលព្រំដែនចំនួនបួនដែលយួនបានបោះចូលក្នុងដីខ្មែររួមមានបង្គោល លេខ១៨៤, ១៨៥, ១៨៦, និង​១៨៧ ហើយលោក ប្រធាន សម រង្ស៊ី និងប្រជាពលរដ្ឋដកតែបង្គោលលេខ១៨៥តែប៉ុណ្ណោះ រីឯបង្គោលដ៏ទៃទៀតលោកនិងប្រជាជន មិន​បានដកទេ។ បន្ទាប់ពីនោះប៉ុន្មានថ្ងៃ ស្រាប់តែយួនមកគាស់បង្គោលថ្ម លេខ១៨៤ និងបង្គោលឈើលេខ១៨៦ និង១៨៧ ផ្សេងទៀតដែលនៅសល់ទៅបាត់ស្ងាត់ៗរហូតមលកដល់ពេលនេះមិនហ៊ានយកមកដាំកន្លែងទាំងនោះវិញទេ។

តាមហេតុផលនេះយើងសួរថាបើទីនោះជាបង្គោលព្រំដែនពិតប្រាកដមែន ហេតុអីបានជាយួនមកដាំស្ងាត់ៗ ហើយមកដកទៅវិញ​ស្ងាត់ៗនិងមិនមកបោះកន្លែងនោះវិញ តែបែជាទៅបោះកន្លែងផ្សេងទៅវិញ? តើបង្គោលព្រំដែនចេះតែដើររបៀបនេះហើយ​យក​ទៅបោះទីណាក៏បានស្រេចតែនឹងចិត្តមែនទេ?

ចំពោះរឿង ដែល ហ៊ុន សែន ចោទលោកប្រធាន សម រង្ស៊ី ក្នុងការដកបង្គោលលេខ១៨៥នោះថាខុសច្បាប់ ចុះយួនមកដករហូតដល់​ទៅបង្គោលចំនួនបីចុងក្រោយនោះដោយមានទាំងបង្គោលដាំជាថ្មផង តើមានទោសអ្វីដែរ? ហេតុអ្វីបានជា ហ៊ុន សែន មិនប្តឹងយួនទៅ​បើសិន ហ៊ុន សែន ពិតជាស្រឡាញ់ ការពារជាតិ និងគោរពច្បាប់មែន?

ត្រង់នេះសូមបងប្អូនពិចារណាចុះ អ្នកណាខុសអ្នកណាត្រូវ អ្នកណាស្រឡាញ់ជាតិនិងអ្នកណាក្បត់ជាតិពិតប្រាកដ។