A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday 28 October 2011

Peace agreement: Official hits back at SRP over accords


Keo Remy (Photo: Pha Lina) - លោក​កែវ រ៉េមីនៅ​ក្នុង​សន្និសីទ​កាសែត​កាល​ពី​ម្សិលមិញ​។ រូបថត ផា លីណា
Thursday, 27 October 2011
May Titthara
The Phnom Penh Post

Peace agreement

A government official yesterday criticised opposition politicians and certain NGOs for reportedly accusing the government of not respecting the Paris Peace Agreements, struck in 1991.

Keo Remy, deputy spokesman for the Press and Quick Reaction Unit at the Council of Ministers. said at a press conference in the capital yesterday the government had successfully followed the Paris Peace Agreements of October 23.

“The United Nations just helped for the national election but the Cambodian government finished the civil war in this country,” he said. “We cut off October 23 from the [holiday] calendar because we have a lot of holidays [already].”

On the 20th anniversary of the accords on Sunday, opposition leader Sam Rainsy said via video from Paris that the ruling party did not respect the Paris Peace Agreements.

The accords, signed by 18 countries including Cambodia, ushered in the United Nations Transitional Authority in Cambodia and the contentious 1993 UN-monitored elections.

“The government controls the power by himself as soldier, police and court system, so it’s different to the Paris Peace Agreement,” SRP lawmaker Son Chhay said.
--------
កែវ រ៉េមី ចេញមុខ​ការពារ​រដ្ឋាភិបាល​រឿង​២៣​តុលា

Thursday, 27 October 2011 12:01
ម៉ៃ ទិត្យថារ៉ា
The Phnom Penh Post

ភ្នំពេញៈ លោក​កែវ រ៉េ មី អនុប្រធាន​អង្គភាព​ព័ត៌មាន និង​ប្រតិកម្ម​រហ័ស​នៃ​ទីស្តីការ​គណៈ​រដ្ឋ​មន្ត្រី​ បាន​ចេញមុខ​ការពារ​រដ្ឋាភិបាល​ទប់ទល់​ទៅនឹង​ការ​រិះគន់​របស់​គណបក្ស​ប្រឆាំង និង​អង្គការ​សង្គម​ស៊ីវិល​មួយ​ចំនួន ដែល បានចោទ​ រដ្ឋាភិបាលថា ​មិន​បាន​គោរព​ទៅ​តាម​កិច្ច​ព្រមព្រៀង​សន្តិភាព​ទីក្រុង​ប៉ារីស​នា​ថ្ងៃ ២៣ តុលា ១៩៩១។

