ពុធ 11 កក្តដា 2012
Free Press Magazine Online
កាលពីយប់ថ្ងៃចន្ទ
មេដឹកនាំគណបក្សប្រឆាំងដែលកំពុងនិរទេសខ្លួនគឺ លោក សម រង្ស៊ី
បាននិយាយប្រាប់វិទ្យុបរទេសមួយថា
លោកនឹងអាចវិលចូលប្រទេសកម្ពុជាវិញ
នៅមុនការបោះឆ្នោតជ្រើសរើសតំណាងរាស្រ្តឆ្នាំ២០១៣ខាងមុខ។
ប៉ុន្តែលោកមិនបានបញ្ជាក់ថា
តើលោកអាចវិលចូលប្រទេសវិញតាមវិធីណានោះទេ។
ដោយលោកគ្រាន់តែថ្លែងថា
លទ្ធផលនៃការបោះឆ្នោតជ្រើសរើសអ្នកតំណាងរាស្រ្តអាណត្តិទី៥
ឆ្នាំ២០១៣ខាងមុខនេះ ប្រសិនបើគ្មានការចូលរួមពីគណបក្សប្រឆាំងទេ
នោះការបោះឆ្នោតមិនអាចទទួលយកបានឡើយ ហើយសហគមន៍អន្តរជាតិ
ក៏មិនទទួលស្គាល់លទ្ធផលឆ្នោតនោះដែរ ។
លោក សម រង្ស៊ី មេដឹកនាំគណបក្សសមរង្ស៊ីដែលកំពុងនិរទេស
ការលើកឡើងរបស់លោក សម រង្ស៊ី
យ៉ាងដូច្នេះ
គឺធ្វើឡើងនៅបន្ទាប់ពីគណៈកម្មាធិការជាតិរៀបចំការបោះឆ្នោត
ហៅកាត់ថា គ.ជ.ប
គ្រោងនឹងស្នើឲ្យរដ្ឋសភាជាតិធ្វើវិសោធនកម្មច្បាប់បោះឆ្នោត
និងច្បាប់ស្តីពីគណបក្សនយោបាយសារជាថ្មី
ដើម្បីរារាំងមិនឲ្យប្រធានគណបក្សនយោបាយដែលមានពិរុទ្ឋភាព
អាចចូលរួមបោះឆ្នោត និងឃោសនាបោះឆ្នោតតាមរយៈបច្ចេកវិទ្យាទំនើបបាន។
សូមបញ្ជាក់ថា
មេដឹកនាំគណបក្សប្រឆាំងធំជាងគេក្នុងប្រទេសកម្ពុជា លោក សម រង្ស៊ី
ត្រូវបានជាប់ឈ្មោះជាទណ្ឌិត ដោយអំណាចសាលក្រមតុលាការ
ផ្ដន្ទាទោសលោកឲ្យជាប់ពន្ធនាគាររយៈពេល២ឆ្នាំ
និងពិន័យប្រាក់ជាង៦០លានរៀល
ករណីមេបក្សប្រឆាំងរូបនេះដកតម្រុយបង្គោលព្រំដែនកម្ពុជា-យួនលេខ
១៨៥ ស្ថិតក្នុងនៅស្រុកចន្ទ្រា ខេត្តស្វាយរៀង
ដែលអះអាងថារំលោភចូលដីខ្មែរ៕
3 comments:
This poor guy will put his under pants for auction or yard sale....Keep on treking my friend!
You keep on bashing a Khmer hero until your country becomes a SECOND Kampcha Krom.
Post a Comment