By Khmerization
Source: CEN
Mr. Seng Kunnakar (pictured), a World Food Program employee arrested on 18th December 2010 for alleged distribution of articles from the banned Ki-Media website, has been reportedly released yesterday, Monday 2oth June, after 6 months of imprisonment.
Mr. Seng Kunnakar was arrested after he allegedly printed articles from the banned Ki-Media website and distributed to his co-workers to read. He was convicted and sentenced to 6 months imprisonment for incitement.
-------------------------------
បុគ្គលិកអង្គការស្បៀងអាហារពិភពលោក ត្រូវបានដោះលែង នៅថ្ងៃច័ន្ទនេះ
ដោយ : លី ទីដែន (ថ្ងៃទី 20 មិថុនា 2011,05:52:PM)
Seng kunnaka-wfp-arrested
លោក សេង គុណការ បុគ្គលិកអង្គការស្បៀងអាហារពិភពលោក ប្រចាំកម្ពុជា WFP ត្រូវបានដោះលែងពីពន្ធនាគារនៅថ្ងៃច័ន្ទនេះ ក្រោយពីជាប់ឃុំឃាំងគ្រប់រយៈពេល ៦ ខែ៕ ( រូបថត៖ ឯកសារ )
ភ្នំពេញ: បុគ្គលិកអង្គការស្បៀងអាហារពិភពលោក ប្រចាំកម្ពុជា លោក សេង គុណការ ត្រូវបានដោះលែងចេញពីពន្ធនាគារព្រៃស កាលពីម៉ោង ១០ និង ៣០ នាទី ព្រឹកថ្ងៃច័ន្ទ ទី២០មិថុនា ឆ្នាំ២០១១។ ការដោះលែងបុរសរូបនេះ ដោយសារតែការអនុវត្តន៍ទោសជាប់ពន្ធនាគារ បានដល់កំណត់រយៈពេល ៦ ខែ តាមសាលក្រមសាលាដំបូងរាជធានីភ្នំពេញ។
លោក សេង គុណការ ជាបុគ្គលិកសន្តិសុខ នៃកម្មវិធីស្បៀងអាហារពិភពលោក ប្រចាំកម្ពុជា ត្រូវបានតុលាការចោទប្រកាន់ពីបទញុះញង់នាំឲ្យមានបទឧក្រិដ្ឋ ដោយសារបុរសរូបនេះ បានបោះពុម្ពឯកសារ ចេញពីគេហទំព័រអ៊ិនថឺណេត Ki-media ដើម្បីទុកមើល។ គេហទំព័រ Ki-media ដែលលម្អៀងទៅរកគណបក្សសមរង្ស៊ី បានរិះគន់លើថ្នាក់ដឹកនាំរដ្ឋាភិបាល ក្នុងបញ្ហាព្រំដែនរវាងកម្ពុជា និងវៀតណាម។
ក្រៅតែពីអបអរសាទរចំពោះការមានសេរីភាពឡើងវិញ របស់លោក សេង គុណការ នៅថ្ងៃច័ន្ទនេះ លោក អំ សំអាត ប្រធានបច្ចេកទេសឃ្លាំមើលសិទ្ធិមនុស្ស របស់អង្គការលីកាដូ បានសម្តែងការសោកស្តាយចំពោះការផ្តន្ទាទោសលើបុគ្គលិកអង្គការស្បៀងអាហារពិភពលោករូបនេះ ដោយសារតែគាត់គ្រាន់តែប្រើប្រាស់សិទ្ធិទទួលព័ត៌មាន។ ម្យ៉ាងទៀតនៅកម្ពុជា សិទ្ធិទទួលព័ត៌មាន និងការបញ្ចេញមតិក្នុងសង្គមប្រជាធិបតេយ្យ មិនត្រូវបានអនុវត្តឲ្យបានពេញលេញឡើយ។
លោក សេង គុណការ បុគ្គលិកអង្គការ WFP ត្រូវបានប៉ូលីសចាប់ខ្លួន កាលពីថ្ងៃទី១៨ធ្នូ ឆ្នាំ២០១០ ដោយសារបុរសរូបនេះ បានបោះពុម្ពគេហទំព័រ វេបសាយ ki-media ដែលបានរិះគន់ និងប្រមាថដល់ប្រមុខថ្នាក់ដឹកនាំ ក្នុងរឿងព្រំដែន។ រហូតដល់ព្រឹកថ្ងៃអាទិត្យ ទី២០ ខែធ្នូ ឆ្នាំ២០១០ តុលាការសាលាដំបូងរាជធានីភ្នំពេញ បានបើកសវនាការ ផ្តន្ទាទោសលោក សេង គុណការ ឲ្យជាប់ពន្ធនាគាររយៈពេល ៦ ខែ និងពិន័យជាប្រាក់ ១ លានរៀល ពីបទផ្សាយបន្តព័ត៌មានប្រមាថថ្នាក់ដឹកនាំជាតិ តាមមាត្រា ៤៩៥ នៃក្រមព្រហ្មទណ្ឌថ្មី។
ចំពោះការបង់ប្រាក់ពិន័យ ១ លានរៀល ស្មើប្រមាណ ២៥០ ដុល្លារ ត្រូវបានលោក អំ សំអាត លើកឡើងថា លោក សេង គុណការ មិនទាន់បង់ប្រាក់ពិន័យនោះទេ ដោយរង់ចាំសេចក្តីបង្គាប់ពីសាលាឧទ្ធរណ៍៕
2 comments:
What a travesty of justice! He looked real thin. I don't think they treated him well in prison. He didn't do anything wrong.
This is Hun Sen's regime, no tolerance of criticism. He fabricated things to arrest this innocent man who just wanted to share information.
Post a Comment