នៅ​ក្នុង​ខួប​ទី២០ឆ្នាំ នៃ​កិច្ច​ព្រមព្រៀង​សន្តិភាព​ទីក្រុង​ប៉ារីស លោក​សម រង្ស៊ី​ បាន​ថ្លែងពី​ក្រុង​ប៉ារីស ​មក​ថា រដ្ឋាភិបាល​កម្ពុជា​ដែល​ដឹកនាំ​ដោយ​លោក​នាយក​រដ្ឋ​មន្ត្រី​ហ៊ុន សែន មិន​បាន​គោរព​ទៅ តាម​កិច្ច​ព្រមព្រៀង​សន្តិភាព​ទីក្រុង​ប៉ារីស​ទេ ដោយ​មេ​បក្ស​ប្រឆាំង​រូបនេះ​បាន​លើកឡើង​ ពី​សន្ធិ​សញ្ញា​ព្រំដែន​បំពេញ​បន្ថែម​ ដែល​បាន​ធ្វើឲ្យ​ស្រប​ច្បាប់នូវ​សន្ធិសញ្ញា​ព្រំដែន​ កម្ពុជា​វៀតណាម ឆ្នាំ ១៩៨២-៨៣-៨៥ ដែល​កិច្ច​ព្រមព្រៀង​ក្រុង​ប៉ារីស​បាន​តម្រូវឲ្យលុបចោល​ទៅ​ហើយ​នោះ​ ជាហេតុនាំឲ្យ​មាន​ការ​បោះ​បង្គោល​ព្រំដែន​ដែល​ធ្វើឲ្យ​បាត់បង់​បូរណ​ភាព​ទឹកដី​កម្ពុជា ទៅលើ​ប្រទេស​វៀតណាម​។ ជាមួយ​គ្នា​នេះ អង្គការ​សង្គម​ស៊ីវិល​ជា​ច្រើន​ ក្នុង​នោះ​ក៏​មាន​លោកស៊ូ​ប៊ឺឌី អ្នក​រាយ​ការណ៏​ពិសេស ​ផ្នែក​សិទ្ធិ​មនុស្ស​ របស់​អង្គការ​សហ​ប្រជាជាតិ​ប្រចាំ​នៅ​កម្ពុជា​ផង​ដែរ ​បាន​បន្ទរ​ថា ជម្លោះ​ដីធ្លី​ដែល​កំពុង​បន្ត​កើតឡើង ​យ៉ាង​ក្តៅ​គគុក ប្រព័ន្ធ​យុត្តិធម៌​នៅ​មាន​កម្រិត បាន​ធ្វើឲ្យ​មាន​ការ​រំលោភ​បំពាន​យ៉ាង​ធ្ងន់ធ្ងរ ​ទៅ​លើ​សិទ្ធិ​ជា​មូលដ្ឋាន​របស់​ប្រជា​ពលរដ្ឋ​ ជា​ពិសេស​សិទ្ធិ​មាន​លំនៅដ្ឋាន​សមរម្យ ដែល​មាន​ចែង​នៅក្នុង​កិច្ច​ព្រមព្រៀង​សន្តិភាព​ទីក្រុង​ប៉ារីស​ ប៉ុន្តែ​រដ្ឋាភិបាល​មិន​បាន​គោរព​។

នៅ​ក្នុង​សន្និសីទ​កាសែត​កាលពី​ម្សិលមិញ​ លោក កែវ រ៉េមី ​មិន​បាន​ធ្វើ​ការ​បកស្រាយ ទៅ​លើ​ការ​ចោទ​ប្រកាន់​ទាំងនេះ​ទេ ប៉ុន្តែ​បាន​ថ្លែង​ថា រដ្ឋាភិបាល​បាន​បំពេញ​កិច្ចការ​ច្រើនជាង​កិច្ច​ព្រមព្រៀង​ក្រុង​ប៉ារីស​ទៅ​ទៀត​ ពីព្រោះ​រដ្ឋាភិបាល​ បាន​បញ្ចប់​ពួក​ឧទ្ទាម នៅតាម​បណ្តោយ​ព្រំដែន។ លោក​បន្ថែម​ថា៖ «អង្គការ​សហ​ប្រជាជាតិ​គ្រាន់តែ​ជួយ​រៀបចំ​ការ​បោះឆ្នោត​ថ្នាក់​ជាតិ ប៉ុន្តែ​រដ្ឋាភិបាល​កម្ពុជា​ជា​អ្នក​បាន​បញ្ចប់​សង្គ្រាម​ស៊ីវិល​នៅ​ក្នុង​ប្រទេស»។ លោក​បាន​បន្ត​ថា ​នៅឆ្នាំ ១៩៩៩ ​មាន​សន្តិ​ភាព​នៅ​ទូទាំង​ប្រទេស​ ព្រោះ​ខ្មែរ​ក្រហម​ទាំងអស់ ​បាន​មក​ចូលរួម​ជាមួយ​នឹង​រដ្ឋាភិបាល​ ដូច្នេះ​កម្ពុជា​គ្មាន​ខ្មែរក្រហម​ ឬ​ខ្មែរខៀវ​ទៀត​ទេ។ ​លោក​បន្ត​ថា៖ «ទាក់​ទង​នឹង​សេរីភាព​បញ្ចេញ​មតិ ​វា​ហួស​កម្រិត​ អ្នក​អាច​មើល​ឃើញ​នៅ​លើ​គេហទំព័រ ​ពួកគេ​រិះគន់​រដ្ឋាភិបាល​តាម​ដែល​ពួកគេ​ចង់ ហើយ​យើង​កាត់​ថ្ងៃ​២៣ តុលា ចេញ​ពី​ប្រតិទិនបុណ្យ​ជាតិ​ ព្រោះ​យើង​មាន​ថ្ងៃ​ឈប់​សម្រាក​ច្រើន​ក្នុង​ប្រតិទិន»។

លោក ស៊ុន ឆ័យ តំណាង​រាស្រ្ត​គណ​បក្ស សម រង្ស៊ី បាន​ថ្លែង​កាល​ពី​ម្សិល​មិញ​ថា អ្វី​ដែល​គណបក្ស​ប្រឆាំង​និយាយ​គឺ​ជា​ការ​ពិត ​ដែល​គេ​អាច​មើល​ឃើញ​នឹង​ភ្នែក​ នៅ​ក្នុង​ប្រទេស​នេះ​ ហើយ​​របាយការណ៍​របស់​អង្គ ការ​សហ​ប្រជាជាតិ​បាន​បង្ហាញ​ពី​ការ​រំលោភ​សិទិ្ធ​មនុស្ស​ ចំណែក​ការ​បោះឆ្នោតវិញ សហគមន៍​អឺរ៉ុប​បាន​បង្ហាញ​ថា វា​មិន​ត្រឹម​ត្រូវ​ទេ ខណៈ​គណ​បក្ស​នយោ​បាយ​ស្ថិត​នៅ​ក្រោម​សម្ពាធ។ លោក​សុន ឆ័យ​ បាន​បន្ថែម​ថា៖«​រដ្ឋាភិបាល​គ្រប់​គ្រង​អំណាច តែ​ម្នាក់​ឯង​ ទាំង​ទាហាន ទាំង​នគរ​បាល រួមទាំង​ប្រព័ន្ធ​តុលាការ​ ដែលការ​ធ្វើ​ដូច្នេះ វា​ផ្ទុយ​ទៅ​នឹង​កិច្ច​ព្រម​ព្រៀង​សន្តិភាព​ទីក្រុង​បារីស​»។ លោក​សុន ឆ័យ បាន​បន្តថា រដ្ឋាភិបាល​មិនត្រូវ​មាន​ប្រតិកម្ម​ទៅ​នឹង​ការ​រិះគន់​ទេ ប៉ុន្តែ​គួរ​ពិនិត្យមើល ​ដើម្បី​រក​ដំណោះ​ស្រាយ។

លោកអ៊ូ វីរៈ ប្រធាន​មជ្ឈ​មណ្ឌល​សិទិ្ធ​មនុស្ស​កម្ពុជា បាន​ថ្លែង​ថា ចំណុច​មួយ​ចំនួន ​នៅ​ក្នុង​កិច្ច​ព្រមព្រៀង​សន្តិភាព​ទីក្រុង​ប៉ារីស ​រដ្ឋាភិបាល​ បាន​ធ្វើ​រួច​ហើយ ទើប​ធ្វើ​ឲ្យ​កម្ពុជាមាន​សន្តិភាព និង​ការ​អភិវឌ្ឍ ប៉ុន្តែ​ចំណុច​មួយចំនួន​ទៀត​ រដ្ឋាភិបាល​មិនទាន់​បាន​ធ្វើ​នៅ​ឡើយ​ទេ។ លោក ​អ៊ូ វីរៈ បាន​បន្ថែម​ទៀត​ថា៖ «​រដ្ឋា​ភិបាលកម្ពុជា​ ​មិន​បាន​គិត​ពី​កិច្ច​ព្រម​ព្រៀង​សន្តិភាព​ទីក្រុង​ប៉ារីស​ទេ ពីព្រោះ​បើ​រដ្ឋាភិបាល​គិត មិនមែន​លុប​ថ្ងៃ​នេះ​ចេញ​ពី​ប្រតិទិន​បុណ្យ​ជាតិ ហើយ​រដ្ឋាភិបាល​មិន​បាន​ធ្វើ​អ្វី​សោះ​ នៅ​ក្នុង​ថ្ងៃ​ដ៏មាន​សារៈសំខាន់​បែបនេះ​»៕

No comments: